تجمع حوامل اللاتي يلدن في شهر فبراير 2010(الجزء الثاني)

سندس البحرين;10377406:
http://forums.3roos.com/t487188.html

ادعوا لي:confused:

صباح الخير كروشات ... شخباركم ؟؟؟ وشخبار كرشتكم ؟؟؟ ..

اهلين بنات اخباركم...
اخبارج نور الدنيا :)

بنات من الي بدت اجهز حق البيبي وحقها....انا امس كنت باللند مارك وياني عيز ما شريت شي قلت اخر الشهر ياخذلي همجه من ريلي وباشتري مره وحده.....تعرفون الحين وهقونا نزلوا المعاشات قبل العيد والحين احنا تونا ببداية الشهر ومابقى شي ههههه...

هالاسبوع ابي اروح اخذلي موعد عند دكتورتي وابي بعد اروح عند مريم سلمان ان شاءالله لين دخلت السادس مره وحده...
وانا اكلمكم والبيبي يرافس هههه الحين بدة حركاته تقوى ماشاءالله وعاد هذا اكره شي لين بتجين تنامين بالليل...

فكرتوا بالثيم الي بتسوونه حق ولادتكم والتوزيعات والغرفه والا لأ ؟؟

انا بصراحه اختي اقترحت علي بأصداف واغراض البحر وجي والحمدالله حصلت كلللل شي من الي اقترحته علي وقلت باطلب الاغراض كلها والجاكليت انا باخذه وباسويه ...يعني انا احب اسوي شي يستفيدون منه الناس مو ينقط وماله فايده وبانوع بالتوزيعات في كذا نوع ....وانتوا :)

ام شيوخ ... انا تقريبا شايله فكرة الابرة من راسي ومشكورة عالاهتمام حبوبة

فكتم .. سلامتج حبوبة .... وارتاحي كثر ماتقدرين ولا تحاتين ان شاء الله خير

عاشقه الشهادة ... مبروك العسل ... الله يحفظها يارب

انا عن نفسي تمام الحمدلله ... بس ظهري وااااااايد يعورني

هلا أختي أم الشيوخ ... شخبارج ... أنا الحمد الله تمام ... وبنتي الحمد الله تمام ... بخصوص التجهيزات احتمال على نهاية الاسبوع ابتدي اشتري بس انا شريت من البحرين اسلي باق وشنطه وبس ... وإن شاء الله باروح اجوف فيلاجيو آبي آخذ من شيكو ومن بابز اند مامز ... ومن الاندمارك مذركير ... بخصوص الثيم كنت امفكره في اللون الاف وايت مع الفوشي او مادري بصراحه ... وعن التوزيعات كنت امفكره اسوي سيديات قرآن وآطلب سجادة الجيب واغلفهم بطريقة حلوه واوزعهم ...

مررررحبا بنات
شحالكن




اخيرا البارحه بديت احس بحركة واضحه للبيبي :D:D
واليوم بعد حسيت بكم حركة بعد <<< ما بغينا ههههههههههههههه


بكره عندي موعد متابعة وان شاء الله كل شي يكون تمام


عن التجهيزات اذا عرفت ان البيبي بنوتة شكلي بجهز لها من اول ما اعرف ههههههههههه بس اذا طلع ولد ما بستعجل احتمال في الثامن اجهز له هههههههههههههههههه

وعن الولادة افكر اسوي في التوزيعات تولات عطر بس ما اخترت نوع العطر شنو بالضبط مسك او عود او غيره وطريقة التزيين بعد ما استقريت عليها وانا خاطري في هالفكرة لان محد سواها من الاهل يعني بيكون شي جديد ..
وعن المستشفى ان شاء الله راح اولد في مستشفى حكومي وباخذ غرفة خاصة ..

المسج مال الولادة بخلي صديقتي تألفه بما ان عندها مواهب شعرية علشان يكون شي جديد :D
وبعد بخليها تألف لي مسج حلو عن جنس البيبي علشان اطرشه لزوجي اول ما اعرف الجنس بما انه غالبا ما بيكون معاي وقت الالتراساوند :wink:



بسألكم بنات
شرايكم في التطعيم ضد مرض انفلونزا الخنازير ؟؟
بتتطعمون ولا شنو ؟؟
ناس يقولون ان التطعيم زين وناس يقولون ان له اعراض جانبية :(
واللي يخوف اكثر ان يقولون ان الحامل ما تنجو من هالمرض .. من فترة في البحرين اصيبت بالمرض وحدة حامل ومات الجنين وكانوا بيسوونها عملية علشان يشيلون الجنين وتوفت الام اثناء العملية ، لكن هني في البحرين متسترين عن هالخبر علشان ما ينشرون الرعب اكثر :(

في وحده سألت دكتورتها عن هالتطعيم ؟
انا ناوية بكره اسأل دكتورتي بس ان شاء الله ما انسى (w)

هلا كروشات
شلونكم
ماادري والله يمكن اني هم اسال الدكتورة بخصوص التطعيم
واشوف شتقول

اللي اعرفه ان التطعيم للحامل ممنوع

الحافظ الله ... لا توسوسون وان شاء الله خير

سلااااااااام اخباركم

اهلييين بنات....
تعالي سندي اخبارك واخبار السعوديه والله في خاطري امر الخبر :)
امس قلت انا ورفيقتي بنطلع مع بعض وبنجهز مع بعض احسن على اخر الشهر تقريبا....
حتى افكر اذا اخذ سرير جديد لأنه ولدي صاير حتى على سريره ما يبي احد من فتره حطيت بنت حماي نايمه وقام ونقز في سريره الي اهو طبعا ما ينام فيه هههه وقعدها ويبي يشيلها واهي وعليه نتتتفه ويقولي نووو نووو مااالي وما ارتاح الا يوم شالتها خدامتها بعد مب انا ...اهو عنده سرير ثاني بس تعرفون نحاسة الصبيان ههه.....

انا والله قلت باروح ماركس سبنسر ومامز اند ببز وبعد كمن محل في الستي في الدواعيس حلوين وفي اللند مارك القسم الجديد...احلى شي الصراحه وقت التجهيزات :)

وان شاءالله عشان غرفة المستشفى بطلب انا واختي مره وحده لين عرفت شنو فيها (عيون المها) بطلب حق ديكوريشن الغرفه والتوزيعات وكل شي بس انطرها الاخت تروح موعدها هههه اقولها ان شاءالله بنووته نغير شوي لأنه اهي بعد عندها ولد وانا والحين بعد انا باجيب ولد ههههه ..

هلا بنات اخبار الكل ..

بنات انا التجهيز راح اخليه لما اتاكد من جنس البيبي

بس غالبا راح اجهز بعد عيد الاضحى لان ما احب زحمة السوق ابدا

وعن الغرفة الى الحين ما قررت لازم اعرف شنو باييب

واحيانا افكر آخذ لون محايد


اما عن التطعيم

بنات انا وحدة ما اثق في امريكا لان هناك ما استخدموا اللقاح على حد علمي

والواضح في الخبر ان واحد هو اللي اخترع هالمرض ونشره في الناس

لذلك قللوا طلعاتكم في التجمعات

وتلثموا اذا طلعتوا

حتى روحتكم المستشفى خذو موعد وروحوا على الموعد

لان كلش هالتطعيم مو داخل في بالي

والله يقينا واياكم

السلام عليكم ورحمه وبركاته
اخباركم شو مسوين

ان شاء الله بخير


اما عن تطعيم انا مابفكر الصراحه

ربي حافظ ان شاء الله
نعدي الشهور علي خير

قوووووووووووة
شخبااااااااااااااااااااار




بوووووووو
نسيت موضوع التطعيم ما سألت الدكتورة عنه اليوم :eek:
وموعدي الجاي بعييييد بعد 5 اسابيع لان ما في مجال قبل هالتاريخ ،، وأخذت موعد التراساوند نهاية هالشهر تاريخ 28 وان شااااااااااااااااااء الله يبان جنس الجنين لاني بحملي الاول والثاني ما يبان الا في الشهر ال8 :eek::eek::eek: وانا هالمرة بكون دخلت الشهر ال6

واذا ما بيّن الجنس ناوية اروح لعيادة الدكتورة فهيمة المطوع يقولون انها شاااااطرة وما تترك الوحده الا لين عرفت جنس جنينها واذا كان وضعه ما يبين جنسه تخلي الام تقول تتمشى شوي وترجع لها وتسوي لها مرة 2 الين تصيد جنسه ههههههههههههههههههههه
وبسسس
بمجرد ما اعرف الجنس واذا طلعت بنوتة اتوقع راح ابتدي اجهز لها شوي شوي اما اذا ولد فبخليه شوي لعقب عيد الاضحى خخخخخ

اما عن الالوان في التجهيزات ما اعتقد راح التزم بلون جنس معين وراح آخذ لون يناسب الجنسين لاني بصراحه ما عندي ثقة تامة بكلام الدكاترة بشأن جنس الجنين (a)
عاد هاللون شنو ؟؟ ما ادري خخخخخخخخخخخ
بحملي الاولي اخترت الاخضر الفاتح ،، وبحملي الثاني اخترت البيج
اما هالمرة ما ادري للحين ..


وعن اخباري مع موعدي
الحمدلله كل شي تمام بس دمي ناقص شوية 10.2 والدكتورة كتبت لي على فيفول لان انا اعاني من معدتي فكتبت لي هذا تقول نسبة الحديد فيه اخف واخذه مع عصير برتقال علشان ما يأثر على المعدة واصرت ان اخذه علشان يرتفع دمي واذا ما ارتفع للموعد الجاي بتغير لي نوعية الحبوب ،، عاد انا ما احب عصير البرتقال بس قلت بعدين بقصص لي برتقال وباكله وبشرب الحديد وخلاص (a)
وعن الضغط والوزن كل شي تمام وحجم الجنين تمام وسمعت لاول مرة نبضات قلبه فديييييته وطبعا لان اليوم اول موعد الدكتورة فحصت على رقبتي وعلى صدري وعلى ريولي وقالت كل شوي اوكى الحمدلله ..

دموع اليتيمة;10391414:
هلا بنات اخبار الكل ..

بنات انا التجهيز راح اخليه لما اتاكد من جنس البيبي

بس غالبا راح اجهز بعد عيد الاضحى لان ما احب زحمة السوق ابدا

وعن الغرفة الى الحين ما قررت لازم اعرف شنو باييب

واحيانا افكر آخذ لون محايد


اما عن التطعيم

بنات انا وحدة ما اثق في امريكا لان هناك ما استخدموا اللقاح على حد علمي

والواضح في الخبر ان واحد هو اللي اخترع هالمرض ونشره في الناس

لذلك قللوا طلعاتكم في التجمعات

وتلثموا اذا طلعتوا

حتى روحتكم المستشفى خذو موعد وروحوا على الموعد

لان كلش هالتطعيم مو داخل في بالي

والله يقينا واياكم

لا والله بالعكس يستخدمون التطعيم للاطفال والحوامل اكثر شي
والمرض بدا من مكسيك:(
اني مسافرة نهاية الشهر وسالت الدكتورة فقالت مااقدر اسافر الا اخذ تطعيم
اليوم زوجي راح يتصل بالمختبر عشان ياخذ لنا موعد
وهو بعد لازم ياخذ لان يشتغل بالمستشفى وخطر عليه من المرضى

اهلين بنات

ام شيوخ انا بخير بس انا في جده وحر موووووت اف

بنات انا مو فاهمه شي

اش قصدكم بالتطعيم ؟

ليش الحامل لازم تطعم ؟؟؟!

فهموني

حبيبتي لقاح ضد انفلونزا الخنازير
والله ماادري اسالي الدكتورة اني برايي ماله داعي
بس الدكتورة قالت لازم :( لاني اسافر

شكرا على التوضيح

مااظن انه له داعي بس راح أسأل الدكتوره عنه

بنات بقولكم شيء ومادري لو كلكم تحسون بهالشيء او لا

انا عندي مكان في بطني ..صار لي فتره احس فيه رفسه قوية بس مستبعده الصراحة انه يكون البيبي

الرفسة تجي قوية وفي غير مكان رفسات البيبي وهي مب رفسه مادري شلون حركة غريبه

حتى كله في مكان واحد

مادري كلكم تحسون بهالشيء

دف جليد
انا ايني حركه غريبه
وهي اتني اسفل البطن .تقريبا قريبه من مثانه
يعني بين مثانه ووتحت السره

احس شيء مثل النبض بس مو نبض ..رفسه بس مو مرفسه
يعني الحرككه محسوسه ..لو اي حد حط ايده بحس فيها
مثل حد بنفخ وبزفر بنفس لحظه بحركه سريعه


انا هذا الي احسه

انتي كيف الحركه تحسين فيها