ساعدوني!! ((جراحة الفكين))

أختي بصراحة أنا ما جربتها بس حبيت أطمنك .. أنا سويت عملية جراحية بتخدير كامل في الفك لخلع أسنان العقل الأربعة .. والحمد لله هو صحيح صعب أول اسبوع بس بعدين عادي
شوفي دامها عملية فأنتي ما راح تحسين بشي << هذا كان عندي أهم شي :)
وبعد ما تصحين ما بتحسين بشي .. عاااااادي ويمكن لا راح تأثير البنج تحتاجين مسكن بس هالشي مره طبيعي .. سمعت وحده سووتها وتقول شهر ورجعت عادي طبيعية .. أو أقل من شهر
اذا قصدك عن الفترة اللي تحتاجينها لين تخلص هالمسالة كامل .. فأتوقع مو أكثر من 3 اسابيع وترجعين عادي خاصة اذا كانت العملية لها علاقة بتشكيل العظام بالفكين يحتاج لها شهر أو أقل شوي
لما تسمعين سالفة أسبوع ولا شهر ترا ما تفرق الا بالأكل .. انك ما تاخذين راحتك وايد
بس صدقيني بتمر على خير ان شاء الله والعملية سهله
اذا جلستي تخافين وتحاتين من الحين بتتعبين نفسك ع الفاضي .. ان شاء الله تقومين بالسلامة والعملية تجيب النتيجة اللي تبغينها وكنننننننننه العيد ولا تحطين في بالك تراها تجربة حلوة << ما تهونها عليك لانها جد هيييينه :)

اختي اذا البنج كامل لاتخافين

انا ماجربتها بس مجربة عمليات ثانيه ببنج كامل والله اني ماحسيت بشي


ماعليج شر ان شاء الله

مرحبا اختي كيف حالك
انا دكتورة اسنان وحبيت ارد عليك اولا تعتمد على حالتك انتي عمليه فكين للتقويم او لخلع اسنان العقل جراحيا

عموما في اول يوم مارح تحسين بألم كثيير تبعا للبنج و المسكنات بس راح يضايقك شوي وجود الدم ماعليك الا تطلعيه , ولا تسخدمي اي نوع من انواع المضمضات او الماء والملح للمضمضة لأنه سيساعد على تفكيك الجلطة المتكونة وياخر التآم الجرح
بعد اربع وعشرين ساعة استخدمي الماء والملح كمضمضة
اول يوم لا تاكلي اي شي حار او تشربي اي شي حار راح تعتمدي في اكلك على السوائل والطعام البارد زي الزبادي والمهلبية والايس كريم
بعدين راح يوقف الدم و عادي يمكن تحسي بألم خفيف بس محتمل حتى مع المسكنات

ادا تم وصف المسكنات والمضادات الحيوية لازم تستمري عليها على وصفة الطبيب
و بعد يومين ادا حسيتي بألم طبيعي لا يحتمل لازم لازم تراجعي دكتورك ( حالات قليلة تحس بها الشيئ ) وراح يعطونك العلاج اللازم


وبس ,, سلامتك وماتشوفين شر

ادا عندك اي سؤال انا حاضرة

فديت قلبكم انا على هالردود اللي تبرد القلب والله كنت خايفة ومتضايقة بس الحمدلله الحين تطمنت الله يريح قلبكم يارب

بس في شيء ثاني انا وزني 40 هل الوزن له تاثير على فشل او نجاح العملية من ناحية الصحية يعني هل لها مضاعافات يعني بتعب اكثر من اللي وزنهم عادي مثلا والا ما يفرق ؟؟؟

ضروري حد يرد عليا والله انا قاعدة ابذل كل جهدي في اني اكل وايد عشان امتن وماني عارفة كيف الله يعين

في العادة لا دام الدكتوور قرر انه راح يدخلك عادي لأ، بيكون متاكد ان دمك تمام
ما له شغل الوزن
ماجاوبتيني انتي مسويه تقويم او راح تشيلين اسنان العقل ؟

ايه صح نسيت اقول اني انا بسوي عملية لفك العلوي والسفلي هي عملية تجميله

عندي بروز في الفك العلوى والسفلي بعد ما ادري وش بيسوون فيه

حبيبي انا مسوية تقويم وبعد التقويم بسوي العملية ان شاء الله بغد رمضا الجراح بيحدد موعد العملية ادعوا لي

اها عملية تقويم
ما تشوفين شر انشاء الله
وادا عندك اي اسالة اسألي

هلا يا دكتوره ..

اشلون اعرف انه احتاج عمليه تقويم للفك ..

مره دكتور الاسنان قالي انه فكي العلوي ياي ع جدام شويا ..

تتوقعين يسوا اسوي عمليه تجميل الفك .. ؟؟

لان انا من النوع الي اهتم بنفسي وشكلي
.. واحب شفايفي طالعه وتعرفين ان الفك اذا ياي ع جدام يخلي الشفه العليا ما تاخذ شكلها ..

طيب دكتورة بعد العملية انا سمعت انه يحصل نزيف حاد للمريض او ضيق في التنفس هذا اللي قراته عن واحد في الاردن سوه عملية فك وبعد العملية علطول حصل له ضيق في التنفس وتوفي وواحد ثاتي بعد عقب النزيف توفي هو الاخر والله يا دكتورة انا وايد خايفة

ماتشوفين شر اختي والله يعدي هالعمليه بنجاح وبخير يارب
صراحه الموضوع جه ع الجرح بقيت اسال الطبيبه عن حالة بنتي
كنت موديتها يشيلون لها ضرس وهي عمرها تقريبا 6 سنوات فالطبيبه قالت لي مو ملاحظه ان فك بنتج فيه شي قلت لها ع طول اي صراحه ان انها لمن تبتسم او تسكر اسنانها الفك السفلي يكون متقدم قالت لي اي وهذا راح يسبب لها احراج لمن تكبر في ناس عادي وفي ناس يبون الجمال وانتو عاد بكيفكم قلت لها طيب والحل قالت ان يقطعون شوي من فكها السفلي عشان يدخل ومدري ايش شرحت كلام يعني بس انا متخوفه ع بنتي وااايد هو محدن يلاحظ ابد الا انا لاحظت لان بنت عمها وعمها فيهم نفس هالموضوع فمدري تنصحين اسوي لها ولا لاء واي سن بيكون مناسب وهل التقويم يحد من هالشي بدل العمليه؟؟

أختي لا تحاتين الوزن ماله علاقة
انا سويت الجراحة بالفك من شهرين وكان وزني 40 :D
شوفي حتى المعلومات اللي قالتهم الدكتورة اللي يجزيها خير هم بيقولونها لك قبل او بعد العملية ع طول
انا خفت اتمضمض بس بصراحة بعد العملية بثلاث ايام بديت اتمضمض من اللي عطوني اياه وكان رهيييييب خلا مكان الجراحة يتحسن بسررررررعة .. وسالفة الاكل والشرب ماشاء الله عليك ما بنوصيك
تاكلين اول يومين الاشياء البارده وايد تساعد .. انا اشرب عصاير وايس كريم وخذيت وقت يمكن اسبوع لين قدرت اكل ..
بالنسبة للنزيف
وحدة من أهلي سوت العملية وقالوا لها قبل العملية ان التجلط بالدم شوي مرتفع واحتمال تنزف
أجلت العملية وتجلط الدم ما تغير وهي كانت مستعجلة فقالت لهم عادي سوونها ..
الدكتور قال ارتفاع بسيط وخبرها عن احتمال النزيف .. بس هي اصرت
وصدق انا كنت معاها بالمستشفى طول اليوم .. يقول الدكتور انها نزفت وحتى مكان الخياطة كانوا صعب يشوفونه .. بس توقف والحمدلله كانت زينه مره
اصلا خلال هالاشياء ما بتكوني في وعيك وما بتحسين بشي
لان دام قالوا لك العملية بعد العيد يعني اكيد فحصوا دمك .. واكيد شافوه زين صح؟ سويتي فحص دم وبعدين قرروا موعد العملية؟
شوفي على عمليتي .. سوولي فحص دم وحددوا لي بعد اسبوع العملية
بس بعد هاليوم اتصلوا فيني وقالوا لازم اعيد الفحص وانا خفت
طلعت على نفس هذي السالفة .. سالفة التخثر واحتمالية النزيف
لان اظن عندنا ع قولته وراثه بالعايله ان تخثر الدم شوي اعلى عن المعدل الطبيعي
ومعناه ان اذا مثلا انجرحتي بتنزفين اكثر من الشخص العادي ،، او وقت الدورة ينزل دم وايد تحسينه اوقات نزيف
انا ما كان عندي هالشي .. وحتى السنة الماضية سويت عملية لشي ثاني وما كان عندي هالتخثر .. الحين بس جاني .. والحمد لله قبل اسبوعين رحت سويت فحص دم وقسته ورجعت طبيعي
الزبدة :D وايد اهذر صح؟ بس جد حاسة بمعاناتك
لااااااا تحاااااااتين .. انا بيوم العملية الدكتور قال ما بيسويلي العملية عشان المشكله اللي عندي
وجلست اصيح لهم هناك الا ابيها بذاك اليوم .. لان كنت مستعده نفسيا وما فيني انتظر اكثر
الدكتور قال ما بنغامر وبعدين تنزفين
قلت عادي عندي احد يتبرع لي بالدم << خبلة تحسب الموضوع عادي
اصلا كنت خايفه بس ابا اخلللللللللص
المهم دخلت العملية وانا أدعي ربي .. وخليت أمي تدعي لي
والحمد لله الحمد لله ما صار نزيف ولا شي .. مع اني لاحظي كانت المشكله عندي اكبر معدلها عن البنت اللي من اهلي ونزفت
الدكتور قال اظن بعد التخدير عطوني ابرة لهالشي
لانهم جابوا اختصاصي الدم قبل عمليتي يسألونه اذا عادي يدخلوني غرفة العمليات
عاد يوم اتذكر اضحك .... ولا حسيت بشي .. وجد جد تجربة ولا أحلى والموضوع بسيييييييط
بالعكس ترتاحين وتحسينه انجااااااز وما ياخذ منك شي .. الله يهون عليك .. واذا بغيتي تسألين اي شي انا حاضرة

فديت قبك انا على هذاالشرح الحلووو شوفي حبيبتي انا لحين ما سويت تحايل وا شيء بعد دكتور اتقويم قال لي بعد العيد ان شاء الله تروحين للجراح عشان يعطيكي موعد للعملية لان اسنانك جاهزة ومافي داعي تقعدين اكثر

شوفي انا مدة التقويم المحددة لسناني سنة ونص وبعدين عملية لكن الدكتور لما شافني قال اسنانك مترتبة هذا في خلال 6 شهور بس والله لما قال لي فرحت واااااااااايد لان بسوي العملية وبفتك من روحات والجيات وخاصة انه احنا منطقتنا بعيدة وايد عن منطقة الدكتور تخيلي 8 ساعات تبعد عن منتطقنا معليش عورت راسك هههههه

حبييتي بنت الرفاع شوفي في عندنا هنا انه الاصغار ما يحتاجون علمية ولا شيء اذا عالجتيهم مبكر يعني في اجهزة يحطونها في الفك والفك يرجع لورا من غير جراحة هذا اللي شفته بعيني في عيادة الدكتور اللي اراجع عنده ماادري اذا عندكم هالشيء والا لا اسالي كذا طبيب وهو راح يقو لك وما تشوف شر بنتك

يوووووووه !!! يعني انتي خلاص سويتي التقويم وباقي هالشي؟؟؟؟
أبشرك واااااااااااااااايد الموضوع سهل ... بالعكس بتفتكين .. واصلا ما يعور .. الا سالفة ابرة فحص الدم << أكرهها
وابرة المغذي قبل العملية عشان يدخلون المخدر ... ولااااااااااااااااااااا تحسين بشي
حسبت عمليتك جراحة تجميل فك قبل التقويم ... بس عمليتك وايد أسهل
وسألت خالي .. لأنه استشاري تقويم وجراحة أسنان .. يقول نفس العملية اللي سويتها تقريبا
يعني سالفة الاكل ووش تحسين ومدري ايش
اهم شي طمنينا بعدين :D ولا تتهاونين بسالفة المضمضة بعد العملية بيوم أو يومين
وتحسين برااااااااااااااااااااااااااااااااااااااااااااااحة واااااااايد أول ما تصحين من التخدير
لانك بتحسي نفسك خلصتي شي مهم .. والباقي عليك بالبيت تهتمي بالشرب
ومن ناحية العوار .. ما يعور ابدا .. انا كنت خايفة اتألم .. بس لو حسيتي بشي بسيط هو يعطونك مسكن
وبيعطونك بعد مضادات حيوية لااااااازم لااااازم تاخذينها بالوقت وعلى الدقيقه عشان تجيب مفعولها وتشفين بسرعة
ومعاك حق بتفتكين من كل شي .. الروحات والجيات ونفسيا بعد ترتاحين .. بصراحة 8 ساعات وايد
الله يسهل عليك :)

فديتك انا والله على هذا التفاعل الحلوووو والله انك تريحين واااااااااااااايد كنت صدق خايفة بس الحين راح الخوف طاااااار حبيبتي اذا ما عليكي امر بغيت ايميلك عشان عندي اسالة كثيرة عن العملية

دمتي في حفظ الرحمن

لو مو ماره بتجربتك كان يمكن التفاعل أقل :D
افا عليك أختي .. أنا بالخدمة اذا تحتاجين ... وان شاء الله بعد يردون عليك بنات مروا بالتجربة

السلام عليكم ورحمه الله وبركاته

اولا : احب اشكر اداره منتديايات عروس على هذا المنتدى الجميل

ثانيا : احب اشكر كل اخواتي في المنتدى واتمنى ان تستفيدوا مني كما استفدت منكم

:1_8::1_8::1_8::1_8::1_8::1_8::1_8::1_8::1_8::1_8::1_8::1_8::1_8:
وشكرا لكم

ياخواتي في المنتدى ابي اسألكم وابيكم تجاوبوني بليز

انا عمري 18 وابي اسوي تقويم ورحت للدكتور وقالي لازم جراحه فكيه ... وقلتله هي ضروريه قالي ايه لان لو ركبتلك التقويم وشلته بعد كم سنه راح ترجع الاسنان نفسها
والمشكله قالي انو الدكتور المختص في هذا الشيء مو موجود الا بمدينه بعيده شوي وانا ماعندي وسيله مواصلات ... ابي اسألكم عادي اركب عند دكتور ثاني لو قالي مايحتاج هالجراحه والا لا
الله يخليكم ردوا علي بسرعه .. والله ماراح انسالكم هالمعروف وبدعيلكم بكل صلاه اصليها