تجمع ورغى حوامل مصر لشهر شوال 1430 يارب اولد بقى

لا حول ولا قوة الا بالله

طيب لو تحبى تفضفى ابعتيلى على الخاص يمكن اقدر اشاركك والاقيلك حل

ده لو تحبى و خللى بالك من نفسك ربنا يكرمك

ازيكوا يا قمرات

ازيك يا فتفت ازيك يا هدى

ايه اللي مسهركو لدلوقتي بتحبو و لا ايه؟؟

أنا رحت للدكتور النهاردة و الحمد لله قالي البيبي كويس و بيلعب اتبسطت أوي بكلمة بيلعب ديه مع اني مش حاسة لسه بحاجة امتى بنبتدي نحس بحركة البيبي؟؟

بعتلك رسالة عالخاص ياهدى
بس قفلتي مالحقتكيش

فتفت ازيك

انا كنت شفتك اتكلمتي عت الكوافيل ايه قصتها دي ولاقيت الصور مش واضحة

سوري يابنات النت بيفصل عندي






ميرسي اوي ياهدي علي جدول اوزان البيبي بجد كان نفسي اعرف نموه ووزنه خلال فترة حملي

صباح الخير

حد هنا؟

بنات لو سمحتوا بغض للنظر عن ان الحاجات دى بترفع الضغط الرنجة والتونة غلط فى الحمل ولا عادى؟ وكمان الحاجات الحراقة؟

قصة كبيرة;10421190:
بنات لو سمحتوا بغض للنظر عن ان الحاجات دى بترفع الضغط الرنجة والتونة غلط فى الحمل ولا عادى؟ وكمان الحاجات الحراقة؟

غلط فى أول 3 شهور وطبعا حضرتك ضغطك عالى يبقى ممنوع طول الحمل

صباح الخير
ايه ده هو مفيش حد هنا

انا شاكه اني حامل ادعولي يطلع شكي بمحله

DodyCat;10421586:
غلط فى أول 3 شهور وطبعا حضرتك ضغطك عالى يبقى ممنوع طول الحمل

ماشى يا دودى :D
ازيك عاملة ايه؟

zozokah;10421683:
انا شاكه اني حامل ادعولي يطلع شكي بمحله

ان شاء الله بمحله يا جميل
حاسة بأعراض؟
ميعاد البريود بتاعك امتى؟

أجمل ايام العمر;10419772:
انتى فعلا كدة سهرتى قووووووووووووووووى

انا بقى مستنية جوزى يكبمنى عشان راح فرح فى اسكندرية

انا فعلا بحاول اسهر اليومين دول عشان اتعب وانام علطول لانى لما بدخل انام على 11 او 12 بفضل صحيه عالسرير مش جيلى نوم فالسهر هو الحل عشان اعرف انام :D
وربنا يجبلك جوزك بالسلامه
تلاقى الجو هناك جامد انا هموت واشوف بحر ان شالله ترعه وحد يقولى عليها بحر وانا هصدق هههههههههههه

sweet_toota;10419779:
اناناسة حبيبتى ربنا ييسرلك و يرزقك ساعة سهلة يارب و فعلا المشى دة سحر عارفة انا اخت جوزى اتخانقت مع جوزها وهى فى التاسع و قعدت تقله كل الرجالة بتمشى مراتتها فى التاسع وانت تيجى من الشغل تعبان و متعبرنيش فصعبت يظهر عليه قام واخدها و نزل مشاها 3 ساعات متواصلة و روحت نامت و على الفجر كانت فى المستشفى بتولد ههههههههههه فبجد اتوصى بالمششششششى و ربنا يطمنا عليكى و على اناناسة الصغنونة

أجمل ايام العمر;10419822:
انا كمان الدكتورة قالت بابا لازم ان ماما تمشى و هى حامل فيا اخدها مشاها بتقولللى زى من هنا للمهندسين هنا ده المعادى هى تقصد وهى اصلا كانت فى السعودية روحت ولدت الفجر فعلا

يارب يجى بفيده فعلا المشى وانا وريت جوزى كلامكم عشان يصدق هههههههههه وربنا يسهل ويجيب نتيجه :D

دارين د;10420087:



انا روحت للدكتتور اول امبارح طمني وكل حاجة بس قالي راس البيبي لتحت وانا دلوقتي في السابع فهل دة عادي ولااية يابنات

لا عادى جدا وده الطبيعى ان الراس على اخر السابع تكون لتحت ووعالتاسع تدخل الحوض ان شاء الله بس لما تدخلى التامن حاولى متعمليش مجهود قوى بس خاليكى فالعادى ومتقلقيش وربنا يكملك على خير يارب :)

أجمل ايام العمر;10420164:
الوزن بالجرام

الاسبوع 11 = 7
الاسبوع 12 = 14
الاسبوع 13 = 23
الاسبوع 14 = 43
الاسبوع 15 = 70
الاسبوع 16 = 100
الاسبوع 17 = 140
الاسبوع 18 = 190
الاسبوع 19 = 240
الاسبوع 20 = 300
الاسبوع 21 = 360
الاسبوع 22 = 430
الاسبوع 23 = 501
الاسبوع 24 = 600
الاسبوع 25 = 660
الاسبوع 26 = 760
الاسبوع 27 = 875
الاسبوع 28 = 1005
الاسبوع 29 = 1153
الاسبوع 30 = 1319
الاسبوع 31 = 1502
الاسبوع 32 = 1702
الاسبوع 33 = 1918
الاسبوع 34 = 2146
الاسبوع 35 = 2383
الاسبوع 36 = 2622
الاسبوع 37 = 2859
الاسبوع 38 = 3083
الاسبوع 39 = 3288
الاسبوع 40 = 3462

بس الاوزان ديه بالظبط وله ممكن تتغير من كل واحده اصل انا كدا فالاسبوع ال 38 او دخله ال 39 والوزن الحمد لله 3350 وواحده صحبتى الدكتور كان قالها ان ابنها كان 3ك ولما اتولد كان 2800 فممكن يكون الوزن مش بالظبط بس مدام الدكتور بيطمنك خلاص
ودكتورتى قالك ان الطبيعى 3ك وممكن تنقص من 200 ل 300جرام او تزيد من 200ل 300 جرام
وربنا يكملنا على خير ويجوا الهوانم والبهوات بالسلامه

عروس البحر;10420225:
بنات انا مخنوقة اووووووووووي ومش لاقية حد اتكلم معاه

بس ادعولي ربنا يفك همي وغمي ويكتبلي اللي فيه الخير لي

نفسي بس البيبي يخرج بسلام انا مش خايفة الا عليه ادعوا لي بالله عليكوا بس

ربنا يفرجها عليكى ويريح قلبك يارب
حاولى متفكريش كتير فى اى حاجه تضيقك لان لو كانت صغيره هرمونات الحمل هتخليها كبيره ولو كبيره برضو هتكبر لان فعلا الحامل هرموناتها رخمه ومتقلبه جدا
فحاولى تشغلى بالك بحاجات النونو واعملى فيها مش واخده بالك من اى حاجه تضقك عشان صحتك وصحه النونو

عروسة نعومة;10420325:
أنا رحت للدكتور النهاردة و الحمد لله قالي البيبي كويس و بيلعب اتبسطت أوي بكلمة بيلعب ديه مع اني مش حاسة لسه بحاجة امتى بنبتدي نحس بحركة البيبي؟؟

ربنا يفرحك كمان وكمان يا بوسى وتحسى بالحركه قريب ان شاء الله
بصى فى ناس بتحس بالحركه من الرابع وفى ناس بتحس من الخامس بس الاكتر الخامس
لان الحركه فالرابع اللى بتحسى بيها هى الحركه الجامده منه مش كل الحركه فممكن انتى متخديش بالك وعموما متقلقيش خالص من السادس هتحسى بكل حاجه ولما تدخلى التامن هتحسى ان فى معركه فى بطنك ومش عوزه اوصفلك التاسع بئا تحسى ان فى حاجه هتطلع من بطنك :D فكله جى متقلقيش وربنا يكملك على خير

بيبو انا الدكتوره بتعتى كل ما يكون فى موسم فيه رنجه او اى حاجه ديه اول مادخل تسئلنى عليها اكلت وله لا فخاليكى فالاضمن انك تقللى خالى من الحاجات الحرقه والحادقه لان فيها قلق فالحمل واحنا عوزين الحمل يخلص على خير ان شاء الله

زوزو ان شاء الله تكونى حامل
بس اهم حاجه انك متقلقيش وسبيها لربنا وان شاء الله خير

حد هنا

زوزو ربنا يارب يرزئك بالحمل وتكونى حامل يا قمر

انتو فين؟

يارب الله يسمع منكم

صباح الفل
وحشتووووووووووووووووووووووووونى مووووووووووووووووووووووت
ميرسى لكل اللى سالوا عليا دودى وسيمو وكتكوته ربنا مايحرمنيش منكم بجد
وعايزين حد يفسرلى الحلم بتاع كتكوته ههههههههههههههههههه

انا الحمد لله تمام بس النت فاصل فى البيت وانا كمان مش موجوده فى الشغل كتير عندى شغل كتير بره المكتب فمش بروح المكتب غير قليل اوى ومش بلحق اكلمكم

عايزه اطمن عليكوا كلكوا وايه اخباركم فى حد ولد واللا لسه؟؟؟؟؟؟؟؟؟