ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

موووونى حبيبتى
ممكن تنزلى سوق غزة فى حاجات حلوة انا رحت مرة لقيت فيه حاجات حلوة ومتنوعة وسعره كويس وخلى بالك بتفصلى جاااااااامد فيه

ربنا يفك كربك ياقمر

سوال بقى عشان المخالفة
الحلل الالومنيوم ايه الاحسن الدهان ولا المودرن

ya banat elmawdo3 araaab awi we ana halkaaaaaaanaaaaaaa gedan bgd
2oleloy ba2a 3la afkrkom ana ba3d katb elketab habat f hotel we ba3den tany yom elsob7 hasafr 3la tol a5od eh ma3aya fe ellila de f elhotel ?

السلام عليكم
ازيكم يا بنات
ان شاء الله تكونوا كلكم بخير
يا بنات كارفور عامل اوفر على الكيتشين ماشين ده
وسعره 849
وما شاء الله جميل

soshe;10331357:
ربنا يتمملك بخير يا عيون حمودى وفعلا البساطة احسن حاجة و اهم حاجة انك تفرحى حتى لو بأبسط التكاليف اهم حاجة ربنا يبارك
وبالنسبة لقميص الدخلة البسى حاجة حلوة ولايقة عليكى مش شرط يكون ابيض اصلا انا عايزة اقولك ان الموضوع ده مش بيفرق خااالص عند الرجالةابيض ولا اسود حتى :) اهم حاجة يكون لايق عليكى وشكله حلو يعنى متعقديش نفسك وشوفى اي قميص بترتاحيله وان شاء الله يكون جميل عليكى
وانا الحمد لله اتجوزت تانى يوم العيد عملنا كتب كتاب وطيرنا على البيت :) الحمدلله كان يوم جميل والله ربنا بارك اوي فى اليوم الحمدلله يعنى عايزة اقولكم مش الفرح هو اللى هيخليكو مبسوطين ممكن بأقل التكاليف وتحسوا انكو فرحانين ومبسوطين المهم عملت كتب الكتاب فى مسجد الصديق وكان شيك اوي وجميل ماشاء الله وعملت الميك اب عند ايمى الكاشف
نصيحة يا بنات ايمى الكاشف دي استاذة بجد وماشاء الله الميك اب فضل ثابت حتى لما روحت البيت وبغسل وشى واتوضا مش عايز يطلع الميك اب :) وكان تحفة ماشاء الله وعجب الناس كلها الحمدلله والمكان عندها مريح اوي وفيه نظام وبتاخد وقتها معاكى وبتسألك عايزة الوان ايه وتقيل ولا خفيف بجد ماشاء الله عليها بروفيشنال
والفستان اجرته فيرست يوز ب 1200 من عمار ابن ياسر محل سوري لسه فاتح من كام شهر وحاجته كلها فيرست يوز وتحفة ماشاء الله ولونها ابيض نااصع ومعاها البندانة والبدي والطرحة اصحاب المحل سوريين اصلا كان فستان تحفة ومقاساتهم كلها صغيرة للى اجسامهم زي حالاتى :):) الحمدلله كنت مبسوطة اوي واليوم كان جميل ومكنتش خايفة خالص
وفيه حاجة كمان عايزة اقولكم عليها يا جماعة مشاكل قبل الجواز دي بجد حاجة مقرفة وبعد الجواز الحياة بتختلف تماما بحس ان كل اللى فات ده كان هبل وعند والشيطان هو السبب واحنا اللى كنا بنديله الفرصة بس الجواز مختلف خااالص عن الخطوبة
كانت مشكلتى بس فى الجواز اختلاف الطباع بس وكل واحد متعود على حاجات معينة فى بيته بس والله كله بيمشى بالتفاهم وطالما بتحبوا بعض خلاص
بجد فى الفترة اللى قبل الجواز مشاكلنا وصلت اننا نفسخ الخطوبة وفعلا سبنا بعض شهرين وربنا يسر بعد كده واتجوزنا ومبسوطين الحمدلله
وفيه حاجة كمان متكتروش فى الحاجات اللى انتو جايبينها ومفيش حاجة اسمها لازم انا جبت اللى اقدر عليه واللى عايزاه
بصو اصلا انا جبت طقمين عشا شبه بعض وشكلهم مطرقع كده بدل الطقم الصينى بصراحة مش بحبه ومالوش اي لازمة ومهمنيش كلام الناس علشان دي حاجة تخصنى لوحدي وعندي ثقة فى نفسى جبت طقم شاي شكله شيك اوووي حطيته فى النيش وطقم قهوة شيك اوي حطيته فى النيش بردو
والكاسات مكترتش منها والملايات جبت حوالى 8 واللانجري بصراحة مش عملى :) لبس البيت والحاجات المطرقعة دي والدلع دي احلى حاجة ومريحة اوي وعملية جداا دي نصيحة كترروا منها اوووي
واخر حاجة بقاا مفيش حاجة اسمها انك تجيبى حاجات وتضغطى على نفسك وعلى اهلك علشان خاطر الناس
الناس ملهومش حاجة عندكم اهم حاجة انكو متضغطوش على نفسكوا اوي
انا رغيت كتير اوي :D:D:D استحملونى بس انتو وحشتونى وبحبكم اوي علشان كتير اوي منكم وقفوا جانبى ودعولى فى محنتى
يللا اسيبكم بقا وادعولى ربنا يرزقنى بالذرية الصالحة ان شاء الله

مبرووووووووووك ليكي يا قمر
ولكل العرايس حبيبة مادو وسال وكله
وبجد كلامك ريحني اوي
انا حاصللي توتر جامد عشان حوار مفيش فرح ده
ومامتي تقوولي عيب
واخواتي يقولولي هتندمي
وكرهت نفسي خالص
وربنا يرزقك يا رب بالذرية الصالحة وكل حاجة حلوة
وععاوزة باة عنوان الاتيليه ده

يابنات
انا روحت اتيليه قست فستان ومش كنت سالت ع السعر
والحمد لله الفستان عجبني وطلع حلو عليا
وكنت مقررة اخده
فسالت ع السعر لقيتها بتقوولي 2000
طبعا ده كتير جدااااااااااا
الفستان مش فيرست يوز والا اي حاجة وعادي خالص
وحسيت انها استغلالية وبتغلي عشان عجبني وخلاص
عااوزة اعرف باة الفستان الحلو بجد تاجيره بكام
وافاصل والا ايه؟؟؟
وعاوزة اتيليهات كويسة غير جسر السويس وعباس
؟؟؟
وادعوولي باة احدد معاد فرحي ع خير
وليا سؤال
القاعة اللي في الجامع
بتبقى المدة اد ايه
يعني كلهم ساعة وكده والا ممكن ساعتييييييين عشان الناس تلحق تعد

مستنية

رووووووووووووووفة ابدأى من 800

بس ده كان من ساعه ما قالك لو روحتيلو تانى هيحس انك لفيتي وراجعالو بقي ومقرره تاخديه

احسنلك تروحي واقعدي مع البنت الى هى بتقيسك الفستان واديها 5 جنيه كده وقوليلها هاتيلي اخر الفستان ده كام وكده

وعموما انا ايام ما كنت بحجز قالو 2000 وبدأت من 800 وعليت سنه سنه 50 ف 50 يعني ف خدتو ب 1000

وكان فيرست يوز ساعتها كمان والراجل ورانى طبقات التل من تحتو كانت لسه متفردتش وزى ماهى

وربنا يوفقك يا قمر ويباركلك

رووفة;10336901:
تحفة حلوووووووو اوي
ده ماجراه والا شارياه
ومنين وبكام
انتي اتجوزتي اصلا
ههههههههههههههههههههه واالا لسة

انا لسه ماتجوزتيش ياقمر انا عملتوا عند اتليه في اسكندرية

M!ss Tuky;10336917:
رووووووووووووووفة ابدأى من 800

بس ده كان من ساعه ما قالك لو روحتيلو تانى هيحس انك لفيتي وراجعالو بقي ومقرره تاخديه

احسنلك تروحي واقعدي مع البنت الى هى بتقيسك الفستان واديها 5 جنيه كده وقوليلها هاتيلي اخر الفستان ده كام وكده

وعموما انا ايام ما كنت بحجز قالو 2000 وبدأت من 800 وعليت سنه سنه 50 ف 50 يعني ف خدتو ب 1000

وكان فيرست يوز ساعتها كمان والراجل ورانى طبقات التل من تحتو كانت لسه متفردتش وزى ماهى

وربنا يوفقك يا قمر ويباركلك

عارفة انا اصل كنت بتمشى
وكان كلامي اني هجيب ماما تتكلم وتشوف الفستان
لاني كنت مع صحبتي
بس انتي رفعتيلي حالتي المعنوية
انا اتغظت لاني لما قست انا قست الاول واحد قاتلي 1200 بس طلع وحش عليا
والتاني اخوه يعني زييه بالظبط باستثناء حاجات بسيطة ولقيتها بتقوولي 2000
لمجرد ان لقيتني حبيت الفستان انا قولت اجيب مامتي تشوفه قبل اي حاجة
وبعدين هوا لو فيست يوز كنت قولت ماشي
انما ده عادي
انتي فستانك من ميس ريم صح؟؟؟

اها يا قمر كان من ميس ريم

.* اميرة *.;10334558:
طب حبيبتى كريازى القديم اجيبه منين وجبتيه بكام؟؟
انا سالت فى عمر افندى 4شعلى ب1620 جنية
QUOTE]



الف مبروك ياقمر اهم حاجة دلوقتى اهتمى بالترطيب عشان عن تجربة بينور الجسم وبلاش تجربى اى حاجة دلوقتى خليكى فى المضمون(f)


لولولولولولوللليييييييييييييييييييييييييييييييييي الف مبروك ياقمر(f)


الف مبروك ربنا يرزقك الذرية الصالحة يارب قوليلى حبيبتى ايمى خدت كام والمحل اللى جبتى منه الفستان فين بالظبط




حبيبتى انا كمان هاعمل كدة ان شاء الله الريسبشن ركنة وانترية والسفرة فى اوضة لوحدها دى بترجع لراحتك انتى



الف شكر لردك طب قوليلى بتبقى فين بالظبط انا عايزة حاجة فى مصر الجديدة او المعادى
وسؤال تانى اقدر اعمل الديكور ازاى فى ناس بتعمله؟ واوصلهم ازاى

ياريت يابنات الله يكرمكم اللى تعرف فيكوا تانى اسعار تاجير الفيلات القريبة من القاهرة عشان يتعمل فيها فرح بكام عايزة اجمع ارائكوا

عيون حمودي;10331047:

كل سنة وانتوا طيبين يا احلى عرايس

والف مبروك الجزء الجديد

وحشتوني اوي اويي ووحشتني الصحبة الحلوة
ما كانش عندي وقت ادخل المنتدى وكنتوا على طول ببالي

باركولي وسمعوني الزغاريط الحمد لله اتحدد معاد فرحي من فترة قصيرة وكان نفسي آجي اخبركم عشان افرح معاكم ومشان تحطوني بالليستة وكنت بقول كل يوم حاجي لغاية خلاص ما بقى شي على عرسي :):eek:

ان شاء الله فرحي

2 اكتوبر

سبحان الله كنا ناويين نعمل الفرح بمصر ولكن الظروف خلتنا اننا نعمله هنا بالدانمرك..
الحمد لله على كل حال
ولكن حنزل انا وجوزي مصر شهر العسل بعد الفرح بيومين وحنبقى اسبوعين..حنروح الاسكندرية عشان الميزانية بس الحمد لله انه اصلا قدرنا نسافر شهر عسل

القناعة كنز لا يفنى يا بنات :o:wink:
انا بقول الكلمة دي عشان نرضى باللي ربنا قسمهولنا ونفرح بيه
والحمد لله الحياة قدامنا ونبقى نعمل ونحلم ونسافر مع ازواجنا اهم شيء طاعة الله والرضى واننا نفرح وما يهم اي حاجة تانية

الفرح للستات بس :)

الحمد لله ربنا وفقني واشتريت فستاني من هنا

انا نفسي اوريكوا صور فستاني ما شاء الله شيك موووووت والله يا بنات ربنا بعتهولي لحد عندي ويسرلي اموري وكرمني اوي اوي

انا كنت حاعمل فرحي بمصر وحشتري فستاني من مصر وكل حاجة بس ربنا شاء اننا نعمله هنا وكمان اهلي نقلوا على منطقة جديدة وماعرفش فيها اي حاجة :ss:
الحمد لله ربنا بعتلي جارتنا جات يوم جايبالي فستان فرح وقالتلي يلا قومي قيسيه وسبحان الله كإنه متفصل ليا انا :D قسته والكل انجن فيني وجارتنا كانت مش مصدقة واخواني الشباب اتأثروا فيني بالفستان :D وانا طبعا مش مصدقة نفسي بالفستان :wink:
بس كان عاوز يتوسع من عند الضهر والحمد لله وديته الخياطة وطلع جميل وشيك اويييي

وكمان كل جيرانا بيساعدوني وجارتنا التانية اللي حتصور بالفرح وجارتي التالتة اللي حتمشي الموسيقى بالفرح

الحمد لله انا وجوزي عملنا الفرح بأقل التكاليف
مش حاحكيلكم بئا على الغربة والغلاء اللي هنا وخاصة انه جوزي لسى جديد بالبلد
والله يا بنات حاسة كإن الجيران كإنهم اهلي وقرايبي اوي اويي
ما شاء الله كلنا هنا من جنسيات مختلفة لبنانيين وفلسطينيين وسوريين وجيرانا بيحبوا يساعدوا ويعملوا خير مع اي حد

نحنا هنا بغربة وصعب انك تلاقي كل اللي انتي بتحلمي بيه وخاصة تلاقي ناس فعلا واقفة جنبك وفرحانة بيكي خاصة انا ما ليش قرايب هنا الا عمي وساكن بعيد اوي عننا

ان شاء الله حنزلكم صوره لما اجيبه من الدراي كلين :)

انا رغيت كتييير معلش استحملوني عروسة بئا :o

يا رب نفرح بيكوا كلكوا وعقبال البنوتات يا رب

انا بس عندي مشكلة
انا لسى ما اشترتش قميص نوم اول ليلة ودايخة
هنا عليه وبفكر اشتريه لما انزل مصر
وخطيبي بيقولي انا مش حاستنى تاني وابقي البسي اي قميص نوم من اللي عندك ومش ضروري يكون ابيض :ss:

قولولي الاقي قميص نوم شيك فين بوسط البلد او المهندسين ؟ ده حتى مش عاوز ياخدني مصر الجديدة عشان اشتري من عند محل رسمية :confused:

يا ربي انا رغيت كتييير
ايه ده انا جايبالكوا تقرير من الغربة ههههههه
اصلي عمري ما عملت تقرير :tongue::cool:
بس يا رب ينفع في حاجة :)

:15::15::15::15::15::15::15::15::15::15::15::15::15::15::15::15::15::15::15::15:

ربنا يسعدك ياقمر ويفرحك والبساطة فعلا احلى حاجة

لوءة;10331615:

متشكرة جدااا ليكو يا مى انتى ولقاء والحب هو الحياة ونيسو على نصيحتكم

ربنا يحققلكو كل امانيكم ويسعدكم ياااارب

الحب هو الحياة فعلا معاكى حق ..الاجهزة مش لازمة دلوقتى

انا اصلا كنت عايزة اجيبهم لما الشقة تخلص من المحل للشقة على طول

فعلا ياقمر كده احسن عشاتن تكلفة النقل تكون واحدة تانيا كمان تفتحى الحاجة وتركبيها على عطول فى شقتك
بالنسبة لسوالك رديت فى الديكور

Muslma;10333583:




وبنات من فضلكم تدعولى


لانى المفروض حنحدد ميعاد الفرح الايام دى وفيه مشاكل كده ربنا يعديها على خير

لانى مخنووووووووقة جدا
وربنا سترها

ربنا يفك ضيقتك ويسعدك يارب

دكتوره بس عسوله;10334609:
ازيكو يا بنااات يا قماات انا متابعه معاكم من زمان وبجد استفدت كتيييييير
ولانى لسه مخطوبه يادوووب من شهر ولانى لسه هبدأ اجهز فبعد اذنكم اكييييد هدوشكم معايا

اول سؤال ليا هوا فى جوبا ف اسكندريه؟؟؟؟؟؟؟؟؟؟؟ وفين ؟؟؟؟؟؟؟؟وهوا لسه فيه تخفيضاات؟؟؟
ولو عاوزه اجيب شوزاات وسليبرز وشنط نضيفه اجيب منييييييييييييين ؟؟؟؟؟؟؟؟؟
وشارع رشدى لو حبيت اروحه اروحه ازااااى والاقى فيه محلات هدوم اسعارها خلوه ولا ؟؟؟؟؟؟؟؟؟؟

مع العلم انى مش من اليكس ومسافره بكره يووم واحد بس

اسكتندرية حتنور بيكى ياقمر
جويا فى محطة الرمل شارع سعد زعلول وفى مول سان ستيفانو وعند محطةترام ثروت وفيه محل فى شارع الغرفة التجارية
محلات ملابس روحى بلازا عمل سيل فى كل حاجة حتلاقى شنط واحذية وملابس
وكمان روحى جليم شارع ابوقير ومول سان ستيفانو حتلاقى شنط جميلة والاحذية حلوة اوى
بالنسبة لرشدى فالملابس فى شارع ابو قير لو جاية من البحر حتدخلى شارع سوريا لاخره وبعدين حتدخلى على ابوقير وحتلاقى الديب مول لو توهتى اسالى عليه

Nesoo;10334931:


ماشاء الله الهم بااااااااااااااااااااارك بارك الله لكما وبارك عليكما وجمع بينكم في خير يارب العالمين

الف الف مبروك ياقمر ربنا يتمملك على خير يارب العالمين

يبانتى دا نصيب ومكتوبلك هاتعملى الفرح فين وكل حاجه سبحان الله وعلى فكره في فندق على البحر علاطووووووووووول ب 180 الغرفه الزوجى وبالفطار كمان ودا ارخص سعر في اليكس كلها ياقمرايه لو عايزا تعرفى التفاصيل ابعتيلي على الخاص

نيسو ابعتلى تفاصيل الفندق على الخاص

دلوعة الغالى;10335627:
موووونى حبيبتى
ممكن تنزلى سوق غزة فى حاجات حلوة انا رحت مرة لقيت فيه حاجات حلوة ومتنوعة وسعره كويس وخلى بالك بتفصلى جاااااااامد فيه

ربنا يفك كربك ياقمر

سوال بقى عشان المخالفة
الحلل الالومنيوم ايه الاحسن الدهان ولا المودرن

الدهان احلى

mesk_2005;10335794:
السلام عليكم ورحمة الله وبركاته

ازيكم يابنات بقيتوا بتوحشوني اكتر من خطيبي :D وسعت مني ديه مش كده
والف مبروك لحبيبة مادو وربنا يسعدها
وربنا يتمم بخير لحبيبة حبيبي ويكرمها ويسعدها اللهم امين

بصوا بقى ياقمرات انا عوزاكم تفكرولي في فوكيره حلوة كده في ايه بقى
هقولكم اهو انا عوزاكم تقولولي اقتراحات لهدايه لجوزو عشان بصراحه بقالي فترة كبيره مش جبتله حاجه وكمان عشان امبارح كنت وحشة اوي وزعلته جامد بس مش كنت اقصد ويارب يسامحنى
فاانتوا قولولي بقى اجيبله ايه وكمان الشهر اللي جاي عيد ميلاده وعيد جوازنا "كتب كتابنا يعنى" كلاكيت تاني سنة علينا
وانا مش بحتفل بحاجه منهم الحمد لله فممكن اجيب حاجه قبليها احسن
بصوا هو دبلته اتكسرت منه وهو شغال كنت ناويه اجيبله دبلة بس قولت خليها على قرب الفرح لان المفروض انه كان خلال الايام ديه بس هيتأجل بس مش عارفين لأمتى فإيه رأيكم اجيبهاله برضه ولا ايه ولو اجيبها اجيب معاها ايه تانى
بس متتأخروش عليه فى الرد ربنا يباركلكم وادعولي يابنات انا كل شويه فرحي عمال يتأجل مش عارفه ليه ويارب يكون خير

هاتى ساعة او محفظة وكرافته وقميص اوميدالية شيك

mesk_2005;10336392:
ربنا يباركلك ياحبيبتى ويكرمك ان شاء الله ويصلح لك الأحوال وربنا يتمملك على خير ان شاء الله
واقتراحاتك حلوة بس تعرفي انا جبتله الحجات ديه كلها بس الدبلة هي اللى هتكون جديده وممكان اجيبله قلم شيك كده لأنه بيستعمل القلمه كتيييييييييير اوي
طيب ايه رأكم لو جبتله ساعه حلوة
بس اللي من اليكس يقولي اجيب ساعه منين
وادعولي ربنا يكرمكم

فى سان ستيفانو وفيه محل فى شارع السلطان حسين جنب ليتل سيرز فى محطة الرمل

دلوعه رعد;10336774:


بنات ده فستايني من كاتلوج بلاك اند وايت ايه رايكم

حلو اوى الفستان مبروك عليكى

مسلمة موحدة;10336807:
السلام عليكم
ازيكم يا بنات
ان شاء الله تكونوا كلكم بخير
يا بنات كارفور عامل اوفر على الكيتشين ماشين ده
وسعره 849
وما شاء الله جميل

خلى بالك معظم بروان اللى فى السوق دلوقتى صينى وقليل اوى المجرى