شلون تنظمين يومج

اشلونكم مع التنظيف ؟؟

اقول ليكم يومياتي :025:

اقعد الصبح تقريبا عالساعة خمس ونص ، أصلي واقار قران واسوي الريوق واقعد لعيال ابدلهم ويتريقون وعالمدرسة والروضة ،، وطبعا اني اروح الشغل ..

ارجع من الشغل وعلى بيت البابا واتغدى بيت البابا ( ماعدا يوم الخميس:094: ارجع على طول الشقة لان زوجي يكون في البيت) فليلة الاربعاء اجهز الغدى ليوم الخميس.:025:

نرجع لمحور حديثنا خخخ ،، العصر ارجع البيت اكمل واجبات الحلوين وابتدي ترتيب الشقة وتجهيز العشى وغسل المواعين لان الصبح مايمديني اكمل التنظيف .

يأدن المغرب اعشي الحلوين ووانيمهم وبعض الأوقات ( ادا عندي مزاج) العب وباهم :013:

لما يناموا ابتدي غسال لثياب والكواي وتنظيف الارضية وتجهيز أغراضهم لبيت البابا ليوم ثاني وتجهيز اغراضي للشغل ..

اقعد عالنت آخر الوقت :029: وبعدها هيا إلى النوم

عسى بس ربي يتقبل اعمالنا ويغفر لنا خطايانا

ألف مبرووووووك حبيبتي على الشقة اليديدة
والله يجعلها سكن مبارك لج ياربي

والله الحين صج بترتاحين <<<< سألي مجربة خخخخخ

الحمدلله ع كل حال

بما اني توني منتقلة شقتي اليديدة من 4 شهور تقريباً:ok:
باقولج عن طريقتي وإن شاءالله تستفيدين منها

اول شي شريت شناط ثنتين مال السفر اكبر حجم
وحطيت فيهم ثيابنا انا وزوجي وبنوتاتي وبين الثياب دعست فيهم الاشياء
اللي ممكن تتكسر عشان الثياب تحفظها

وبعدين قلت حق ((ريلي الله يحفظها لي ويهديه حق نفسه ولي )) قولو آمييين:040:
ايروح الجمعية اللي عندنا وياخذ منهم الكوارتين الفاضية
وحطيت فيها الاغراض اللي في الميز تواليت .... خبرج الاغراض اللي فيه ماتنعد
وبعدين لصقتهم عدل وصكيتهم
والاكسسوارات والمكيااااج حطيتهم بشنطهم الصغار وحطيتهم
في كارتون كبير مع باقي الاغراض

حتي الكتب والمجلات مالي حطيتهم بكارتون وصكيته

واهم شي اختي حطي في بالج
الاوراق المهمة والرسمية لميهم كلهم مع بعض وحطيهم بملف ودخليهم بالشنطة
مالت الثياب حطيهم بالجيب الداخلي عشان ما يضيع منهم شي مع العفسة

وبعد شي واااحد نسيت اخبرج فيها
ودي الاشياء اللي على دفعات عشان ماتصير حوسه وعفسة
ودي الاغراض شوي شوي
وعدليهم ولين خلصتيهم ودي الباقي ورتبهم يعني على دفعات
انا كنت اقعد من الصبح لجريب الليل وانا اعدل بس والله كنت مرتاحة
احطهم في الصالة وبعدين اعدلهم واقوم اوزعهم كل شي مكانه

والحمدلله كلشي تم على خير

صج الشغل متعب بس بسبب النفسية المرتاحة
لان اخير اً تحقق الحلم بتكونين مرتاحة

والله يسهل عليج كل امورج يارب

واتمنى انج تستفدين من تجربتي :025:

والسموحة على التطويل

جوفي حبيبتي
اللحين البرادات في كل مكان ومعظم البرادات توصل للبيت
وانتي طالعه جوفي اجرب برادة لج وخذي رقمها (( احنه في منطقتنا جذي ))
ولين طلع زوجج من البيت اتصلي بالبرادة وخبريه بالاغراض اللي تحتاجنها حق الطبق اللي ناوية تسوينه وخليه ايبهم لج للبيت

وقومي سوي شي وبيستانس عليه ولين سألج من وين الاغراض قولي له سر :085::085::085:

ومع الايام بيتعود إن شاءالله

ولين رحتي تاخذين اغراض البيت قولي له انج تبين تاخذين معلبات واشياء الجاهزة السهلة حق العشة او الغدة لانج تمللتي من اكل المطاعم ويمكن بعد بهطريقة يغير رايه

والله يوفقج يارب:025:

مرحباااا

اول شي تسلمين مسز عادل على الموضوع الحلو (مادري ليش توي شايفته)

ومبروك الحمال والله يثبته لج ويقومج بالسلامة


اممممم مادري من وين أبدي ...

ببدي بيوم الإجازة اللي هو يوم الجمعة:

أمسح الأثاث من الغبار و أكنس الشقة كلها وأمسح الأرضية بخلطتي (منظف سيراميك + ديتول + شوي كمفرت البرتقالي ) وتصير ريحة الشقة حلوة

أي ثياب يبي لها غسال احطهم في سلة الغسيل ثيابنا وثياب ولدي هو في سلة بروحه واحنا في سلة بروحنا

الحمامات اذا تعبانه اييب خدامة الوالدة تغسلهم عندي حمامين كرمكم الله واحد في غرفة النوم والثاني بالصالة (هذا أكبر همي تنظيف الحمامات)

واذا فيني نشاط انظفهم وما يتعبون لأنهم صغار

المطبخ اذا في مواعين أغسلهم .. أمسح الكبتات .. أنظف الأرضية...

خلصنا

اذا فيني قوة أشغل الغسالة واذا لا أأجلهم ليوم ثاني


بما ان دوامي من السبت للخميس أحس روحي مستنزفة

ليلة الدوام أجهز شنطة ولدي من الليل واخلي فيها كل اللي يحتاجه مرات أوديه عن الوالدة ومرات عند عمتي ام زوجي ساكنه تحتنا

أخلص من الدوام الساعة 3 يعني على ما اوصل البيت صارت 4

اخذ ولدي مع كلمة شكر وتقدير وابدل حفاظه اذا محتاج تبديل وأنيمه

في هالوقت أستغله للتنظيف ..

أشغل الغسالة بينما هي تشتغل أرتب أي شي على الأرض و اذا في صحون يبي لهم غسال أغسلهم

وبما ان كل شي منظف من يوم الاجازة فما في شي بس انسدح وأطالع التلفزيون أنتظر حضرة الغسالة تخلص

وبس أنشر الثياب وأحاول أغسل كل اللي في السلة حق أفتك

في هالوقت ريلي طالع أو في النادي الصحي

آخذ شاور وأسشور شعري وأكشخ واقعد

طبعا هالوقت البتري فيه للنص تقريبا وأوقات للربع خخخخ

شوي ويأذن أذان المغرب أصلي أنطر زوجي ايي من الصلاة أشوفه اذا بنطلع ما بتعب في العشا

واذا قاعدين في البيت أطبخ

وكل الصحون اللي استخدمها احاول اغسلها مدام الطبخة تستوي

عشان بعدين ما اتوهق ابهم

طبعا بعد الصلاة بفترة ولدي يقعد وأخليه مع ابوه على ما اسوي العشا

نتعشى نطالع التلفزيون أحيانا نلعب ألعاب خفيفة واحنا قاعدين .. ناكل فواكه .. نسولف

ما تيي الساعة 10 الا خلاص البتري مخلص ومحتاج إعادة شحن

أبدل ولدي ألبسه بجاما وأدخل غرفته أنيمه

أحيانا أنيمه وأرد أرجع أقعد مع زوجي

ومرات نتواعد ان بنطالع فلم بعد ما انيم علوي

ادخل معاه الغرفه وأرقد قبله خخخخخخخخخخ



امممممممم شنو بعد

أكره شي عندي ترتيب لثياب في الكبت عقدتي من بعد غسال لمواعين


وبعد يوم الاجازة لازم أسوي غدا


وبس .. صارت قصة :02:

اذا ذكرت شي برجع اقول لكم