كمام الأمل;10264498:
هلا هلا برجر& بحرينيه
والله اول دوام اوكي بس ملل حاطيين يدنا لعى خدنا وقاعديين خخخخخخخ وانا وصلت قبل الدوام بساعه كامله لاني طلعت من وقت خفت تصيدني الزحمه بيتنا في الرفاع والمدرسه في القضيبيه يعني صج درب مو عارفه اضبط الوقت اللي المفروض اطلع فيه بحيث ما اتاخر وبنفيس الوقت ما اوصل من وقت لهدرجه انا المديره والمديره المساعده شكلهم حبوبات ويمدحونهم بس عيبهم محد فيستنا احنا اليداد او اجتمعو فينا او عرفونا ع المدرسات ع الاقل واحنا نظام مدرستنا النظام اللي ما احبه كل تخصص في حجره واحنا تخصصنا بس 4 مدرسات يعني مجابليين بعض وساكتيين خخخخخخ رغم انه جنه خالتي معاي بعد يديده بنفس المدرسه بس اهي حجرتهم بعيد واصلا بطابق ثاني استحيت اروح ارتز وياهم..
ودي اسال المعلمات عن طريقه التحضير وشنو المفروض نسوي بس احسهم ما يعطون ويه لليداد ومالهم خلق هلاسئله شلون المفروض اتصرف عشان اندمج وياهم تمييت طول اليوم ساكته لاني الوحيده اليديده في حجرتنا؟
ساعدوني برجر وذوات الخبره
اول شي مبروك على اول يوم دوام
راح يصير اكيد اجتماع للمدرسات واالمديرة راح تعرفكم على المدرسات والمدرسات راح يتعرفون عليكم ،،
بالنسبة للتحضير اذا في مدرسه اولى كلميها عاااادي او حتى مدرسات غير بس نفس تخصصج قولي لهم ابي اطلع على الخطط الدراسيه وملفات تحضيراتكم اذا مافي مانع ورراح يعطونج وراوونج ،، وسئليهم عادي اودي التحضير البيت في مدرسات يرضون وفي لا لان اذا وديتي البيت ممكن تركزين اكثر وممكن تكتبين بعض النقاط المهمة من التحضير
وعادي مع الايام راح تعرفين كل شي وتتعلمين
وحاولي لو عندج صديقة من نفس تخصصج وتوظفت تدبر لج تحضيراتها او تحضيرات مدسات غير عشان تسوين مثلهم بالبدايه عشان ماتضيعين وعقب راح تتعلمين
وانا اعتبر التحضير حبر على ورق هههههههههه لان التحضير في واادي والتدريس في واادي ثاني ،، يعني شي تافه والله بس مع التعويد