كل ما تريدين معرفتة عن منتجات اوريفليم

هو مواعيد العمل بتاعتهم لحد الساعة كام فى فرع اسكندرية ؟؟
انونش معلش انا مش شايفة مجموعة الاظافر دى ايه بالظبط الى نازل عليه عرض ؟
وهو لسة الاستيكر بتاع الفرينش موجود لو رحت على السبت ولا بيخلص زى افون الحاجات اصلى يومى بسنة و بكسل اروح قوى :((

سكرب القدم الاصفر برضه ممتاز

وكريم اليد من swedish spa ممتاز

إزيكم يا بنات يا حلوين...

عايزة أسألكم عن المجموعه دي...بصراحه داخله دماغي...بالذات هي كورس مكثّف لمدة شهر كده...حد جرّبه ؟

marool;10405080:
بنات ايه رايكم اجرب ايه لمجموعة القدم عاوزة حاجه تكون حلوة انا جربت المجموعه القديمه الى لونها اخضر واصفر تقريبا حد جرب المجموعه الى لونها فضى؟؟ وفى مجموعة كمان نازله شكلها حلو وفى كريم الايدى والاظافر الى لونه سيمون ومرسوم عليه ايد هل ده حلو؟؟ ومعاه سكرب للايد حد جربه ؟

عاوزة تجاربكم ايه الاحسن لان مش كلهم نازلين الشهر الجاى

انا محتااااارة عاوزة حاجه كويسه للايد عشان طبعا شغل البيت والرجل كمان

بوصي يا قمر احنا هنبص لطلباتك من كل النواحي السعر وحجم العبوة والكواليتي وهنقارن بين اسعار البرشور دا والبروشور الجاي

مجموعة القدم لو عايزة حاجه ترطيب في من المجموعة الملونة كريم بالكاموميل حبيته اوي هو 75 مل و ب 19 ج سعر بروشور وكتير بينزل عبوة 150مل ب 19 يعني ضعف الكميه الحاليه وبنفس التمن

في واحد تاني في المجموعة الفضي ب 24 ج وعبوته 75 مل ودا للبشرة شديده الجفاف ونازل الخصم بتاعه حلوو خصوصا ان مفيش عليه عروض مضاعفه الكمية فابتالي هيكون الافضل انك تجربي الفضي على انك تجيبي اللي فوق لان اللي فوق بينزل على فترات كبيرة بضعف الكميه

كريمات الايد نفس الكلام
اللي انتي بتسألي عليه كان موجود الشهر اللي فات ضعف كميه العبوة 150 مل ب 19 ج
نازل الشهر دا في البروشور الحالي والجاي نص الكميه وبردو ب 19 ج
طيب ما ايه رأيك بئه تجربي الجديد اللي هو كريم الترطيب الكثيف وب 19 جنيه بردو وخدي بالك نازل البروشور الجاي ب 24 ج يعني هتكسبي اكتر لو جربتيه الشهر دا والتاني اللي بتسألي عليه كده كده بينزل بس انتى اولى بضعف الكمية ويبقى جربتي منتجين بسعر واحد ولاون متأكده ان الجديد بروفشنل اكتر وهيعجبك

سكرب الايد حلو على فكرة والعرض على البروشور اللي شغال حلو لان البروشور الجاي مش عليه

يبقى من الكلام اللي فوق دا انتي تتوكلي على الله وتجيبي كريم القدم الفضي والاسكرب وكريم الايد الجديد وكلهم موجودين في البروشور الحالي وبافضل العروض

وطبعا دي وجهه نظري انا انتي شوفي اللي يناسبك يا قمر واعمليه :wink:(f)

rody88;10405240:
هو مواعيد العمل بتاعتهم لحد الساعة كام فى فرع اسكندرية ؟؟
انونش معلش انا مش شايفة مجموعة الاظافر دى ايه بالظبط الى نازل عليه عرض ؟
وهو لسة الاستيكر بتاع الفرينش موجود لو رحت على السبت ولا بيخلص زى افون الحاجات اصلى يومى بسنة و بكسل اروح قوى :((

المواعيد ياقمر من 11 الصبح ل 10 بليل كل يوم الا السبت لحد 7 بس

مجموعة الاظافر هقولهالك باسعار البروشور

البيس كوت كان ب 34 نازل ب 24
قلم تبييض الاظافر كان ب 24 نازل ب 17
مقوي الاظافر كان ب 34 نازل ب 24
محفز نمو الضوافر ( اللي لونه اخضر ) كان ب 34 نازل ب 24
مبيض الضوافر البيل اوف كان ب 34 نازل ب 24

الاستيكرز بتاع الفرنش كنت هناك يوم الاتنين وقالي خلصت وحجزتها بس ال ايه ب 9 جنيه مش ب 4 توتي بتقولي طلعت ب 9 جنية يعني ب 7 سعر عضوية غاليه اوي وشيلتها من حساباتي

مرموم;10406596:
إزيكم يا بنات يا حلوين...

عايزة أسألكم عن المجموعه دي...بصراحه داخله دماغي...بالذات هي كورس مكثّف لمدة شهر كده...حد جرّبه ؟

اولا انتي منورانا اول مره تدخلي موضوعنا (f)
ثانيا بالنسبة لسؤالك انا هقولك بكل امانه
المجموعة دي مش جربتها لكن هي تقشير للبشرة ومن وجهه نظري لو هتعملي التقشير دا في مركز طبي مضموووون تحت اشراف طبيبه جلديه هيكون اضمن واحلى وأأمن واسرع من البيت وتقريبا بنفس السعر
عارفة لو كان الكورس دا مثلا لتفتيح البقع و للترطيب وكده كنت ايدته بكل المقاييس لكن التقشير دا بخاف منه عايز حد بروفشنال عشان لاقدر الله لو حصل حاجه تكوني في السليم
اتمنى تكون وجهه نظري وصلتك واكيد طبعا البنات لو عندها معلومة هتفيدك بيها
وشرفتينا مره تانية :D(f)(f)

حلو اوى الموضوع يا انوش
جزاك الله خيرا

كنت عايزة اسال عن منتجات جوردانى كلها باسعارها
وجزاكم الله خيرا

انوش انا كمان عايزه اجرب كريم الايد الجديد اللي ب19

ولا اجيب كريم عادي زي نيفيا والحاجات دي ؟؟؟؟؟؟؟؟؟؟

شهيدة;10407578:
حلو اوى الموضوع يا انوش
جزاك الله خيرا

كنت عايزة اسال عن منتجات جوردانى كلها باسعارها
وجزاكم الله خيرا

اووباااا دا انتي عايزة كلام كتير لان المجموعة كبيرة هههههههههههههه
حاضر يا قمر استنيني بس وهكتبلك اللي اعرفه عنها

وعلى فكرة دي احسن وانضف مجموعة في اوريفليم وهي زي برجوا الاصلي بالظبط نفس الكواليتي وفي حجات بتكون انضف كمان و الاسعار احلى عشان بينزل عروض تخفيض

ربنا يكرمك يا انوش
طب بصي سيبك من الميك اب خلينا في المنتجات التانيه زى البرفان والبودرة وسبراي الشعر والباقي
ولو طبعا نازل عليهم عرض ياريت تعرفينى

rosy2;10407590:
انوش انا كمان عايزه اجرب كريم الايد الجديد اللي ب19

ولا اجيب كريم عادي زي نيفيا والحاجات دي ؟؟؟؟؟؟؟؟؟؟

نيفيا عندي بس والله يا روزي لما بتجيبي حاجه متخصصه للايد او القدم بتفرق كتييييييير
الكريم الجديد دا شكله جااامد نفسي اجربه بس مشكلتي عندي كريمات ولوشنات من افون و اوريفليم كتير غير اللي صورتهالكم في موضوع العناية اللي صورتهم دول اللي بستخدمهم حاليا لكن عندي كريمات تانية يامه فاقولت اخلص وبعدين اجيب تاني

شهيدة;10407651:
ربنا يكرمك يا انوش
طب بصي سيبك من الميك اب خلينا في المنتجات التانيه زى البرفان والبودرة وسبراي الشعر والباقي
ولو طبعا نازل عليهم عرض ياريت تعرفينى

حاضر يا قمر عنيا الاتنين

البرفيومز 2
جيورداني وايت جولد
وجورداني جولد

انا بكلمك ناااو وحاطه من الوايت جولد هههههههههههه
بعشقهاااااااااا ريحتها تحفه تحفه وهاديه جدا
طبعا هي اذواق فالازم تجربي بنفسك في الشركة
والوايت جولد نازله البروشور دا ب94 بروشور يعني 72 عضوية ممم سعر مش بطال بس بينزل بارخص من كده
ونازل كريم الجسم بتاعها البروشور دا واللي جاي وانا نااااااااويه اجيبه من البروشور الجاي باذن الله ب 39 ج بروشور يعني 30 ج عضوية والعبوة 250 مل حلوة يعني

جيورداني جولد
قويه شويه بس لا يعلى عليها انا لما كنت هناك شميتها وتحفه بجد بس هي اقوى من الوايت
ودي مش عليها عرض للاسف بس موجود الميني برفيوم بتاعها ب 60 ج بروشور ( مش حلو وغالي والعبوة صغيره اد كف الايد )
وكريم الجسم بتاعها موجود البروشور دا ب 30 ج بردو سعر عضوية

لكن نازل حاجه حلوة اوي البروشور الجاي
في صفحتين ادام بعض صفحة فيها سبريهات وصفحة فيها كريمات جسم
لو اخترتي سبراي وكريم جسم بتاخديهم بخصم 45% غير خصم العضوية
في سبراي جيورداني جولد و كريم الجسم جيورداني وايت جولد ممكن تجبيهم لان العرض لذيذ يبقى الاتنين ب 64 بروشور و 50 ج عضوية ( حلوووو اوي )

في حاجه تانيه كمان لذيذه البروشور الجاي اشتري ديودرنت جيورداني جولد ب 29 واحصلي عالتاني مجانا يبقى بخصم العضوية ان شاءالله 22 ج يبقى الواحد يعتبر 11 ج حلووووو

او ممكن تختاري واحد من نوع تاني في فولار و ديلايت و ميدسمر و إلفي
وافضلهم لو مش عايزة الاتنين جيورداني جولد هاتي فولار وبردو اذواق روحي وجربي هناك ^_^

سبراي الشعر مش بينزل بئاله حبه كتير لما هينزل هقولكم لان انا كمان عايزاه

في برفيومز تانيه حلوة زي ديفين ودي عرض عليها حلو اوي الشهر دا
البرفيوم وكريم الجسم مع بعض ب 118 ج سعر عضوية وعلى فكرة ديفين من افضل برفيومز اوريفليم

ممم دي الحجات اللي متوفره البروشور دا واللي جاي واكيد لو جدت لو نزلت عروض داخليه هبلغك بيها ياقمرايه

أنوش;10407659:
نيفيا عندي بس والله يا روزي لما بتجيبي حاجه متخصصه للايد او القدم بتفرق كتييييييير
الكريم الجديد دا شكله جااامد نفسي اجربه بس مشكلتي عندي كريمات ولوشنات من افون و اوريفليم كتير غير اللي صورتهالكم في موضوع العناية اللي صورتهم دول اللي بستخدمهم حاليا لكن عندي كريمات تانية يامه فاقولت اخلص وبعدين اجيب تاني

(f)شكرا يا قمر علي ردك وعندك حق وبأذن الله هاشتريه لان ايدي بدأت تكون ناشفه

Muslma;10407920:

انوووووووووووووووش جزاكى الله كل الخييييير يارب

على تعبك ده


مش عندى استفسار معين

بس دخلت اشجعك
(y)(y)(y)(y)(f)






ااااااااااه صحيح وفعلا موضوع الاستيكرز الفرنش ده خلص برضه وانا بطلبه

تسلميلي يا قمر ربنا مش يحرمني منك

بالنسبه لاستيكرز بصراحة غاااااليه انا قولت ب 4 جنيه يعني ب 3 عضوية حلو لكن 7 جنية كده كتير عليها

بدي أسأل عنا في الكويت منتجات اوريفليم لأنو بصراحه كتير حلوين

عايشه صلاح;10408191:
بدي أسأل عنا في الكويت منتجات اوريفليم لأنو بصراحه كتير حلوين

بوصي حبيبتي مكياج مجموعة الجيورداني افضل من جوده مكياج البرجوا وارخص منه
والبرفيومز بتاعتها منتهى الشياكة هي بس مشكلتها في الثبات لكن كا ريحة في حجات جميلة
وكريمات الجسم والاسبريهات وبودرات الجسم اللي بريحه البرفيوم جميلة المجموعة كاملة مع البرفيوم بتكون حاجه وهم
منتجات العناية بالايد والقدم حلووووة اوي مقارنة باسعارها
ومنتجات البشرة افضلها بتاعه الاوبتمالز

بصراحة يعني تمنهم فيهم
وتقدري تسألي على اوريفليم الكويت من موقعهم الرسمي او شوفي التاجرات هنا يوفرولك المنتجات بتاعتها
وبالتوفيق ياقمر شرفتي ونورتي :)

رووووووووعه يسلمووو..
مجهووود رائع

الله يعطيج العافيه

جزاكى الله خيرا يا انوش
بجد افدتينى جدا
بس سؤال هما مش ليهم بودرة برضو؟