تجمع الحوامل الاتى سيلدن فى شهر سبتمبر (باذن الله) الجزء الثالث عشر

الف الف الف الف

مبروووووووووووووووووووووك نيفووووووووووووو

والف الف الف مبروك بسومة قطر

والحمد لله على السلامه

والله يسهل على البقيه

ويجعل ولادتهم سهله ميسره وطبيعيه

ربي يحفظ لج بنوك يوتولدين قريب وتفرحين بشوفتها بحظنك

جعفريه==دموعه == برغر== عيون محمد ==بحرينيه== وكل اللي ماولدو

ربي يسهل عليكم يارب وتولدون بالسلامه يارب

مرحبا أمهات وحوامل
الله يساعد الحوامل ويسهل عليكم الولادة يارب:9_33:

دام ميسووو نايمه بقولكم فصة ولادتي ع السريع..

زي ما انتو عارفين يوم الاثنين ليلة الثلاثاء الساعة 2ونص الفجر كنت معكم بالتجمع وقلت لكم جاتني آلالام شديدة بالظهر والبطن وكنت اون من الالم..
وزوجي كان طالع يستحر عند اهله ..
رجع الساعة 3.00 ص وشاف وجهي اصفر ولاني قادرة امشي واتنفس بسرعة ، قلت له خلنا نروح الطوارئ شكله الطلق رجع مره ثانية بس اقوى:cry:


بالموت نزلت من الدرج وركبت السيارة وعلى طول الطوارئ وحطوني الممرضات ع الكرسي وحولوني غرفة التخطيط وشافو الطلق مرره حامي والرحم بس فاتح 2ونص ..
ع الساعة 6 ص عطوني إبره مهدئه وقالو لي نامي وارتاحي عشان نبي منك القوة وقت الدفع
وراح زوجي عني ونمت ..

صحيت ع الساعة 8 الصباح الطلق خفيف يمكن من المسكن وقمت بروح الحمام الله يكرمكم ولا مويه تنزل مني بس مو كثير ..
وناديت الممرضة وعطتني حقنه:o وكانت تحرررررر وقالت بعد ربع ساعة روحي فضي بطنك ..

نمت صحيت الساعة 12 الظهر من قوة المخدر .. وحولوني غرفة عادية لان الطلق برد ، قلت لهم بروح البيت قالو لاء الرحم مفتوح والمويه نازله ماتطلعين..

يوم الأربعاء الصباح ودووني قسم الاشعه الملونة وشافت ان المويه بدت تقل والطلق بارد والرحم للحين 2ونص..

ع الساعة 6 المغرب جاتني الدكتورة وقالت لي البسي لبس الولادة وبحط لج طلق صناعي وانا كنت ازن عليهم ابي طلق صناعي الله يخليكم لاني تعبت ونفسيتي تعبت ..

يوم حطت الطلق الصناعي شفت الموت بعيوووني:cry: قمت اصارخ وانادي زوجي وامي والدكتورة تقولي تنفسي ماتصارخي بعدين تتعبي ..

ع الساعة 9 الليل جاء زوجي وقت الزيارة واهله واهلي وكان شكلي مزري وانا اطلق قدامهم واتوجع واووون ..
ودموعي اربع اربع كان ودي اصارخ بس كنت منحرجه...

طلعو من عندي الساعة 11 وانا كنت خلاص منهارة وابكي وحالتي حاله ..
وقمت ارجع وجاني اسهال قوي ومغص ..

على طول ركبو علي المغذي وحولوني غرفة الولادة ..
كشفت علي لقته 4ونص ...

وانا اصارخ وازحرر واسوي بوووش وهي تقول لااااااااااااا مااافي سوي بوووش تو الناس حطت لي اكسجين ..
وكلمت زوجي وجاني وقعد وياي لين الساعة وحده الليل عقب قالت له الممرضة لازم تروح بعطيها منوم عشان تنام لان رحمها فاتح 5سم وابي منها قوة وهي من المغرب تصااارخ..

بس طلع زوجي نمت ع الساعة 2ونص الفجر قمت ع الم قووووووووووووووووووووووووي فظييييع احس سكاكين بظهري وجمر برحمي وقعدت اصااارخ سسترررررر تعالي بمووووووووووووووت وجات ركض تفحص الا 6 سم ..

وانا اترجاها ابي قيصرية ماعاد اتحمل .. وهي تقول كله بكرية يقول كذا خلاص هانت ..
وكل ماتجي الطلقه اصااااااااارخ ياربي ساااااااااااعدني واقلب نفسي بقوة من اليمين لليسار واعض المخده واهز حديده السرير ودموعي اربع اربع واحس نار جمره في رحمي تبي تطلع واسوي بووووش غصب عني:( والدكتورة تهاوشني لاء بعدين يصير نزيف لاتسوين بوووش تو الناس...

والله شفت الموت قلت خلاص اكيد بموت كل ماله يزيد الالم..
وجننت الممرضات كل شوي اتبول لا إرادي ع السرير ويغيرون لي.. وطلقي كان كل 5د ..
يوم راحت الطلقه قالت بتركب لي انبوبة للبول بس رفضت لانها تالم .. قالت طيب بوديج الحمام لان خلاص نبي نطهر المنطقه انتي جاهزة للولادة يوم ودتني الا جاتني الطلقة وانا راجعه لسريري واررمي بقوتي كلها نفسي على السرير بغت تنكسر ابرة المغذي في يدي وهم يصارخون علي شوي شوي مافي زين على البيبي.. وكنت ارتجف ابي لحاااف بردانه:cry:

يوم أذن الفجر فحصتني لقته 8ونص قالت لاحسيتي بوووش سوي بوووش ..
وراحت عني تصلي ماجات الا انا فاتحة ماشاء الله 10 سم..

واللي تعبني وقت الدفع تجرحت شفايفي من الصراخ وبلعومي انجرح وانا اسوي بووووش اقولهم ابي ماااي ويعطوني بالابره نقطه..
وهي تصاارخ علي بسررعة انا اشوف راس البيبي سوي بووووش طويله بدون نفس لان نبضات البنت بدت تضعف تحت ال 100

وجاو ممرضتين يعصرون بطني وانا اصااارخ واتالم كسروا ضلوعي وبووووش اخيره طلعت ميساء القمر وكان الحبل السري ملتف ع رقبتها وطارو فيها بالحضانه ووزوجي معاهم..

وخيطتني شي احس فيه وشي ما احس ..
والحمدلله بعدها سبحتني الممرضة وغسلت جسمي بصابون وديتول وحولوني غرفة خاصة ..
وتطمنت ع بنتي قبل لا اروح غرفتي كانت بالحضانه تكسر الخاطر..
قغدت يومين بالحضانه واليوم الثالث طلعوها..

والله شفت الموت بعيوني وكانت ولادتي جدا صعبه...

والحمدلله ان بديت انسى الالم شوي شوي كل ما اشووف ميسوووو بحضني

وعقبال الحوامل يارب :)

neeevooo;10284078:
بنات نيقو ولدت بالسلامه وجابت احلى جوجو فالدنيا الساعه٣ الفجر ماشاء الله عليها فى ليله القدر
ادعولها يا صحابات لانها تعبانه من العمليه شويه

نيفو ما شاء الله الف الف مبروك حبيبتى انا كنت داخلة اطمن عليكى هنا لاقيت ما شاء الله ولدتى بالسلامة ومبروك عليكى جوجو يا قمر وان شاء الله تقومى بالسلامة وتكونى باحسن صحة انتى وجوجو يا قمر (f)
عقبال كل بنات التجمع لما يولدوا بالسلامة يارب (f)
تقبلوا مرورى (f)

بنات بسألكم

انا ينزل علي افرازات بنيه من حوالي اسبوع ونص

ويومين توقف ويمين ترجع يعني كل ماقلت خلاص ارتحت اشوفها رجعت

هل هذا طبيعي ولا شنو :(

ابي افتك متى توقف الافرازات البنيه وماعاد اشوفها

وهل لازم اظل 40 يوم وهي تنزل ولا توقف قبل


وانا الحين 17 يوم يعني لي 7 ايام اصوم واصلي

بس ابي ارتاح من االافرازات بسرعه

وهل في شيء يسرع من نزول الافرازت والتخلص منها

مابيها تظل 40 يو معاي على هالحل :(

أميره

عادي هالشي حبيبتي .. بس مايجوز تصلين وتصومين وماطهرتي كليا... انا اللحين لي 6 ايام احيانا ماينزل غير شي بسيط واحيانا شي كثيررر..

اكلي هذي الخلطة وبتطهرين بسرعة (رشاد مطحون+حلبة مطحونة+حبة سودا مطحونه) كل يوم ع الريق لمده 10 ايام

صاحبة الظل الخفي;10276030:
هلا وغلا حبيبيتي
انتي شلونج وشمسويه مع الخياط؟
يوسف الحمدالله احسن
واعطيه الاثنين لان صدري مافي وايد حليب

صاحبة الظل الخفي;10276667:
بنات انه عندي صدر في حليب والثاني مافي الا قليل كلش يعني اذا اعصر بالموت يطلع قطرتين
شاسوي عشان يطلع وهل هاذي شي طبيعي؟

الحمد الله كان باقي لي خيط واحد وطاح اليوم
وكنت احط ماي دافي مع ملح
بس الحين فيني حكه قويه من داخل
مع اني استخدم ميبو وفي نوع ثاني بعد الي خبرتكم عنه قبل

حبيبتي حتى لو ما عندج حليب عطيها
لان كلما تعطيها اكثر بيطلع شويه شويه
انا كان ابدأ ما عندي
امي قالت لي عطيها دايما وبيطلع لك
والحمد الله بديت اعطيها وبدأ يزيد الحليب
ولازم اغير جهه الحليب واذا ما اغير صدر يطلع وصدر ما يطلع عشان كذا مره اعطيها هذا صوب ومره هذا

s4everk;10278808:

سلام بنااات
ابغى اسال كم ساعه تمشون في اليوم ؟؟ابغى اوووولد .... :ss:

وبحرينيه حبيبتي الله يطمن قلبك ع النونه يااااارب ..

انا كنت امشي تقريبا نصف ساعه
الله يسهل عليج يارب وتولدين بسلامه

دمعة;10280096:
,,اهلييين فطووومة الحمدلله احنا بخير..
انتي شخبارك وشخبار يقوووونة؟؟
ماتشوف شر الحبوبة.. وفعلا غذاء الام له دور كبيييير في صحة الطفل
حاولي تبتعدي عن الاغذية اللي تسبب لها غازات
المشروبات الغازية والبقوليات والملفوف والربيان,,

اهلين حبيبتي
يقونتي تمام الحمد الله :)
وسمعت حتى البصل والثوم بعد مازين

تعرفين كانت يقين تصيح امس وقت الافطار وحطيتها على حضني
وكنت اكل اكلي وطاح الصبار الي اكله في عينها وداخل الصبار كان في فلفل

وجلست تصيح وايد مسكينه وما قدرت تفتح عينها وانا جلست اصيح معها
خفت وايد
بعدين ابوي دخل لسانه في عين يقين وطلع قطعه صبار من عينها حبيبتي
وغسله بالماي
والحمد الله بعدين فتحت عينها
وكنت اصيح وايد خفت
الحين تعلمت درس اني ما احطها في حضني لما اكل اكل

أحلى_عراق85;10281004:

.
صلوا على محمد وآآآآآل محمد


قولوا ما شاء الله تباااارك الله .....

ما شاء الله عليه
اللهم صلى على محمد وال محمد
الله يحفظه يارب
ويتربى بعزكم يارب

neeevooo;10284078:
بنات نيقو ولدت بالسلامه وجابت احلى جوجو فالدنيا الساعه٣ الفجر ماشاء الله عليها فى ليله القدر
ادعولها يا صحابات لانها تعبانه من العمليه شويه

الف الف الف مبروك
الله يقومها بسلامه يارب
طمنينا عليها وعلى البيبي

دريم ويب
الحمد الله ع سلامتك
القصه تخووووف
اخيرا ولدتي بسلامه

شخباركم كروشات وامهات
انا ليحين صامده وافكر وسعات اقول افففففف ماراح افكر وخل كلشي على الله وسعات اذبح روحي من التفكير

بس بسألكم انا الحين موعدي بعد اسبوع طلق صناعي :confused: لو ماولدت هالايام
اروح الطلق الصناعي ولالا ؟؟؟؟؟؟؟؟؟ بيكون اخر يوم في التاسع ارووح ولا لاااا

بس الدكتورة تقولي وزن البيبي 3.300 راح يكبر زيادة وانا موقتنعه شاااااسوي يعني عقب اسبوع يمكن يصير 3.500 يعني بقدر اولد طبيعي بالطلق الصناعي
استغفر الله واااايد افكر

واي دريم ويب احس ولادتك صعبه

حيل بس يالله طلعتي من الشر

اهم شيء سلامتك وسلامة البنوته

وكله على اجر لما اشوف قصصكم اقول صج انا دلوعه

راح اقول قصتي

طبعا الكل عارف اني كنت اعاني من الطلق والرحم مفتوح 4 سم

شهر كامل من تاريخ 27-7-1430 الى تاريخ 27-8-1430

وارتحت بعدها وقلت انتهت المعناه وماراح اولد الا لما ادخل التاسع

ومرت الايام والجووو هدوء ماقبل العاصفه

وكان يوم 9 رمضان وكنت معكم اسولف بالانترنت

لحد الساعه 2و20 الفجر

حسيت بالم زي الطلق على خفيف

ودخلت على التجمع وكنت راح اكتب لكم اني احس بالطلق رجع لي

ولكن وانا اكتب زاد الالم وبشده لدرجه اني ماقدرت اكمل كتابه يعني مو زي المعتاد

الم قوي وفجأه بدون مقدمات

طفيت الالبتوب وقمت ونمت على ظهري والالم يزيد يزيد

واختي شافتني قمت كل ماجا الالم اصرخ ودموعي تطيح اربع اربع قالت انادي امي قلت لها لا

انا دايم يجيني طلق ويروح بس جيبي لي الجوال بحسب الفرق بين الطلقه والثانيه بشوف منتظم ولا لأ

وبعدها صرخت بقوة قالت لا انتي شكلج بتولدين

وماجابت الجوال راحت نادت امي وتجي امي تقول شفيج قلت لها لا راح الالم كل شوي يروح ويرجع يمكن

بس 3 دقايق ويرد بسرعه طبعا ماعرفت لان ماكنت لابسه ساعتي

قالت قومي شنو راح يالله مستشفى وطبعا صارت الساعه 3 الفجر وكانو حاطين السحور

قلت لامي خلاص تسحروو بعدين اروح قال ابوي انا مو مشتهي قومي اوديج

وجابو لي عباتي والشنطه وامي خافت تروح معاي وماتتحمل قالت لاختي

روحي معها

وبوي صار يسرع فينا بالطريق ويقطع بالاشارات وانا سكتت واحس بالم بس خفيف

لان كل تفكيري صار شلون راح يصير بالمستشفى وكيف بولد مو مصدقه حتى الالم ماعدت افكر فيه

ووصلنا المستشفى الساعه 3و30 دقيقه وراحت اختي نادمت الممرضه وجابت لي كرسي

وحطوني عليه ودخلوني وقالت لي يالله صعدي السرير

وصعدت قاستني لقتني مفتوحه 8 سم

قالت يالله ولاده وهني حسيت قلبي بيوقف من الرعب وسكت وكاني ميته

وطبعا خلوني على السرير وغطوني وصعدوني بالسرير والممرضه

تقول هذا مفتوح 8 سم وماتصارخ شالسالفه

وكانو بيدخلوني غرفة الانتظار بعدين بينقلوني غرفة الولاده

بس قبل ادخل غرفة الانتظار جاني الالم قوي وبديت اصارخ

وقاست شافته صار 10 سم

قالت ودوها ولاده ولاده

ودخلوني وركبت لي المغذي وانا اصورخ حتى دخلوني غرفة الولاده بملابسي مافي وقت

وبعدها حطت لي انبوبه حق البول وعورتني

والى الان مابعد احس بالموت الفعلي والالم اللي فعلاااا موتني كل هذا اعتبره عادي بس لما انفتح ماي الراس او البيبي

بدأ الالم الفعلي جاني الموت صرت اصرخ بموووووووووووووووووووت بمووووووووووووووووووت ابي امي

بمووت صرت اضرب نفسي على وجهي واصرخ قالت كذا مايصير

انتي لا زم يدفع علشان بيبي يطلع

ومسكت ايدي وحطتهم على مقابض بنفس السرير وقالت

بس يجي الم ادفع بقوه عاد الالم اصلا ماراح علشان يجي الالم استمر معاي

وصرت ادفع ادفع وكان تشقني وبعدها دفعت بقوه وانا اصرخ صرخه قويه احس الناس كلها سمعت

قالت بس بس خلاص بيبي طلع طبعا ولدت الساعه 3و48 دقيقه

بالالم ماوقف حسيت بطني بينفجر وظليت اصرخ

وطلعت المشيمه وهم انا اصرخ قالت ليش ماما انتي يصيح خلاص انتي ولاده

قلت لها لا مافي انا احس بالم واجد قوي

اكيد في بيبي ثاني قالت مافيه

وظليت بالم وكاني بولد من جديد وحطت لي مطهر

وخدرت علشان الخياطه

بس الكل راح يصلي وخلوني بالغرفه لحالي

ومن ولدت الى الساعه 5 وانا جالسه وبعدها جات وخيطتني

وطبعا في مكان ماحسيت بالم ومكان ثاني حسيت

ويمكن لانهم خلوني مفتوحه من الساعه 4 الى الساعه 5 ماخيطوني

هذا اللي زاد انتفاخ بطني بالهواء وزاد الام الرحم وجبت فطومه الحلوة وكان وزنها 2 كيلو و200 غرام وحطوها بالحظانه يومين وعطوني اياها :)

وانتهت القصه خخخخخخ طولت
عليكم ههه شرايكم بولادتي سريعه بعد ماعانيت شهر كامل هههه

الحمد لله ان شاء الله كل مره تكون سريعه بس بدون معانات شهر الطلق :)

هلا والله جوجو
طمنينا عنج ماكو اعراض بعد ما كلتي الاناناس ؟

:down:

حسيت بمغص قوي عقبه رحت الحمام وكان اسهال ..

أنتظم 3 ساعات والصبح راح..

وبعدين جاني الساعه 3 الظهر وبس للحين ..


دريم.. قصتج متعبه ومؤثره ..

بس كل شي بأجره ..

والحمدلله على كل حال ..والله يخلي لج ميساء وتنسيج التعب كله ..

أموره ..

مولازم تظل الافرازات 40 يوم كل وحده على حسب ..

اني بولادتي الاولى تقريبا شهر ظليت على هالحاله ..وكان عندي اكتئاب ما احب اكل هالرشاد والحلبه وهالسوالف مع انها زينه وتنظف الرحم..

حاولي تاكلينهم ..وان شاء الله تخلصين من هالافرازات ..

مشكوره على الخلطجه دريم ويب يسلمو قلبي

ويعطيك الف عافيه

برغر مادري انا لما ولدت بالمستشفى كان فيه وحده والد

وجابت ولدها ووزنه 4 كيلو وولادتها طبيعي بس مادري اذا حطو لها صناعي

وان شاء الله يابرغر ماتحتاجين طلق صناعي

ربي يسهلعليج وتولدين بسرعه بدون طلق صناعي

مشكوره جعفريه ان شاء الله ماطول يارب بس 30 يوم او اقل مليت :(

وربي يسهل عليج يارب ولاده وسهله يارب ياكريم

وراح اخلي زوجي يجيب لي رشاد :(

دريم واميرة قصصكم :confused::confused:

برغر .. بين الساعتين فرج .. النسوان واايد يقولون هالجمله ..

أدعي أستغفري على طووول ..

وان شاء الله ما تحتاجين طلق صناعي ..واللي الله كاتبه بيصير اهم شي سلامتج انتي والبيبي ..

ترى تعبة تسعة شهور ..تستاهل التضحيه سواء طلق صناعي او غيره ..

والتساهيل من عند الله ..


أموره .. حلوووووه ولادتج وسريعه ..الله يرزقنا ..

كفايه عليج شهركامل عندج الرحم مفتوح والتعب اللي صادج..

وصادقه خيوو.. يمكن صادج انتفاخ وهواء في الرحم لانهم خلوج فتره بين الولاده والخياطه ..!!

فاطمة143;10285721:
دريم ويب
الحمد الله ع سلامتك
القصه تخووووف
اخيرا ولدتي بسلامه

الله يسلمج يا قلبي :)

أمورة

ههههههههههههههه يا حليلج تهبل ولادتج بالنسبة لولادتي :)
يلا كل شي بأجره لمى نشوف عيالنا بحضنا ننسى همنا ..

جعفرية


شفتي كيف .. مع اني بديت انسى الالم شوي شوي :)


برجر..

حبيبتي انا جبت ميساء ماشاء الله 3كيلو و200 غرام

ترى الطلق الصناعي مثل الطبيعي بس يحررر اكثرررر .. ويبي له وحده صبوره مو دلوعه مثلي يعني وقت الطلقه تسوي شهيق بقوة من الخشم وزفير بقوة من الفم

ووقت مايفتح 6 و 7 زفير وشهيق وقت الطلقه بسرعة بسرعة من الفم ..

ووقت الدفع تحطين يدج ورا فخوذج وكعب رجولج محطوط على الستاند وكل ماجات الطلقه تدفعين بقوة بدون ماتقطعين النفس كانج تسوين براز ...وبعدها يطلع البيبي وتنسين الهم والالم كله :)
مع انه مؤلم ويعور بس كل ماتذكرت ان النهاية راح تكون سعيدة وبشوف بنتي بحضني انسى الالم شوي..

حاولي وانتي تطلقين ماتصارخين .. قولي بصوت عالي ياربي ياحبيبي ارحمني وخفف علي وسهل علي
وانا بدعي لج تولدين بسهاله ويسر

دامكم هنا بحط لكم صورة ميساء وبشيلها

مسا الخير وعيدكم مبارك
وحشتوني وايد فديتكم
تراني بخير بس الجرح ذابحني ايألمني الله كريم وولدي يسلم عليكم
الله يسهل على الباقي ومبروك ما ياكم ويتربون في عزكم

كيف تحطون الصور يقولي حجمها كبير ؟؟

انا رايحة الباث روم عن اذنكم وراجعه