شلون تنظمين يومج

(f)Remation(f)

هلا والله لالا هذا الكلام ما يمشي عندنا الي يدخل الموضوع لازم يتقيد بالنظام ههههه

خلج ويانا و استفيدي من البنات

والله يساعدج صراحة الأولاد يعفسون حياة الم فوق تحت الله يخليهم ويهديهم

مرحبا حبيباتي الشطورات الأمورات أحب أشكر الأخت أغو على سؤالها عني وهذا دليل متابعتها الموضوع بس أنا تأخرت في متابعة الموضوع لأني كنت ببيت أهلي نايمة كم يوم واليوم رجعتلكم يا حلوين


(f)nawrrs(f)

مشكورة أختي على مشاركتنا تجربتج و بعد يظل الاستيقاظ مبكراً الرقم الأول في تنظيم اليوم

ألف شكر


(f)الاسطوره المحطمه(f)

هلا و الله شكلج شقردية وهابه ريح ما شاء الله كنتي تشتغلي في بيت زوجج الله يعطيج العافية ولا يضيع لج تعب


(f)ملك ومالك(f)

معقوله تصحي الساعة 3 لالا هذا الشي مرفوض رفضاً قاطعاً لازم نبتدي في القعدة من وقت ونشوف شلون يصير اليوم و خلينا نبتدي من بكره كل وحدة يا بنات تبجر شوي في القعدة ونشوف شنو الي يتغير ونخبر بعض



(f)ago(f)

مشكورة يا الغالية عالتواصل معانا
شكلي بسوي لي نظام مثل نظامج وبخبركم عنه برد منفصل والليلة رتبت المطبخ و الغرف من الليل علشان اذا قعدت الصبح يبقى علي الكنس و المسح بس هاذي النقطة مفيدة الترتيب قبل النوم بخليها في اولوياتي

و ألف شكر للإفادة



(f)القطة الحزينة(f)

هلا حبيبتي وفعلاً مرة جربت هاذي الطرقة وكانت مفيدة جداً بس أنا ما أتم على نظام معين دائماً أهب في الشي بعدين أكسل عنه

اهلين

مشكورة اختي على الموضوع المميز

وحلو ان كل وحده تستفيد من الثانيه

بنسبة لي انه ماعندي اولاد للحين ادعو لي بالذرية الصالحه بس ان شاءالله بعد مااتخرج:tongue:

اول شي انه ماحب العطله لانه تخربط حياتي فوق تحت ويكون البرنامج مخربط وكل يوم شي

بس بما ان خلاص ابتدا الدوام بالجامعه كل شي بيرجع مثل قبل

اول شي اقعد الصبح يعتمد على وقت المحاضره على طول اسبح وارجع البس وارتب الغرفة

على السريع واروح الجامعه ارجع الظهر او العصر يكون زوجي رجع من الشغل وانزل تحت بيت عمي لاني اكل معاهم اخذ لنا الغدى واركب فوق لانه مسكين ينتظرني بعد الغدى اغسل المواعين وارتب الشقة بس مو بشكل يومي لاني ماعندي اولاد يعفسون الشقة ويوم الي ماعلي تنظيف على طول انام شوي للمغرب طبعا اصلي وكل شي واذا بنتعشى بالبيت ادخل المطبخ ويبتدي الشغل واعسف المكان بس على طول اغسل المواعين لانه ماحب يتراكم علي بعدين يكون صعب التنظيف بس الحمدلله اكثر اياام الاسبوع نشتري من برا وهاي البرنامج ينعاد كل يووووووم

مااافي برنامج غير لانه الجامعه ماخذه كل وقتي ويمكن لانه ماعندي اولاد للحين:)

وان شاءالله استفيد منكم بتنظيم حياتي اكثر والي عندها اقتراحات تقترح علينا ملينا من الروتين خخخخ

تحياااتي..

أحس يومج متعب صح؟ الجامعه تتعب و حتى لما ترجعين تحسين فيج النوم لين ما تنامين في الليل صح؟؟
الله يساعدج يلا صيري شطورة و خلصي بسرعة و الله يعينج صدق ما في وقت لا للبيت ولا غيره بس هالله هالله في ابو الشباب دلعيه أيام العطل :wink:

(f)أريج المحرق(f)

مشكورة حبيبتي على المشاركة و أشوه عندج خدامة أمج مريحتج والله كانت علوم صح :wink:



المهم بقول لكم عن روتيني اليومي لعيون الأختago ومثل ما طلبت

صراحة يومي ما أقدر أسوي فيه أشياء وايد لأني ما أصحى من وقت يعني على 11 وساعات امصخها شوي اذا زوجي في الدوام

أنا من طبعي أحب المكان مرتب ومعدل بس كسووووله ههههههه أمي علمتنا من كنا عندها بالبيت كل وحده لها شغلها من تقوم من النوم توزع الشغل يعني مثل باب الحارة هههههههه
ويوم الخميس تنظيف شامل مساكين احنا يوم عطلتنا تنظيفات الناس تطلع اولادهم تونسهم ، تعالوا يا بنات هالجيل شوفوا:cool:

شكلي من كثر الشغل في بيت ابوي صار عندي كسل وملل في بيتي مع ان المفروض العكس هو الصحيح

بس انا من تزوجت سيده حملت وتعرفون تعب الحمل و ولد صغير بالبيت ما يخليج تقومين عنه فما كان عندي وقت للشقه أبداً بس ما كان عاجبني الحال لأني متعودة ع النظافة فكان زوجي يساعدني مسكين

المهم لما كبر شوي ولدي صارت عندي حملة شرسه على الشقة كل يوم برنامج وكل يوم جدول و أنظفها تنظيف بس أرجع أخرب كل شي لأني صعب اتقيد بشي معين لأن مشكلتي الأولى و الأخيره هي

المزاجيه

أنا مزاجيه بشكل فظيع يوم تشوفوني هابه ريح وما يقعد زوجي من النوم الا و يلقاني فوق الثلاجه هههههههه انظف تخيلوا المنظر ويوم متملله وعندي اكتئاب ومو حابه اشتغل و عاد احنا الحريم اكتئاب قبل الدورة وخلال الدورة و دايما ً مشينين النفس ههههههه


بس الحين اعلنت الحرب أما الإنتصار أو الموت الزؤام(6)


وفتحت هذا الموضوع و الحمد لله استفدت من تجارب الكل و سويت لي جدول وابتديت فيه من اليوم<<<<انزين الزبده وين الجدول



مللتكم وقصيت قصة حياتي و أنا ما قلت لكم المهم بس انتظروني بعدين

والله مو نذالة بس ولدي يبي فواكه :tongue:

me coming back :D
عدت والعود احمدي عشان اكتب لج شنو الروتين الي راح امشي عليه ..بعد بكرة العودة للعمل :confused: .. مع انه وحشني بس قعدة البيت احلى :confused:

تيب (a)

نظامي كالاتي ..

طبعا السنة ما راح اسجل اولادي بأي حضانة خوفا من المرض المنتشر يعني ارتحت من سالفة لبسي وعدلي ورتبي الاولاد الصباح :D

6:00 الصباح : اول شي اسويه اجهز شنط اولادي "ثياب - حفاظات - فوط - بسكوت مينو جبس عصير - حليب يوسف -رضاعات"يعني مستلزمات قعدتهم في بيت اختي لاني اخليهم عندها ..

06:30 اصحي زوجي عشان يقوم يتجهز وساعات اصحيه وقدام يتجهز اجهز الشنط :tongue: هذا اذا طولت بالنوم :tongue:

07:00-07:20 يشيل زوجي اولاده وهم نايمين طبعا .. وينزلهم ببيت اختي وهو رايح على شغله ..

07:20 على الحمام تكرمين توووووووووووني اغسل وجهي :tongue: ما حب اغسله اول ما اصحى :tongue: غريبة صح :tongue:

07:30 اصلي الصباح قضااء :o كالعادة طبعا :o .. وبعدها مباشرة اطلع البدلة الي بلبسها لاني على المود البس اذا مودي حلو لبست حلو واذا مودي :ss: لبست :ss: ومن عادتي اطول وانا اختار الثياب يعني اسمر عند الكبت واقعد افكر واتفاكر شنو ممكن يخليني مرتاحة اليوم :cool:

07:50 اكون قررت وضبت اموري مع انه في احتمال بعد 5 دقايق اغير رايي وارجع البدلة واطلع غيرها :tongue: بس اذا اوكى على هالوقت اكون بديت احط الميك اب :cool:لما اخلص الميك اب كامل البس الثياب الي رست عليهم المناقصة واغير الشنطة على ما تناسب الثياب او اني البس الشنطة العامة الي تناسب كل الثياب (a) واتعطر

08:10 ارتب السرير غرفة نومي واروح غرفة عيالي ارتبها اذا ما رتبتها بالليل قبل ما ينامون واشوف الصالة اذا فيها شي يحتاج ترتيب سريع ..

08:20 اطفي مصابيح البيت كلها واخلي مكيف واحد شغال اما غرفة نومي او غرفة اولادي او الصالة عشان يرجع زوجي الظهر ويكون المكان بارد عشانه :o

08:30 كل شي تمام افتح الثلاجة وانا ماشية اذا فيها تفاحة او كمثرى او عصير حق الطريق بالسيارة للشغل :wink: واسحب معاي الجوتي تكرمووون وانا نازلة ..

08:35 اصبح على عمتي ام زووجي لاني ساكنة معاها وادردش معاها شوي وانا البس الجوتي :o

08:40 انا بالسيارة اشغلها واطلع بلا تصخين بلا بطيخ تأخرت على دوامي خخخخخ

09:00 توي واصلة الدوام ومتأخرة نص ساعة وهذا طبيعي بأول أسبوع رجعتي بس الاسبوع الثاني ابتدي انتظم عدل واكون بشغلي على الساعة 08:30 بالضبط :wink:

03:30 ينتهي دوامي هذا اذا ما طلع شي طارئ وتأخرت لي بعد شوي :ss: .. بس هالحزة دائما اطلع ..

03:45 انا وصلت بيت اختي .. انزل الملم اغراض اولادي واسلم عليهم وساعات اقعد اسولف شوي بس اغلب الوقت اخذ اولادي وانطلق البيت :wink:

04:30 تقريبا انا بالبيت .. احيانا ابطالي ينامون بالسيارة واحيانا قاعدين كأنهم نواين علي بأني ما انام :confused: اذا نايمين اشيلهم من السيارة واصعد فيهم :confused: واحط بأسرتهم واذا صاحين بس يسااف الي ينشال :D

04:45 احط النايم بسريره واذا قاعدين اجهزهم عشان ياكلون عني غداي :ss: اقصد ياكلون معاي في غداي :confused: لاني ما اتغدى بالشغل ومسوية رجيم

05:00 خلصت الغدا .. تجي الشغالة وابتدي اعطيها التعليمات :D حق ساعة شغل .. طبعا كل يوم تجيني ساعة وكل يوم شي غير بس الاساسيات الي ممكن تتكر يوميا هي الحمام والصالة تبتدي اول شي الحمام .. وانا اظفف في الصالة واوزع اغراض اولادي بخزاينهم واجمع الثياب الي تحتاج غسال

05:30 اصحي زوجي عشان يقوم يروح الرياضة :wink: ... تكون الخدامة خلصت الحمام .. يطلع زوجي ويكون سكر مكيف غرفة النوم وفتح الدرايش عشن يتغير جو الغرفة .. الحين الخدامة تكنس الصالة .. اذا اولادي نايمين فمن حظي وما اذا صحين فمن حظ الخدامة لان يوسف يحبها وكله يلعب معاها وهي مستانسة عشان تطوف الساعة باللعب (6) بس عاد على من على درو الشريرة :mad: ما تشوف الا ذيك الزمرة وترجع الشغل :tongue: وبعدين تبتدي بمسح الارضية والاثاث :wink:

05:45 اشغل الفحم الصناعي واخليه يولع كامل براحته .. واجهز لي ثياب اذا بطلع مع عيالي مكان او ثياب حق البيت اذا ما فيني شدة اطلع مكان .. يكون اذن المغرب والعشا وصار وقت الصلاة

06:00 تحط البخور عشان تتبخر غرفة النوم .. واحط في حلج ولدي الرضاعة عشان يرضع ويلعب بسريره واسبح على راحتي .. واطرش النوفة اما تحت عند جدتها او اخليها مع اخوها تلعب .. الخدامة هني راحت .. وانا دخلت اسبح ..

06:45 خلصت سبوح وتبديل وحطيت الميك اب البسيط للطلعة والثقيل للبيت :tongue:.. بدلت وصرت جاهزة اما للتلفزيون او للطلعة .. الحين ابتدي اجهز ثياب اولادي .. وفي كل الاحوال البسهم كشخة ..

07:00 دخلو الحمام واسبحهم وخليهم يلعبون بالماي شوي بعد .. وفي هالاثناء زوجي يكون رجع من الرياضة ..

07:15 اطلعهم والبسهم واعدلهم واقعد معاهم بالصالة العب معاهم وابدل بين قنوات التلفزيون اذا في شي حلو نطالعه .. واغلب الاحيان مسلسلات عربي او كرتون لنوف .. يكون زوجي يسبح ..

07:45 يجي زوجي ويقعد معانا يلعب مع اليهال ونسولف وندردش ونسأل بعض شنو مشاريعنا الطلعة للليلة :cool:

09:00 يطلع زوجي يروح القهوة للشيشة "ضرتي" .. ونا اذا بطلع اقوم اتجهز واطلع مع عيالي والمشوار معرووف اما بيت ابوي او بيت اختي الكبيرة ماكو مكان غير :ss:.. اذا طلعنا يعي البيت راح يتم نظيف واذا قعدنا يعني انا بشتغل ورا اولادي الملم واعدل عفستهم باللعب :ss: ..

09:00 -12:00 اذا احنا بالبيت قاعدين انا وعيالي لعب وتلفزيون وانترنت خخخ ... وبعدها الكل على الفراش ينام ..اما اذا طلعنا فنروح بيت ابوي او اختي نعفس لهم ونغربلهم ونرجع الى الساعة 11 ونص وارجع اصف اغراضهم وانيمهم ..

هذه هو نظامي الي راح يصير بعد الاجازة .. بس في شغلة غسال الثياب ..
غسال الثياب اما يكون رجعتي من الشغل يوم الخميس ليلة الجمعة او يوم الجمعة الصباح :) ويوم الجمعة والسبت اجازة فيصير فيها التنظيفات الداخلية يعني استلم خزانات اولادي واعدلهم او ادراج البيت كلها ارتبها من عفسة دعس ولا تدعس طول الاسبوع او اغسل الثلاجة :D متعتي غسال الثلاجة .. ولله الحمد الله منعم علي وعندي مجففة ريحتني من عذاب اني اغسل وانتظر الثياب تجف خصوصا اني ما انشرهم بالشمس .. بس الحين من حوالي السنة وشهرين من اشتريتها ارتحت وصرت اغسل الثياب وعلى طول بالمجففة وبعدها اصفطهم عدل واصفهم بالكبت والي طلع مرتب ومكوي على طول التعليق واجمع ثياب اللاندري للكواي لاني مستحححححححححيل اكوي واضيع وقتي على كواي وكسار ظهر :tongue:..

وشغلة مريحة عندي بعد اني ساكنة ببيت عمتي يعني ما تصير عندي عزايم الا للشديد القوي يعني بوالدتي بس وحتى زيارات اهلي لي خفيفة عشان ما يتضايقون المكان صغير فأنا الي اروووح ازورهم :D عشان نغير جو ونعفس بيتهم :tongue:وهم الطباخ اليومي من غدا وعشا ما احاتيه لان عمتي طول الله بعمرها هي الي تطبخ وتخلي لي على صوب لردتي من الشغل واولادي يتغدون ببيت اختي والعشا اما شي خفيف لاولادي او شي من برا وانا ما اتعشى لان غداي هو عشاي :tongue: وزوجي يتعشى على المووود

انا طبعا اقول الله يساعد كل وحدة دخلت وكتبت يومياتها خصوصا الي تشتغل او تدرس وعندها عيال وبيت كامل ..لان بصراحة الشغلة يبيلها امرأة الية ..وانا شرطت على زوجي اذا كان يبيني اشتغل واساعده بالحياة وصعوبتها هو بعد يمد يده ويساعد بشغل البيت وتربية العيال من غير تذمر والحمد لله يساعدني بس من جت الشغالة بو ساعة وانا ما اشوف منه الا ترتيب سرير غرفة النوم :ss: قبل كان يساعد بأشياء اكثر ..

شفتي ان ما عندي نظام كله على التغيراات الي تصير وشفتي اني يوم بنزل نظامي بحتكر الموضوع لي :tongue: مثل قناة الراي كل شي حصري :tongue: وبهذه المناسبة خليت الخط يصير اصغر عشان ما ياخذ ردي صحفة كاملة بالموضوع :ss:

واشكر لكم الساعة الي قعدتووون تقرأون فيها ردي وعلى حسن قرأتكم :o
وشاكرة لج الموضوع الي يسبب الهذرة ويعطي الفرصة لكل هذارة مثلي انها تهذر .. وعشان ماتهدديني مرة ثانية بالرسائل الخاصة :tongue::tongue::tongue:

واعذروني على الاخطاء المطبعية لاني مستحيل ارجع واقرأ واصلح .. وجعني راسي وانا اكتب قصة حياتي :tongue:

(f)درة البحرين(f)


هلا بالي لفانا يا هلا به<<< شفتي مدلعتج:tongue:

مشكورة ع المرور و تكسير يدج بالكتابة وصراحة استمتعت و انا اقرا نظامج مع ان ما فيه نظام ولا قاله الله(6)هههههههههههههههههههههههه لالا امزح


بس لو تجهزين أغراض اولادج من الليل و تختارين شنو بتلبسين مو بتوفرين وقت

وتعالي هني ليش الصلاة قضاء وتعترف بعد:mad:

درة في وين تشتغلين<< لقافة




(f)اللؤلؤه السوداء(f)

هلا بالطش والرش وماي الورد في لغرش هههههه

مرحبا بج معانا شفتي عاد درة مو عسل ما شاء الله عليها

وانتي بعد وين تشتغلين؟؟

كأن ما عندج عيال صح؟؟ مافي عيال= ما في شغل متعب

وترى ننتظر تجهز شقتج بفارغ الصبر

والله يهنيكم فيها مقدماً