زوجى يسرقنى ويذلنى ......الخ

اختي العزيزه الله يعينك ويسامحك انتي جنيتي على عمرك وعلى عيالك من اول زواجك وانتي عرفتيه انه موووانسان محترم ولاقد المسئوليه ولايخاف ربه اختي في بنيه عندنا بالنتدى ربي يصلح حالها تبي تتطلق لان ريلها مايصلي مايحظرني اسمها بس اسئل الله انه يهدي لها زوجها ويسخره لها تخيلي جسمها كله كاش منه لانه مايصلي.............................شلون انتي متحمله انسان يشرب وروح مع حريم مدري شنو من امراض بجسمه غير العقد الي قلتيهاااا
اتجهي للحكومه بكتاب استرحام وله ماعرف شنو عندكم بس الي اسمعه ماشاء الله الامارات الشيوخ مااايقصرون وانتي بشهر الكريم اكيد في ديوان لاستقبال الكتب من المواطنين حاولي وادعي ربك واكيد مابيخذلك رب العالمين وانتي حاولي انك تدورين على بيت شقه للايجار وطلبي من راعي العماره انك تدفعين الاجار اخر الشهر على المعاش او ممكن تاخذين معاشين لولدك من الشؤن وتدبرين امورك وتدورين على شغل ولاتقعدين بهالحاله الي تقطع القلب بصراحه قطعتي قلوبنا ياختي

الله يوفقك ويرفع قدرك ويسر امورك يارب اتمنى اني من الامارات والله اشيلك بعيوني الثنتين بس للاسف انا باخر الدنيا حبيبتي ان شاء الله بنات بلادك مابيقصرون معاك والسموحه على الاطاله ياقلبي

الله المستعان يعينج يارب ويساعدج

الله يكوون بعونج حبيبتي

والله كسرتي خاطري

شلون صابره عل هالانسان المريض صراحه لازم يتعالج

اطلي ربج في الفجر وادعي له عسى الله يهديه يارب

اختي اذا ماكو مافيده اطلبي الطلاق

والله يكون بعوونج

بيانسيهq8;10251151:
ماراح اقولج ليش ظليتي معاه وذليتي نفسج كل هالسنين..
ولا راح اقولج ليش يبتي 5 اطفال منه وانتي تدرين انه فاسد ..
لان اللي صار صار .. ولازم تفكرين بالحاضر ..


الحين اول شي تسوينه ..

جمعي فلوسج و حطيلج محامي و طلبي الطلاق
لان طبعا عندج اسباب لا تعد و لا تحصى

(شروع بالقتل/مخدرات/خمر/سرقه/ضرب/خيانه/مايصرف عليكم .... الخ)

و لا تتنازلين عن اي حق من حقوقج .. قولي حق المحامي عن كل شي

امّا عن السكن .. اول مكان المرأه تلجأله طبعا .. بيت اهلها
واذا ما عندج اهل .. او اهلج ما رضوا يستقبلونج .. أجري لج شقه انتي وعيالج

لان اذا ظليتي مع هالرجل راح تتعقدين نفسياً وتخسرين صحتج و حتى عقلج ..!!
وما دامه حاول يذبحج بيوم .. لا تستبعدين يعيدها مره ثانيه !!
لا تكونين جاانيه على عيالج .. فكري بمستقبل عيالج وفكري بنفسج ..
شراح يصيرين وابوهم جذي ؟؟ وعايشين بهالجو التعيس ..


خليج قويه ... لا تترددين لحظه وحده

و تأكدي ان الله معاج راح يساعدج .. وراح تتغيرين من حال الى حال ..
و السالفه مو سهله .. يبيلها صبر و شجاعه ..وثقه بالله عز وجل


و الله يكون بعونج

(y)كلامك عين عقل انا اوافقك الراي مئة بالمئة

اولا حبيايبي اشكركم وايد على كلامكم اللى فرح قلبي والله
اقرا والدمعه بعيونى
انكم واقفين حذالي
والله ابغى دعواتكم
انا الحين محتاجه داعواتكم خواتى
جزاكم الله خير

Cute Mother;10250940:
الله يعينج اختي على هالحياة الا لا تطاق

انزين ليش ما تروحين بيت اهلج؟!> اكيييد بيتحملون فيج بعد ما يعرفوون حقيقة زوجج؟!

وما املك الا الدعاء لج

يا رب يفرج همج ...

صعب حبيبتي اروح عند اهلى
عيالي مايدرون عن عيوب ابوهم عادى فبيت اهلى يعرفون عن ابوهم
وايد صعب يعرفون ابوهم سكير وحرامى ويتعاطى المخدرات
مشكورة الغاليه كثري من دعواتج

دودي اللطيفه;10251143:
الله يعينك ويساعدك يا اختي ويهونها عليكي وان شاء الله ربي يعوضك خير في اولادك والله ماعندي غير اني ادعيلك
بس يا اختي يا حبيبتي لمن عرفتي ان زوجك راعي سوالف وخرابيط ليش حملتي وجبته منه ٥ الله يحفظهم ويخليهم لكي
ترى انتي جنيتي على نفسك وجنيتي على عيالك المفروض من البدايه تاخذين موقف حاسم وتري انتي ساعدتيه
وجراتيه ان يغلط عليكي من البدايه والله ان اكتب ومقهوووووووووووووره عليكي
ان شاء الله ربنا في هذه الايام الفضيله يختارلك اللي في الخير ويسهل امورك يارب

والله ياختى سامحته اكثر من مرة على امل ان الله يهدى ويتغير بس خلاص الحين مب متحمله اكثر من جى
مشكور الغاليه دعواتج

بيانسيهq8;10251151:
ماراح اقولج ليش ظليتي معاه وذليتي نفسج كل هالسنين..
ولا راح اقولج ليش يبتي 5 اطفال منه وانتي تدرين انه فاسد ..
لان اللي صار صار .. ولازم تفكرين بالحاضر ..


الحين اول شي تسوينه ..

جمعي فلوسج و حطيلج محامي و طلبي الطلاق
لان طبعا عندج اسباب لا تعد و لا تحصى

(شروع بالقتل/مخدرات/خمر/سرقه/ضرب/خيانه/مايصرف عليكم .... الخ)

و لا تتنازلين عن اي حق من حقوقج .. قولي حق المحامي عن كل شي

امّا عن السكن .. اول مكان المرأه تلجأله طبعا .. بيت اهلها
واذا ما عندج اهل .. او اهلج ما رضوا يستقبلونج .. أجري لج شقه انتي وعيالج

لان اذا ظليتي مع هالرجل راح تتعقدين نفسياً وتخسرين صحتج و حتى عقلج ..!!
وما دامه حاول يذبحج بيوم .. لا تستبعدين يعيدها مره ثانيه !!
لا تكونين جاانيه على عيالج .. فكري بمستقبل عيالج وفكري بنفسج ..
شراح يصيرين وابوهم جذي ؟؟ وعايشين بهالجو التعيس ..


خليج قويه ... لا تترددين لحظه وحده

و تأكدي ان الله معاج راح يساعدج .. وراح تتغيرين من حال الى حال ..
و السالفه مو سهله .. يبيلها صبر و شجاعه ..وثقه بالله عز وجل


و الله يكون بعونج

حبيبتي المشكله انى ماعرفت عيوبه مرة وحده تدريجاعرفت عيوبا
وانا ابى الطلاق اليوم قبل باجر
عالفكرة هو مومتمسك فينى انه صعبه ان يطلقنى بالعكس بكل سهوله
بس ماعندى سكن
الله كريم ويفرج همى
مشكورة الغلا

وجوه الخير;10252799:

اولا غاليتي ربي يفرج عليج وعلى جميع المسلمين همومهم وانتي فوضي امرج لرب العالمين والله قطعتي قلبي عليج بس ويش نقول غير حسبي الله ونعم الوكيل والشكوى لغيرك ياربي مذلة

حبوبة الحين اللي صار صار ومثل مانقول اللي فات مات الحين عليج من الحاضر والمستقبل لج ولعيالج اهم شي احس عيالج عايشين في حالة رعب واعليه عليهم من اللي يشوفنه

اولا شي ما تقعدين في بيته ولا لحظة من الليي صار هو كفاية خمار ومدمن وراعي نسوان بس توصل الى محاولة قتل:eek: لالالالالالالا هني وستوب :mad::mad: انا ما عرف اشلون علاقتج مع بيتكم بس انتي روحي لهم وقولي لهم كل شي كل شي يعني مو تخشين وتقولين استحي واخاف اتمنى من الله ان اهلج يكونون ناس متفهمين ياااااااااااارب عيشي مع هلج انتي والعيال لو بغرفة على الاقل ارحم من حالة الرعب اللي اليهال فيها الى حد ماتفرج من عنده .

اما اذا الله لايقوله اهلج ناس مو متفاهمين عليج بمكان اجار لو غرفة بحمام "وانتوا بكرامة" بس ضروري اطلعين من هاي الجحيم هاي اول شي تسوينه يعني اشتري راح بالج وبال عيالج.

ثاني شي شوفي لج اي شغلة اي شغلة حتى لو بسيطة :ss: بس اهم شي يكون عندج دخل وخصوصا انج لازم تتطلقين من هالانسان اللي ماعنده ذرة انسانية وعندج عيال تصرفين وفوق ذي وكيل من بعد ربج محامي عشان تاخذين حقوقج كاملة وعليهم بوسة مثل ما نقول هاي غيرر محاولة القتل اللي هي بذاتها قضية بروحها ماعليه راح تتعبين شوي بس راحة البال والسنوات اللي ضاعت بسببه تستاهل اني ادافع عنها ولو جت متأخرة .

ثالث نقطة عيالج ثم عيالج يالغلا مساكين وايد تعبووو من اللي شافوه بينج وبين ابوهم وتصرفاته وياج المساكين الحين ماعنده احساس بالامان فعليج انج تهئيين عيالج لموضوع الطلاق وتوضحين لهم الاسباب بعد لو حتى كانوا يشوفون بس بعد عشان يحسون انج مهتمة فيهم وجهزيهم نفسيا اشلون الناس راح تنظر الى امهم المطلقة واشلون يتخطون هالشي

يمكن تشوفين كلامي كلام وحدة اللي يدها في الماي بس غلاي بما انج قررتي تتطلقين يعني انتي انسانة قوية(y) والحين لازم تكونين اقوى عشان عيالج لاتضعفين وصح انتي في عاصفةالحين بس لاتخلين هالعاصفة تبعدج عن عيالج لاتحسسنيهم انج بس عايشة لنفسج وبس يعني كفاية ابوهم وبلاويه .

اذا الله اراد وطلعتي بروحج عيشي عيالج غير هالجوو يعني راح تربينهم من جد وجديد ويمكن راح تحتاجين لمساعدة من اهلج في تربيتهم بس ماعليه ربي يعوضج فيهم خير بس من تصيرون بروحكم في مكان لاتجيب طاري طلاق ومحاكم قدامهم عشان مايتذكرون وربي يعوضج بانسان احسن منه.

يمكن تشوفني وايد اتكلم لاني منقهرة من هالانسان يعني يحمد ربه انج صبرتي عليه بس ناس ماتقدر النعمة يلا ماعليه ربج له حكمة في كل شي

السموحة طولت وايد بس منقهررررررة حددددددي:mad::mad::mad:

تحياتي (f)(f)



مشكوررررررررة الغاليه والله فرحت بردج
احس انج تحسين بمعاناتي
حبيبتي مشكلتي مب الطلاق عادى عنده يطلق
بس عندى انا المشكله السكن وين اروح تقولولي شقه ولا غرفه
وايد الأيجارات عنا مرتفعه ماقدر انا لى معاش ولدى من الشؤون 4000 يعنى مايكفى ابدا عشان جى اشوف حد فاعل خير ولاحد يعرف طريق الخير يدلنى واتخلص من الحياة
مشكورة وايد
دعواتج يالغاليه

عنفوان أنثى;10253354:
ربي يفرج همك

الجئي لأهلك اخوانك اعمامك خوالك خواتك

ربي يفرج كربتك يارب

خليها على الله
على كثرهم اهلنا بس ماينفعونا ابدا
ولايهتمون جربنا اكثر من مرة
يطنشون ولايساعدون حد
مشكورة العاليه
ادعيلي الله يفرج على في بيت والله لو ارقد عالكاشي عادى عندى المهم احس بالآمان

الجوافه;10254406:
الله يعينج مشاءالله البنات كفو وفوا ماخلو شي اقوله لكن يالغاليه لاتشغلين بالج بريلج او احد ثاني واكثري من الاستغفار وقراءه سوره البقره او سورة يس بنية ان الله يفرجها عليج ويسهل امورج
وهذا الدعاء للي يستصعب عليه امر (اللهم لاسهل الاماجعلته سهلا وانت تجعل الحزن اذا شئت سهلا)
وما اقول الا حسبي الله ونعم الوكيل فيه هاظالم !!!!!!!!!!الله يرزقج بزوج الصالح لج ولعيالج اللهم آمين واحنا راح ندعيلج في كل صلاتنا والسموحه يالغاليه ...

اللهم آمين يارب
ويفرج همى
والله ماتمنى لحد ان الله يرزقه واحد شرات ريلي
والله عفته وكرهته
استغفر الله بسمع بنصحيتج
مشكوره الغاليه

rose2006;10254805:
اختي العزيزه الله يعينك ويسامحك انتي جنيتي على عمرك وعلى عيالك من اول زواجك وانتي عرفتيه انه موووانسان محترم ولاقد المسئوليه ولايخاف ربه اختي في بنيه عندنا بالنتدى ربي يصلح حالها تبي تتطلق لان ريلها مايصلي مايحظرني اسمها بس اسئل الله انه يهدي لها زوجها ويسخره لها تخيلي جسمها كله كاش منه لانه مايصلي.............................شلون انتي متحمله انسان يشرب وروح مع حريم مدري شنو من امراض بجسمه غير العقد الي قلتيهاااا
اتجهي للحكومه بكتاب استرحام وله ماعرف شنو عندكم بس الي اسمعه ماشاء الله الامارات الشيوخ مااايقصرون وانتي بشهر الكريم اكيد في ديوان لاستقبال الكتب من المواطنين حاولي وادعي ربك واكيد مابيخذلك رب العالمين وانتي حاولي انك تدورين على بيت شقه للايجار وطلبي من راعي العماره انك تدفعين الاجار اخر الشهر على المعاش او ممكن تاخذين معاشين لولدك من الشؤن وتدبرين امورك وتدورين على شغل ولاتقعدين بهالحاله الي تقطع القلب بصراحه قطعتي قلوبنا ياختي

الله يوفقك ويرفع قدرك ويسر امورك يارب اتمنى اني من الامارات والله اشيلك بعيوني الثنتين بس للاسف انا باخر الدنيا حبيبتي ان شاء الله بنات بلادك مابيقصرون معاك والسموحه على الاطاله ياقلبي

صح كلامج اختى الشيوح مايقصرون بس كيف بيغرفون عن معانتنا
والديوان ماقدر اقدم الا اذا تتطلقت لأن يعطون حق الزوج مدام الجنسيه باسمه
الله كريم ياختى الدعيلي الغاليه
مشكورة فديتج

مشكوررررررررين على وقفتكم
الله يفرج على كل وحد همها ويحقق لها مرادها
اطلب من كل وحده اللى تقرا رسالتى تدعيلي
واذا تعرف ناس خيره تساعدنى ادلنى
من فرج على مسلم كربة من كرب الدنيا فرج الله عليه كرية من كرب الآخره
يزاكم الله9 خير

حالتج صعيبه والله .. ربي يكون بعونج
غلطتي يوم جبتي 5 منه
بس ان شاء الله يكبرون عيالج ويوقفون معاج
انتي وين ساكنه بأي منطقه!!
ليش ما تقدمين شكوى على زوجك؟!
او روحي بيت هلك ك مؤقت جمعي لك فلوس واخذي لك شقه
وقدمي اورراقك بكل مكان
واذا على الخوف انه عيالج يدرون
لا تقولين لهم وخبري هلج ما يقولون \\ طبعا بس خلي امج اللي تدري بالموضوع
لا تخبرين اي احد ثاني

افضل حل انك تتطلقين وتقعدين في بيت اهلج

خلهم يعرفون عن ابوهم ومستحيل هم مايدرون

على كثر هذه المشاكل يدرون بس ساكتين

اقعدي في بيت ابوج واطلبي لج بيت لما يطلع لج البيت اسكني فيه انتي وعيالج

الغالية روحي عند اهلج وبعدين طلبي الطلاق لانه عنده وفي بيته ما له امان بصراحة خافي على نفسج وعيالج إذا كانت بالمرة الاولى شروع بالقتل المرة الثانية بتكون بمحلها وانتبهي تطلبي الطلاق وانتي ببيته روحي بيت أهلج استر لج وارحم لج احسن عيالج يعرفون حقيقة ابوهم ولا ينخدعون وينصدمون بعدين .. وبعدين الحمدالله القانون الاماراتي في صف المرأة 100 % ...

الغالية وبعدها قدمي على بيت في برنامج الشيخ زايد للإسكان او الدوواوين انتِ راح تكونين من أحق الناس بالبيت وراح أن شاء الله يجي أمر سامي بتسليم جميع المطلقات والارامل بيوت مثل ما صار السنة اللي طافت الحمدالله شيوخنا الله يعزهم ما يقصرون ...


العتب

ا انتى لية خلفتى كل العدد دا منة ياحبيتى حرام عليكى ولادك

سؤال محيرنى
واحدة زيك بنت ناس ومحترمة ومش بتحب الحرام
عايشة مع مخلوق زى ده ليه
حد هيديلك وسام شرف فى النهاية ؟
حد هيقولك برافو عليكى صبرتى ونولتى
اوذ بالله من ده راجل
سكير وزانى وحرامى وحشاش
ماشاء الله
اخلاق رفيعة وعالية

الله يفرجها عليك وعلى وليداتك

الله يفرج همج