هل انتي متزوجة , أو متزوجة وتدرسيين ,تفضلي عطيني رايك :)

انا اقول كملي دراستج

انا تخرجت وعرست وبعد كان صعب ترى الزواج مسؤوليه ..

واستانسي وعيشي حياتج لحظه بلحظه ..

ولين تخرجتي وافقي ..

اذا الاشخاص عاديين كملي دراستج بس لو ياج واحد ما يتفوت من كل النواحي وافقي عليه حتى لو تدرسين .. بس طبعا عرسج خليه بعد التخرج ..

ربي يوفقج

استخيري الله اولا" هو عالم الغيب وعالم الخير لك الله يوفقك يارب

شوفي ياعمري اذا كان على الموافقة على الخطاب فهذا يعتمد على الاستخارة
ثانيا انا من تجربتي ولله الحمد تزوجت 18 سنة وادرس وجيت ولدين بها الفترة والحمد الله دراستي ابدا ماتأثرت ولا بشكل من الاشكال بالعكس احسن من البنات اللي معي والحمد الله وماشاء الله تخرجت وبمعدل حلو وحاليا ادور وظيفة والحمد الله ابداااااااا ماقصرت لا ببيتي ولا اولادي ولازوجي
اهم شئ لا تقولي انك صغير ة بالعكس علشانك صغيرة هاذي فرصتك ترتبي امورك وتعودي نفسك على المسؤلية وتشوفي الخطاب اللي يجوكي يمكن يكونمنهم اللي تتمنيه يعني لاتردي احد قبل ماتشوفي مميزاته ومواصفاته نصييييييييحة مني وعن تجربة


وربي يوفقك انشاء الله ونسمع بفرحك قريب

بصراحة اختي اذا الرجال زين وما يعيبه اي شي ومصلي ويخاف ربه فصعب تلقين رجال بهالمواصفات هالايام
اذا شفتي انه الرجل المناسب لج واستخرتي وارتاح قلبج فوافقي والله بيسر لج
انا متزوجة وعندي بنت وحامل وللحين ادرس، بالعكس يمكن مستواي ارتفع بعد الزواج ولله الحمد، انخطبت وانا في عمرج بس الملجة كانت سنة وبعدين تزوجت
ومافي صغيرة ولا كبيرة على الزواج، اذا جاج نصيب فتوكلي على الله، يمكن تتخرجين وبعدين ما يجيج الرجال اللي ترتاحين له او اللي عنده من الاخلاق اللي تخليج توافقين عليه

والله يكتب لج اللي فيه الخير حبيبتي

بقول ليش عن تجربتي

اني انخطبت سنة ثانية جامعة ............مع انه كان بأمكاني الخطوبة قبل بس قلت ابغي اشوف اشوي ويش مصيري بالجامعة مع اني متفوقة و الحمد لله

انخطبت كان عمري 20 سنة

بس كنا متفقين من قبل اني اكمل دراستي و ما اتزوج الا لين كملت الدراسة

شاءت الاقدار اني اتزوج قبل لا اكمل على خطوبتي سنة تقريبا باقي شهر و اكمل سنة على الخطوبة
و حملت و جبت بنوتتي و الحمد لله
صج كان صعب و تعب و نزل معدلي اشويه لاني ما انسحبت ولا كورس وولدت باقي عن الامتحانات 15 يوم و كانت الناس اتجي تتحمد لي بالسلامة و اني كنت ادرس

الله يرحم والدين امي و جزاها الجنة ان شاء الله ما قصرت وياي اهي اللي كانت اتساهر ويه بنتي بالليل عشان اني كنت ادرس و اروح اقدم امتحاناتي و الحمد لله
كملت دراستي كلها و ظليت بس 3 شهور و اتوظفت بعدها

بس اقول في نفسي و حتى لزوجي و للبيت

لو ماعندي احد يجود بنتي جان شنو بسوي مع انه في بنات مافي احد يجود ليهم اولادهم و كانو بعد احسن مني

و زوجي اللي استحملني اللي ما ادري فيه ولا ادري ببنته ايام الامتحانات و حتى ايام الدراسة اتعرفون بعد بلاوي الجامعة و صبر عليي سنتين و نص لحد ما اتخرجت و كان عندي بنتي

و غير جدي

الوحده المتزوجة اتصير ..........زوجة............أم............ربة بيت...........طالبة أو موظفة
بس طبعا الموظفة اشوي اخف

و بعد لو ما كان الزوج ليه دور انه يساعدش و يطوف بعض الاشياء مثل ما يسوي ليي " يعني الغداء طايف طايف لاني متى ارجع من الجامعة" و معظم عشانا يصير من برة هاده غير اني اسوي تنظيف اسبوعي شامل للشقة يعني مو بشكل يومي

و في الاخير العزيمة و الارادة للشخص نفسه
يعني اني لو ماكنت ابغي اكمل و اخذ الشهادة جان ما كملت من الاساس
لان ناس واجد و اعرفهم من دفعتي بعد ..........انخطبت و طلعت من الجامعة......اتزوجت و طلعت من الجامعة
و ناس بالعكس هالامور اتصير ليهم دافع

يعني العيار عيار .........عنده الف طريقة و طريقة عشان يتحايل و يتعير

و في النهاية بعد هالقصة الطويلة ..........الراي رايش يا حبابة انتين اتشوفين روحش لان بعدين محد بينفعش و اقل شي لو قصرتين او شي في دراستش و بيتكم يبغونش اتكملين بقولون ليش هادي الخطوبة و ما اتسوي

اني على فكرة بيتنا كانو معارضين على سالفة الخطوبة في الجامعة و قالو لي على الاقل لاخر كورس بالجامعة ........بس بعدين رضو
فمن جدي قلت بتحدى الكل و براويهم اني اقدر مهما كانت الاسباب و الحمد لله

و سوري على الاطالة

الله يوفقج يارب
شوفي راحتج وقلبج واحكمي

مشكورين حبيباتي وحدة وحدة , كل أراءكم باخذها بعين الأعتبار :)

بس في شي في بالي يدور , هل ممكن توضحون لي نوع المشاكل و الصعاب الي ممكن اواجهها :)

أنتضر بقية الاراء

upupup

يسلموو ي الغاليه
بس انا وجهة نظري انها قسمه ونصيب وكمان يرجع للبنت الي تعرف توزن الامور وتوفق بين دراستها وبيتها
انا الحمدلله متزوجه من 7 شهور وأدرس جامعه والحمدلله الامور ماشيه
تقبلي مروري....

للرفع للرفع للرفع

upupup

شوفي حبيبتي العريس المناسب يمكن مايجي إلا مره فإذا جاك الشخص المناسب وافقي على طول وأهم شي إن العريس يوافق على دراستك وإنشاء الله ربي بيعينك ع التوفيق بين زواجك ودراستك
تقبلي مروري

upupup

اهيى كلها خطوبة
انخطبي وانتين تدرسين واشرطي عليه تزوجين بعد التخرج
>> مثلي