كل ما تريدين معرفتة عن منتجات اوريفليم

manona_00;10415625:

ميرسي يا جميل على الردود الجامده دى(f)(f)

السؤال بقى دلوقتى انا كده هجيب ان شاء الله الغسوب والتونر بتاع الصبار الشهر ده

لما اجى اجيب اوبتيمالز اجيب الغسول والتونر برضه واستخدمهم بالتبادل ولا كفايه بتاع الصبار؟؟

سؤال جاهل معلش هو كريم النهار ده احطه وانا نازله الصبح؟؟ اصل انا اعرف مينفعش اى كريم يتحط وانتى نازله فى الشمس عشان ممكن يبقع الوجه ولا انا فاهمه غلط؟؟

مش دى صورة كريم الكشمير فى البروشور الجاى ولا دى حاجه تانيه؟؟
معرفش اتعلقت بيه كده ليه:D

والصابونه بتاعته دى حد جربها؟؟

انا قصدى على الجيل ده مش ده مختلف عن الجيل الملون

اصل هم حتى نفس السعر بس بيتهيالى حاجه مختلفه ولا هم منزلينهم باسمين مختلفين؟؟ مره بالفيتامينات ومره ملون؟؟
واحد نازل فى البروشور الحالى واللى فوق ده نازل فى اللى جاى؟؟

وعندى مشكله جامده جدا معقدانى فى حياتى
انا عندى تحت عينى غامق بس مش هالات
اصل انا عندى الاورده غامقه شوية وباينه تحت عينى وف ايدى كمان ومش لاقيه حل للموضوع ده خالص
انا طبعا هجيب الكونسيلر بس مفيش حل يضيعها مش يغطيها؟؟

ميرسي يا انوش على تعبك معايا(f):)

العفو حبيبتي

بوصي اكتفي بغسول وتونر واحد يعني هاتي مثلا تونر وغسول الصبار على اساس انهم مناسبين نوع بشرتك وتجيبي الكريم والسائل من مجموعة التفتيح عشان التغذيه والترطيب

سائل النهار بتاع مجموعة التفتيح فيه عامل حماية 15 من الشمس وهو خفيف فا عادي لو استخدمتيه وانتي خارجة بس هيكون افضل لو ضفتي نقطتين من صن بلوك قوي وتدهني بيهم وشك وفوقيها لوس بودر او كومباكت بودر عشان يشيل اي لمعان او دهننة وانتي خارجة

اللي في الصورة دا لوشن الجسم وللايد مش كريم بس ممكن تستخدميه عادي اما كريمات الايد بتكون امبوب واللي بقولك عليه حلو وجربيه الشهر دا عشان غالي الشهر الجاي هو دا الي في الصورة


الصابونة مش جربتها بس هي كريمي وناعمة
الجل اللي في 2 بروشور هو هو ياقمر الجل الملون بالفيتامينات وبنفس الاسم وبنفس السعر يعني لو جبتيه البروشور دا اوك لو جبتيه البروشور الجاي بردو اوك

بالنسبة لمشكلة العين دي لازم دكتور مش ينفع ابدا تتعالج كده لانها مش مجرب ارهاق او تعب واحتمال يكون سبب مشكله في حاجه تانية فا انتي روحي لدكتور وهو هيعمل تحاليل وهيعرف السبب وهيكتبلك على العلاج المناسب والف سلامة عليكي :)(f)(f)

manona_00;10415768:

ميرسي يا جميل على ردك (f) مش عارفه اقيمك والله بس ان شاء الله ابقى ارجع تانى اجرب:)

انا فعلا خدت بالى بعد ما بعتت الرد انه للجسم واغلى من التانى بتاع الايد بكتير:D

ان شاء الله اروح اجيب الحجات دى واجى احكيلكم على التجربة بعدها علطول

الله يسلمك يا جميل هى فعلا مشكله وعقدتنى من منظر ايدى ووشى ولو قلت لبابايا اروح لدكتور عشان العروق باينه شوية مش هخلص اصل مفيش عمار بينه وبين الدكاتره خالص:D مع ان بنته واحده منهم يعنى

يظهر مش هيبقى فى عمار برضه(n):D:D

ميرسي يا قمر على الرد الجامد ده:)

هههههههههههههههههههه
مستنيين تجربتك ياقمررر
ومبروك عليكي الحاجة مقدما تتهني بيها ان شاءالله ^_^

مرموم;10414350:
من تجربتي...

الجيل الغني بالفيتامينات ده...أنا لا أستغنى عنه...يضيء الوجه فورا...من غير ما حد يلاحظ...و يعيد له الحيويه فعلا...

طب لون بشرتك ايه؟مبيعملش لون؟يليق على اي بشره لان في واحده قالت غامق
و بيليق عى بشره دهنيه؟

مرموم;10414367:
أيضا...مجموعه شامبو جوز الهند و البلسم الخاص به رائعه....هي بس العلب حجمها صغير...

فرحت إنهم راح ينزلوا منه ماسك...إن شاء الله يبقى بنفس فعالية الشامبو و البلسم...

طب شعرك نوعه ايه. ؟ و عمله ايه؟

شكرا كتيييييييييير يا بنوتات
بجد انكم عسل
بالنسبة لمجموعة بيور سكن انا جبت الغسول الجل رقم1 وقابض البثور السودا رقم2 والجل العبوة الصغيرة وما لقيت الستيك القلم فجبت بداله الستيك بتاع مجموعة شجرة الشاي
وكنت عاوزة اجيب الكريم المنقي رقم 3 بس ما كان متوفر.. بس كنت عاوزة اعرف هو لايه بالزبط شو فايدته وضروري اجيبه... وانتو شجعتوني اجيب الكريم سريع المفعول بس شو الفرق بينه وبين الجل؟

بعد كده ان شاء الله بس اخلص من مشاكل الحبوب حأفكر اختار ايه من كريمات البشرة

دلوفتي انا عاوزة اسأل عن شوية حاجات عجبتني في كتالوج شهر 10 اللي هو من 1-10 الى 21-10
اول حاجة بالنسبة لكريم الاساس قريت كتير هنا عن كريم اساس جيورداني وانا عجبني قوي الكريم اللي في صفحة 5 في حد هنا جربه ينصحني بيه؟ لا الككريم اللي في صفحة 76 اللي ب89 ج بالنسبة لبشرتي مين افضل اصل انا بشرتي دهنية طبعا وفبها بقع وآثار حبوب وشمس من الآخر كده تعبانة قوي

وكمان اشتريت انبوب الزيت الساخن اللي بجوز الهند وحليب الارز بس لسه ما استخدمتوش .. في حد جربه يحكيلي عن نتيجته ؟ وشو ممكن استخدم منتجات للشعر من اورفليم لانه شعري بيتساقط قوي واصبح جاف جدا ؟

تاني حاجة كنت عايزة ادلع نفسي شوية وفكرت اجيب كريم للايدين عشان الشتا اللي جاي بس محتارة بين كريمين : كريم هاند اند كشمير ولا الكريم المغذي للايدي والاظافر اللي في صفحة 93 ؟
وكمان عايزة حاجة ترطب القدم في الشتا وتزيل الخشونة اللي في الكعب هو مش خشن كتير بس يعني .. شفت كريمات في صفحة 87 وكريمات ص106 بس مش عارفة اختار ايه بالزيط من المجموعات دي؟

ومشكوووووووووووووورين مقدما

[FRAME="11 70"]
[GRADE="00008B FF6347 FF1493 00BFFF"]
[GRADE="00008B FF6347 008000 4B0082"]
[B][SIZE=4][COLOR=sienna][B][SIZE=4][COLOR=sienna]انتى قطقوطه كده فكل مواضيعك:wink: الف مبروك ياقمراية المنتدى كل مواضيعك هايله وحقيقى تستاهلى اعلى تقييم يا جامد انت فكل مواضيعك (f)(f):wink:
[/GRADE][/COLOR][/SIZE][/B][/GRADE][/COLOR][/SIZE][/B][/FRAME]

روعه انوش يسلمووو

اقتباس المشاركة الأصلية بواسطة خرابيش7 شكرا كتيييييييييير يا بنوتات
بجد انكم عسل
بالنسبة لمجموعة بيور سكن انا جبت الغسول الجل رقم1 وقابض البثور السودا رقم2 والجل العبوة الصغيرة وما لقيت الستيك القلم فجبت بداله الستيك بتاع مجموعة شجرة الشاي
وكنت عاوزة اجيب الكريم المنقي رقم 3 بس ما كان متوفر.. بس كنت عاوزة اعرف هو لايه بالزبط شو فايدته وضروري اجيبه... وانتو شجعتوني اجيب الكريم سريع المفعول بس شو الفرق بينه وبين الجل؟
للاسف ماجربتهوش فا مش حعرف افيدك :15:
بعد كده ان شاء الله بس اخلص من مشاكل الحبوب حأفكر اختار ايه من كريمات البشرة

دلوفتي انا عاوزة اسأل عن شوية حاجات عجبتني في كتالوج شهر 10 اللي هو من 1-10 الى 21-10
اول حاجة بالنسبة لكريم الاساس قريت كتير هنا عن كريم اساس جيورداني وانا عجبني قوي الكريم اللي في صفحة 5 في حد هنا جربه ينصحني بيه؟ لا الككريم اللي في صفحة 76 اللي ب89 ج بالنسبة لبشرتي مين افضل اصل انا بشرتي دهنية طبعا وفبها بقع وآثار حبوب وشمس من الآخر كده تعبانة قوي
حقولك على حاجة خليكي في جيورداني احسن لان اساساتها احلى
وعموما هو فيه عامل حماية 20 من الشمس بس انت سنك كام سنة عشان هو مكتوب عليه
انه لاولى علامات الخطوط الرفيعة اللي في الوجه
لو انت ماعندكيش خطوط رفيعة ولسة صغيرة استني اساس جيورداني اللي في ازازة احسن انا الكريم الجديد بتاع جيورداني بصراحة ماجربتهوش بس كنت بفكر اشتريه لكن جربت الانواع التانية من جيورداني وعجبني
(f)(f)(f)(f)
وكمان اشتريت انبوب الزيت الساخن اللي بجوز الهند وحليب الارز بس لسه ما استخدمتوش .. في حد جربه يحكيلي عن نتيجته ؟ وشو ممكن استخدم منتجات للشعر من اورفليم لانه شعري بيتساقط قوي واصبح جاف جدا ؟

تاني حاجة كنت عايزة ادلع نفسي شوية وفكرت اجيب كريم للايدين عشان الشتا اللي جاي بس محتارة بين كريمين : كريم هاند اند كشمير ولا الكريم المغذي للايدي والاظافر اللي في صفحة 93 ؟
لو انت عايزة تغذية وترطيب لان ايدك فيها جفاف او خشونة جامدة خلاص هاتي اللي في الاخر
لكن لو محتاجة بس ترطيب بسيط هاتي ميلك اند هني
(f)(f)(f)(f)
وكمان عايزة حاجة ترطب القدم في الشتا وتزيل الخشونة اللي في الكعب هو مش خشن كتير بس يعني .. شفت كريمات في صفحة 87 وكريمات ص106 بس مش عارفة اختار ايه بالزيط من المجموعات دي؟
بصي اي كريم من تجربتي لمجموعة العناية بالقدم ممتاز جدا جدا
سواء اللي باخر الكتالوج اللي لونهم فضي او اي كريم تاني للقدم
بجد بجد ممتازين وبيدوا نعومة للقدم رووعة ماتقلقيش منهم وكمان ممكن تجربي سكرب القدم بتاعهم ممتااااااااااااز
ومشكوووووووووووووورين مقدما
ما هما يا حبيبتي الاتنين من جيورداني .. انا عمري 29 .. بتقدري تقولي فيه كام خط كده رفيعين اوي انا مشكلتي في البقع مش في التجاعيد يعني عايزة كريم يغطي البقع كويس وبنفس الوقت يعطي لون طبيعي لاني اساسا ما بحب المكياج
بس كده انا لسه ما عرفتش شو اختار؟

بالنسبة لليدين الحمد لله ما فيهم لا جفاف ولا خشونة ابدا بالعكس بس انا كنت عاوزة ادلع نفسي شوي .. يعني انتي تنصحيني بالكريم اللي في ص 93 ؟

بالنسبة لمنتجات الشعر ما ردتيش عليا لو كنتي تعرفي ..؟

وشكرا على ردك يا قمر

رووفة;10413752:
هوا انتو نزلتووو كتالوج الشهر الجاي والا لسة؟؟

انوش نزلته صفحة 47

خرابيش7;10416790:
شكرا كتيييييييييير يا بنوتات
بجد انكم عسل
بالنسبة لمجموعة بيور سكن انا جبت الغسول الجل رقم1 وقابض البثور السودا رقم2 والجل العبوة الصغيرة وما لقيت الستيك القلم فجبت بداله الستيك بتاع مجموعة شجرة الشاي
وكنت عاوزة اجيب الكريم المنقي رقم 3 بس ما كان متوفر.. بس كنت عاوزة اعرف هو لايه بالزبط شو فايدته وضروري اجيبه... وانتو شجعتوني اجيب الكريم سريع المفعول بس شو الفرق بينه وبين الجل؟

بعد كده ان شاء الله بس اخلص من مشاكل الحبوب حأفكر اختار ايه من كريمات البشرة

دلوفتي انا عاوزة اسأل عن شوية حاجات عجبتني في كتالوج شهر 10 اللي هو من 1-10 الى 21-10
اول حاجة بالنسبة لكريم الاساس قريت كتير هنا عن كريم اساس جيورداني وانا عجبني قوي الكريم اللي في صفحة 5 في حد هنا جربه ينصحني بيه؟ لا الككريم اللي في صفحة 76 اللي ب89 ج بالنسبة لبشرتي مين افضل اصل انا بشرتي دهنية طبعا وفبها بقع وآثار حبوب وشمس من الآخر كده تعبانة قوي

وكمان اشتريت انبوب الزيت الساخن اللي بجوز الهند وحليب الارز بس لسه ما استخدمتوش .. في حد جربه يحكيلي عن نتيجته ؟ وشو ممكن استخدم منتجات للشعر من اورفليم لانه شعري بيتساقط قوي واصبح جاف جدا ؟

تاني حاجة كنت عايزة ادلع نفسي شوية وفكرت اجيب كريم للايدين عشان الشتا اللي جاي بس محتارة بين كريمين : كريم هاند اند كشمير ولا الكريم المغذي للايدي والاظافر اللي في صفحة 93 ؟
وكمان عايزة حاجة ترطب القدم في الشتا وتزيل الخشونة اللي في الكعب هو مش خشن كتير بس يعني .. شفت كريمات في صفحة 87 وكريمات ص106 بس مش عارفة اختار ايه بالزيط من المجموعات دي؟

ومشكوووووووووووووورين مقدما

بوصي حبيبتي الفرق بين كريم المفعول السريع والجل
الجل مش قوي هو بينشف الحباية بس او بيغلفها من البكتيريا
لكن الكريم بيعالجها وبتستخدميه عالمكان اللي بيبدأ فيه ظهور الحبوب بس يعني مش تدهني وشك كله لانه دهني شويه

اساس جيورداني استني شويه لما ينزل عليه عرض حرام تجبيه بسعره الاصلي
ممكن تجيبي الجديد اللي في صفحة 5 بس دا مش حد جربه ممكن انتي تجربيه انما التاني دا غالي وبينزل بخصومات بتوصل ل 40 ج سعر عضوية

منتجات الشعر مش جربتها بس مرمومه بتشكر في مجموعة جوز الهند

بالنسبة لكريمات الايد
كريم الكشمير مش موجود في البروشور موجود كريم تاني حلو صفحة 82 ب 19 جنية والتاني في صفحة 105 ودا جدييييد وبروفشنال اكتر وترطيبه اقوى وب 19 ج من رأيي جربي دا لان الشهر الجاي نازل غالي

كريمات القدم المرطبه هاتي اللي بالكاموميل في صفحة 87 هتلاقيه ب 14 جنية دا عندي وعاجبني اوي

وبالنسبة لخشونة الكعب داومي عالحجر الخفاف والاسكرب لوش القدم ومش تمشي حافيه دايما البسي سليبرز وانتي في البيت :D(f)(f)

نرمينا..;10416965:
[FRAME="11 70"]
[GRADE="00008B FF6347 FF1493 00BFFF"]
[GRADE="00008B FF6347 008000 4B0082"]
[B][SIZE=4][COLOR=sienna][B][SIZE=4][COLOR=sienna]انتى قطقوطه كده فكل مواضيعك:wink: الف مبروك ياقمراية المنتدى كل مواضيعك هايله وحقيقى تستاهلى اعلى تقييم يا جامد انت فكل مواضيعك (f)(f):wink:
[/GRADE][/COLOR][/SIZE][/B][/GRADE][/COLOR][/SIZE][/B][/FRAME]

يااااي
حبيبتي نرمينا منوراني ياقمر
مرسيه حبيبتي ربنا يخليكي كلك ذوووووووق
نورتيييييييييييي موووووووااااااااه :)

ღليتني معكღ;10417042:
روعه انوش يسلمووو

الله يسلمك ياقمر
تشرفت بمرورك العطر ^_^

coffeerose;10417408:
بنات سؤال هو الكتالوج اللي حيبدا من يوم 22/10
نازل فيه بودر القدم اللي لونها اصفر
واسبراي القدم اللي لونه ازرق ولا لا ؟؟؟؟

اه ياقمر
البودر نازله ب 19 ج سعر بروشور
والاسبراي ب 29 بروشور ^_^

manona_00;10418021:

ازيكم يا قمرات (f)

جيت احكيلكم تجربتى (n)

رحت انهارده اعمل العضوية فى اوريفليم مع ماما وعادى يعنى

وبعدين واقفه مع اللى بياخد البيانات ده وكده قابلت واحده صاحبتى وقريبتها:)

كانوا بيشتروا حجات من هناك برضه

الدايركتور بتاعتها اول ما شافتنى مسكت فيا :mad: والا لازم ابقى معاها (( هو يعنى ايه دايركتور اصلا))

ياستى انا مش ملزومه بحد :ss:طب ده هيفرق ف ايه قالت ولا حاجه بدل ما تبقى مع اى حد متعرفيهوش (( على اساس ان انا وهى متربيين سوا يعنى(})({) مش لسه شايفاها من دقيقتين))

قلتلها لا شكرا مفيش داعى :) ومامتى واقفه وبقت حاسه ان الموضوع كبير وكمان عماله تستعجل فيا :(

الانسه دى بقى اتنرفزت :ss:ومعرفش هى aggressive كده ليه يعنى ؟؟؟ ولا هى هتفرق ايه معاها ولا مع غيرها ؟؟؟

وكمان راحت قالت للراجل انى عايزة اغير البيانات منها لنفسها كده (6)

طبعا انا اتخنقت منها جدا:mad:

على ما خلص الحوار الازلى ده كانت مامتى زهقت جدا وقالتلى يلا عشان ورانا مشاوير (n)

ومشتريتش حاجه :confused: وقالتلى ابقى تعالى يوم تانى جيبى اللى انتى عايزاه:ss:

وخلاص

السؤال بقى

هو يعنى ايه دايركتور اصلا؟؟

وهى هتستفيد ايه يعنى لما ابقى تبعها ؟؟ وانا هستفيد ايه ؟؟

هو انا المفروض الحجات اللى انا عايزاها اعلم عليها فى الجدول ده ولا اكتب الكود بتاعها فى ورقه ولما اروح اكتبه فى الفاتورة؟؟

جهل برضه:D:D

بس الحمد لله عديت خطوة عمايل العضوية (y) وبعدين ابقى اشترى براحتى بقى:wink:

هههههههههههههههههههههههههه
ايووووووووووووه عالرخامة

الدايركتور طبعا بتستفاد كل نقطة بتعمليها بتروح ليها زيها
يعني لو اشتريتي حجات ب 50 نقطة ينضاف لرصيدها 50 نقطة على اساس انها خلتك تشتركي تحتها وهكذا اي حد مشترك تحتها بتستفاد من كل منتج بتشتريه لانها رصيد النقط بيزيد

واللي زي دي بئه تنبهي عالشركة مش تديها رقم تليفونك والا مش هيحصل طيب
لانها لو وصلتلك هتعد ترخم وكل شويه تتصل تقولك اشتري ومش عارف ايه
بس قوليلي في النهاية انتي دخلتي تحتها ولالا ؟؟؟؟

بالنسبة للاوردر انتي لما تدخلي هتطلبي رقم و ورقه تكتبي فيها الاوردر
ورقة الاوردر هتلاقيها متقسمه زي جدول فوووق بتكتبي اسمك ورقم عضويتك و التاريخ
وتحت في الجدول فيه خانتين خانه لكود المنتج والخانه اللي جمبه للعدد او الكمية
لو مثلا منتج الكود بتاعة 12345 هتكتبي في الخانة الاولى الكود وجمبه هتقولي عايزة اد ايه 1 ولا 2 ولا 3 زي ما انتي عايزة
وبس كده ياقمر هتشوفي الورقة الصغيره بتاعة الرقم مكتوب فيها ايه مثلا لو 40 هتلاقي في شاشة كده بيتغير فيها الارقام استني دورك الرقم 40 ولما يجي روحي ادمي الاوردر بتاعك وهيسلمك ورقه صغيره كده دي روحي بيها للمخزن استملي حجاتك :)

ازيكم يا قمرات حد فيكم يعرف حاجه من موضوع الهديه اللي علي 150نقطه

للي هو شيك ب500ج اوسيشوار او نيولوك حد منكم متاكد من الحوار ده

ربنا يكرمك ياانوشه على الكتالوج بس فى صور الفلاش جاى عليها جامد ومكان الفلاش ابيض مش مبين الصورة بوضوح انا بس قولت اقلك عشان المرة الجايه ان شاء الله تبقى تطفى الفلاش او ممكن يكون مش من الفلاش ومن زاويه التصوير نفسها بس دة ميمنعش انك ماشاء الله عسوله وبتعملى معانا مجهود جامد ربنا يكرمك يارب

mnne;10418433:
ازيكم يا قمرات حد فيكم يعرف حاجه من موضوع الهديه اللي علي 150نقطه

للي هو شيك ب500ج اوسيشوار او نيولوك حد منكم متاكد من الحوار ده

الكلام مظبوط يا حبيبتي والعرض انا اخدته بيه ورقة لما عملت الاوردر :)