شلون تنظمين يومج

(f)صدى احلامي(f)


هلا والله اختي يعني حالج من حالي بس محد عاطنا ويه

الله كريم

اهلين حياتي
والله انة مخربط ومخربط ومخربط
بس الله يعييييييييييييين

(f)اميرة 2009(f)


الله يعين ونلقى مين يساعدنا


(o)

(f)عسولة قلبه(f)


هلا و الله نورتي يا عسل


و الطبخ و المطبخ هو المصيبة الكبرى الي تاخذ كل الوقت


ومشكورة ع المشاركة وما قلتين لنا عن الغسيل و الكوي وترتيب الكبتات و الملابس وتنظيف الحمام


وبالعكس استفدت منج إن القعدة من الصبح أبرك



الله يعطيج العافيه

مشكورة عسولة قلبه عالإفادة حبيبتي


(f)صدى أحلامي (f)

معقوله يا حلوة لا لازم تنظمين نومج وهاذي أول خطوة و أنا بعد من الليلة بحاول أنام من وقت علشان أصحى بكير مشان الصحة هههه

يا خرابي على شغل البيت :( ما يخلص
المهم أنا أقوم مرتين من نومي راح تسألوني شلون
أو مرة أقوم الصبح مع زوجي يلبس ويتريق وروح على شغله
وعلى طول أجمع الغسيل وأحطه في الغسالة
وأرتب البيت وأمسح لغبار أكنس وأمسح الأرضيات
أغسل الحمامات وأنتوا بكرامة وأشيل لثياب
آنا الحمد لله عندي غسالة وتجفيف مرة وحدة
يعني تطلع لي لثياب جافة علي ّ بس أصفط لثياب للكبت وأكوي
بعدين أدخل المطبخ أجهز للغدا
كل هذا ياخد مني لساعه 10 أو تسع ونص قولوا ما شاء الله
لأني كل يوم أخلص أموري أول بأول فما عندي شغل متراكم
يعني بسرعة أخلص الشغل وطيران على لفراش
أنام لي الظهر وبعدين أدخل أسوي الغدا وأجهز السلطة
أخذي لي شور سريع وأنطر ردت زوجي من الدوام
أحط الغدا نتغدا وأشيله وأغسل لماعين وأنظف الفرن وأطلع كياس القمامة
لو عندنا مشوار ولا زيارة نخلصها ونرجع نعيد قصة تحضير العشى
وغسل لماعين وتنظيف الفرن وأطلع كياس القمامة
وأحمي عيالي وأخذ لي شور مريح وأرتاح على النت أو نقعد نسولف آنا وزوجي
عندي غسيل نوافذ ومراوح مرة كل أسبوعين ومسح لغبار من الأثاث كل يومين
والباقي يوميا ً جرد الملابس مرة كل موسم صيف أو شتا تشطيب للخزاين
ألحين عطلة فكل شي سهل علي ّ لكن وقت المدارس ماكو مرتين نوم
أهي صحيان مرة وحده لأني أوصل عيالي المدارس
وأرجع أسوي الشغل إلي قلت لكم عليه وأمر السبرماركت أتقضى للبيت
ولما أطبخ الغدا أرجع أخذ عيالي من مدارسهم والعصر مافي زوارت ولا طلعات
لأنه في واجبات ما عدا الويك أند نسوي لنا برنامج حلو
في البحرين المرأة خارقة وحالها حال الرجل في الكرف والتعب ويمكن أكثر
الله يكون في العون :cool:

:
أختكم لؤلؤة بيضاء

يا مراحب عليكم يا بنااات ونسوووان وحريم

وكل من بلغنا الدعاء والزيارة :D

بصراحة الموضوع وااااااااااااااااااااايد وااااااااااااايد حلووو

ويستاااهل ان الكل يرد عليه مو بس المتزوجاااات وربااات البيوت :wink:

بالنسبة لي ما كو شي ثابت بحياتي .. كل كم شهر اغير نظامي

على حسب موودي ومتطلبات الموسم الي اعيشه ..

يعني لو اقعد اكتب لكم كم نظام مشيت عليه بحصر المووضوع علي انا بس :o

طبعا هذا من طبعي الاناني في اكثر الاحيان :tongue: ..

حاليا انا ما قاعدة اعيش اي نوع من النظامات لاني بإجازة من الشغل وللأسف

يوم الاثنين ارجع الدوام :confused::confused: إهئ إهئ

بس من ارجع الدوام راح يكون نظامي كالتالي ...


بك:Dرة بعون الله ارجع واكتب كل شي عن نظامي

(f)(f) تصبحووون على خير (f)(f)

(f)حياتي ورود(f)

هلا فيج حبيبتي بالموضوع و إن شاء الله حياتج كلها ورود وعطور و نظافة و انتعاش ههههه و إن شاء الله تستفيدي من خبرات البنات و أهم شي تسوين لج جدول وتنظمين وقتج الله يعينج صج تعب دراسة ومسؤولية بيت بس تحذير إذا تميتين بدون نظام الله يعينج لما يشرفون الأطفال ألحين مح يعفس لج بكرة بيصير بيتج حالته حاله وياهم



(f)ago(f)

نورتي الموضوع يا الغالية انزين قولي لنا شلون تخلصين شغلج يوم الجمعه؟؟

وانتي ما شاء الله مشكلتج بس في النوم يعني لو تصحين كل يوم مثل يوم الجمعه تنحل مشكلتج

أنا فعلاً بديت في جدول بس بشوف خبرات البنات و أرد عليكم



(f)لؤلؤي(f)

مرحبا شرفتينا بمرورج

انا أحس لما ولدي يداوم بالروضة و أقعد غصباً علي الصبح كل شي بيتعدل في نظامي

معقولة يومياً غسيل؟؟

و أكره شي عندي غسال الحمامات أبي حل سحري يحببني في هالشغلة

شكلج شاطرة و شقرديه ما شاء الله عليج و الله يخليج لعايلتج وتستمر حياتج لؤلؤية ونظيفة وناصعة البياض ههههه



(f)درة البحرين(f)

هلا بالطش و الرش هلا و الله تو ما نور الموضوع

وكل من بلغنا الدعاء والزيارة :D

ما شاء الله دمج خفيف وسبحان الله حبيتج من اول ما اشتركت بالمنتدى احسج خفيفة دم خصوصاً ويا صورة بنتج أحسها تشبهج من حيث الشكل و الشخصية


ويلا في انتظارج (o)