بعد حفلة ملكتي بيوم راح اتطلق !

قل لن يصيبنا الا ماكتبه الله لنا
سبحان الله هذا الانسان مو نصيبج ولا هو اللي الله كاتبه يكون زوجك وابو عيالك
سبحان الله
واللي اوله جذيه ينعرف تاليه قولي الحمدلله الحمدلله الحمدلله

سبحان الله كل شي في هذه الدنيا قسمة ونصيب والحمدلله على كل حال

لايضيق خلقج ولا شي قولي الحمدلله انج عرفتيه من اول مكالمة شنو نوع هذا الرجل

اهلج فوق كل اعتبار ....


منو انت علشان امرغ وجهي في التراب علشانك ... وشنو سوى لك الوالد الله يحفظه علشان تهينه وتجرحه بالكلام ...!! هذا ابوي هذا جنتي وناري


حبيبتي وسعي صدرج وادعي الله ان الله يعوضج خير ان شاءالله وقولي الحمدلله على كل حال



دمتم سالمين
اختكم شريفة

حياتي كوني واثقة من نفسك انتي مالك ذنب كلة مقدر ومكتوب

واعرفي ان ربك ما يترك احد

يارب يسعد قلبك

الله يعوضك باللى احسن منه عليك بالدعاء

والله عقلية الرجل لي تقدملك هذا.. تافهة جدا واكيد الله يحبك وخلصك منه

وان شاء الله القادم يكون احسن.

فكري بشكل ايجابي وحاولي تدعمي والدك الطيب بانه ما يشوفك حزينة

واللله ما خفف عني بعد الله الا انتووالله اهم شي انه لمن يقابل ابوي عشان اجرئاتالطلاق مايضره بلسانه

كل الي ردوا علي مشكوررين وبالاخص اختي الاسطورة المحطمة ولااخت شريفة

حبيبي انا ما ادري شقول انت مرة كاسرة خاطري انا اعرف وحدة زيك ملكت و ثاني يوم قالو لها اهله انه بيتركها في البداية انهارت بس ربك كبير بعد ما تركها كل صديقاتها وقفو مها ونست كل الي صار ويمكن خيرة لها ....
انت بعد لا تستسلمين لكلام الناس ولا ياثر فيك وعسى ان تكرهو شئ وهو خيراً لكم .... اكييييييييد كل الي صار لك خيرة وربك اعلم .....
نصيحتي لك انك تقراين سورة البقرة بعد المغرب كل اليوم...

اصبري ياعمري ترى الدنيا ماتسوى وشوفي حبيبتي ترى انتي الكسبانة اول شئ انك افتكيتي منه لان شكلة ماعنده شخصية ثاني شئ الناس قاعده تتكلم عليك ويغتابوك كمان بس انتي منتي خسرانة شئ ترى كل الي تكلم فيك ماضروك بل كسبوك كيف يعني توخذ من حسناتهم وتوضع على حسناتك وخليهم يتكلمون براحتهم انتي لاتنسي رصيدك الذي راح يزيد

انا لله وانا اليه راجعون ماقالها مهموم او مغموم إلا وجاه الفرج من رب العالمين الي ما ينسى احد (سبحانه)
مشاركتي متلأخرة بس بقولك بإختصار أولا هذا مو رجال اصلا ولاينشد فيه الظهر فالحمد لله انتي فنعمة وربي راضي عليكي الي فكك منو
الشي الثاني امك رزم تعذريها وتفهمي وجهة نظرها لنها اكثر منك تبا تفرح بزواجك تبا تتباهى قدام الأمهات الي مثلها ومن شدة تعلقها بفكرة انها تفرح بيكي نسيت ان الزواج قسمة ونصيب وهذا كان حيكون اسوا نصيب لكي لو تم بصراحة
وعشان تكسبي اهلك حولك لاتقعدي تدافعي عن نفسم لن بالطريقة دي حتزيد التهم عليكي قولي لأهلك كان يرضيكم عشان الناس اسمع فيكم واسكت وكان يرضيكم عشان الناس اروح لأنسان ما في رجوله وما حيحميني فيوم من الأيام بسبت عاداتهم التافهة عادي بس لا تسكتي قولي كل الي صااااااااااار بصراحة لكل اهلك ابوك في البداية حيحس بالذنب وسرعان ما حيكتشف ان هذا مو رجال الواحد يأمن على بنتو عندو وامك قوليلها( انتي لو كل الدنيا قسيت علية ما رح ادور غير حضنك يحن علية ويحميني حتى لو بقسوة لكن انتي امي مالي غيرك بعد الله كل الناس ضدي افهميني وخليكي معاية وساعديني انا احتاج حبك)
واهم شي لا تسكتي ولا قدام احد قولي كل الي صار وخليكي تهاجمي احن من انك تدفعي عشان ما تتعبي والي يقولك قولي الحمدلله انا رضية والدين عشان كذا ربي فكني من هالانسان وليش قولي كل الي صار كثير كثير انظلمو في الدنيا بسبب سكوتهم على اخطاء غيرهم وفي الاخير طلعت فيهم ومحد صدق فغيرهم
لا تسكتي واكثري من الاستغفار وحيجيكي الفرج من عند رب كرييييييييييييييييم
والله ينصرك على من يعاديكي ويقوي ثقتك فنفسك اكثر

الله يعوضك باللى احسن منه

اسمح ليي اختي انا راايي غير عن رااي البنااات

ما ابغي اجرحج بس لو كنت مكانه وامه ما عزمت امج شنو بيكون موقفج ما راح تزعلين او لما اهله ما رحبو فاهلج؟؟
انتو توكم بتبدون حياتكم واول ما تكلمو معاج شاف موقف مش ولابد من اهلج انتي باسلوبج تقدرين تخلينه يندم
خليه اول يعرفج ويعرف طبايع اهلج شوي شوي بيعرف ان غلطان وبيعرف طبع اهلج وشلون ان ابوج على نياته ومو قصده شي
مو على طول تقولين ليه اذا موعاجبك خلنا نفصل؟؟
ما اتوقع انه كان في باله الطلاق هذا الي حسيته من كلامج

كلمني اليوم التاني وانتقد ابوي بكلام جارح ونقد لاذع جدا جدا و كلام يفشل مرة مرة مرة واحتقار لابوي
وقال انتي مافيك شي و انه تعبان من اهلي و تعيس وماني مرتاح مرة بسبب تصرفهم وانا علاالرغم ان غلط علا اهلي ماقلتالا كلمة وحدة بكل ادب قلت ادا ماانت مرتاح لاتكمل معاي ادا احنا سبب تعاستك لاتكمل قال هذا الي راح اعمله

يعني انتي الي حطيتي فكره الطلاق في باله اخاف بس انتي استعجلتي ؟؟
حبيبتي ابغض شي عند الله الطلاق فكري اكثر من مره ادري انج في حاله نفسيه سئيه وغير ضغط الاهل ,, فكري حبيبتي وتذكري كلامج وياه شلون كاان اذا هو شد وانتي شديتي الخيط الي بينكم اكيد بينقطع ولو كل الازواج سوو جدي ما شفتي احد متزوج
عمري ما ابغي كلامي يضايقج ويعلم الله ان دخلت موضوعج اكثر من مره واحترت ارد ولا لاا ؟؟
بس توكلت على الله وقلت باقول اليي في بالي بس ارجو انه ما يزعلج
والله يوفقج يا رب

لا حول ولا قوة الا بالله...
الي صار ما منك حبيبتي خليها ع ربك وهو بياخذ لك حقك ان شاء الله.

حبيبتى كل شئ قسه ونصيب ولازم نقول الحمد لله وهو مايستهالك كويس انك عرفتى طباعه قبل مالفاس تقع فى الراس
واكيد ربنا ماهينساكى واكيد نصيبك فى شخص يستاهلك

الله يأجرج في مصيبتج و يعوضج بالزوج الصالح اللي يحبج و يعزج الغالية ..

شوفي اختي ...خلي ابوك يتكلم معاه ....انت قولي لابوك اللي صار بدون دكر الشتائم لانو بطبيعة الحال غادي يتعصب...وادا ماكان فيه خير ....خلاص ابوك هو اللي غادي يلقى ليك الحل خصوصا وان امك مش في صفك ...لكن اي حاجة جات من عند الوالد غادي تقبلها وما تبقاش تزن عليك
والله الموفق

[QUOTE=اللؤلؤه السوداء;10316712]اسمح ليي اختي انا راايي غير عن رااي البنااات

ما ابغي اجرحج بس لو كنت مكانه وامه ما عزمت امج شنو بيكون موقفج ما راح تزعلين او لما اهله ما رحبو فاهلج؟؟

انتي مافهمتي حبيبتي ابوه موجودعلى العشا اكيد موجود بس اهوعندهم الاب لازم ينعزم عزومة تانية خاصة لحاله ابوي راح عن باله لان الاب قال انابسافر الفجر

اهلي رحبوا فيهم مرة بس هم لهم طريقة خاصة واساليب معينة ابوي ماعنده خبره فيها
انتو توكم بتبدون حياتكم واول ما تكلمو معاج شاف موقف مش ولابد من اهلج انتي باسلوبج تقدرين تخلينه يندم
مو على طول تقولين ليه اذا موعاجبك خلنا نفصل؟؟
ما اتوقع انه كان في باله الطلاق هذا الي حسيته من كلامج

اهو هددبالانفصال بصراحةبين كل نقد لاهلي تهديد بالطلاق لانها تعيس جدااا وحاس باكتئاب شديد منا!!!!!
و انا لانه تكلم علا اهلي قلتله ادا مانت مرتاح وتعيس على قولتك معاي لا تكمل

انا ضد الي سواه وبشده لان مهما كان انتوا توكم في فتره ملكه كان تكلم بهدوء بدل السب والشتم
انتي ادعي الليله بان ربي يسخره لكم وييوفق بينكم وحاولي تكلمينه وتقولين له ترى ابوي مايدري وماكان اهلي هذا قصدهم وماكانوا يدرون بعاداتكم وان شاء الله ربي يهديه وييوفق بينكم مااضن كان قصده الطلاق حاولي تكلمينه وربي يوفقك ويكتب الي فيه خير وصلاح وصلي صلاه استخاره

ان شاء الله خيره

تطلقي 3 مرات اهون من تعيشي كل عمرك مع واحد كذا عشان مارحبو به اهلك يهدد بالطلاق واساسا انتي اش ذنبك رحبوا او مارحبو

انتي بس ادعي الله عزوجل واكثري من الاستغفار وبتشوفي اللي يسرك ان شاء الله

الله ياجرك في مصيبتك ويخلف لك خيرا منها

حبيبتي

احمدي ربك لأن عرفتي من هو قبل لا تحملين
عرفتي انه لا يحترمك ولا يحترم اهلك,,

الله يعوضك باللي فيه خير واحسن منه ولا يهمك كلام الناس اختي

مرحبا اختي ..

لا بالله .. غلطتي والمفروض ما تسكتين .. جانه يوم قال وبدا يرفع صوته ... جان قلتي له لين اهنيه وحدك .... دامك تهدد وتوعد .. مثل ما دخلنا بالمعروف نطلع بالمعروف... وعيب عليك تغلط على اهلي وابوي ...

وادم انك عندكم عادات ثانيه وتقاليد .. جان بالاحرى يازوجي العزيز خبرتني عنها عشان انبه ابوي عليها ... ( مو انت زوجي ) والمفروض الحين تونا نتعرف على اطباع بعض .. والوالد تصرف على نياته .. وقام بالواجب المعتاد والمتعارف عليه .. وجان عندكم زود جان خبرتنا ..

واقولج الغاليه .. جان .. هذا اوله ينعاف تاليه .. وكاهم البنات ماشاء الله تبارك الله ما قصرو بالرد... وبقولج الغاليه ... تخلين عند الوالد خبر.. وتقولين له .. ان خطيبك هزئك عشان وصارخ عليج.... بس لا تقولين .. الكلام والسب الجارح.. وخليه على علم ..

ويا اختي امج تبين حسرتها وقهرها عليج .. برد فعل عكسي .. وهذا رد فعل اغلب الامهات صدقيني .. واحمدي ربج الف ان هالريال كشف نفسه .. من البدايه .. وربج والله للحين ما اراد..
يا اختي انا مثلج .. كم مره كنت خلاص نتفق على كل شي .. وبعدين .. كل شي يتفركش .. وما كنا نعرف الاسباب ..

اختي حكمه وابتلاء رب العالمين لعبده المؤمنين .. صدقيني صعب الكثير الي يقدر يفهمها ويستوعبها.. فلاتقنطي من رحمه .. الله اختي .. ولن يطول الامر حتى يستحقك شخص اجدر بك ..لا تحزني ..ولكن لانستطيع ان نمنع نحزنك ..فلا احد يفرح من هذا التصرف .. والواحد يسأل نفسه ليش ما اكتشفت اخلاق هالشخص ايام الخطبه والسؤال عنه .. وهالجانب من شخصيه .. وين كان قبل .. على الاقل كان الرفض يجي من صوبي ... كل هالكلام يمكن كان يدور بينك وبين نفسك .. فلا تزعلين وكل شي مقدر ومكتوب .. اختي

وان شاء الله نصيبك بيجيك لين عندك .. اختي .. وصدقيني هو الخسران ..

تحياتي

ام جنى