lasposadelnilo;10341283:كيفكم يا بنات عاملانين ايه يارترى حد فاكرني ولا نسيتوني
انا نهاد وكنت بدخل من قبل الخطوبه واتخطبت 5 فبراير بس خطيبي سافر السعوديه
من شهرين وشويه
فالدنيا ملخطبه اوي ولما فقت من حوار الشقه وجبناها الحمد لله بعد ما اسافر ابتديت افوق للتجهيزات
انا ماما كانت جايبالي حاجات وانا بلف معاها على الباقي
عندي اركوبال 114 قطعه ولونه جميل ياترى هحتاج معاه حوار طقم العشا ده
وجبت حلل ومقالي وكل الدوشه دي المومنيوم وعاوزه اجيب طقم تيفال اللي هوا ملون من بره ده افصر وفي احمر ايه رايكم
وجبت صقط صواني وجبت طقم التوزيع مدهبن وشكلهم تحفه
وجبت معالق وشوك صغننه وكبيره طقم مع بعضه اتشرات بدل حوار الشنطه ده
وماما كانت جايلالي مفارش سرير وبطاطين وفوط بس اتعقد ميلايات لا
عارفين ايه الي محيرني انى مش عارفه هسافرله عروسه ولا هتجوز هنا
بس في كل الاحوال لسه سنه على اساس انه لو هينزل لازم يعدي عليه سنه وياخد اجازته
ولو هسافرله لسه شويه برضه لما يثبت هناك ويقدر يبعتلي قولي سنه الا كام شهرين ولا حاجه
المهم اجيب ايه اخلى ايه للاخر بما انى مش عارفه هتجوز هنا ولا هناك بس في الحالتين لازم الشقه تخلص هنا
انا مجبتش ادوات كهربائيه غير المكنسه بلاك ان ديكر
وكنت عاوزه اجيب الكتشن ماشي
وفي بنوته مسلمه صالحه حطت نوع على اوفر من كارفور
فياترى براون ولا مولينكس
وياهل اجيبها كتيشن ماشين على بعضها ولا اجيب كل حاجه لوحدها اريح للماتور
فيدوني بخبراتكم
اللي جروبوا واللي عنده معلومه
تصدقوا انا فعلا رغايه جدا انا مش هقدر اقرا كل اللي انا كتبته
بس قلت كله مره واحده عشان منساش بقى معلش
ردوا واحده واحده انا معاكم
ربنا يخلينا لبعض ونرشد بعض دايما يا قمرات
سبحان الله كانك بتكلمى عنى بالضبط اصلى نفس الظروف دى بس انا اتخطبت فى 12وهو هينزلى فى 12 المهم هاتى الاساسيات فقط بالنسبة للادوات الكهربائية بلاش دلوقت لما تعرفى ان هو الى هيجيلك هاتيها عادى بتتجاب كلها فى يوم واحد الى تجيبية من دلوقت لبسك وحاجاتك كمان كترى من الاندرات لان بيقولو الاقطان فى السعودية حلوة بس الاندرات لا ومش تكترى فى لبس الخروج يعنى لو هتجوزى فى الشتا هنا هاتى الشتوى والصيفى لا والعكس صحيح لانك طبعا عارفة ان هناك نظام عباية سمرا وشكرا كمان هاتى اللى يعجبك من الكريمات والمكياج والبرفانات مع انى انا لسة راكانهم هجيبهم على 11 كدة وبرضو مش تكترى اوى لانك بعد كدة ممكن حاجات تعجبة وحاجات مش يحبها عليكى وتلاقيكى كترتى منها فاهمانى وربنا يوفقك ان شاء الله قوليلى هتكونى فين هناك؟؟ اهونبقى صحاب ونتعرف يمكن نكون مع بعض نسلى بعض فى الغربة اصلى شايلة هم انى مش هشوف حد غيرة وهو نفس الكلام خايفة دة يزهقنا من بعض او يزود المشاكل خاصة انك اكيد حاسةزيى انك مالحقتيش تفهمية والتليفون مش كفاية صح؟اية الرغى دةكفاية كدة
احلي 
