أشرايكم في علاقة المخطوبة بخطيبها بعد كتب الكتاب

عذوبة 666;11471790:
المفروض البنت تتغلى عليه عشان يصير ملهووووووووووووووووووووووف عليها
هذا رايي
يسلموووووووووووو ع الطرح الرائع

أشكرج عذوبة على الرد:093:

ههههههههههههه اتخيلوا انا مالجة وف يوم من الايام يجوفونيه هليه شالة جنطتيه وتصبحون ع خير
ها ع وين الشيخة ؟ برقد الليلة عند خطيبي واجوفكم باجر ع خير ههههههههههه
اتخيل شكلهم كيف بيكون !!!!!
شو هالمصخرة ؟!!! مع احتراميه للكل بس اللي مقررة انها ترقد عند ريلها بعد الملجة مباشرة اشعنه اتعذب عمرها وتكلف ع ريلها واتسوي عرس جان خليتوها مرة وحدة ملجة وعرس
واللي اتقول ف الاسلام وايام امي وامج .... تسمحلي اقولها ف الاسلام ماشي المناكر اللي احنا انسويها اليوم علاقة حب بالسنين وبعدها خطوبة وبعدها ملجة وبعدها زواج
كانت خطوبة وبعدها بفترة بسيطة الزواج اللي هو عقد القران والاشهار ف نفس اليوم وياخذها الريال بيته هو ياخذها مب هي اتسير اتقضي عنده ليلة وترد بيت هلها اونها تتريا يوم العرس
عنيه انا ملجت واستمرت ملجتي ست شهور كنت اجوفه اسبوعيا بحضور امي وابويه واخوانيه وكنت اتعمد هالشي عشان اربطه بهليه واحببه فيه واحببهم فيه وكنت ساعات ايلس وياه ابروحيه ويصير بينا الاشياء المقبولة وبحدود بحيث اني مازعله وف فترة الملجة مارحت بيتهم ابدا الا بعد اسبوع من عرسنا وسووليه عزيمة كبيرة جنه عرس ثاني لاني دخلت بيتهم اصلا منقود عندنا اتسير الوحدة بيت اهل ريلها قبل العرس
والحمدلله بينا حب وتفاهم واحترام وعسى الله لايغير علينا

تسلمين (اثمد)على تعليقج الحلو والله ضحكتيني:037:

انا بما اني مخطوووبه موحلو الوحده تمصخها مع خطيببهاا ولاانها تعقد الاموررر
يعني خير الامور اوسطها وانا متفقه مع خطيبي كل شي يصير بالمعقووول
عشان مايجي يوم ويطلب مني شي واحرجه برفضي الشديد يكون على بينه

هي من ناحية الشرع بعد كتب الكتاب

زوج وزوجة حلال

لكن من ناحية تقاليدنا العربية نفضل ان البنت ماتروح مع خطيبها الا بعد العرس

لكن ممكن يتكلمو براحتهم في التيليفون

ويخرجو قليلا

انا معك مايكتروو

يسلموا يا ياسمين:065:

°•♥ Teacher ♥•°;10264371:
يا ربي .. فعلا كلامك عين العقل .. وكان خاطري حد يأيدني .. احنا صحيح عندنا ممنوع نطلع .. بس صديقاتي من مناطق ثانية يضحكون علي .. يقولون يحليلك ما تقدرين تطلعين معاه .. وانا بالعكس أحسه شي مميز وما ابي أطلع ولا أبي ازودها .. وأستغرب من اللي يطلعون .. يوديها السوق .. ينامون .. طول الوقت طلعات وتنفتح باب المشاكل أوقات .. حلاة البنت يوم العرس مستحية ومو متعودة عليه وتخجل معاه .. مو ماخذه راحتها وشايفته وشايفها وايد .. لأن التفاهم والاحترام أهم من الحب اللي يفرض عليهم هالشي .. وبعد المبالغة بالشي مو حلوة .. لأن التقيد زيادة عن اللزوم تولد نتيجة عكسية .. فالتوازن مطلوب ...
أشكرك أختي على الطرح الرائع !

انا معاج بالضبط...
يسلموو:065::016:

مدام في عقد يعني زوجها قدام الله والناس
بعد ليش ماتطلع معاه وتدلع عليه شنو فيها حلالها
احنا عندنا في البحرين وايد من العوائل او اكثرهم انه من اصير العقد تعتبر زوجها واما عن حفلة الزواج هي مظاهر بس وشكرا

الموضوع هذا حساس جدا ولازم يكون للاهل دور فيه ويكون المخطوبين تحت عيونهم والله يرزق بنات المسلمين بالازواج الصالحين

شاذروان;11514885:
الموضوع هذا حساس جدا ولازم يكون للاهل دور فيه ويكون المخطوبين تحت عيونهم والله يرزق بنات المسلمين بالازواج الصالحين

أنتي قلتيها لازم الأهل أيكون لهم دور و هذا المطلوب فعلاً أشكرج حبيبتي على المشاركة الرائعة:032:

هو من بيت لبيت ومن تربيه لتربيه احنا بالسعوديه حتى الشوفه بعض القبايل مايسمحون بانهم يشوفون بعض مع انها مشروعه بس في تقاليد تحكم بعض القبايل اما بعد ما يتملكون فهي خلاص تعتبر زوجته بس الطلعات والروحات على حسب اهل البنت يعني مو الكل يرضى وان رضوا معها محرم مع انه خلاص قد كتب الكتاب وهو زوجها شرعا وقد طلعت حتى من كرت ابوها حتى لوزارهم ببيت اهلها لاوم يكون حد جالس معهم وفي ناس لا عادي عارفين وفاهمين انها زوجته بس عادات وتقاليد وتختلف من عائله لعائله وبالنسبه لي زين تطلع معه بس مو يوميا ولاتتصنع في اسلوبها تكون فري علشان يلغون المجاملات وبس يالغاليه

تسلمون على المرور:072:

انا بنظري عادي من حقه ومن حقها بس اهم شي مايتعمقو زياده يعني اذا شي سطحي وبين فتره وفتره مافيها شي بس المهم مايضيعوا حلاوه الليله حقت عرسهم ومافيها شي خرجات ودخلات كل 2 بكيفهم يسوو اللي يبغوه

مشكوره اختي على الموضووع المميز

انا رايي انه يكون كل شي في العلاقة باعتدال طلعات وكل شي

بالنسبة بالنوم انه ماايده قبل ليله الدخله

KeFi n7esa;10266788:
مثل ماتفضلتي وقلتي ..

حلال .. لان زوجها

وضع الحدود والعراقيل وتصنع الحياء هذا كله له اضراره عليها اكثر من ايجابياته :) لكني أأيد هالنقطه اذا كان الزواج تقليدي اي خطبه اهل .. :)

لكنن اذا كان في معرفه مثللا ان يكون ولد عمها او يصير لهم او في معرفه بينهم .. ما أايد كلامج
طبعا هذا ما يعني ان اهما يتعمقون وايد :wink:

الطلعات والروحات والييات .. هذا كله لصالحها عشان تاخذ عليه وياخذ عليها .. باجر بتطلع من بيت اهلها بتحس نفسها غريبه معاه :)
لاتقولين لي الوقت

بعد كتب الكتاب هذا زوجها وحلالها
اما سالفه لاتسوون ولا تفعلون هذي عادات وتقاليد ابتدعناها احنا لكن في الاسلام اول ماينكتب الكتاب فهو محلل لها واهي محلله له .. اهو مو حرام لكن عيب << يمكن هذا قصدج .


انا ما راح اتكلم بصفه عامه سواء للي كتبته واالا اللي راح اكتبه

بس انا احب ان العلاقه يسودها نوع من الشفافيه والوضوح
الدلع حلو .. لكن بدون تصنع :)
الحياء حلو .. لكن بدون تصنع .. لان راح يكون مكشوووووووووووووووف والرجل مو غبي لدرجه ان يفرق بين الحياء المصطنع والحياء الطبيعي :)
لا تستعجلون على الحياء ياما بتصيدكم مواقف راح تنحرجين منها طبيعياً بدون تصنع :)

طبعا انا اذا قلت روحات وييات .. انا اقصد زياره بيت الاهل المتبادل .. العزايم .. الطلعات الشبه يوميه

اما كلامج فهذا ينطبق على فتره الخطوبه ماقبل كتب الكتاب واللي لازم يكون معاكم محرم :)

هذا رايي والاختلاف في الرأي لا يفسد في الود قضيه

كلام صحيح لانى انا نفس الشي انكتب كتابي بغير العادات والتقاليد يعني عن حب والله يدومها علينا يارب ويكمل لنا ع خيرر
فمن الصعب انى اكون بكلمه واخرج معاه قبل ولما يكون زوجي اقوله لا والله مافي خرجه ولا دخله الا لما ندخل بيتنا دا التصنع بعينه ..

وكل واحد وتفكيرره ومبداه لانه لو فكرنا فيها شويه الحياه الزوجيه بصفه عامه المراه اللى تقدر تشكلها مافي شي اسمه شهر عسل شهر وينتهى لو انتهى فهذا بسببنا احنا واذا الرجال بيمل من بعد شهر العسل يصير الموضوع واحد سواء كان قبل الدخله او بعدها في النهايه عند الرجل بتصيبه حاله ملل وانا اقول المعتقد دا خاطــــــــــــــــــــــــــــــئ

تحياتي ..

هلا فهدونه شخبارج
انا معاج بس فترة الخطوبة سووها عشان كل واحد يعرف الثاني أكثر عشان اذا احد ماأرتاح من الثاني او شاف فيه عيوب ينفصل احسن يتراوالي من الطلاق بس بعد فترة الخطوبة لاتزيد عن سنة أنا شخصيا صايره على طبيعيتي عشان يعرف طبعي وما يتذمر عقب الزواج وهاذي الأحسن في رأيي

&#4326;&#4326; دريـــم ويــب &#4326;&#4326;;14022257:

بالعكس انا ضد كلامج احلى فترة الخطوبة واحلى مافيها الطلعات والروحات والرومانسيات
بس طبعا ممنوع الدخول قبل الزواج
طبعا الطلعات تكون ساعه او ساعتين بالكثر ونرجع البيت
والزيارة مره بالاسبوع
واحلى شي الخجل

مشكورة على الموضوووع

:thumbs_up:

امم

انا صرلي مخطوبة سنتين و5 اشهر ومتل ماقالو البنات نحنا عنا بسوريا في عالم بتسمح بالخروج وعالم ابدا الا بوجود الاهل
هلق انا وخطيبي منروح ومنجي وين مابدنا وحتا لو 10 بليل وخطيبي وانا جيران بقا انا كل يومين بروح لعندو بس هو مابيجي كتير الا كل شهرين او 3 لعنا بسس
انا استغربت من النوم عند الخطيب بالبحرين نحنا ماعنا ابدا لو قد ماكانت العيلة متحررة ماحدا بيخلي بنته تنام عند خطيبها بس على فكرة حلوة ههههههههههه انو انا نام عند خطيبي

وبالنسبة للبنات يلي الو انو مابيصير في شوق وبيصير ملل انا كنت اول شي ضد هاد الشي بس بعد كل هالفترة صرت مع
يعني فعلا اذا شفتي خطيبك كل يوم بتملي وخاصة اذا الخطبة طويلة يعني ليلي خطبتها 4 اشهر او حتا 8 مارح تمل اذا شافت خطيبها كل يوم
بس يلي متلي بتمل بقا هلق كل اربع ايام منروح مشوار

يعني لازم البنت تروح مع خطيبها على اماكن عامة واهم شي لاتطولو فترة الخطبة وخصوصا يلي كانت تحب خطيبها يعني موخطبة اهل صدقوني انا رح موت لاتزوج

وعادي اذ ا راحت كل اسبوعين مرة لعند خطيبها واهله ونصيحة لكل الاهل بس يجي خطيب بنتكم عالبيت عطهم راحتهم ولا تدخلو فيهم وتضلو قاعدين معهم والله مو حلو هيك

وانا برايي انو قد مالاهل ضيقوا على بنتهم بيقدر خطيبها يدخل عليها ويصير الشي يلي الاهل خايفين منو يعني بتقدر تكذب اي كذبة وياخد يلي بده ياه وبترجع عالبيت وكان شيئا لم يكن مشان هيك ياهالي لاتضيقوا على بناتكم وطبعا البنت لازم تكون واعية وتعرف انو لازم مايصير دخول الا لبعد العرس

هلق انا وخطيبيي اخدين راحتنا عالاخرررررررررر الا الدخول متفقين انو مابيصير الا لبعد العرس
بس يارب بقا تعجل بالعرس بدي عيش معو وشوفه كل ثانية