تجمع أصََحآب آلََعمليْآت آلجرآحيْ?َ للتنحيََْف

شو يا حلوات ........... وين غاطسين........... عبرونا شوي ........

جمعة مباركة

*QataR*;10454479:
هوب اند دريم

مشالله 20 كيلو حلو

بس كيف الترهل معك بتستخدمي كريمات شد ولا شنو بالضبط تسوين

هلا أختي

ايه الحمد الله 20 كيلو حلوة وفرقت معاي كثييييير وان شاء الله عقبالكم كلكم يارب

بالنسبة للترهل الى اآن ماشي الحال وماحسيت بترهل غير في يديني ,أنا من الأول أعاني منهم أنهم مليانات ,بس باقي جسمي عادي لأني أسوي رياضة بس صارلي شهر قاطعة الرياضة بس برجع لها ان شاء الله على الاسبوع الجاي لما أخلص صيامي

*QataR*;10454505:
بنات انا ماقدر اخذ هوا كثير يعني لو ابغى اتثاوب ماقدر هل هذا طبيعي ولا

ومتى تبرى جروح العمليه

انا ماحط شي ع الجروح الدكتور ماوصف لي عادي ولا لازم اضع شي

وضعك طبيعي ,لا تخافي
عشان الجروح الداخلية الى ما تلتئم ,الجروح يبيلها 12 يوم الى 15 وتبرى ان شاء الله
أنا بالنسبة لي دكتوري كان واصفلي مرهم أحطه على الجرح والمسحة الطبية ,بس يمكن يفرق من دكتور للثاني
ممكن تسألي دكتورك

*QataR*;10454525:
هوب

روحي لوحة التحكم وبتلقين التوقيع ان شالله

ايه لقيته , مشكورة :)

*QataR*;10454535:
بنات والله تمللت من السوائل الدكتور قالي شهر سوائل واسبوعين مهروس وانا برجع العمل قريب واحس بتعب السوائل ماتعطيني حاجتي وكله دايخه واعصابي فوووووق

ياعمري ,بس كثير شهر سوائل ,أنا كان قايلي الدكتور اسبوع سوائل شفافة واسبوع سوائل كثيفة واسبوع مهروس واسبوع أكل مقطع صغييير يعني مهروس نوعا ما وبعد الشهر اكل عادي بس شوي شوي واخذ وقتي بالأكل

بس أكيد كل دكتور وطريقته ,بس اختي ممكن تشربين حليب أو لبن اذا صرتي بالاسبوع الثاني وببطئ وان شاء الله ماعليك الا العافية

استشيري طبيبك

سعادة حزينة;10454640:
يا حيا الله بأهل السعودية ........... أهل بيت رسول الله صلى الله عليه وسلم .........

مسقط رأسي ومكان ميلادي ..............

بنتي مرة سألتني ماما وين انولدت قلت لها السعودية فقالت يعني إنت سعودية قلت لها لأ قالت ليه بتضحكي علي إنت سعودية ......... قلت لها إنت ليه مصممة إني سعودية قالت لأنك قلتيلي إني أنا أمريكية لأني انولدت في أمريكا معناته إنتي سعودية لأنك إنولدت في السعودية ...........
والله وجهة نظر فظيييييييييييعة .........

خلتني أصفن مع نفسي وأفكر كيف الاستعمار قدر يخلي أولادنا يطرحوا علينا أسئلة ما نعرف نجاوبها ولو جاوبنا راح يعتقدوا أولادنا والجيل القادم إنه الغرب احسن من العرب .........


الله يجيرنا من شي أعظم ..........

ههههههههههههههه ,الله يحيك حبيبتي ,بسم الله عليها بنتك ذكية وتعرف تحاور

الله يحفظها لك

سعادة حزينة;10455044:
عشان مو شايفتلك توقيع هلأ انتبهت على وزنك الجديد .......... ما شاء الله تبارك الله ...... الله يهنيك بجاه الحبيب المصطفى ......
كيف الوضع؟ مبين عليك ؟وكيف ردود الفعل من الناس ؟
قليل ما نحكي في هالموضوع مع إنه أحلى موضوع نحكي فيه بعد المعاناة ..............
ترى 20 كيلو يفرقوا مع الوحدة .......... خبرينا ....

ايه والله الحمد الله,شكرا حبيبتي ,الله يبارك فيك وعقبالك انشاء الله:) ,كل شي مع الوقت والصبر يجي ,أشكر ربي ليل نهار على هالنعمة اللي انا فيها واني تداركت نفسي قبل فوات الأوان

وضعي تمام الحمد الله وطبعا أكيد مبين علي بس بالنسبة لي أنا شفت هالوزن في خلال الخمس سنوات الماضية بس لو صرت 89 بتكون نقلة نوعية لي لأني ماشفت الثمانينات من 10 سنوات تقريبا :confused:

الناس كلهم ملاحظين وخصوصا البنات اللي معاي بالشغل ,كلهم انصدموا لما رجعت من الاجازة اني نحفانة توهم يستوعبون :D

الحمد الله على كل حال ,خلص تقريبا نص المشوار باقي النص ,شدوا الهمة معاي

سعادة حزينة;10455059:
لازم حبيبتي يكون مر على الخمسين مشاركة شوية وقت ما بعرف بالضبط 24 ساعة ولا أقل على كل روحي على خيارات في لوحة التحكم وتلاقيه إن شاء الله ............


بدنا توقيع تحفة ..

(y)(y)(y)

ماشي الحال حبيبتي ,خلاص طلع , ان شاء الله يعجبكم :)

(دلال);10455201:
يعني من الاربعا اللي فات لليوم خفيت كيلو , هو شوي لكن احسن من لاشي

نظام اكلي اني قاطعه النشويات والسكريات والدهون ومحوله على اللو فات

طبيعه جسمي نزوله بطئ , انا متقبله وضعي الحمد لله

يبي لي وقت اطول عشان انزل وزني , مب مشكله احسن من الزيادة

زين الكيلو يا دلال ,ان شاء الله كل اسبوع كيلو

أنا نظامي تقريبا مثلك بس النشويات مو قاطعتها بس اخذ منها نسبة صغيرة باليوم

(دلال);10455275:
امين يارب وعقبال 95

بالشغل ملاحظين اني نازله والكل يقول لي , مااظنهم شاكين فيني لاني دايم اخف لكن مااحافظ


كذا مره نزلت وزني و مثلا ممره كنت 119 ونزلت لل 104 , فهم متعودين اني مااحافظ

لكن هالمره غير

ومااظنن بيشكون لانه صار لي تقريبا شهرين من قبل رمضان ما نزل وزني بعكس اللي يسوون عمليات


محد يدري بالعمليه الا امي واختي واثنين من اخواني

حتى اقرب صديقاتي ما يعرفوووووووووووون

هذا سر حبيبتي مب لازم نخبر حد عنه

أحسن شي ان محد بيشك ان النزول بالوزن وراه عملية ,لأنه نزول طبيعي ,وأحسن شي السرية بالموضوع لأنه مارح تخلصين من لسان الناس اذا مانزلتي بسرعة ,بيقولون مسوية عملية وبس هذا اللي نزلته ,فأحسن شي كتم الموضوع

حتى أنا اللي يعرف موضوعي بس أمي وأبوي واخواني 2 وبنت خالتي لأنها قريبة مني وكاتمة سري :)

سعادة حزينة;10455925:
يا صبايا اليوم لما ضيقت شربت كاسين ماء عند الدكتور وفي البيت فنجان قهوة وحاسه إنه في خروف في بطني ..........

أيوه هيك حسيت في فرق ............. حتى حاسه إنه يمكن ما اقدر أخد نفس عميق .... على كل حال ناويه بكره إن شاء الله أصوم وأشوف كيف مستوى الجوع بعد التضييق التاني .... مع إني هامله هم العطش خاصة إني ما بسكت في محاضراتي بس يالله بعتبره رمضان وبيعيني الله ......... بلكي ربنا قدرني وخلصت القضاء في شوال كمان ......... يا رب

ممتاز سعادة , ان شاء الله تبدي تنزلي احسن وبعد التضييق الثالث حتحسي بالفرق أكثر بعد
والله يسهل عليك الصيام ,والله حتعدي عليك الأيام بسرعة ومارح تحسي فيها ,انا ان شاء الله باقي لي يومين وأخلص صيام الست

*QataR*;10462126:
بنات انا الدكتور قالي شهر وبعد ماقلتو لي اسبوعين رحت اتاكد من الورقه اللي عطاني اياها وفيها التعليمات اطلعت شهر مش اسبوعين يمكن كل دكتور له وجهة نظر خاصه فيه

انا ماحتي وضعي الحين احاتي بعد مارجع الشغل شلون بركز يعني الصبح بشرب حليب بس ع 10 شاسوي اكيد بجوع

وانا متوكله على الله ومرتاحه كل ماشفت الوزن نزلت تشققت واهم شي ريلي لاحظ وقالي ضعفتي مشالله


والله يصبرني واكمل هالشهر على خير

بكره موعدي عشان يفكون لي الغرز بس سؤال هل بيكون في الم ولا والاسبوع اللي بعده بيكون موعدي مع الدكتور


طيب بنات انتو متى كان اول تضويق لكم انا الدكتور قالي لازم يمر شهرين ع العمليه عشان اضوق


يالله تعالو سولفو معاي ^_^

مايخالف حبيبتي ,كل دكتور وله طريقته ,لا تحطي موضوع الأكل في بالك ,حطي كل جهدك في السوائل ونوعي منها كل ساعتين اشربي شي وان شاء الله تتسهل معاك وبتشوفي نزول حلو هالفترة

شيل الغرز مايألم ,لاتخافي ,مارح تحسين فيها ابد

أنا ضوقلي الدكتور بعد العملية بشهر ,بس ضوقلي شي بسيط

*QataR*;10462234:
الحمدلله صليت ورجعت


بنات انتو ي اول شهر شكثر تشربون ماي هل كاس ولا كوب ولا بيالة شاي ولا فنجال

تخيلو انا من سويت العمليه ماشربت ماي بس عصاير والسبب

ان اشرب الماي في فنجال وكل شربه لازم انتظر 5 دقايق وانا بروحي ماحب الماي يا اشربه مره وحده يا بلاش

عطوني من خبرتكم

في اول شهر كنت اشرب كل كاس مويه في ساعة تقريبا بس احاول اني اشرب في اليوم 6 كاسات بس جاني جفاف لأن الكمية كانت قليلة والجسم كان محتاج سوائل أكثر

بس المويه ضروريه أكثر من العصاير ومافيها سعرات حرارية
اذا شربتي عصاير تاكدي انها فريش ومافيها اضافات او سكر
واشربي طول الوقت نعناع وينسون مفيدين للغازات , والحليب بعد زين

(دلال);10462970:
سووووووومه

مشكووووووووووره حبيبتي , ماابا اشوف ال3 ارقام

راضيه وصابره,,

تصدقون بنات مرات افكر الحين شكلي مقبول حتى لو وزني عالي

يعني لازم نتحمل ونصبر اكثر ,,

اذكر وحدة من البنات الله يذكرها بالخير كانت كاتبة ( كيلو وكيلو حينقص الفيلو )

ان شاء الله دلال بنوصل للي نبيه بالصبر والمثابرة , وربي مايضيع تعب أحد
حلو الشعار هذا ( كيلو وكيلو حينقص الفيلو ):tongue:

سعادة حزينة;10463566:
سي
اليوم صمت والحمد لله .........

أفطرت كاس ماء ......... كاس عصير ............ صحن شورية ماجي كبير .......... حسيت إني فل ..........

للأسف ما عندي تمر وبنفس الوقت كنت خابفة أجيب تمر وأغص فيه ....... حتى الشوربة والماء كنت أشربه شوي شوي من خوف أغص فيهم ..........


المهم بعد تقريبا ساعتين جعت ..... أكلت صحن متوسط جدا معكرونة .......... كنت أمضغ جيدا قدر الإمكان ........... والحمد لله ما غصيت .......... بس طول الأكل وحالة من الخوف ماسكتني إني خايفة أغص .......... الحلو بالموضوع إني حاسه نفسي فل .......... فنجان قهوة صغير .... العديد من كاسات الماء ........... والله عن جد بتعامل مع الماء كأنه عصير رايحة جاي أعبي من هالكوولر ....... أصلا لو ما عملت هيك راح انسى نفسي ويمر اليوم وما أشرب .....


هلا أنا حاسة حالي فل وبصراحة مرتاحة لأني الفترة الماضية كنت اكل اشياء اكتر بكتير من هيك وما احس نفس احساس هلا ............ الحمد لله دايما وابدا .........

ماشاء الله ممتاز ,الله يتمم عليك صيامك بخير

سعادة حزينة;10463591:
مونساااااااااااااااااااااااف


سلام مربع على العراق وأهلها ..............

يارب تكوني مستمتعة بإجازتك وما يمر عليك أي شي يضرك .............

ان شاء الله تكون أمورها تمام ,والله لها فقده , ومكانها فاضي بينا

الله يرجعها بالسلامة

سعادة حزينة;10466049:

English: Good Morning

French: Bonjour

Italian: Boungiorno

Spanish: Buenos Dias

Germanic: Gutan tag

Japanese:hayoogozaimasu

وبأحلى لغة

صباح الخير يا عسولات

صباح النور والسرور عليك حبيبتي :)

(دلال);10473797:
السلام عليكم ورحمه الله وبركاته

جمعة مباركه لاتنسون الصدقة

وعليكم السلام ورحمة الله وبركاته

جزاك الله خير حبيبتي

*QataR*;10473977:
هلا دلوله

اي هو يدري تدرين في اخر لحظه ماكان بيسوي لي العمليه على اساس الدم نازل بس انا حاولت معاه لين وافق

وصرف لي شراب حديد بس تعبني والحين موقفته لي 4 ايام لان الحديد لازم ينخذ على معده مليانه وانا بس سوائل فهيج لي المعده وسبب لي مثل الحارج عشان جي كنت احس بيوع الحين وقفته والحمدلله احسن صرت وقلت اذا بديت فالاكل برجع اخذهم

الله يعينك اختي ويرفع عنك ,ان شاء الله لما تبدين تاكلين يتحسن وضعك مع العلاج ,أجر وثواب ان شاء الله

سعادة حزينة;10474768:
شو يا حلوات ........... وين غاطسين........... عبرونا شوي ........

جمعة مباركة

اهلا سعادة , علينا وعليك ان شاء الله
موجودين بس تعرفي كل وحده ووقتها :)