.. اطفالنا والتجمعات و المدرسه و .. ال ( H1 N1) ..

ري أم م;10293398:
صراحه الوضع حده صار مخيف يعني ناس قاعدين في البيت ويصيدهم المرض يقولون في الهواء ينتقل ومن امس داير هالهوى الله يستر بس

صح كلامش خبتو ..!
الصيف يقتل الفايروساات ..
لكن الشتاء تتكاثر وتزيد الامراض ..و اتوقع تزيد الحالات الله يستر ..!

قريت هذا الخبر وحبيت انقله الامهات الطلبه - البحرين -

وقد تقرر عودة طلبة المرحلة الثانوية يوم الأحد الموافق 4 أكتوبر / تشرين الأول،
وطلبة المرحلة الإعدادية يوم الأحد الموافق 11 أكتوبر،
وطلبة المرحلة الابتدائية يوم الأحد 18 أكتوبر،
وطلبة رياض الأطفال والحضانات ومراكز تأهيل ذوي الاحتياجات الخاصة،
يوم الأحد الموافق 1 نوفمبر..

شوي اهوون ..!
والله يبعد عن الجميع كل شر ..

how aout uni student om 3awi?

mo0omo;10293760:
how aout uni student om 3awi?

ما عندي فكره عن طلاب الجامعه ..!
اذا عرفت شي بضيفه اكيد ..

هالمرض كلش مخوف العالم ..الله يبعده عنه ...سمعت انه فيه وحده عمرها 3 سنوات من عالي ..مسكينه صادها ..كانت ويا اهلها رايحين السعدويه يشترون ثياب العيد ما تسوى عليهم ...الله يشافيها ...بس اهم احذوا انه اي احد يقبل اولادكم في العيد ...

بصراحه انصحكم اذا تخافون على عيالكم لا تطلعونهم في العيد ستروا على انفسكم

بعد أنفلونزا الخنازير فيروس شيكونجونيا يهدد العالم
واشنطن (رويترز) - قال خبير امريكي يوم الجمعة ان الولايات المتحدة واوروبا تواجهان تهديدا صحيا جديدا من مرض ينقله البعوض اسوأ بكثير من فيروس غرب النيل الذي انتقل الى امريكا الشمالية قبل عشر سنوات.
وامتد فيروس شيكونجونيا الى خارج افريقيا منذ عام 2005 مسببا تفشي المرض وسقوط عشرات الوفيات في الهند وجزيرة ريونيون الفرنسية. وتم اكتشافه ايضا في ايطاليا حيث بدأ في الانتشار محليا بالاضافة الى فرنسا.

وقال الدكتور جيمس دياز من مركز علوم الصحة بجامعة لويزيانا خلال اجتماع بشأن شركات الطيران والمطارات وانتقال الامراض برعاية المجلس القومي الامريكي للابحاث "اننا قلقون جدا.

"على عكس فيروس غرب النيل حيث تظهر الاعراض كاملة على تسعة من عشرة اشخاص او ربما يصابون بصداع خفيف او تيبس في الرقبة اذا اصبت بالشيكونجونيا ستكون مريضا.

"المرض يمكن ان يكون قاتلا. انه مرض خطير. لا يوجد لقاح."

ويسبب الاصابة بفيروس شيكونجونيا ارتفاع في درجة الحرارة وصداعا وارهاقا وغثيان وقيئا وألما في العضلات وحكة والما في المفاصل. ويمكن ان تستمر الاعراض بضعة اسابيع على الرغم من ان بعض المصابين يشكون من الم في المفاصل او التهاب في المفاصل يستمر شهورا.

واكتشف المرض لاول مرة في تنزانيا في عام 1952.

ويمكن الان انتشار المرض عالميا لان من الممكن ان تحمله بعوضة النمر الاسيوي الموجودة في اسيا وافريقيا واوروبا والامريكتين واستراليا ونيوزيلندا.

وفي الولايات المتحدة تميل انواع البعوض للعيش في المناطق الجنوبية من المسيسبي ولكنها وجدت في مناطق بعيدة مثل غرب تكساس ومينيسوتا ونيوجيرزي.

ويشعر مسؤولو الصحة بقلق كبير من ظهور الشيكونجونيا في جزر المحيط الهندي-موريشيوس وسيشل وريونيون التي توجد بها منتجعات ساحلية يرتادها سائحون اوروبيون.
وظهر مرض غرب النيل الذي ينقله نوع مختلف من البعوض في نيويورك لاول مرة في عام 1999 ويمكن العثور عليه الان في معظم امريكا الشمالية.

لا حول ولا قوة الا بالله

بعد أنفلونزا الخنازير فيروس شيكونجونيا يهدد العالم

أعوذ بالله من هالأمراض الي صايرة تظهر لنا فجأة شو هذا بعد ومن وين هالمعلومة وما مدى صحتها

الله يبعد عننا هالوباء وربي يستر علينا ويكفينا شرررررررره
وضع سيء ومخيف:(
الدراسة تتأجل وتتعوض اما الارواح غالية وماتتعوض بكنوز الدنيا كلها ربي يخلي عيالنا ويحفظهم من كل شر

مشكورات بنات تفاعلكم..
وربي يحفظنا احنا وعيالنا من كل وباء ..

انا شريت لي معقم اسمه هجين وفيه حبيبات فيتامينات ..!
في منه على نكهات بس انا اخذت على كيوي ..

كلش حلو عجبني مكتوب عليه يقتل الجراثيم 99%..
احط في ايدي وامسح من ايدي الى يد ولدي وربي الحافظ ..!

نعمل بالاسباب وربنا الحافظ ..
وربي يحفظنا من كل شر ..!

معاج حق أم نجد الله يبعد عنا هالمرض ويستر علينا وهلا وغلا فيج في المنتدى وحشتينا

ام نجد...;10313982:

مع اني دهور ما دخلت المنتدى ولا شاركت

بس بشارك الحين

انتوا ليش مستغربين من هالانتشار الفظيع للمرض؟
ما اصاب قوم الا من فعلهم
الله دمر اقوام واقوام بالقمل والجراد والضفادع
واليوم دورنا
ليش نتعجب من الموضوع
ناسين الظلم اللي انتشر؟
الفساد؟
الاسحار والاعمال؟
الناس صار ما بقلوبهم رحمة
شلون يبون رحمة رب العالمين تنزل عليهم؟؟
وهم ناسين رب العالمين اصلا
اسئلتي ما بتنتهي بس فتحوا عيونكم وشوفوا زماننا هذا يشبه زمان مضى؟؟؟؟؟
اجابتكم بتعرفكم سر انتشار هالمرض

ولا حول ولا قوة الا بالله

هلاا و الله بأم نجد :)

من طوول الغيبااات ....

،،،

كلااام سليم !! (y)

الله يكاافيناا الشر و يحفظناا و يحفظ اعيالناا و أحبابناا

والله موضوع مهم..والله انا عايشه ويا عيالي في العزل من اكثر من شهرين الحين...ما اوديهم مولات ابدا ولا اماكن زحمه...حتى انا يوم بتشرا اسير الايام العاديه مب ايام الويكند ابدا..والصبح
ويوم اروح موعد في مستشفى البس كمامه!!! مب خايفه على نفسي كثر خوفي على عيالي لانهم اقل من 5 سنوات..وما عندهم مناعه
ولدي محمد عنده حضانه بس ما وديناه...نفاد في الفلوس اللي دفعناها اهم شي صحته...
طبعا المعقم في الشنطه وين ما رحت كل شوي اعقم ايدي..ولو حد مسك عيالي اعقم ايدهم وويهم..
حتى لو فكرنا مثل ما قالوا بعض البنات..ان اي الله كاتبه بيصير حتى لو في بيوتنا..صح هالكلام بس بعد الواحد ما يرمي بنفسه في التهلكه و الزحمه و يقول الله بيحفظني..الله خلق لنا مخ يفكر وهذا دورنا كاهل اننا نحافظ على سلامه عيالنا ونبعدهم عن الخطر...وطبعا الحافظ رب العالمين...
والله تعبنا وعيالي كاسرين خاطري من الحبسه في البيت..هالمسيحين ياكلون خنازير و نحن نبتلش

اي والله صرننا ما نطلع واذا بطلع اخلي بنتي عند امي صرت اخاف من كل شي و المعقم على طول بيدي بس الله يحمي عيالنا ومالنا الا الدعاء

انا امي خايفة على اختي الصغيرة لأنها مصابة بالسكلر وقالت انها ماراح تخليها تروح الروضة ..
واليانسون مفيد ويقوي المناعة وكاس ماء ويه بيكربونات الصوديوم يكافح الفيروسات وماء زمزم ..
واقروا آآخر آية من سورة الكهف لدفع البلاء ..


MEME^MOON

هاذي ثاني مشاركة لي في الموضوع لكن مقهورة من الناس المستهترين وإلا مبالين ألا مسافرين سوريا والعمرة وغيرها في عطلة االعيد عشان تخلفهم هذا يساهم في أنتشار المرض شنو صار لو أجلتم سفركم شوي ما بطير الدينا

أحنا قاعدين في بيتونا وحابسين روحنا وبعض الناس مستهتره تروح وتطلع وتجي وتقبل بالتحية في العيد ما عليه قلنا على الله وان الله كاتبنه بصير لكن الأحتياط واجب وان ما كنا نخاف على نفسنا خل يكون عندنا ضمير ونخاف على إلا حاولينا (y)

أم ملاك;10315846:

عدناااا بعد طوووول غيااااب, و الله وحشتوني و وحشني المنتدى
أم علاوي شخبارش, وحشتينا خيو,
مشكورة على فتح هالموضوع المهم و مشكورة على المعلومات القيمة في أشياء ما كنت أعرفها عن هالمرض و عرفتها من خلال هالموضوع,

عن جد الوضع ما يبشر بخير و للأسف ما في شفافية في الأخبار علشان نعرف مدى خطورة الوضع عندنا :(, ما حسينا بالعيد و السبة هالمرض:confused:, يا الله تحفظنا و تحفظ عيالنا و حبايبنا و حبايب المؤمنين و المؤمنات من هالمرض و من كل سوء.

تحياتي, أم ملاك

اهلين ام ملاك ..!
وانتي وحشتينا اكثر خيتو ..

وفعلا الموضوع مو بسيط ..
والله يحمينا ويعافينه وخلج متواصله معانه بالموضوع ..
وان شاء الله نفيد ونستفيد ..!

وربي يحمي عيالنا يارب

مشكوورات مره ثانيه كل الا شاركو واهتمو بالموضوع ..!
وقعلا في ناس مستهتررين ..

اعرف مجموعه مسافرين تايلند وماليزا ولما اقلو لهم لا تسافرون قالو الله الحافظ ..!!
ما ادري شقول عنهم وخصوصا هناك ارض مبؤئه ..

عموما ربنا يحفظنا من كل شر وضر ..!

السلام عليكم

انا بنتي هذي اول سنه لها في المدرسه وزوجي يقول ماراح تلروح المدرسه خليه السنه الجايه وانا متردده

مررره ومو عارفه وش اسوي وكمان خوفوني من التطعيمه انها مهي زيه لازم تطعم اجباري في المدارس

والله الحافظ