تجمع حوامل قطر لشهر شوال *1430*ه

حياكم معاااااااااااااااااااااااااااااااااااااي

بالعافيه قطوتنا...

شكله يمي......

miss_engr;10340209:
بالعافيه قطوتنا...

شكله يمي......

حياج فديتج ..


فديتكم اذا ابي اعطي ولدي شاي مليوبا اعطيه في المرضاعه كم رقم والمرضاعه الكبيره لي فيه 4 ارقام او 2

السلاااام عليكم...

شخباركم وحشتوني....

بغيت اسالكم بنوتي فديتها طالع في خدها بقع حمرا مادري من شنو؟؟ شاسوي اغير حليبها ولا اوديها الدكتور؟
وبعد فديتها احس ان صوتها ميود لين اتصيح..

وين اوديها؟

miss_engr;10339564:
قطوة..

بصراحه بقولج شي... بس لاتزعلين.. تراج وايد خوافه وتاخذين الامور جد... وزنه ترى زين.. ومثل ما قلت لج هو يمكن بنيته صغيره ... لكن دام انه صحته زينه ومايشكي من شي.. خلاص شحقه تعورين قلبج....

فديتج انا خايفه لانه اول بيبي وماعرف انه عادي يكون وزنه دي وفديتج ماراااح ازعل ولاشي

بالعكس انتي مثل اختي وردج دووووووووووووووم يعجبني:wink:

عروس فور ايفر;10339567:
ميو ميو

تو الناس عليه الفارليز ثقيل

الشهر الثالث ابتدي عطيه عصير برتقال مخفف

يعني ملعقة عصير برتقال وملعقة ماي

واخذي البرتقال اللي يجيج حالي مب الحامض

والتفاح الاحمر احسن عوديه على شي جديد

والحليب يمكن من الغازات يكون شبعان لأن الغازات تملى معدة البيبي فيصير شبعان

جديه عدل وعقب عطيه والله يخليلج صغنونج يارب


:)

عروس ,,,,,,

وحشتيني وايد دددددددددددد انا ماااحب الشغل الدب لي مايخلينااا نشوفج وايد ....

فديتج يعني اعطيه البرتقال رقم واحد والماي نفس شي ؟؟؟؟

وشلون اعطيه التفاااااااااااااااااااااااااااااااااااااااااااااااااح

لولوة قطرية;10339573:




القطوة

الياهل كل ما يكبر .. تصير ساعات احتياجه للخليب متباعده اكثر ..

واهم شي صحته مثل ما قلنا لج .. مب وزنه


::

*_^

فديتج هو الحمدالله بخير بس نتفه من قلب:cool:

دلوعة حبيبي26;10339351:
مارديتوا علي ابي موديلات فساتين ووين الاقي قطع حلوة واي خياط ممكن يضبط

لي الموديل وشنو الالوان اللي دارجة هالايام،، ياليت اللي تعرف تساعدني حدي متوهقة

وماعندي وقت

دلوووعه

طرشت لج ع الخاااص

وعندج اخضر روتانا واايد حلو البنفسجي الاصفر في واايد الوان حلووه

وعن الخياييط عندج خياط علي وخياط سويت ليدي ف مجمع الغرافه



مسو

وحشتيني ياااحلووووه


لولو

الله يعييينج على خدااامتج والله هم جذي يحرووووووون

لا اله الا الله .. زاده اشوف يوم جيت باقرا اللي فاتني من اسبوع تعجبت 50 مادري 30 صفحة !!!
الله يحفظكم .. وايد صفحات مع اني الصبح كنت موجودة ..


كامي

فديتج ولدي مب رطرط كلللش .. لا فديته يشد وجذي بس مب ذاك الزود .. و انا كنت آخذ فولك اسد بانتظاااام ..
و بخصوص فيتامين دال @@ توني ادري انه نقطتين .. انا اعطي ولدي أكثر يعني يمكن 5 نقط ..

..

روح

@@ مبروك النك نيم الجديد ..
بس عاد دام ماتبين حد يعرفج غيري اللوك تماماً ..

..

مس مس

فديتج الله يهون عليج .. هااانت ..
اما الدكاترة يكون كلهم قطريين .. لا الله يخليج مااتخيل .. الا جان كلهم حريم شي ثاني ..

..

القطوة

صبري عليه شوي .. لين 5 شهور و نص او 6 عقب ابتدي عطيه ..
و الميلوبا قفشتين صغار في 100 مل ماي مع سكر نبات ..

..

لولوة

يختي انا ولدي مااحسه متن ولا تغير الا احسه خف وضعف ..

وين توقيعي ليش اختفى؟؟

غالية

يمكن متحسسة من شي .. وديها المستشفى او عند دكتور اطفال ..

مسو

فديتج والله

الله يهووون علييييييج

لولوة قطرية;10339463:
موزان

ياختي لوكاتج حلوه .. من وين تجيبين الصور ؟!!

عيونج الحلوة .. ادور مني مناك هههه.. الفيونكات حصلتها في قوقل كتبت فواصل فيونكات ورحت صوب الصور..
واللوك اللي قبله انا سويته الدوائر قصيتهم من صورة wallpaper :)
كتبي فواصل في قوقل بتطلعلج مواضيع.. والا حددي فواصل فيونكات... فواصل كيوت.. فواصل تصميمي.. تطلع اشياء غير..

يغار


بالمبارك ما جابت.. تتربى بعز امها وابوها


عروووووس

يبيله!! بس عاد 70 وايد هههههه 50 وايد علي خخ


غالية

غالية يمكن من التبوس.. او من الريري
حمود ويهه مبقع شوي وناشف.. من الريري.. احطله فازلين.

دوحانية
اول امس عطيتها يانسون رقم واحد بس وافكر اليوم بعد اعطيها بس ما ادري رقم واحد يكفيها لان انا اعطيها بين الرضعات فما ابي اكثر عليها
وبخصوص شاي ميلوبا يوم رحت الصيدلية مكتوب عليه بعد 6 شهور فما خذته انتوا اللي تعطونه عيالكم قبل 6 شهور هو نفسه
ولا في حق عمر اصغر
..
عروس
اعطيها بري نان خاص بالخدج وحق الاوزانهم قليله
ونيو لوكج فرايحي عليج بالف عافيه :)

..
كاميليا
لا كنت اكل فولك آسيد
..
رووح
صاجه النقط حارة وتحرقص خخخ
تخيلي ان بنتي كنت فالبداية انقط في حلجها وعقب بفترة شفايفها اللي تحت على جنب غمقج لونها
واختي قالت لي ترى حار عليها بروح جلدها رقيق وقالت لي ذوقي وشوفي شلون حار وصج حرقصني خخخخ
من جي صرت احط لها في الرضعة وانا قالوا بعد نقطتين بس ساعات احط لها اكثر اعوض لها لاني ما عطيها كل يوم يعني مثل حالتج لووول
..
يغار
تستاهلين سلامة اختج ومبروووك ما جابت
^^يا حلوهم البنات
..
القطوة
صبري على ولدج احسه صغير عالاكل اصلا لين 6 شهور الحليب يكفيه وعقب الست شهور ابدي شوي شوي ادخلين عليه الاكل
انتي اللي عليج نظمي وقت رضعاته يعني لو تعطينه كل 3 ساعات استمري على هالجدول لا تغيرينه كل ساعة عشان
ما تلخبطين ولدج معاه
..
غالية
بسم الله عليها راجعي دكتور اطفال احسن يمكن متحسسه من حليبها
..

صح وانا اقووول نسيت من

يغااار

بالمبااارك وتتربى في عزكم ان شاء الله

صرتي خاااله وصار لجووولي اخت هههههه

السلام عليكم
شلونكم شخباركم؟؟

اوانا من دوامت ماقدر انام الظهر مع اني احس بتعب ودايخه...ولوعه

نصيحه اذا فكرتو في الوظيفه ابتعدو عن التدريس...لانها مهنه متعبه جدا جدا جدا...الله يصبرني:(

تف تف

اسمحي لي نسيت ابارك لج ..
بالمبارك ما جابت و تستاهلون سلامتها و سلامة الكتكوتة .. الله يحفظها ويبارك فيها ..

..

ديور

عطيها رقمين ..
و شاي ميلوبا اسمه شاي الاعشاب لون الغطا اخضر مكتوب عليه منذ الولادة ..
في انواع ثانية من 6 شهور مثل البابونج ..

الناعمة

الله يعينكم يالموظفات و خاصة المدرسات مع هاللخبطة اللي صايرة ..
صج صج صج الله يعينكم جهااااد ..

هلا دوحانيه
...والله لج وحشه وينج غطيتى عناا والله مكااانج مبين وشلون وليدج؟؟

القطوة
دام الدكاتره ما قالولج ان ولدج ضعيف او وزنه ناقص خلاص ما عليج من حد
وبعدين ولدج واااايد صغير حرام تاكلينه من الحين
هو محتاج حليب الحين وبس على الاقل لين 4 او 6 شهور يكون افضل
والله انا اشوف ما تعطينه ولاااااشي بس حليب واعشاب وميلوبا
ومكتوب ورا علبه الميلوبا الطريقه والكميه

غاليه
الحساسيه اللي فويهها يمكن اكزيما :( بعيد عنها
وديها عند الدكتور احسن لانج اذا صبرتي عليها بتلاقينها يوم تكبر ويهها يبقع مكان الاحمر يكون ابيض نفس البهق
واذا قالولج اكزيما بعطيج اسم كريم مب موجود في الدوحه طبيعي ومافيه اي كرتزون وهالسوالف تحطينه مره وحدة في اليوم على جسمها كااامل وبترتاحين من هالموضوع
- ان شالله موضوعها سهل وما يكون اكزيما-

وعن صوتها
توني موديه بنتي الدكتور لان صوتها ميود وقالي ضاربها هوا بارد فحنجرتها منتفخه وشاده على الاحبال الصوتيه
انا ويدتها عند الدكتور خالد شوبان في عياده الدوحه علاجه نفع بنتي وااايد

دوحانيه
اها عبالي تقولين ولدي رطرط
والكل يقول نقطتين انتوا ليش اكثر خخخخخخ

يغار
الف الف مبروك تتربى بعزكم :)

ب رب صلاة

DIOR QATAR;10340990:

..
القطوة
صبري على ولدج احسه صغير عالاكل اصلا لين 6 شهور الحليب يكفيه وعقب الست شهور ابدي شوي شوي ادخلين عليه الاكل
انتي اللي عليج نظمي وقت رضعاته يعني لو تعطينه كل 3 ساعات استمري على هالجدول لا تغيرينه كل ساعة عشان
ما تلخبطين ولدج معاه
..

..

هلا والله ديور ... فديتج انا في البدايه كنت اعطيه الحليب كل 3ساعات وكان يشرب الحمدالله

بس الحين لا مااااايشرب كلش عشان جي ابي اعطيه بسكوت:)


فديتج انا اعطي ولدي شاي ميلوبا بالبلبونج ومكتوب عليه منذ الاولاده ومابعد بس مادري اذا

في انواع ثانيه