.. اطفالنا والتجمعات و المدرسه و .. ال ( H1 N1) ..

من عقب هالموضوع على طول ماتم موقع ولا صفحة فيها معلومات عن هالمرض الا وزرتها ،،وبصراحة خفت من اللي قريته ،،وماقول غير ان "هذا بلاء من الله" ويلزمنا الاستغفار ،،الاستغفار،،الاستغفار ليل ونهار،،
وندعو الله يحفظنا جميعا ويبعده عنا،،وماننسى الاخذ بالحيطة في التعقيم،،والمحافظة على النظافة بكل شي،،وعسى الله يرحمنا برحمته،،

عليكم بالصدقة كليوم لو اتحطون 100 فلس على راس الجاهل و طلعيها نهاية كل اسبوع

و ان شاء الله ماراح يصير الا فيه الخير


اني بعد خايفه على بنتي من المرض و ابوها قال ماراح يخليها اتروح الا لين راح وشاف شنو اللاحتياطات اللي راح تتخدها وزارة الصحة في المدارس الخاصة

ولدي سنه اولى حضانه سجلته والمفروض يداوم تاريخ 4-10 بس مستحيل اخليه يروح خلاص هونت مابي اوديه مو مستعيله عليه اهم شي اتطمن عليه

المدارس الخاصة اللي في البحرين ( النسيم والفرنسية والنور)
اكتشفوا فيهم حالات وعطوهم اجازة اسبوع

يارب ارحمنا برحمتك وابعد عنا هذا المرض

هلا خواتي

شاريه ديتول سبريه وهاي جين وكله اعقم ايدي و خايفه على اولادي .. ولدي عمره في الشهر الخامس وشوي يساعل و كله اراقبه .. هدا المرض خلانا نصير وسواسين

الله يحفظ عيالنا من كل شر يارب .!
والله كريم ويزيح هذا المرض الفتاك عنا وعن الجميع ..

اليوم واني اقراء الاخبار وخصوصا المحليه(البحرين )
عرفت انه في 3 اصابات جديده لفايروس في صوفوف مرضى سكلر مساكين ..!
مو ناقصين بعد الله يشفيهم ويبعده عنا ..!

وعرفت بعد انه المملكة العربيه السعوديه اجلو الدراسه الى 21-10 ..!
لحد ما يحطون اشياء احترازيه لمدراس وطلبه ..
حلوه الخطوه وعقبال مدارسنا والله يحفظ الجميع يارب ..!

لقيت جدوول في اعراض الانفلونزا كامله مقارنه مع الانفلونزا العاديه ..!
قلت اضيفه علشان كلنا نستفيذ ..!



والله يحمينا منه..,!
ويحمي عيالنا واحبابنه من هذا الوباء ..!
يا الله يا كريم ..

مشكوورة ام علااوووي على الجدول

والله يحفظ الجميع بحق هالشهر الفضيل..

الله يحمي الجميع

الوضع صار حده مخيف وخصوصا في العيد يعني حتى اذا احنا ما طلعنا راح تكون زيارات عائليه ما تظمنين من وين جايين

الله يستر

والله حدي خايفه على بنتي

الله كريم

اتكلوووو على الله سبحانه فهو الحامي
وقبل مايروح طفلك قولي(اللهم استودعتك الذي لاتضيع ودائعك)
والله يحمينا اجمعين

الليله طرشو مسجات من مدرسة الروابي انه تم اغلاقها

وכشتني? سوآليفڪ {=~;10273370:
صج .. السالفه تخوف

آنه ولدي لين بطلع محل مااخذه وياي . .

اخاف ..!

سمعت في إذاعة امارات اف ام .. ان الينسوون يقوي المناعه ضد انفلونزا الخنازير

الله يبعدنا وإياكم عن هذا المرض ..

وسمعت ان التطعيم ضد هذا المرض اخطر ..

اني بعد سمعت انه الحليب مع العسل والروب مع الثوب يقوي المناعة
الله يبعد عنا هالمرض ان شاء الله وعن امه محمد

اذا المدارس الخاصه قتعده تصكك وحده ورا الثانيه شنسوي الحين بالحكومه الله يستر

الكويت وسلطنة عمان تم تأجيل الدراسة فيهم على مراحل يعني كل فترة بيفتحوا مرحلة وآخر مرحلة بتفتح هم الصغارية المرحلة الأساسية الحلقة الاولى ما ادري بقية دول الخليج كيف الوضع في الامارات سمعت بعض المدارس الخاصة بتأجل الدوام وما أدري مدى صحة المعلومة وحدة زميلتي بمدرسة خاصة قالت مو كل المدارس ما أدري ليش وشو السبب وهل هالمعلومة صحيحة أم لا وليش مدارس ومدارس لا

لحد الان تم اغلاق مدرسه النسيم و الفرنسيه و النور و النسيم و الروابي

الله يستر اذا فتحو الحكومه

انا ولدي مسجلته بالروضه شكلي ما بوديه اول اسبوعين بشوف شالموضوع

الله يكفينا ويكفي كافات امة محمد من شر هالمرض

بصراحه برايي انه محد يودي اعياله المدارس .. ليش اولادنه نخليهم في واجهة الشي وننتظر نسمع بانه فيه كم حاله اصابه بالمدرسه وسيتم اغلاقها ؟؟!! ليش مو من البداية المدارس مغلقه وما تفتح الا بعد وصول المضاد الواقي من هالمرض ؟؟

والله لازم نرمي اطفالنه بالنار ويمكن تصيدهم شراره او لا !!!

مع الآسف فيه ناس وايد لحد الآن مو فاهمه المرض ومده خطورته واشقد اهو متفشي بالبلد :ss:..
والجرايد قاعده بس تنكر وتنشر اشاعه واشاعه واهو الاخبار صحيحه(y) .. اعطيكم مثل اذا سمعتو وقرأتو بالجرايد عن امراة واضعه من مستشفى جدحفص مصابه بالمرض .. ومع الاسف انكرو الجرايد بوجود حالة اصابه وهو هالحاله موجوده بالفعل وتنسب لاختي ؟!! والحين الحمد لله تحسنت حالتها :)..

بالفعل الي خلفهم بالدنيا ما ينساااهم والحافظ الله من كل سوء .. بس هم الله عطانه العقل والتدبير .. وامرنه لا ترمو انفسكم بالتهلكه .. واذا احنه نعرف انه المدارس يمكن تخلي اعيالنه بتهلكه من المرض واشلون نوديهم ؟؟؟!!!

انا بنتي اصغيرة توهااا 2 سنتين بس .. حاسه بامهات الي عندهم عيال بسن الحضانه والابتدائي والروضه .. حرام بصراحه ما يفهمون وش يعني خطر المرض ولا عندهم مناعه .. الله يكفينا شره

واعذروني على الاطالة

مشكورات امهات لهتمامكم بالموضوع .!
والله يحمي عيالنا يارب من كل شر ..

صراحه الوضع حده صار مخيف يعني ناس قاعدين في البيت ويصيدهم المرض يقولون في الهواء ينتقل ومن امس داير هالهوى الله يستر بس