بعد حفلة ملكتي بيوم راح اتطلق !

لا حول ولا قوة الا بالله

عزيزتي لا تلومين نفسك ولا تفكرين في النهاية كل شئ قسمة ونصيب والرجال شكله هو اللي بايعك والدليل انه لسبب تافه جدا جدا جدا سبك وسب اهلك وقرر يطلقك علشان عزومة عشاء!!!

واما والدتك الله يهديها بس المفروض توقف معاج بهالازمة وانتي قولي لها وفهميها انك مو الغلطانه وانه هو اللي سب ابوج واهلج كلهم وقال يبي يطلق وانك مثل اي بنت تبين تفرحين بالزواج بس الله ما يريد. اجلسي مع ابوج واخوج وفهميهم السالفة بهدوء وقولي لهم انه هو اللي بغى يطلق مو انتي. اما اللي يتشمتون خليهم لربهم الله ما يضيع حق حد وصدقيني اذا قلت لك انه ربنا يمهل ولا يهمل .

خليكى واثقه من نفسك كرامتك فوق كل شي وما يهمك حدا الناس بتتكلم في كل الاحوال ومابيعجبهم العجب انا معرفش عوايدكم بس لازم يبقى شاريكى من البدايه مش اقل هفوة ينتقد

ربنا ييسرلك الخير اينما كان ويبعد عنك كل شر

اختي الغالية .. انتي ما رضيتي في اهلك هالكلام الجارح .. وانا اقولك والنعم يالغالية لان اللي يرضى السب في اهله مو متربي

انتي قلتي ان هذي المره الثالثة اللي صار الانفصال يعني وحده غيرك بتسكت عشان انها كبرت وتخاف من الكلام

اختي كلام الناس ما يخلص .. واذا ماكان طلاقك هو السبب .. بيتكلموا عن شي ثاني ..

وبعدين انا مااشوف ان تصرف زوجك صح .. كيف يعني يسب اهلك عشان عادة .. وبعدين ابوك هو اللي غلط .. ليش يحاسبك انتي ؟ لو هو رجال صح كان كلم ابوك ما يجي عليك انتي

بكره اي غلط من اهلك يجي يعصب عليك

انا اقول كلمي ابوك هو يتكلم معه .. والافضل ما تخبرية شو قال بالضبط اقصد السبات اللي قالها عشان ما يحس ابوك بالذنب لان اكيد ما قصد يكون سبب طلاقك .. بس عاساس ما تتكرر وينتبة لها النقطة


الله يعوضك اختي

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه قلبي يعورني من الي صار كل ما انخطب يصير شي يخرب الخطبة ااااااااااااه بس

ولا يهمك يا اختي مع ان مشاركتي متاخرةشوية انا كنت تقريبا في نفس ظروفك بس ثقتي في الله ثم نفسي نفعتني جدا والحمد لله وبعدين كل شئ نصيب ومقدر عند ربنا وزوجك اللي كتبهولك ربنا لسة موجود انتي بس ادعي ان ربنا يكرمك بالزوج الصالح لان ده هو اللي هينفعك في الدنيا والاخرة

المشكلة مافي احد بالبيت يواسينيي امي تعليقاتهاعذبتي

احس اهلي كرهوني بسبته وكاي انا موافقة علا كلامه كل شوي امي تقول لو انتي فيك خير ماتركك

الغالية هو بالاصل رجل تافه بصراحة يعني شيء مو ذاك الزود مهم وما توصل مهما حصل للطلاق ... من هذا السبب فقط بصراحة علامة استفهام كبيرة ؟؟؟؟؟؟

الغالية هذا مو كفو تتزوجيه إذا سبب مثل هذا خلاه تعيس وخلاص على شفى حفرة من الموت سبحان الله

يا بنت الحلال إذا هو يبي يترك ترى كل شيء بيد الله انتي مالك ذنب بأي شيء وخبري والدك مع اني اعرف انه مسكين بصراحة مثل ما قلتي في بعض الناس تجهل أشياء كثيرة وبعدين العادات تختلف من بيت لبيت ومن منطقة لمنطقة ومن بلد لبلد ....


توكلي ومن نتوكل على الله فهو حسبه

العتب

اه بس ايش اسوي تعبت

قولى اللهم أجرنى فى مصيبتى واخلفنى خيرا منها

الله ييسر أمرك ويعوضك خير يارب

عزيزتي ..

اللي ما يحترمج و ما يحترم اهلج بيعيه طال عمرج

و الباب اللي يجيك منه الريح .. سده و استريح ..

و الناس تحكم بالظاه فقط .. و تقعد تلوم هذا و هاذي ..

مع العلم ان الناس تكون مب عارفه اللي قاعد يصير بين الزوجين .


اختي..

قوي قلبج .. و زيدي ايمانج بربج ..

و ان شاء الله - اللي بيرزقج بالزوج الصالح

اللهم اجرني في مصيبتي واخلف لي خيرا منها

احس بتعب عمري ماتعبته بحياتي وصدمة شديدة

الله يعوضج باللى احسن منه

مشكورين والله حتىاهلي وامي الي هي امي ما واستني انتوا اقرب من اهلي كنت محتاجة اسمع كلامكم

اللهم اجرها في مصيبتها واخلف لها خير منها


انا لله وانا اليه راجعون


اختي لو بقول لج سالفتي مع الوظيفه كان ماتصدقين بس التوكل على الله هو السبب

اختي انا توظفت في مدرسه وكانت المديره عسل ومحترمه وماشاء الله عليها قمه بالاخلاق الله يوفقها يارب وين ما كانت بعد سنتين انتقلت الى مدينه مجاوره لمدينتنا ولكن الظروف ماتسمح لها ان تداوم بمدرستنا فاضطرت الى الانتقال الى مدرسه في مدينتهم وفقدناها الله يذكرها بالخير وجات عندنا مديره الله لايوريك لاتخاف الله حسبي الله عليها كثيره الاستهزاء بنا ودائما ترفع خطابات لمدير التعليم باننا مقصرات وكلام كثير المهم كنت انا وواحده من زميلاتي المعلمات تريد نقلنا من المدرسه ونحن رافضات لقرب المدرسه من البيت واصبحت تدخل من يتجسس لها بين المعلمات ويخبرها الله لايوفقها واتصلت علي ذات الجاسوسه وقالت المديره بترفع فيك انتي وفلانه خطاب لانك تتكلمي فيها انا اصابني الجنون من كلامه ولاتكلمت اسكتت ورحت من بكره للمدرسه وقلت للمديره نفس الكلام ووريتها الجوال باتصال الاخت الجاسوسه فراحت واتكلمت مع الجاسوسه وجت الجاسوسه وقالت انا ماقلت لك هذا الكلام انتي تفترين علي انا سكتت وقلت لزوجي قال زوجي لاتطلعي لهذي المدرسه ابد خلاص مانبغى وظايف فيها مشاكل يعني الاخت قطعت رزقي الله يقطعه من الجنه المهم توكلت على الله ونسيت التدريس واخذت استغفر الله اكثر من 1000 مره وقلت اللهم اجرني في مصيبتي واخلف لي خيرا منها انا لله وانا اليه راجعون وسبحان الله حصلت مشاكل مع ام زوجي وجلست عند اهلي شهرتقريبا وسبحان الله حصلت لي وظيفه في مدرسه بمنطقه اهلي وسبحان الله مع بدايه العام الجديد حضرت حفل مقام باحد المدارس وتقابلت مع مديره الاشراف التربوي وقالت انهم يريدون موظفه بنفس مواصفاتي المهنيه وسبحان الله ماشاء الله تبارك الله لي سنه وهذي السنه الثانيه باذن الله ومرتاحه بوظيفتي والحمدلله وربي عوضني عن وظيفتي الاولى ومديرتي التي لاتخاف الله بوظيفه مرموقه ومديره تخاف الله والحمدلله وهذا من التوكل على الله وان شاء الله راح يعوضني بالسنتين اللي جالستهم عند اهلي بلم شملي مع حبيبي الغالي ابو عيالي لاني ما فقدت الامل بالله سبحانه


اسفه طولت عليك بالكلام بس ابغاك تعرفين من توكل على الله كفاه

الله يوفقك ويسعدك ويهنيك بحياة جديده مع زوج يحبك ويحترمك ويحترم اهلك

اما كلام امك انا قالوا لي اهلي نفس كلام امك لدرجه اني ما ارفض الخطاب اوافق عليهم بس مايحصل نصيب وسبحان الله كتب الله النصيب مع ابو عيالي والقدر وتدخل اهله فرق بيننا والحمدلله على كل حال الحمدلله على كل حال

قل لن يصيبنا الا ماكتبه الله لنا .. وهذا قسمه ونصيب
اكيد لك فيه خير وصلاح ماتدرين يمكن لو استمريتي معاه وجبتي عياال تتأذين وحزتها ماتقدرين تفكين منه
دائما انظري للموضوع من نافذة التفاؤل وبرري مو علشان الناس وانما علشان راحتش

ترى الناس مايعجبها العجب واذا كانو يتشمتون عليش فهم مرضى نفسيين ومثل هالاشخاص المفروض انتي تشفقين عليهم

وبعدين انتي الكسبانه بالنهايه لانش حافظتي على كرامتش وكرامة اهلش ونفذتين من شخص تافه مايستحقش ولو فكرتي تستمري معاه راح تحسين بالذل في كل لحظة معااه

فكري في الموضوع عدل وراح تلاقين بالنهايه ان كلشي يكتبه ربنا لنا فيه صلاح وحطي في بالش ان لا يبتلى الا المؤمن

ماحبيت امر من دون ما اضيف تعليق
وكل الي اقدر اقوله الله يوفقش ويسهل امورش ويرزقش بالزوج الصالح الي يستحقش
سلامي

اهم شي تقولين على طول

اللهم اجرني في مصيبتي واخلفني خيرا منها

وعليج اختي بالصبر و مالج شغل بأجد لا من اعدائج ولا من اهلج

اهم شي للبنت كرامتها و كرامة اهلها

اللي ما حشم اهلج ماراح يحشمج طول عمره

وصدقيني ربي بيعوض باللي بأحسن منه بأذن الله

الله يفرج همك و يفرح قلبك

كلامي مثل كلام الاخوات ماشاء الله ماقصور

وماشاء الله احباقولكانك قويه واهنيك على قوتك ماشاءالله عليك

وربي يعوضك الي احسن منه

اتذكري انما الاعمال بالنيات هو ماراح يلقى الي مثلك

وانتي ربي يعوضك الي احسن منه يارب