زوجى يسرقنى ويذلنى ......الخ

الله يعينك ويهديه

أسأل الله العظيم رب العرش العظيم أن يفرج كل همومك

أسأل الله العظيم رب العرش العظيم أن يفرج كل همومك

الله يعينك حبيبتي اوصيكي بالدعاء اخر الليل عسى الله ان يفرج همك ويوسع صدرك ويصلح لك زوجك
يااااااااااارب العالمين

والله يااختي الله يعينك بس لو كان عذرك ماتبين عند اهلك عشان مايعرفون عن ابوهم

هذا موب عذر انت لارحت لاهلك لاتنشرين غسيلك وتقولين للكل عن معاناتك لا بس خذي ابوك وامك وقولي لهم السالفة كلها
وعلميهم انك ماتبين احد يدري
وخواتك واخوانك قولي لهم ابي اتطلق لانة مافي توافق بيناومافي داعي تخوضين للتفاصيل

وعليطك بالدعااااااااااااااااااااااء والاستغفار

ولك دعوة ان الله يفرج همك وييسر لك امورك

الله يعينك يا رب ويفرج همك انشاء الله
مثل ما قالو لك الأخوات ليه دام انتي عرفتي من اول زواجك انه نسونجي وبيشرب خمر
وبيعمل حاجات حرام كتير...ليه خلفتي منه 5 اطفال
بس ما نقدر نرجع للماضي وادعي الله يعوضك الأيام اللي فاتت في عيالك تشوفيهم بأحسن حال
بس المهم اتركيه وروحي بيت اهلك اكيد بيساعدوكي
وربنا يرزقك برزق ولادك ويطمن قلبك ويفرج همك يارب العالمين

اهلا اختي ..

اسمحيلي اختي على كل الكلام الي قلتيه الا اني لم اقنتع انك ما تقدرين تشيلين عيالج وتروحين وتقعدين في بيت اهلج .. ,وتطلبين الطلاق ... يعني يوم بتتطلقين عيالج مع الوقت ما بيعرفون ..

يا اختي زوجك ريحته فاحت وصار خريج سجون .. عيالج اذا ما عرفو اليوم بيعرفون باجر .. ,ويكفي التدمير النفسي الي هم عايشينه يشوفون امهم تنهان وتنضرب .. ياختي لو انتي عايشه بديره ثانيه .. جان بقول .. انتي عايشه بديره اهل الخيل والنخوه والعز... انتي مواطنه .. يا اختي ..

لو تروحين بيت اهلج .. وتطيرين على المحامي وترفعين قضيه تطالبين بالبيت الي زوجك ساكن فيه .. ولا ماتدرين ان البيت من حق الزوجه .. وخصوصا ان عندج عيال وبدال ما تخشين الذهب روحي بيعيه .. وتصرفي فيه .. حتى لو اظطريتي تاخذين شقه بالايجار ... واضمني كم شهر لين تحصلين شغل او الدوله تصرف لج اعانه او اي شي ...

الحرمه الي مكانج .. وتشوف كل الاهانات هذي .. تفكر بمليون طريقه انها تنفذ بجلدها .. وتشيل عيالها من خوفها عليها ..مب ترجي الناس انها تطلع لها ( بيت حكومه ) .. اعتقد كل يوم تقعدينه مع هالريال هو جنايه بحق نفسك وبيتك وعيالج ..

شي ثاني .. شلون يبتي خمس عيال منه .. يعني يوم تكتشفين كل هالبلاوي منه تجيبين منه خمسه .. حبا فيه ولا على امل ان يصطلح حاله .. تبين الصج نص الغلط انتي تتحملينه .. وعلى فكره يوم تشيلين اغراضج وتقعدين عن اهلج ... يمكن يغثونج .. بس .. محد يقط لحمه بالشارع.. ومهما كان انتي بنتهم .. ..

ولا انتي عاجبك انك تكونين ضحيه مجتمع وشماعه اخطاء زوجك ؟؟ اي بيت الي تترينه .. انا اقولج قومي تصرفي من الحين . راكضي على عمرج وشوفي الحل المناسب لج .. ياتبيعين الذهب وتوكلين محامي.. يا تأجرين فيه شقه وتدورين شغل ... يا تروحين بيت اهلج ,, وتطلبين من وزاره الاوقاف عندكم بيت .. لين ما الله يفرجها عليج ..

انت بديره عز ولله الحمد وخير ... مو بإفريقيا ولا دوله فقيره...

انا مكانج اهم شي الزم ما علي عيالي وحياتي .. ..وأأكد لج محد بيعيش بالشارع ويموت من اليوع.. وين توكلج على رب العالمين .. وين ايمانج بإن الله مفرج همومج .. اسعى يا عبد وانا اسعى معاج ... دام الله قدرج تكتبين مشكلتج هني ... يعني تقدرين تروحين تشتكين عليه... وتاخذين حقج...


اسمحي لي اختي .. مع تعاطفي معاج الا اني ما اعذرج..

ام جنى

الله يعينك اختي ويصبرك على ما ابتلاك

وان شاء الله لكل مشكله حل

الله يكون بعونك