تجمع حوامل قطر لشهر شوال *1430*ه

صباح الخير

مس انجر حبيبتي انتي في اي غرفة تراجعين انا عند الدكتور مؤيد بس مالالقية دايمن كل مرةة يغيرون

الدكتور يعطيني اجازات بالاسبوع والحين صاروا يعطوني بالاسبوعين رمضان كنت كله في البيت والحين ان

شاء الله التاسع دوامي مقفلين علي يبون يعرفون شلون اجيب اجازات هالكثر بس صج الشهور الاخيرة ماساة >.<

كروشات ابيكم تدعون لي لانه يمكن يقررون لي عملية قيصرية لانه البيبي قاعد كان منزل راسة وعقب افتر وقعد وشكلة عاجبته القعدة ويبون يفرونة وانا رافضة اخا يصيد البيبي شي ><

وبغيتكم تساعدوني في شغلة لانه الناس خلاص فروا راسي الحين الحليب مال البيبي على اي اساس اخذه كل وحدة تمدح وتذم شي واحترت ماعرف شاخذ ؟ بليز ابي نصيحتكم

وبعد ستيانات الرضاعه ناس يقولون لازم تاخذين وناس يقولون ماتنفع ؟؟ اشتري ولالا ومن وين ؟؟


انا دوم متابعتكم واقرا سوالفكم بس ماشارك اتابعكم من بعيد لبعيد ^^"

اسيره ...

انا والله حتى ما اذكر رقم الغرفه... بس كان مركز 3... وبالنسبه للحليب.. شوفي انتي ما تقدرين تحكمين شنو الحليب الافضل لان هالشي بيبيج الي يحدده... بس نصيحه لا تجربين سيميلاك الي هو الحليب الي بيعطونج اياه المستشفى لانه وايد وايد ثقيل على معده البيبي خاصخ اول الايام بيكون فيه غازات.. وهالحليب بيزيده.. جربني ابتاميل.. او نان... اخف شوي... وعقب اذا شفتي البيبي ارتاح على واحد منهم استمري عليه..

وبالنسبه لستيانات الرضاعه.. والله انا اشوفها عمليه.. وتقدرين تاخذينه من مذركير.. او دبنهامز..

اسيرة .. وعلى طاري ان يفرون لج البيبي... خلهم يفرونه.. تحسبين القيصري عمليه سهله.. والله تطلع عينج عقب... وجربي المسادات ترى يعرفون لهالسوالف.....

صاجه مس مس
لو كلهم هل قطر ابرك
اسيرة عيونه
اصلا انا سامعه من زمان عن دكتور مؤيد
يعطي اجازات بالهبل شكلي لي توظفت بحول عليه
وبخصوص حليب البيبي انا ع طول شريت سيميلاك لان يقولون اوكي ويربرب البيبي
والحمدلله ناسب ولدي انتي استقري على واحد واخذيه ..
وبخصوص ستيانات الرضاعه انا قالولي لا تاخذين ماتنفع ومادري وشو بس الا اجرب
بس من حظي الجميل الي مقطع بعضه يوم رحت ماركس مقاسي مخلص واعتقد مريت ع مذركير
بعد جنه مقاسي مو موجود شككوني اني مالي مقاس اصلا خخخخخ

كامي

باحاول امسدها ولو انها ماتداني الزيوت خخخخخ

بس باسدحها غصب وبامسدها

لولوة

هلا فديتج :)

انشغلت شوي ^^"

مس مس

الله يهوون عليج يارب ويرزقج الولادة السهلة

وان شاء الله يعطونج اجازة وترتاحين

بس لازم تنطلقين وتمشين ترى الجو محلو هالايام :cool:
فرصتج لاتضيعينها :)

دلوعة حبيبي

صباح الانوار ^^

اسيرة عيونه

اسم الله عليج حبيبتي

حاولي تحبين وكثري من السجود وان شاء الله ينزل راس البيبي وعليج بالدعاء

والله يهوون عليج ويرزقج الولادة السهلة آمين

اسيرة عيونة;10339197:
صباح الخير

كروشات ابيكم تدعون لي لانه يمكن يقررون لي عملية قيصرية لانه البيبي قاعد كان منزل راسة وعقب افتر وقعد وشكلة عاجبته القعدة ويبون يفرونة وانا رافضة اخا يصيد البيبي شي ><

وبغيتكم تساعدوني في شغلة لانه الناس خلاص فروا راسي الحين الحليب مال البيبي على اي اساس اخذه كل وحدة تمدح وتذم شي واحترت ماعرف شاخذ ؟ بليز ابي نصيحتكم

وبعد ستيانات الرضاعه ناس يقولون لازم تاخذين وناس يقولون ماتنفع ؟؟ اشتري ولالا ومن وين ؟؟

الله يهون عليج .. وان شاء الله البيبي ياخذ وضعه الصح ..

بخصوص الحليب .. عن نفسي قعدت اقرا في النت واسأل واستقريت في النهايه على سيميلاك ..
وكل ما يسألني دكتور عن نوع الحليب .. واقول له سيميلاك .. ولاحد ذمه او قال لي غيريه

وترى اليهال .. كل واحد يختلف عن الثاني .. وحسب معدته واللي يرتاح لها ..

رضعي بيبيج طبيعي احسن لج وله (y)

وعن ستيانات الرضاعه .. انا الصراحه نفعوني .. لأن اذا انترس صدرج حليب .. تحسين بألم .. والستيانات العاديه ممكن تضايقج

وتحصلينهم في ماركس ومذركير

مس انجر
ههههههههههههههههههه
على قوتج يزخزخون البطن وخلاص

روح
روحي صوب قسم المشاكل والحلول وتغيير النكات تحت اخر قسم في الصفحه الرئيسيه واكتبي موضوع انج تبين تغيرين نكج وهم بيغيرونه لج

اسيره
مافي شي معين تمشين عليه للحليب
وايد انواع وصج تحيير
اخر نوع امدحوه لي الدكاتره "نوفالاك"
اس 26 يسوي غازات
كيكوز ثقيل على الياهل
نان كان زين بس الحين تغيرت صناعته وصاروا يصنعونه في ايران
سيميلاك بعد ثقيل على الياهل
ميلوبا ابتيمال كومفورت استعملته لنتي وايد زين بس على اخر الشهور سبب لها التهاب فمنطقه الحفاظ

ستيانات الرضاعه مهمه اشلون بترضعين اذا لابسه ستيان عادي؟
اخذي من شيكو او مذركير

مس مس توني امدح لها سيميلاك
انا كنت اعطي عبود فترة الاربعين كمون وينسون
عن الغازات ..

عروس فور ايفر;10339243:
لولوة

هلا فديتج :)

انشغلت شوي ^^"

يعطيج العافيه

برايفت : الأصفر يعور العين :o

كامي يعطيج العافية برووح ادور

مارديتوا علي ابي موديلات فساتين ووين الاقي قطع حلوة واي خياط ممكن يضبط

لي الموديل وشنو الالوان اللي دارجة هالايام،، ياليت اللي تعرف تساعدني حدي متوهقة

وماعندي وقت

دكتورة,,

اي عادي يهال يطيح عليهم ويهال لا.... هي المفروض تشوف وتجرب لين ما ولدها يرتاح على نوع معين.... بالنسبه لولدي... ما نفع معاه كلللش وذبحه مسكين تميت مستمرة عليه شهرين ولا ادري شالسالفه..

وتعالو بخصوص حليب نان .. انا دوم الي اخذه... ولا قد قريت مكتوب عليه ايران.. دوم صناعه نستله سويسرا...

دلوعه...

ها لحين صامده ويانا.............


والله بخصوص الفساتين مادري..... اشتري جاهز ابرك ... وايد صارت عندنا محلات زاي_ اللؤلؤه _ عايده...

قطريه...

خصوص مراجعاتج لحمد.. لا تراجعين عندهم من الحين..... تو الناس... لين وصلتي السابع حولي عليهم

مس انجر
صج والله
ليش انتي من يون تاخذينه؟
انا ادور صناعه سويسرا بس ما احصل

دلوعه
وانا من راي مس انجر الجاهز احسن

miss_engr;10339414:
قطريه...

خصوص مراجعاتج لحمد.. لا تراجعين عندهم من الحين..... تو الناس... لين وصلتي السابع حولي عليهم

لاني فيني سكر عشان جذيه رحت حمد لان كل شي متوفر هناك من دكاترة واشعه وتحاليل احسن من المركز

دلوعة حبيبي26;10339351:
مارديتوا علي ابي موديلات فساتين ووين الاقي قطع حلوة واي خياط ممكن يضبط

لي الموديل وشنو الالوان اللي دارجة هالايام،، ياليت اللي تعرف تساعدني حدي متوهقة

وماعندي وقت

موضة هالأيام تناسب الحامل .. بتحصلين جاهز .. أريح وأفك ..

وفيه الغالي والرخيص ..

كاميليا.. والله يا اخذه من جمعيه الميره..االي في الدفنه... والا الصيدليه الي جنبها .. ولا في عمري كانت صناعته ايرانيه .. فوايد استغرب انكم تقولون ان الي موجود ايراني..بصور لكم العلب وبراويكم ان مكتوب عليه صنع في شركة نستله سويسرا..

مسا الخير

عروس
وي ابي امتن... عيل بجيج :)