ساره افندي;10285471:
انا المساكره مش بتنشف عندي لان انا بنوع مش كل مره احد نفس المسكاره لان انا مصنفاهم زي واحده للخروجات الجامده والعزومات وحده عادي للبيت وحده لوك خفيف كده يعني
وفعلا مش بينشف علشان ايدي عليهم علي طول
اللي عندي ومش لاقيه ليه حل وزهقت منه الايشادوا الكتيرررررررر والبودره الغامقه
البودره فتتتها وعملت عليها بودره فاتحه ومش حابها بردوه لان مش ببحب اللوس
هههههههههههههههه
انا الايشادوهات اكتر حاجه عندي بس بصراحة مش هفكر اشتري ايشادوهات اورجينال لانها مش مستاهله اهو كله لون خصوصا ان عندي الكريمي اللي بلمعه وعندي العادي المط ودرجات بالهبل ومرتاحة عليها وبعرف استخدمها يعني مش هفكر اصلا اجيب اورجينال ايشادوهات
لكن اللي ان شاءالله ناوية عليه هو كريم اساس و كونسيلر الباليت و البيس والكومباكت بودر من ميك اب فور ايفر دول اساسي بأذن الله الماسكرا لسه مش عارفة اجيب ايه محتارة
البلاشر بردو عايزة اجيب واحد بس و يكون كريمي ميكس اللي هو كذا لون وبيدي اضاءة يعني واحد استخدمه لما يكون عندي مناسبة محترمة عشان انا عندي 5 الوان حلوين اه لكن مفيش ثبات وبعدين بايبين انهم مش واو يعني ماشي حالهم لكن حرام استخدم حاجه منهم مع الحجات اللي قلتها فوق واللي عاجبني اوي هو بتاع بوبي براون انا شفته في الحقيقة وهمممم
الروجات ممم ممكن اجيب واحد ولا اتنين يعني الالوان الاساسية بالنسبالي بس مش من فور ايفر لان اغلبيه البنات قالت انها مش واو بالنسبة لسعرها واللي اجمعو عليه وبجد انا هموت عليه هو ماك بس للاسف مفيش منه في مصر بس ممكن من ايف سان لوران انا جربته عند بنت عمتي وكان خيالي
دي الليست اللي كتباها وان شاءالله مش هجيب اي ميك تاني غير حاجه من اللي فوق حتى انا كنت ناوية ادوس في جولدن روز او فلورمار بس مسكت نفسي وزي ما قلتلك الماسكرا لسه بئه مش عارفة بس بتاعة ماكس فاكتور الجديدة شكلها كيوت اوي وبروفشنال شوفت البنات في المشتروات جيبينها وشكرو فيها
