ساعدوني!! ((جراحة الفكين))

تكفون ردوا علي ريحوني الله يريحكم ويفر ج همكم ويرزقكم اللي تتمنونه ولا يحرمكم من الي تبونه
بسرعه ردوا علي لاني مستعجله مره

أختي ... الله يريح بالك ويفرج همك
شوفي .. دامه قال انك تحتاجينها فأنتي فعلا تحتاجينها
وترا معاه حق .. أسنانك بترجع نفس قبل ،، أو التقويم ما يجيب معاها نتيجة مثالية اذا ما اتبعتي هذي الاشياء
اذا كانت المشكله بضيق الفكين .. او مثلا شكلهم لكن بدرجة بسيطة
تقدرين تطلبين منه يركب لك جهاز توسعة الفكين
هو جديد ،، وكانوا يركبونه عبارة عن جهاز متحرك تخلينه وتشيلينه وقت الاكل مثلا وفيه زنبرك
لكن الجديد (ويمكن ما تحصليه الا بالاماكن المتطورة) عبارة عن سلك بالفك العلوي من فوق ما يبين
بس يوسع الفك .. وثابت
وهذا يجيب نتيجة بدال عملية توسعة الفك اذا هذي مشكلتك
اما اذا كانت بشكل وعظام الفكين فأنصحك تسوين العملية عشان مره وحده ترتاحين
واذا تقولين بمنطقة ثانيه .. ترا ممكن تشيلين تقاريرك وتسوين العملية في مستشفى خاص وما تكلف وايد (أتوقع عندكم مستشفيات خاصة بمنطقتك) مو لازم بحكومي أو عند هالدكتور نفسه
صديقتي ما سمعت الكلام واستعجلت وسوت التقويم وما جاب معاها نتيجة وتأخر كثيييييير كثيييير
اصلا بالنهاية بتضطرين تسوينها وهي مره بسيطة
ما ادري يمكن ما قدرت أفيدك وايد .. بس انتي صغيرة وأحسن تستغلين هالسن وتسوين الحين العملية وجد بترتاحين وايد .. أو انتظري لين تتحسن ظروفك وتحصلين مواصلات وقتها سوي العملية ولا تشغلين بالك بالتقويم دام اللي فحصك قال انك تحتاجين العملية ... هو أدرى بحالتك ولا تستعجلين النتيجة
ترا هو ما طلب منك تسوين العملية عشان يبغي شي له! هذي مصلحتك
مو تروحين لدكتور ثاني لأن هالدكتور ما رضى
صدقيني لو أصريتي عليه تسوين التقويم بدون العملية عادي بيسويه لأنه نصحك ومو هو المسؤول عن قرارك عاد بعدها ما بتفرق معاه النتيجة دامك انتي اللي بغيتي هالشي
الله يريح بالك ان شاء الله :)

وانا من رايي تشوف دكتور واثين وثلاثة اذا كان متوفر في منطقتها ان بعض الدكاتره تشخيصها يفرق عن بعض وكل واحد يقول لك شيء شوفي حبيبتي اذا انتي تشوفين انه عندك مشكله بفكك يعني مشوه منظر وجهك توكلي على الله شوفي لك جراح زين اما اذا فكك ما في شيء وبالتقويم راح تنحل مشكلتك ما انصحك تسوين عملية

اتمنى لك دوام الصحة

°•♥ Teacher ♥•° ام عمورتي الله يعطيكم العافيه ريحتوني الله يريحكم في الدنيا والاخره .... انا عادي بسوي العمليه بس المشكله قالي انها مايسونها الا بمستشفى حكومي وانا الدكتور مو موجود ... انا الحمدالله عندي امكانيات ماديه اني اسويها بخاص بس قالي ماراح تلقين
... اذا تعرفون اي دكتور بالشرقيه بخاص او حكومه تقولولي ... الله يجزاكم خير...
لاني انا وراي كليه وخمس سنين يعني ماراح يمديني الا هالوقت

ياليت كنت اقدر اساعدك كان من عيوني والله بس شوفة عينك انا مو من ديرتك انا من ايرااااان

ان شاء الله البنات ما بيقصرون معاكي

تحياتي لك

هلا والله ام عمورتي منوره الله ينورك عليك في الدنيا والاخره

Ms Dior مرحبا
مو شرط تكوني محتاجة الى عملية يمكن بالتقويم العادي تنحل مشكلتك بتحريك الاسنان للخلف
فعشان تعرفي لازم تعملي زيارة الى أخصائي تقويم الاسنان مش طبيب الاسنان العام

ahla_gumar يعطيج العافيه ياالغاليه ... بس ابي اسألج انا رحت لدكتور تقويم هو نفس اخصائي تقويم والا لا

يا محاسن الصدف صدق الدنيا صغيرة

انا اللي ارسلت لك ايميلي في منتدى فلان تذكرين انا مريووم

وعليكم السلام والرحمة

أختي غلاااه
أنا سويت عملية مشابهه بس مو جراحة فكين .. لكن أنا عندي هالمعلومات لأن خالي أخصائي جراحة وتقويم اسنان .. وبعد أختي سوت هالعملية
احنا الثنتين عندنا مشكلة بتخثر الدم .. يعني احتمالية النزيف
لكن ان شاء الله ما بتكون عندك هالمشكلة .. لازم تسوين فحص الدم وبعدين قسم التخدير يحددون اذا دمك أوكي أو لأ ... واذا في احتمالية نزيف أو لأ
لكن اللي أشوفه انه ما عليك من هالشي .. ان شاء الله كله سهل
أصلا العملية هي تخوف لأن المكان حساس بس صدقيني مره سهله وما بتحسين بشي الا انك لازم تريحين نفسك وما تتطلعين لمدة اسبوع بعد العملية
مع انه عندي احتمالية نزيف بس الحمد لله ما نزفت مع ان المشكله عندي درجتها أكثر بكثير من أختي
وأختي نزفت بس شووووي ... وأصلا ما بيدخلوك العملية الا اذا شافوك بتقدرين وان كل شي مناسب لك ..
أنا سويتها هنا بمسقط ... ما عندي فكرة عن مستشفيات جدة
بس لازم تشوفين أخصائي جراحة أسنان شاطر ...... احنا كان عندنا اثنين بالمستشفى
والحمدلله طلع لي الدكتور اللي أشطر ... لأن الثاني بيجلس يعقد الأمور ويخوفك وما أدري ايش .... والدكتور كلمني عن وحده سوت العملية ونقلولها دم .. بس قال ان هي أصلا دمها وايد نازل من قبل العملية ... وكانت تعاني من أشياء ثانية ....
انتي أول شي اسألي عن دكاترة جراحة الأسنان هناك وما بيطلعون أكثر من اثنين أو ثلاثه لأن عددهم مو وايد .... وشوفي ترا أنا كانوا ما راضيين يدخلوني العملية الا بالغصب .... لان كنت مستعدة نفسيا ومالي مزاج أنتظر أكثر ... ودخلت على مسؤوليتي :) الحمدلله كل شي عدى على خير
اذا تبين تسألين عن أي شي أو اساعدك بأي شي أنا حاضرة ....
وبعد بعطيك دافع معنوي ان شاء الله ^_^
الله يوفقك ويريح بالك

يؤ لا توسوسين أختي
ان شااااااااااااااااااااااااااء الله ما يصير الا كل خير
الحين رسلت له مسج .. وأول ما يجيني الرد بجي أخبرك
أظن بكره لأن الوقت متأخر الحين

ودمتي براااااحة بال :)

إنتي أول احد يعطيني هدية ع العيد <<< ما تعودت على الدلع :D

أختي شوفي ..... يقول لأ ما صحيح
وهالمعلومة غلط .. لأن أصلا اللي بيسوي الجراحة مو جراح عام ... جراح أسنان
بس يعتمد على المستشفى ... يعني يقول لازم تختارين مستشفى زين ومعروف
عاد أنا اتوقع المستشفى اللي قلتي عنه زين ومعروف بجده صح؟
لا تخافين بالعكس تجربة حلوة وبعدها بترتااااااااااااااااااااحين بشكل ما تتصورينه
أصلا ما بتحسين بشي :) بس ابرة المخدر أول شي

وان شاء الله أكون أفدتك ... وبعد لا بغيتي تسألين عن شي ما يردك الا الكيبورد ^_^

اختي غلاااااه يعطيج العافيه انا والله متوني ادخل المنتدى لان كنت مسافره ومشغوله .... زي ماقلتي انا رحت لدكتور ثاني وشاطر و كشف على الاسنان وقالي مايحتاج لاعمليه فك ولا اي شيء وقالي على ظمانتي اذا رجعت اسنانج بعد ماشيل التقويم بس قالي لازم خلع 4 اسنان وخلعت واحد وانشاالله الباقي ان الله سهلها علي وبركب التقويم على طوول وانا الصرااحه ارتحت لكلامه اكثر من الاول وشرحلي كل شيء وقالي انو العمليه حقت الفكين راح تسوي تحسن 5% فقط واصلا اني ماراح تحتاجينها وقالي انتي بتشوفين التحسن
............ بس خايفه تهقون كلامه صحيح على انو زحمه مره عليه واكثيير مدحولي شغله واختي مشاالله وهي بدون خلع اسنان

دامه قالك كذا فصحيح ^_^ لكن ترا الجراحة اذا كان الفك العلوي مثلا متقدم فأغلبهم يسوون التقويم وبعدين آخر شي العملية عشان يكون شكل الابتسامة مثالي ....
بس شكلك ما بتحتاجينها لأن التقدم عندك مو كثير وينحل بالتقويم ...
امممم وبخصوص خلع الأسنان ضروري .. يعني أختك ما كان عندها تزاحم بالاسنان ... وحاجة التقويم غالبا لوجود التزاحم ... وعشان ترجع الأسنان أو يترتب وضعها لازم أول شي يكون فيه مكان عشان تتحرك ...
والكل الحين قبل التقويم يخلعون 4 أو 5 اسنان ... يعني شي طبيعي
وبعد مرور 5 شهور من التقويم تقدرين تلاحظين ان مكان فراغهم بدا يتقلص ...
والمره الجايه عن الدلع واخلعي سنين في نفس اليوم أحسن لك عشان تفتكين :)
والله يوفقك أختي