فينكم يا بنات مصر الجزء(18)للاستفسارت عن الميك اب

بنات انا جبت ميكب جديد و كنت عايزة اقولكم عليه ايه نظامه بس مش عارفة انزل الصور عشان مش عارفة اصغرها
جبت كحل ملون تحفة و كنت عايزة اوريلكم الوانه :( قولولى بليييز

coffeerose;10280508:
انوشة ازيك ياجميل عاملة ايه كل سنة وانت طيبة
كويس انك بعتي للمشرفة عشان ماتعمليش موضوع مكرر
ويتلغي بعد تعبك فيه
(f)(f)(f)(f)(f)

سارة يا مطنشني اخبارك ايه
كل سنة وانت طيبة
قوليلي انت رجعتي تاني مع المندوبة اللي عندك بتاعة اوريفليم والا شغالة معاهم بالشحن
من القاهرة
لو شغالة معاهم بالشحن من القاهرة قوليلي تفاصيل الاجراءات والطلبات بتاعتهم ايه ماشي ياعسل

لا ياكوفي صدقني مامطنشكي بامانه ياكوفي مافي وقت انا ادخل اقري امشي ولا بفتح مسنجر ولا حاجه هقبال امالتك بعملم المحروس يعد من غير بامبرز
وطالع عيني غير كده صدقني انتي عارفه معزتك
البنت انا غيرتها خالص من اخر موقف انتي عارفه
دلوقتي بتعامل مع واحده هنا في الغردقه بتجيب حااجات ايفون واولفيلام وبتدني بخصم الكتلوج من غير ماابقا عضوه والشحن مش بدفع حاجه الا اتنين او تلاته جنيه علي الطلبات كلها
وهيا قالت ليا انا يهمني النقاط
وخلال اسبوع بتكون الطلبيه وتجبها مش بتتاخر
وعرفتها من الفيس بوك سالت انا عايزه مندوبه من الغردقه
انتي ممكن بردوه تدخلي الجروب بتعهم وتسالي مندوبه في اليكس وهيا تظبطك
انا كنت هجيب المساكره الجديده بس هجرب حاجات جديده وعامله اورده لما يوصل ابقا اقولك التفاصيل

coffeerose;10280508:
انوشة ازيك ياجميل عاملة ايه كل سنة وانت طيبة
كويس انك بعتي للمشرفة عشان ماتعمليش موضوع مكرر
ويتلغي بعد تعبك فيه
(f)(f)(f)(f)(f)

حبيبتي وانتي طيبة ياقمر
وينعاد عليكي وعلى اسرتك بالخير
تسلمي كوفي ربنا ميحرمناش منك يارب :D(f)(g)

إزيكم بابنات :) ؟
كل سنة وأنتوا طيبين :)

بصوا إشتريت فرش الميكاب ديه بقالى فترة بستعملهم، كنت جايبهم ب 18.5 جنيه من محل كده بداخل منطقة العتبه :D بجد فى جواه كده كام محل وفيهم كل الميكاب والإكسسورات بأسعار طبعا أقل من بره!




أحلى واحده عجبتنى فيهم اللى هى أول واحده بتاعة تسريح الرموش والحواجب، حلوه أوى ... فادتنى إنى أفرق رموشى بعد الماسكرا ..
وكمان فرشة البلاشر عسوله أوى ..

جميلة يا وردي مبروك عليكي ياقمر
تتهني بيهم وكل سنة وانتي طيبة :)

يا بنات انا كنت عايزاكو ترشحولي كحل اسود و ملون؟ ايه الاحسن كلر ترند من ايفون و لا بتاع اوريفلام؟ و من فيهم كمان فيه لون ازرق غامق و حلو؟(y)


انا مشكلتي اني عيني بتدمع و اجدع كحل بيسيح على عيني بعد ربع ساعة:ss: فعايزة واحد مش بيسيح

و يا انوش كلنا مستنين موضوعك عن اوريفلام

السلام عليكم ورحمه الله وبركاته

قلت اقلكم فكره بعملها حلوة اوى الحمد لله
انى بدمج الوان الروج ممكن على ايدى او على الفم على طول عشان الاقى الوان مش موجوده فى السوق وكمان تبقا جديده واستهلاك للروج

دى الوان الروج
بيج فاتح خالص من اورفليم
وروج احمر دموى وروج لحمى لون الشفايف كدا



جلوس فيجنز من اورفليم



روج بور شاين قلت اوريكم الدرجه الى عندى حلوة جدا ما شاء الله



ودا لونه






دى دمج الاحمر مع اللون الحمى




هنا فوق اللون الاحمر شيفين غامق وتقيل وصعب الخروج بيه الا فى مناسبات عشان كدا بستغله الحمد لله
هنا بقا مدموج الاحمر مع البيج



ودا الفرق بين اللون المدموج بالحمى والبيج



هنا بقا الاحمر وعليه الجلوس





ودا بن استيك قلت اصورهلكم بالمره من دوف حلو اوى وكريمى وبيدى لوك طبيعى بس لان الدرجه فاتحه فلازم البودر تكون اغمق منها



ودا دمج الاحمر مع الجلوس
مدى لون بينك حلو اوى ومش بلاقيه الحمد لله




ايه رأيكم ان شاء الله

يا بنات اللي مشترك في منتدي فتكات يبعتلي علي الخاص ضروررررررررررررري

صوت ما شاء الله ولا حول ولا قوة الا بالله

الوانك جميلة جداااااااااااااااااااااااااا ...................مبروك عليكي يا قمر

وفكرة حلوة تتهني بيهم

برافو عليكي يا صوت .... ماشاءالله الالوان تحفة
بوصي انا موضوع الدمج دا جديد عليا يعني انا كنت لما احتاج لون افضل الف عليه لحد لما الاقيه
وبعدين قلت مااجرب الدمج وفعلا بقيت بطلع الوان ودرجات عجيبه استحاله الاقيها في الارواج العادية او الاقيها بسهولة وعجبني اوي الموضوع لانك بتتحكمي في النسب والدرجات بنفسك تفتحي تغمقي زي ما عايزة بس عايزة اسألك هو جلوس فيجنز دا كويس يعني ترطيبه حلو للشفايف ومش بينشفها ولونه واضح ولالا
وكمان الباور شاين دا اللون الاحمر ولا درجة تانية؟؟

وشكرا ياحبيبتي على عرض تجربتك انا استفدت منها جدا وكل سنة وانتي طيبة :)

بصى الجلوس هو لونه وردى فاتح اوى بس حلو اوى لو اتحط فوق اى روج بيدى لوك جميل اللوك المبلول دا
والى عجبنى فيه رغم انى كنت جيباه على انه بنك لون شفايف الموديل انه فاتح وينفع لاى لون زى ما شفتى يا يغيره الغامق ويخفى شدته يا يدى لون جديد يا يبقا جلوس عادى وبيقعد مده حلوة
وبيدى لوك الشفايف كانها نفوخه
الباو شين دا لونه بينك بس جامد اول لما جيبه كان مبثبتش صراحه ومبيحطش بس تقريبا دا بيبقا عليه ماده بعد كدا بقا تقيل وبيثبت وعلى فكره بتسأل عليه فى المحلات الحمد لله
هههههههههههههه
هو لون كان بينزل الشهور الى فاتت عليه عرض وكنت جيباه ب 30

وانتى طيبه يا جميله
وان شاء الله كل حبه هعرضلك افكارى ان شاء الله
لان الميك اب دا هوايتى المفضله والاولى

انا عندي الباور شاين دا يا صوت جبته الشهر اللي فات تحفة مووت
وكان نازل منه الدرجه الدهبي بس للاسف مش لحقتها

بالنسبةللجلوس انا عاجبني اذا كان بتاعك او الجديد اللي مرسوم عليه صور بنات كده ونازل ب 29 بس كان عندي جلوس من اماندا بلمعه كريستاليه جناااااان شفاف هو بستخدمه فوق اي روج بيدي شكل جميل اوي ولمعته حلوة اكن حاطه فتافيت سكر فاقلت اخلصه واجرب حاجه من جلوسات اوريفليم لان بصراحة انا عندي كمية روجات وجلوسات بالهبل كل لما انزل اشتري

عموما ياقمر مستنيين المزيد وربنا يكرمك ويسعدك :)

بنات اولاا عاملين ايه

ثانياا ممكن تساعدونى انا

عايزه ماسكارا من اوفليم تطول الرموش وتديها دوران بسيط

انصحونى بمسكارا كويسه وياريت سعرها كمان كويس

وعايزه اسال ايه رايكم فى ماسكارا ايفون الجديده اللى بتلات مستويات

هو لازم من اورفليم او ايفون
هو عمتا فى كتير بيشكروا فى ماسكرا ايفون بس الى هى العاديه القديمه
لو عاوزة ماركات بقا من محلات اقلك

صوت العيون;10285289:
هو لازم من اورفليم او ايفون
هو عمتا فى كتير بيشكروا فى ماسكرا ايفون بس الى هى العاديه القديمه
لو عاوزة ماركات بقا من محلات اقلك

اوك مشكوره حبيبتى على اهتمامك ياريت تقوليلى بس يكون سعرها كويس

bon bonaya;10285271:
بنات اولاا عاملين ايه

ثانياا ممكن تساعدونى انا

عايزه ماسكارا من اوفليم تطول الرموش وتديها دوران بسيط

انصحونى بمسكارا كويسه وياريت سعرها كمان كويس

وعايزه اسال ايه رايكم فى ماسكارا ايفون الجديده اللى بتلات مستويات

نازل من جيورداني ماسكرا جديدة خاصه بالطول والالتفاف
سعرها الاصلي 79 جنية ونازلة ب 49 جنية بروشور و 38 جنية سعر عضوية
اظن ان سعرها جميل خصوصا ان جيورداني حاجتها نضيفه اوي وكواليتي عاليه
بوصي دي صورتها في الكتالوج








بالنسبة لايفون في من كلرترند اسمها بامب اب ذا فوليوم هي جميلة بصراحة لكن عادية مش اورجينال يعني عادية بالنسبة لجيورداني ودي نازلة الشهر الجاي ب 15 جنية سعر بروشور و 11.25 سعر عضوية

بس من رأيي لو ناوية على حاجه وعايزاها كويسة خليكي في جيورداني هي ماسكرا وهتعدي وخلاص وبعدين سعرها حلو 38 ج مش غالي اوي :)

bon bonaya;10285304:
اوك مشكوره حبيبتى على اهتمامك ياريت تقوليلى بس يكون سعرها كويس

دى ممتازة جدا وب 20 جنيه يا جميله ان شاء الله

صوت العيون;10285329:
دى ممتازة جدا وب 20 جنيه يا جميله ان شاء الله

فعلاا هى جميله انا استخدمتها

وجبتها من محل عادى

بس هقولك على حاجه انى روحت اركيديا مول كان فيه هناك فرع للشركه نفسه
دخلت وسالت عليها لقتها بحوالى اكتر من 80 جنيه اعتقد كده
فمش عارفه ايه الفرق الشاسع ده فى سعرها

bon bonaya;10285370:
فعلاا هى جميله انا استخدمتها

وجبتها من محل عادى

بس هقولك على حاجه انى روحت اركيديا مول كان فيه هناك فرع للشركه نفسه
دخلت وسالت عليها لقتها بحوالى اكتر من 80 جنيه اعتقد كده
فمش عارفه ايه الفرق الشاسع ده فى سعرها

انا كمان لسه جيبه من يومين في مشترواتي وتاني مره في فتره قصيره اجبها بتخلي الروموش مروحه هههههههههه