أساير الروح;10285883:
مسا الخير وعيدكم مبارك
وحشتوني وايد فديتكم
تراني بخير بس الجرح ذابحني ايألمني الله كريم وولدي يسلم عليكم
الله يسهل على الباقي ومبروك ما ياكم ويتربون في عزكم
اسوووووووره ياقلبي كل عام وانتي بخير
والحمد لله على سلامتج وسلامة خلوفي
يتربى بعزكم يارب ..
يله حبيبتي اتحملي بروحج كله بأجر ان شاء الله
اميرة العشاق;10286048:
هلا بنوتات هذي صورة بنتي تومي الحلوة
وهي في المستشفى ماحبيت احط صورتها الحين خخخ لانها صارت سمره مادري ليش
طيب اخليكم مع الصوره
ياااااقلبي تجنن تومي
الله يخليها ويحفظها الج وتشوفينها عروسه بالكوشه آمين يارب
دريم ويب;10285658:
مرحبا أمهات وحوامل
الله يساعد الحوامل ويسهل عليكم الولادة يارب:9_33:
دام ميسووو نايمه بقولكم فصة ولادتي ع السريع..
زي ما انتو عارفين يوم الاثنين ليلة الثلاثاء الساعة 2ونص الفجر كنت معكم بالتجمع وقلت لكم جاتني آلالام شديدة بالظهر والبطن وكنت اون من الالم..
وزوجي كان طالع يستحر عند اهله ..
رجع الساعة 3.00 ص وشاف وجهي اصفر ولاني قادرة امشي واتنفس بسرعة ، قلت له خلنا نروح الطوارئ شكله الطلق رجع مره ثانية بس اقوى:cry:
بالموت نزلت من الدرج وركبت السيارة وعلى طول الطوارئ وحطوني الممرضات ع الكرسي وحولوني غرفة التخطيط وشافو الطلق مرره حامي والرحم بس فاتح 2ونص ..
ع الساعة 6 ص عطوني إبره مهدئه وقالو لي نامي وارتاحي عشان نبي منك القوة وقت الدفع
وراح زوجي عني ونمت ..
صحيت ع الساعة 8 الصباح الطلق خفيف يمكن من المسكن وقمت بروح الحمام الله يكرمكم ولا مويه تنزل مني بس مو كثير ..
وناديت الممرضة وعطتني حقنه:o وكانت تحرررررر وقالت بعد ربع ساعة روحي فضي بطنك ..
نمت صحيت الساعة 12 الظهر من قوة المخدر .. وحولوني غرفة عادية لان الطلق برد ، قلت لهم بروح البيت قالو لاء الرحم مفتوح والمويه نازله ماتطلعين..
يوم الأربعاء الصباح ودووني قسم الاشعه الملونة وشافت ان المويه بدت تقل والطلق بارد والرحم للحين 2ونص..
ع الساعة 6 المغرب جاتني الدكتورة وقالت لي البسي لبس الولادة وبحط لج طلق صناعي وانا كنت ازن عليهم ابي طلق صناعي الله يخليكم لاني تعبت ونفسيتي تعبت ..
يوم حطت الطلق الصناعي شفت الموت بعيوووني:cry: قمت اصارخ وانادي زوجي وامي والدكتورة تقولي تنفسي ماتصارخي بعدين تتعبي ..
ع الساعة 9 الليل جاء زوجي وقت الزيارة واهله واهلي وكان شكلي مزري وانا اطلق قدامهم واتوجع واووون ..
ودموعي اربع اربع كان ودي اصارخ بس كنت منحرجه...
طلعو من عندي الساعة 11 وانا كنت خلاص منهارة وابكي وحالتي حاله ..
وقمت ارجع وجاني اسهال قوي ومغص ..
على طول ركبو علي المغذي وحولوني غرفة الولادة ..
كشفت علي لقته 4ونص ...
وانا اصارخ وازحرر واسوي بوووش وهي تقول لااااااااااااا مااافي سوي بوووش تو الناس حطت لي اكسجين ..
وكلمت زوجي وجاني وقعد وياي لين الساعة وحده الليل عقب قالت له الممرضة لازم تروح بعطيها منوم عشان تنام لان رحمها فاتح 5سم وابي منها قوة وهي من المغرب تصااارخ..
بس طلع زوجي نمت ع الساعة 2ونص الفجر قمت ع الم قووووووووووووووووووووووووي فظييييع احس سكاكين بظهري وجمر برحمي وقعدت اصااارخ سسترررررر تعالي بمووووووووووووووت وجات ركض تفحص الا 6 سم ..
وانا اترجاها ابي قيصرية ماعاد اتحمل .. وهي تقول كله بكرية يقول كذا خلاص هانت ..
وكل ماتجي الطلقه اصااااااااارخ ياربي ساااااااااااعدني واقلب نفسي بقوة من اليمين لليسار واعض المخده واهز حديده السرير ودموعي اربع اربع واحس نار جمره في رحمي تبي تطلع واسوي بووووش غصب عني:( والدكتورة تهاوشني لاء بعدين يصير نزيف لاتسوين بوووش تو الناس...
والله شفت الموت قلت خلاص اكيد بموت كل ماله يزيد الالم..
وجننت الممرضات كل شوي اتبول لا إرادي ع السرير ويغيرون لي.. وطلقي كان كل 5د ..
يوم راحت الطلقه قالت بتركب لي انبوبة للبول بس رفضت لانها تالم .. قالت طيب بوديج الحمام لان خلاص نبي نطهر المنطقه انتي جاهزة للولادة يوم ودتني الا جاتني الطلقة وانا راجعه لسريري واررمي بقوتي كلها نفسي على السرير بغت تنكسر ابرة المغذي في يدي وهم يصارخون علي شوي شوي مافي زين على البيبي.. وكنت ارتجف ابي لحاااف بردانه:cry:
يوم أذن الفجر فحصتني لقته 8ونص قالت لاحسيتي بوووش سوي بوووش ..
وراحت عني تصلي ماجات الا انا فاتحة ماشاء الله 10 سم..
واللي تعبني وقت الدفع تجرحت شفايفي من الصراخ وبلعومي انجرح وانا اسوي بووووش اقولهم ابي ماااي ويعطوني بالابره نقطه..
وهي تصاارخ علي بسررعة انا اشوف راس البيبي سوي بووووش طويله بدون نفس لان نبضات البنت بدت تضعف تحت ال 100
وجاو ممرضتين يعصرون بطني وانا اصااارخ واتالم كسروا ضلوعي وبووووش اخيره طلعت ميساء القمر وكان الحبل السري ملتف ع رقبتها وطارو فيها بالحضانه ووزوجي معاهم..
وخيطتني شي احس فيه وشي ما احس ..
والحمدلله بعدها سبحتني الممرضة وغسلت جسمي بصابون وديتول وحولوني غرفة خاصة ..
وتطمنت ع بنتي قبل لا اروح غرفتي كانت بالحضانه تكسر الخاطر..
قغدت يومين بالحضانه واليوم الثالث طلعوها..
والله شفت الموت بعيوني وكانت ولادتي جدا صعبه...
والحمدلله ان بديت انسى الالم شوي شوي كل ما اشووف ميسوووو بحضني
وعقبال الحوامل يارب :)
دريموووووووووو وجعتي قلبي بقصتج المؤلمة :confused: :confused:
الله يساعدج شلون اتحملتي الألم :ss:
اني لو بمكانج كنت اخذت ابرة الظهر وخلصت :o
بس كله يهووون بشوفة ميوس بصحة وسلامة
فاطمة143;10285711:
اهلين حبيبتي
يقونتي تمام الحمد الله :)
وسمعت حتى البصل والثوم بعد مازين
تعرفين كانت يقين تصيح امس وقت الافطار وحطيتها على حضني
وكنت اكل اكلي وطاح الصبار الي اكله في عينها وداخل الصبار كان في فلفل
وجلست تصيح وايد مسكينه وما قدرت تفتح عينها وانا جلست اصيح معها
خفت وايد
بعدين ابوي دخل لسانه في عين يقين وطلع قطعه صبار من عينها حبيبتي
وغسله بالماي
والحمد الله بعدين فتحت عينها
وكنت اصيح وايد خفت
الحين تعلمت درس اني ما احطها في حضني لما اكل اكل
ما شاء الله عليه
اللهم صلى على محمد وال محمد
الله يحفظه يارب
ويتربى بعزكم يارب
الف الف الف مبروك
الله يقومها بسلامه يارب
طمنينا عليها وعلى البيبي
تسلمين حبيبتي
ويخليلج يقونه الحلوة وتشوفينها عروسة يارب ,,
حرام عليج كسرت خاطري يقونه :mad:
شلون تاكلين اشياء حارة وهي بحضنج :ss:
الحمد لله عدت على خير
يرادلكم جرة اذن انتي واميرة الي قصت اصبع فطومه :tongue: :tongue:
Burger;10285777:
شخباركم كروشات وامهات
انا ليحين صامده وافكر وسعات اقول افففففف ماراح افكر وخل كلشي على الله وسعات اذبح روحي من التفكير
بس بسألكم انا الحين موعدي بعد اسبوع طلق صناعي :confused: لو ماولدت هالايام
اروح الطلق الصناعي ولالا ؟؟؟؟؟؟؟؟؟ بيكون اخر يوم في التاسع ارووح ولا لاااا
بس الدكتورة تقولي وزن البيبي 3.300 راح يكبر زيادة وانا موقتنعه شاااااسوي يعني عقب اسبوع يمكن يصير 3.500 يعني بقدر اولد طبيعي بالطلق الصناعي
استغفر الله واااايد افكر
حبيبتي برجر لا تتعبين من التفكير
خليها على ربج وهو يسهل عليج
كثري من الاستغفار واقري على بطنج
وان شاء الله يجي الطلق من نفسه بدون صناعي
وصدكيني الفرق مو كلش بين ال 3 كيلو او 3 ونص
اهم شي تكونين مشيتي بفترة الحمل وعندج قوة للدفع ..
اميرة العشاق;10285786:
واي دريم ويب احس ولادتك صعبه
حيل بس يالله طلعتي من الشر
اهم شيء سلامتك وسلامة البنوته
وكله على اجر لما اشوف قصصكم اقول صج انا دلوعه
راح اقول قصتي
طبعا الكل عارف اني كنت اعاني من الطلق والرحم مفتوح 4 سم
شهر كامل من تاريخ 27-7-1430 الى تاريخ 27-8-1430
وارتحت بعدها وقلت انتهت المعناه وماراح اولد الا لما ادخل التاسع
ومرت الايام والجووو هدوء ماقبل العاصفه
وكان يوم 9 رمضان وكنت معكم اسولف بالانترنت
لحد الساعه 2و20 الفجر
حسيت بالم زي الطلق على خفيف
ودخلت على التجمع وكنت راح اكتب لكم اني احس بالطلق رجع لي
ولكن وانا اكتب زاد الالم وبشده لدرجه اني ماقدرت اكمل كتابه يعني مو زي المعتاد
الم قوي وفجأه بدون مقدمات
طفيت الالبتوب وقمت ونمت على ظهري والالم يزيد يزيد
واختي شافتني قمت كل ماجا الالم اصرخ ودموعي تطيح اربع اربع قالت انادي امي قلت لها لا
انا دايم يجيني طلق ويروح بس جيبي لي الجوال بحسب الفرق بين الطلقه والثانيه بشوف منتظم ولا لأ
وبعدها صرخت بقوة قالت لا انتي شكلج بتولدين
وماجابت الجوال راحت نادت امي وتجي امي تقول شفيج قلت لها لا راح الالم كل شوي يروح ويرجع يمكن
بس 3 دقايق ويرد بسرعه طبعا ماعرفت لان ماكنت لابسه ساعتي
قالت قومي شنو راح يالله مستشفى وطبعا صارت الساعه 3 الفجر وكانو حاطين السحور
قلت لامي خلاص تسحروو بعدين اروح قال ابوي انا مو مشتهي قومي اوديج
وجابو لي عباتي والشنطه وامي خافت تروح معاي وماتتحمل قالت لاختي
روحي معها
وبوي صار يسرع فينا بالطريق ويقطع بالاشارات وانا سكتت واحس بالم بس خفيف
لان كل تفكيري صار شلون راح يصير بالمستشفى وكيف بولد مو مصدقه حتى الالم ماعدت افكر فيه
ووصلنا المستشفى الساعه 3و30 دقيقه وراحت اختي نادمت الممرضه وجابت لي كرسي
وحطوني عليه ودخلوني وقالت لي يالله صعدي السرير
وصعدت قاستني لقتني مفتوحه 8 سم
قالت يالله ولاده وهني حسيت قلبي بيوقف من الرعب وسكت وكاني ميته
وطبعا خلوني على السرير وغطوني وصعدوني بالسرير والممرضه
تقول هذا مفتوح 8 سم وماتصارخ شالسالفه
وكانو بيدخلوني غرفة الانتظار بعدين بينقلوني غرفة الولاده
بس قبل ادخل غرفة الانتظار جاني الالم قوي وبديت اصارخ
وقاست شافته صار 10 سم
قالت ودوها ولاده ولاده
ودخلوني وركبت لي المغذي وانا اصورخ حتى دخلوني غرفة الولاده بملابسي مافي وقت
وبعدها حطت لي انبوبه حق البول وعورتني
والى الان مابعد احس بالموت الفعلي والالم اللي فعلاااا موتني كل هذا اعتبره عادي بس لما انفتح ماي الراس او البيبي
بدأ الالم الفعلي جاني الموت صرت اصرخ بموووووووووووووووووووت بمووووووووووووووووووت ابي امي
بمووت صرت اضرب نفسي على وجهي واصرخ قالت كذا مايصير
انتي لا زم يدفع علشان بيبي يطلع
ومسكت ايدي وحطتهم على مقابض بنفس السرير وقالت
بس يجي الم ادفع بقوه عاد الالم اصلا ماراح علشان يجي الالم استمر معاي
وصرت ادفع ادفع وكان تشقني وبعدها دفعت بقوه وانا اصرخ صرخه قويه احس الناس كلها سمعت
قالت بس بس خلاص بيبي طلع طبعا ولدت الساعه 3و48 دقيقه
بالالم ماوقف حسيت بطني بينفجر وظليت اصرخ
وطلعت المشيمه وهم انا اصرخ قالت ليش ماما انتي يصيح خلاص انتي ولاده
قلت لها لا مافي انا احس بالم واجد قوي
اكيد في بيبي ثاني قالت مافيه
وظليت بالم وكاني بولد من جديد وحطت لي مطهر
وخدرت علشان الخياطه
بس الكل راح يصلي وخلوني بالغرفه لحالي
ومن ولدت الى الساعه 5 وانا جالسه وبعدها جات وخيطتني
وطبعا في مكان ماحسيت بالم ومكان ثاني حسيت
ويمكن لانهم خلوني مفتوحه من الساعه 4 الى الساعه 5 ماخيطوني
هذا اللي زاد انتفاخ بطني بالهواء وزاد الام الرحم وجبت فطومه الحلوة وكان وزنها 2 كيلو و200 غرام وحطوها بالحظانه يومين وعطوني اياها :)
وانتهت القصه خخخخخخ طولت
عليكم ههه شرايكم بولادتي سريعه بعد ماعانيت شهر كامل هههه
الحمد لله ان شاء الله كل مره تكون سريعه بس بدون معانات شهر الطلق :)
خخخخخخخخ طلعتي صدك دلوووووووعه
لان الألم الي يجي بعد ما تكملين التوسع مو مثل الطلوق الحامي
هذا مثل شربة الماي مقارنة بهذاك :tongue:
الحمد لله الي سهل عليج وقمتي بالسلامة انتي وفطوم
وان شاء الله تكون كل ولاداتج سهلة بس بدون تعب او طلوق قبل بشهر :D
جعفريه;10285789:
:down:
حسيت بمغص قوي عقبه رحت الحمام وكان اسهال ..
أنتظم 3 ساعات والصبح راح..
وبعدين جاني الساعه 3 الظهر وبس للحين ..
دريم.. قصتج متعبه ومؤثره ..
بس كل شي بأجره ..
والحمدلله على كل حال ..والله يخلي لج ميساء وتنسيج التعب كله ..
أموره ..
مولازم تظل الافرازات 40 يوم كل وحده على حسب ..
اني بولادتي الاولى تقريبا شهر ظليت على هالحاله ..وكان عندي اكتئاب ما احب اكل هالرشاد والحلبه وهالسوالف مع انها زينه وتنظف الرحم..
حاولي تاكلينهم ..وان شاء الله تخلصين من هالافرازات ..
حبيبتي خليها على الله ويمته ما يجي النونو هلا بيه :wink:
وان شاء الله تكون هاي اعراض الولادة القريبة ونفرح بسلامتج قبل العيد ..
@قطرات الندى@;10285518:
مرااااااااحب بنات شلوونكم
عرووووفة الف مبروووك الولادة وقصتك حلوووة بس الشىء الحزين اللي فيها انها انتهت بعملية
بس عساه عن صلاح ولا تخسرررين القمررر ياااارب يخلييه لج ان شاء الله
اهم شىء انج قمت بالسلااااااااااامة انتي والبيبي
مبروك نيفووو وبسووومة قطر يتربون بعزكم يااارب
الكروشات اللي ماولدوا لا تسووون ولا شىء ولاشىء لااناناس ولاغيره
اي وقت اللي بيطلع بيطلع خلوووه على راحته لااااااااااااا
هي من خلال تجربتي في الولادة الثانية والثالثة وخصوصا هذي ما كنت اخذ ولاشىء
ولاامشي ولا مستعجلة عليها اجيني الولادة بالعناد
كل احس روحي اتهرب منها هههههههههه
والحمدلله ولادتي تيسسرتت والفال لكم ياااارب
ان شاء الله احصل وقت اكتبها لكم عشان تشجعون تولدون بسرعة
بس المشكلة الكمبيوتر كله بزي ما نحصله الا بالغلط ههههههههههههه
محمدية شخبااارش حبيبتي وش مسوووية وحشتينا ما تدخلين عدل
صحوبة شخبارش وشخبار يسوووفي ؟
تصدقين كل ما اشوفش اذكر امووورة لان ولدها سمي ولدش
بح بح الحمدلله ان كل شىء سلييم ويارب تولدين بالسلامة
يمكن تولدون كلكم في العيد وتصير احلى هدية بس لا تستعجلون على البيبي
متى ماالله اراد بيطلع ..
قطوره اي والله العملية تعبتني ولهسه منقهره بسببها :(
بس الله كاتبلي اولد قيصرية ولا اعتراض على ارادة رب العالمين ..
مثل ما قلتي اهم شي سلامتي اني ومجتبى :wink:
الحمد لله على كل حال