أساير الروح;10400031:
الحمد الله انج طمنتينا عليج حبوبه والحمد الله شخبار يقونه
الحمد الله
الله يسلمك يارب
تخلينا نسهر الليل خخخخ
والصبخ يكون فيني اعصاب واطلعه على زوجي مسكين خخخخخ
وبعدين اروح اعتذر له
حتى هوا يقول لي صايره وايد عصبيه هههه
لاني كم يوم كان ما يطلع لي حليب
وزوجي ما كان يوافق اعطيها صناعي كان يقول لي بس تعطينها طبيعي
والحمد الله اليوم نزل
أحلى_عراق85;10400201:
هلاااااو ام يقونه
عاش من شافج حبيبتي
وانتي بعد وحشتينا هواااااايه
شخبارج مع الامومه بعد ما رديتي لبيتج ؟
اغلب البنات ولدو بالسلامة
جعفريه
بح بح
برجر
نيفووو
عيون محمد
شباصه
والله وايد وحشتوني
احس هذا الايام ما عندي وقت احك راسي حتى خخخخ
الحين حسيت انه الامومه صعبه :)
اخبارك انتي حبيبتي والبيبي؟؟؟
الحمد الله على سلامتهم
انا جلست بيت امي 28 يوم بس
يوم العيد رجعت بيت زوجي
لان امي سافرت والحمد الله الحين رجعت
ولما سافرت امي وايد صحيت صار فيني اكتئاب وكنت اصيح وايد
بدون سبب واتصل في امي وكنت اصيح وما اعرف السبب
والحمد الله راح الاكتئاب
ربيعيه;10400652:
فاطمه اخبار يقين كبرت اشوي انتظم نومها لو بعدها
اهلين ربووووعه
يقين الحمد الله زينه :)
بعد ما انتظم نومها
ونومي صار متقطع وجيني صداع قوي
بحط لكم صورتها لما افضى ان شاء الله
اخبارك انتي والبيبي ؟؟؟
دمعة;10403574:
,,اهليييييييييين فطووووومة,, شخبااااارك؟؟؟
انتي بعد وحشتينا,,
الله يبارك في حياتك,, اني بعد كنت ابغي اخبرك بس ماعندي رقم تلفونك
اقول لو اخذته منها من قبل,, لأني اعرف وحدة عمانية بعد,, وطرشت لها مسج يوم ولادتي ,, وجيتي على بالي قلت خساااارة ماعندي رقم فطوووومة
حبيبتي :)
كنت دايما افكر فيج انج ولدتي ولا بعدك
ان شاء الله برسل لج رقمي ونتواصل بأذن الله
اعرف وصلت متأخر اعذروني كلكم
الف مبروك للي ولدوا
والحمد الله على سلامتكم
بحرينية100%;10406482:
مرحبااااااااااااااااااااا حبيباتي .. شخباركم ؟؟
انا وكوكي نسلم عليكم و نقوللكم وحشتوننا وااااااااااااااااااايد
جعفرية ( أم أحمدي و بنونة):D
عاد اقولج اني مو مشتهية حتى أطالع دبتي قاهرتني .. خاطري بسرعة يرد جسمي مثل قبل
دموعة ( أم حمودي):D
الله يعينج على الرضاعة .. بس ان شاءالله مع المحاولات يتعود حمودي على صدرج
صحوبة ( أم يويو):D
الف الف مبروووووووك يا قلبي على التعيين
ويهه يساف خير عليكم
و ان شاءالله تلاقون كل الخير بويهه
بطوطة ( ام مايا):D
يا قلبج بطوط .. شلون قدرتي تطالعين العملية .. انا مكان الجرح ما عندي الجرأة اني أطالعه .. اخاف .. أحط السبري عليه من غير ما أطالعه
أسورة ( أم خليفة ):D
الحمدلله على سلامتج .. و قصة ولادتج حلوة .. الله سهل عليج
انا كلما أذكر ولادتي اغمض عيني .. تصدقين اني ما أذكر شلون كان الألم
بس أذكر انه كان يعور
عرووقة ( أم حموزة و ادومي):tongue:
وحشتيني يا الدبة .. شخبارج ؟؟ و شخبار أطفالج؟؟ وحموزي شلونه مع أخوه؟؟
امورة ( أم اتومة):D
حاولي معاه .. و ذكريه بان جسمج يحتاج فترة عشان يرد مثل قبل .. و حتى الكالسيوم اللي في عظامج
يعني ما راح تقدرين تعطين البيبي الجديد كل العناصر اللي يحتاجها
و ذكريه بآلام الحمل و الولادة
انا صار لي اسبوعين والدة .. و أحس خاطري ارد بيتنا مع زوجي .. يكسر خاطري بروحه .. وهو ما يرضى ينام معاي في بيت أبوي الا في الويك اند
الحمد الله على سلامه والف مبروك
قصتك تخوف وايد
بحرينية100%;10407136:
لأن السنة مميزة .. والشهر مميز .. واليوم مميز
وحياتي صارت أحلى وأحلى بوجود احلى كوكي فيها
راح أقول لكم
قصة ولادتي باحلى روني
تذكرون ان آخر رد لي في التجمع كان يوم العيد .. ليلة العيد الفجر .. نزل علي ماي البيبي .. وتميت طول الوقت في الحمام (الله يعزكم) .. صارت الصبح زوجي قعد لصلاة العيد ولبس ثيابه وبخرته .. راح ورجع .. انا سبحت وتعدلت .. في الطريق و احنا رايحين بيت أبوي قلت حق زوجي خل نمر المستشفى بس عشان اتأكد ان البيبي عنده ماي كفاية حوالينه!!
رحت المستشفى .. جان يدخلوني ولادة ويحطون علي تخطيط !! .. وانا مافيني طلق ولا ألم .. قالو لي اذا نزل ماي البيبي لازم تولدين خلال 24 لان خطر البيبي يتم بدون ماي
وقعت على مسؤوليتي عشان أروح بيت ابوي اعايد عليهم .. و اتغدى غذى العيد و أرد المستشفى بعد ساعتين .. و فعلا رديت المستشفى ودخلوني ولادة .. حطو لي طلق صناعي (تحميلة) بس ما استجاب الرحم كان عندي ألم خفيف و بدا يزيد شوي شوي بس الساعة 2 بالليل راح الالم !! .. الصبح حطو لي طلق صناعي في ال IV وبدا مفعوله .. ذبحني .. وتميت كل فترة يقيسون التوسع أكون متوسعة شوي مو وايييد وكنت اتحطم .. اقول للدكتورة كل هالألم وبس 4 س !! هذا كان حوالي الساعة 2 الظهر ثاني يوم
بعدها صار في استجابة سريعة للرحم مع الطلق الصناعي .. حوالي الساعة 5 العصر وصلت 7 س .. وتوقعو لي ولادة بعد ساعتين .. وطبعا انا كنت مثل أسورة أصدقاء انا والاكسجين .. وما كنت أصرخ .. كانو أمي وأختي يقرون آيات على راسي ..
بعدها قمت أصرخ من الألم .. و كنت أقول حق اختي احس شي يتقطع داخل .. مو قادرة .. وهي تقول تحملي هانت باقي شوي .. و انا فعلا كنت احس شي قاعد ينشق .. و صرخت عليهم ينادون الدكتورة .. يت الدكتورة الساعة 8 والمفاجأة اني لي الحين 7 س !!
طبعا كان قمة التحطيم .. حسيت روحي اني تعبانة .. دخلت يدها الدكتورة مرة ثانية .. تمت تحوس .. وسيدة طالعت زوجي وأمي واختي وقالت عملية .. ما أنسى آلام الطلق .. وأنا بروح العملية .. تميت أصيح .. وصيحت زوجي معاي
كنت أقول حق الدكتورة
Please I need Injection
This is unfair.. I have contraction and I’m in my way to the operation room
نقلوني العمليات .. آخر شي أذكره اني مع زوجي وطبيبة التتخدير .. تجهزني .. وبعدها ما حسيت بشي .. عطوني تخدير كلي ..
اللي صار ان كيس الماي يعمل مثل الجاذبية لراس البيبي .. عشان ياخذ المسار الصحيح ويطلع .. بس لما انفتح كيس الماي .. راس روان افتر .. ومع حركتها خلال الطلق .. التف الحبل السري على رقبتها 3 مرات !! عشان جذي كننت أحس ان في شي قاعد ينشق داخل بطني .. ووقف التوسع في الرحم لان راس البيبي ما يوصل عشان يضغط .. ومن رحمة ربي .. اني ما طولت زيادة في الطلق و الا جان راح اضغط عليها
طلعت روني من بطني لونها أزرق الساعة 9:02 .. وكان وزنها 2.7 KG الحمد لله .. ألف الف الحمد لله على كرم ربي
ودوني الغرفة .. و طبعا لاني بنج كامل ماحسيت بشي .. فتحت عيوني .. ما ادري شالسالفة .. كان زوجي ميود يدي ونايم على الكرسي اللي يمي .. قعدت أطالع الغرفة و الورد .. لما جفت التوزيعات تذكرت اني كنت أولد!! طقيت للنرسات عشان أجوف بنتي يابها لي دقايق وخذوها بسرعة لان كان عليها مضاد .. لأنها تمت حوالي 36 ساعة بدون ماي
وهذي صورة أحلى قمر نور سماي
صلوا على النبي محمد وآل محمد
وقولو ماشاءالله .. لا اله الا الله
ما شاء الله
تبارك الرحمان
الف الف مبروك حبيبتي
الحمد الله على سلامتك
وتتربى بعزكم
فرشه بنتك مل فراشات مثل بنتي :)
s4everk;10411283:
السلام عليكم ..
كيفكم بناااات لكم وحشه والله...
آآآآآه الولاده صعبه ما توقعتها كذا وانا جربت الثنتين الطبيعي والقيصري بعدين ان شاء الله انزل قصة الولاده ..
حبيت اطمنكم بس ما اقدر اجلس كثير من العمليه دعوااااااااااااتكم ..
الله يقومك بسلامه
ما تشوفين شر
ان شاء الله يطيب الجرح
والف مبروك على البيبي
أساير الروح;10414277:
مساء الخيرات
شخباركم امهات
الا باقولكم ايصير اتيني الدورة الشهرية في الاربعين:( انا طهرت
انا جت لي بعد الاربعين بي 4 ايام
ما عندي فكره بصراحه
ان شاء الله البنات يخبروك