أشرايكم في علاقة المخطوبة بخطيبها بعد كتب الكتاب

مشكورين حبايبي على تجاوبكم للموضوع بس اشسالفة أتفاجأ العروس ياخوفي المعرس هو اللي يتفاجأ....:eek:

انه احس انه بمجرد كتب الكتاب عادي البنت و الرجال يسوون الي يبونه و ما في داعي كلش ان الوحدة تحط لها حواجز مالها داعي
خصوصا اذا كانو يعرفون بعض من قبل
اما اذا ما كانو يعرفون بعض ,,, المفروض انهم ما يتعمقوووون كثير لانها في النهاية بالنسبة لهم هذي فترة تعارف
و ممكن انهم يسوون الي كل شي ربهم حللة لهم قبل او بعد العرس
بس اهم شيييييي
يكون في الوقت الصح ,,, وبتخطيط مسبق <<< مو سريع سريع
يعني ان البنت تحس روحها خلااااص هذا الانسان الي بيتم لها طول عمرها
و ما تحس ان فيه اي شي ممكن يعفس علاقتها فيه مع الوقت ,, او ممكن يفرقهم عن بعض ,, و الرجال بعد
اهني خلاص اهم بكيفهم ,, يتعمقون او لا
لان اهي في النهاية حلاااالة ,,, و مافي شي اسمة عيب اذا الله محللة شلون احنا نحرمة بكيفنا
و اكثر الاحيان فترة الخطوبة تطول لحد سنة او ثنتين ,,, سواء عشان يتعرفون على بعض او عشان يجهزون لهم مكان
تتوقعون خلال هالفترة هذي الرجال بيتم يطالع مرتة حلااالة من بعيد لبعيد و ينطر لين ما اهي تلبس فستان ابيض عشان يلمسها او يقدر يتقرب منها
و عن المشاكل ,,, تراها لاااازم تصير في بداية حياة الانسان لان البنت بتكون لها شخصيتها و الرجال بعد
و كل واحد بيكون له رأية المختلف عن الثاني
عشان جذي اكيييد بتصير هالمشاكل ,, و بيصير زعل ما بينهم
بس في النهاية بيتراضون
و عن المجاملات تراها لازم بتصير في الخطوبة او بعدها و حتى عقب 30 سنه زواج
لااازم بيجي وقت بيسوي او يشتري الرجال شي يستانس منه ,, و يعجبة و يسال البنت عن رأيها
اهني غصب عنها بتجاملة و بتقول انه حلو
او بيزعلها و بيحاول يراضيها و بتسوي روحها رضت عشان اهو مايزعل
او بتضغط على روحها و بتين له انها مرتاااحة عالاخر عشان اهو ما يحس انه مقصر معاها
و بالعكس
انه اقول
ان الرجال ما دام فكر انه يخطب ,, و يدفع فلوسة الي من بدأ يشتغل و اهو يجمع فيهم اكييييد بيفكر في علاقة كاملة بينه و بين الي خذاها
و اذا ما حصلها بعد فترة بيصيده احباط ,, و يمكن يكره البنت ,, او يفترقون عن بعض بسبب هالسالفه
و هذا في النهاية رأيي الخاص
و كل وحدة حرة تسوي الي ترتاح له
و الله يوفق الجميع

فترة الخطوبة ( بعد الملجة ) .. من اجمل أيام العمر فالوحدة لازم ما تضيعها و تفرط فيها ..

خل تطلع مع خطيبها تروح و اتيي وقت ما تبي محد يقدر يتكلم عليها .. بس طبعا انا ضد ان

الوحدة تنام مع خطيبها .. مو بس اقصد انهم يتعمقون لي الدخلة .. لا أقصد مبدأ النوم في

بيت الشخص الثاني من أساسه .. يعني لا البنت تبات في بيت خطيبها و اهوه يبات في

بيتهم .. هاي الشي أحسه شوي أوفر ( و طبعا يرجع حق بيئة كل بيت )

لما الوحدة تاخذ راحتها مع خطيبها و تشوفه و تقعد معاه و تسولف مو بس او مرتين في الشهر

تتعرف عليه أكثر و تفهمه .. و تتعرف على صفاته مو عقب الزواج توها تكتشف كل شي !!!

و اذا لا سمح الله لا سمح الله ما حصل توافق .. بتكون عالبر و بتفسخ الخطوبة .. لكن اذا

تزوجت .. راح تتطلق ( و هالشي مع انه عادي الا انه غير محبب في مجتمعاتنا العربية ) ..

و خصوصا اذا حملت .. راح تتوهق انها بتضطر تقعد معاه غصبا عنها عشان البيبي ..

فلو كانت عارفته من الخطوبة .. الوضع راح يكون أسهل بواااايد .. =)

و عن ليلة الزواج .. لو شنو كان التعامل بينهم عادي ..اكيييييييد 10000000% راح تخجل البنت

و تستحي في هالليلة .. مو معناته انها تطلع و تروح معاه يعني فصخت الحيا .. بالعكككس

الا هالليلة ما في أحد ما بيرتبك و ينزل عليه الحيا ..

و احنا عندنا ان الخطيب ما يجوف خطيبته لفتره قبل العرس .. منها ان يشتاقون حق بعض ..

ومنها ان الاثنين بيكونون بتجهيز نفسهم حق العرس و العروس طبعا ما بتكون متعدلة ولا حافة

ولا شي قبل العرس .. لأنها تبي تكون بكامل زهوتها في العرس .. بس ما يمنع ان يكون بينهم

اتصالات .. و هالفتره تختلف من بيت لي بيت ..



هاي رايي و الله يوفق الجميع =)