هل انتي متزوجة , أو متزوجة وتدرسيين ,تفضلي عطيني رايك :)

بتكلم معاج على أساس واحد وهو أساس مهم وهو كونج ( بحرينية )

ولأني بحرينية وأعرف مجتمعنا زين !.

وأشوف من حوالي التجارب!.

فراح أقدر أفيدج ولو بالقليل ..,

*

إلي ألاحظه حواليني إن البنت من تتخرج من الثانوية وعمرها 18

يبدآون يجونها الخطاب .. وتبدأ فرصها بالزواج

وفي ناس ينخطبون وهم طالبات في المدرسة بعد .. بس هالفئة ما بتكلم عنها ولا تعنيني لأني ضدها 100%

*

لكن!.

في حال التخرج من الثانوية .,

البنت في مجتمعنا لها الحق تنخطب وتواصل الحياة وتستقر

لا تقول دراسة .. لا تقول صغيرة .. لا تقول مستقبل و وظيفة

*

لأنه ولله الحمد

مجتمعنا متفتح ومراعي وايد لهالناحية

*

صديقاتي ما شاء الله .,

ينخطبون من بعد التخرج أو أثناء الدراسة الجامعية

ومن المتفوقات

ويوفقون بين دراستهم + الخطيب

وعلى العكس ,

إلي أشوفهم إن الشباب البحريني يشجع ويحب إن زوجته تدرس وتكمل تعليمها ومن بعدها تتوظف

وقليلة جداً نسبة الشباب إلي يرفضون هالشي .. وهذي النسبة الجاهلة المتخلفة صراحة .,

*

إنتي عمرج 19 .. ومردج بتكبرين ما راح تبقين طيلة عمرج صغيرة

وما دام الخطاب يدقون الباب

حياهم الله!.

*

إنتي إلي عليج تفكرين زين ما زين بالشاب المتقدم لج

هل هو خلوق , مصلي , يخاف ربه , مكون نفسه ويشتغل , ولد عايلة وناس , متفهم ؟!.

إذا إنوجدت فيه كل هالصفات

آلف الحمد لله والشكر

ولا تنتظرين بعد واحد غني أو وسيم .. أو ما مثله مثيل

أقبلي بالشخص إلي يرتاح قلبج له وتكون أخلاق هي سلاحه & تميزه بالدنيا

يمكن يجون لج ناس عاديين وما فيهم أي زود

بس خلوقين وينشرون بكنوز الدنيا

وإنتين ترفضين بس على أمل يجي لج واحد مميز وعدل وكشخة ورزة .. هل راح يجي ؟!.

*

[MARK="666666"]الجود بالموجود [/MARK]

ودام في خطاب زينين .. أختاري الشخص المناسب لج

وإلي تحسين إنه هو الإنسان إلي راح تعيشين معاه طيلة حياتج

*

نرجع للدراسة .,

الدراسة إذا كنتي متفوقة , مهتمة مثل ما قلت لج مستحيل تتآثر .. وإذا كان إنسان واعي بالعكس بيزيد حب التعلم فيج

+

لج كل الحق تحطين شرط في عقد الزواج :

- تكملة التعليم

- السماح بالعمل

وهذي الشروط من حقج ومن أبسط حقوقج .,

*

أنا ما أقولج تسرعي وأنخطبي , ولا أقولج تمهلي وفوتي من يدج فرص ذهبية .. ربما ما بتتكرر

أنا أقولج !.

إذا جا لج الرزق والنصيب الزين .. توكلي على الله (y)

+

الدراسة مالها علاقة بالخطوبة أبداً

ومثل ما قلت لج

ياما لي صديقات .. مخطوبات & متزوجات .. وعندهم أولاد

ولله الحمد إلي تدرس .. وإلي تشتغل

لأن ما عمرها الخطوبة كانت عائق أو مشكلة .. وبذكائج بتنسقين كل وقتج

*

موفقة (f)