شلون تنظمين يومج

لي عودة ان شاء الله حتى اكتب يومياتي ليوم الجمعة طبعا

بس رايحة اكمل شغلي ان شاء الله

بسومه بس طرشيهم بلوتوث

واذا ما عندش وتليفونش جديد الظاهر لازم تنزلين السي دي الجديد بس انتين جيكي اذا ما صار نزلي الجديد

اليوم اني قعدت متنشطه شوي

رتبت الشقه ع السريع و طلعت كومة ثياب يبون تجفيس لتكميل تعديل الكبت

و جفستهم كامل ورتبتهم ورتبت غرفة النوم ع السريع

وبكره ببدى في ترتيب التسريحه

بعدين دخلت المطبخ سويت لنا غدى على السريع كشري

وزوجي ساعدني غسل المواعين و بيكنس الشقه الحين

واني قايمه اتسبح

السلام عليكم مسوزة اليوم رحت السعدية وشفت الدراير كان مفتوح من الأمام مو من الأعلى بس ما أدري إذا فيه هوز لو لا ب 15 دينار بس بغيت أسأل فيها هوز إلي أخذتينها لأني أمبي وحدة بدون هوز ما عندي مكان أحط فيه الهوز

صباح الخير اشتقت لكم وسامحوني على الغيبة ظروفي ما اسمحت لي

هلا الكويتيه يا رب تنشغلين في الخير

أم نور

الدراير الي اخدتها مفتوحه من الأمام أحس كلهم جدي!!!!

وفيها هوز خ و افتح الدريشه

وعادي حطيتها في المطبخ و و باب المطبخ يكون مفتوح عادي

بس لما البارحه زوجي سكر عليها باب المطبخ صارت رطوبه ع الأرض ففتحت الباب و البانكه على خفيف يعني يبي ليها تهوية وبس


إذا تبين بدون هوز روحي جيان أو إي ماكس بس السعر أغلى ب 60 دينار تقريباً

شخباركم
وحشتوني صار لي جم يوم مشغوله اخر الشهر اندبح في تقفيل الحسابات في الشغل
يعطيكم العافيه وهلا بالجدد

مسوز وش ها اللي ماخدتنه؟؟؟؟ دراير اول مره اسمع عنه عرفوني ابه يمكن افيدني
ادري كل شي ابغيه

ilshj الدراير مثل الغسالة بس ما يغسل الثياب يجففهم يعني ما يحتاجون حق تنشير من الدراير إلى الكبت

وين هالغيبه ؟؟؟

جفافه أو نشافه

قلت لش عنه من قبل بس قلتي ما عندي مكان

مسووووووووووووووووزة انا النشافة الي عندي شاريه لها جهاز عبارة عن بوكس تحطين فيه الهوز عالشان ما يسوي رطوبة بالغرفة شريت البوكس بعشرة

بنات ما حطيتوا لنا صور

أغلب اللي تكلموا ربات بيوت

شلون ننظم وقتنا احنا اللي نشتغل؟؟ خصوصاً إذا الدوام للساعة 3 أو 4

ألحين ما ألحق لأني أرد من الشغل وعلى طول أرتب السرير لأن ما يمديني ارتبه لصبح رغم اني اقعد من 6 الصبح بس على تحضير الريوق وريوق الشغل ولبس الملابس ضاع الوقت!
أرتب السرير لين رجعت من الشغل.. وأشوف اشوف الحجرة والصالة إذا يحتاجون كناس اكنسهم
وعلى طول على المطبخ عشان اطبخ لنا غداء متأخر (لا هو غداء ولا هو عشاء) وهي وجبة وحدة في اليوم اللي نقدر ناكلها!

وبس اخلص على عفسة غسل المواعين وتنظيف المطبخ

والحمام عزكم الله انظفه مرة وحدة وانا اتحمم لأن ما يمدي

أما غسل الملابس فيكون من يوم الخميس على تقسيمات الملابس.. الملون بروحه... الثقيل بروحه .. مال الشغل بروحهم ويصيدني مليون تقسيم لهالملابس لأني ما اضمن يصيدهم شي او يختربون
والكوي يوم السبت والجمعة الصبح

ما اقدر أسوي شي زود... خاطري انظم اكثر ويكون الموضوع عندي مريح وسهل خصوصاً أن ما زلت أرتب في شقتي واني عروس جديدة يعني توني شهرين! وللحين ما تعودت على الروتين وما كملت شقتي من تجهيزات

الويكندات ارتباط ببيوت العائلة من بعد الظهر ويضيع اليوم كله وجان في شوبنغ واغراض البيت نروح السبت مع بعض!

الشي اللي متعب أن من ارد من الدوام ما ارتاح على طول على شغل البيت وما يجي وزوجي على حدود الساعة 8 ونص الليل إلا وانا هلكانة! وما اقدر اريح لأن إذا ريحت بتصيدني مشكلتين.... ما بقدر أكمل شغلي وما بقدر أرقد في الليل ويتضاعف عندي التعب!

مسوز ما كنت ادري ان سمها دراير:02: انزين اي قد اهي شنو حجمها ؟؟؟؟
اذا تناسب باخد لي مو مهم سعرها حجمها اذا صغيره اوكوش


اورانه اني اشتغل:013: مستانسه على عمري شوفي برنامجي ما عندي طبخ الا العشيات

طلعتين بياعه خيو بالتوفيق انشالله

هلا حبيباتي انا يومي يبتدي من ساعة 6 الصبح اقعد بنتي للروضة ويقعد ابوها وراها اذا عليه شغل لان دوامه يوم كامل في الشغل ويومن في البيت وبعدين اذا راحت ارد ارقد مع بنتي الثانية ماعندي وقت معين للاقوم من النوم اوقات 8 -9 -10 -11 -11ونص حدي ماعندي وقت معين اسوي للبنتي فطور اذا صحت من النوم واقعد مع امي اسولف وساعات ادش النت وعلى ساعة 12 ادش المطبخ للطبخ الغدا وعلى 2 وشوي يعني ياو كلهم من المدارس والاشغال نتغدا واقعد على النت وانا مااسوي شي في البيت لان عندنا خدامة وانا ما اشتغل بس في غرفتي ابروحي اعمال غرفتي لبروحي اهيا الخدامة اتنظفها وتغسل اتكرمون الحمام انا بس لمسات بسيطة وكواي وترتيباذا عندي ترتيب كبت البنات او كواي اسويه يوم السبت اكوي للروضة وانا ملابس الطلعات والروضةاغسلهم يوم الخميس ابروحي ما اخلي الخدامة اتغسلهم وايام الويكند للاهل يوم الخميس يتجمون في بيتنا قعدة بسيطة من المغرب الين 12 الليل او ساعات بيت خالتي بعد دوار 15 وساعات بيت بنت خالي يم بيتنا وهاي اهلي انا ويوم الجمعة انروح على الساعة 8 او 8ونص بيت اهل زوجي معنه مو بعيد عنا الين ساعة 12 ونص وحدة اناسكنة مدينة حمد دوار 7 واهل زوجي دوار 10 وساعات نتجمع بيت اخت ريلي بعد دوار 3 مو بعيد وهاي يومياتي وشكرا

هاي روتيني

هلا كويتيه

شلون هالبوكس ومن وين نحصله ؟؟؟ أول مره أسمع عنه

ilshj

الجفافه مثل الغساله الأوتوماتيك بالضبط ومثل حجمها

زعفرانه

هلا و الله الله يعطيش العافيه صداق مكسلين ما اشوف احد يحط يومياته

يلا ننتظر صوره


اوريانا

هلا و الله فيش في الموضوع

انتي عروس ومحد وياش في الشقه غير زوجش يعني المفروض الشغل قليل

وما شاء الله عليها ilshj تشتغل و منظمه يومها على حسب كلامها

عندي كم نصيحه ممكن تريحش اكثر

الطبخ مدام هو وجبه بين الغدى و العشا خليه عشا أحسن يعني بدل ما تجين ركضه ع المطبخ ارتاحي شوي بعد ما ترتبين و تكنسين وبعدين دخلي المطبخ للطبخ للعشا

و سوي أشياء سريعه ما تاخد وقت ولا تستهلك مواعين واجد علشان توفرين وقت الوقفه في المطبخ

شوفي هالرابط

http://forums.3roos.com/showthread.php?t=495962

الغسيل اني عندي تقسيم الملابس بس 3 تقسيمات

الأبيض والملون الفاتح

و الملون الغامق

وصراحه احطهم كلهم خفيف وثقيل مع بعض وما يصير فيهم شي

وبس شنو بعد عندش من تقسيمات ؟؟؟

حاولي تاخدين جفافه << مسويه لها دعايه ههههه

تختصر الوقت و توفر الجهد صراحه و سيده ع الكبت ما يحتاج تنشرينهم ولا شي

و حاولي قبل ما تنامين ترتبين الشقه ع السريع و ترجعين كل شي مكانه ويفضل تكنسين من الليل علشان لما ترجعين الصبح يبقى عليش بس ترتيب السرير مع ان ما اشوف ان بيأخرش قولي لزوجش يرتبه هو مدام انتين تجهزين الريوق

وتريقوا شي ع الماشي ما يحتاج تحضير مثل الكورن فليكس


و الله يعين


hayawa

يعني شغلش بسيط مدام عندش خدامه بس متى تعتنين بنفسش؟؟


بنات خلنا نتكلم عن عنايتنا بنفسنا بعد

وين مكانها خلال اليوم ؟؟؟


بنات اعذروني اذا قصرت في الموضوع لأني تعبانه هالأيام ولا اشتغل في الشقه الا شي بسيط

مسوز يعطيش العافيه خيو ما يحتاج اندخل موضوع في موضوع لان اختنه كويتيه فاتحه موضوع العنايه والرعايه

كنسلت داير مالكم عليكم بالعافيه اللي اخدتونه
خيو مسوز اني منظمة وقتي لاني اول باول شغلي امخلصتنه ما ااجل

مسوزة يعطيش العافية

ا خخخخ من ادخل الموضوع اتعب كل شغل في شغل خخخخخ

طبعا صورت ليكم لمساتي في حجرة العيال من داك الاسبوع بس ماعرفت انزل الصور