منبر مدرسات التربيه الجدد حياكم

اخباركم حلوه الحمدلله بقت كمومه وينج يالحلوه؟؟؟ لايكون درستي من اول اسبوع:tongue:

جودي دوري في الانترنت عن طرق التدريس ونصايح المدرسات عندنا ترى وايد تفيد
انا دخلت منتدى الطلبه الي عندنا في منتدنا واستفدت وايد من المواضيع الي فيه
والله يسهل عليج
خواطر بالتوفيق حبيبتي وتحملي بروحج من المرض الله لايبلانا يارب
انا الصراحه خفت من كثر مايتكلمون عنه ويحذرون منه وخصوصا ان احنى في مدارس ونحتك بالطلبه :(
المفروض يعطونا كمامات وقفازات للجميع ونتدبر اشلون نتكلم
وقالوا لنا دائما خلو النوافذ والابواب في الصف مفتوحه للمحافظه على التهويه :ss:
والله يحمينا يارب ويزول هالمرض من عندن
ا آميييين

انا هالسنه بس احاتي الصفوف الي بدرسها واي مدرسه بيخلوني ..

ان شاء الله يحطوني مدرسه جريبه من بيت امي عشان اودي ولدي عندها من غير ما اتاخر على الشغل ..

مشكوريين حبايبي برجر& جودي&بحرينيه ع نصائحكم وصح اغلب الاحتياط ينقلونهم ولو اني يقولون لي لا تنتقليين مدرستنا بسرعه الواحد يطور فيها لانه من مدارس المستقبل واللي يطبق فيها نظام الجوده واستراتيجيات التعليم اليديده وقالو لنا خبر مو حلو من الكورس الثاني بطبقون علينا نظام الدوام الطويل لي الساعه 2 وربع

Sm!LeY;10279769:
هلا بنات ..

و اخيرا صرتوا معلمات ..

شخباركم مع المدارس ..

<< شنو شعوركم اول ما دخلتوا المدرسه .. احاول اتخيل شنو بيكون شعوري مو عارفه احس يمكن ما بحس



صار لي فتره ما دشيت المنتدى و اول يوم دراسي جيتون على بالي اقول ما يندرى وين حطوهم قريبه لهم المدارس او بعيده .. شخبارهم ..

اول يوم للمدرسات قعدت من الصبح الساعه 5 و تميت متملله الساعه 9 قعدت اختي و رحنا السيف .. كان هدوء اقولها اتاري المدرسات هم اللي يبسببون لنا الزحمه في السوق ..


ع العموم موفقين .. و عقبال ما نجوفكم مديرات .. و ربي يعطيكم الصحه و العافيه ..

اهليين سمايلي اي والله واخيرا وعقبالكم يارب وإن شاء الله بتحسيين بهالشعور جريب انتي وكل البنات خلج متفائله..
مشكوره حبيبة قلبي ع الدعوات الحلوه وعقبال ما نسمع خبر توظيفج قريب.. وبالنسبه لشعوري اول يوم كنت متحمسه بس في نفس الوقت خايفه ومرتبكه شي بس الحمد لله الامور عدت ع خير..

عن اجراءات انفلونزا الخنازير اقولكم خرطي وكل المدرسات نفس درجه الحراره يعني الجهاز كله 36 او 36 ونص سواءبمدرستنا او مدرسه امي او مدرسه اختي او مدرسه رفيجتي صراحه شي غريب اكيد الجهاز مخرف وانا طبيعه جسمي كله حرارتي فوق 37 يعني 37 بوينت 5 او 3 او 2 معقوله فجأه نزلت لي 36 خصوصا مع هالحر وهالشمس احس شي ما يتصدق الله يستر بس حاليا سكرو 7 مدارس خاصه ومدرسه حكوميه وحده واهي مدرسه ام سلمه بس معتميين ع الخبر يعني تخيلو الوضع لما تفتح المدارس الحكوميه يعني احنا خل نولي بس في بيوتنا يهال وماعندهم مناعه واحنا ننقل لهم هالجراثيم يعني حرام عليهم والله ويقولج لو صارت اي حالات غير ما بيعلنون غير عن اول حاله واصلا الكل يعرف ناس مدارس خاصه ويقولون لج يقولون لهم بس حاله واهو في الواقع الاصابات بالعشرات وعشان يخلصون نفسهم قالو لج ما بنقول غير عن اول حاله عشان محد يناقشهم
******************************
وبالنسبه للجدول للحين ما عطوني ينطرون المصريات اللي وياي يداومون وبيعطوني من جدولهم ع قولتهم

بنات ياني خبر أنه الوزارة اجلت دوام الطلبة لتاريخ 4/10
توه من اشوي يايني الخبر

يا ريت بس تأكدون الينا الخبر اذا كان صحيح او لا

خواطر الليل;10293529:
بنات ياني خبر أنه الوزارة اجلت دوام الطلبة لتاريخ 4/10
توه من اشوي يايني الخبر

غريبه من وين عرفتي؟؟

مدينة عيسى – وزارة التربية والتعليم
تمخض الاجتماع التشاوري الذي عقده وزير التربية والتعليم ماجد النعيمي ووزير الصحة فيصل الحمر، وكبار المسئولين بالوزارتين، ورئيس جامعة البحرين والوكيل المساعد للرعاية والتأهيل الاجتماعي بوزارة التنمية الاجتماعية، عن اتخاذ قرار بالتدرج في عودة الطلبة إلى المؤسسات التعليمية الحكومية والخاصة وفقاً للجدول الذي يراعي الفئات العمرية الأكثر عرضة للإصابة بهذا المرض.
وقد تقرر عودة طلبة المرحلة الثانوية يوم الأحد الموافق 4 أكتوبر / تشرين الأول، وطلبة المرحلة الإعدادية يوم الأحد الموافق 11 أكتوبر، وطلبة المرحلة الابتدائية يوم الأحد 18 أكتوبر، وطلبة رياض الأطفال والحضانات ومراكز تأهيل ذوي الاحتياجات الخاصة، يوم الأحد الموافق 1 نوفمبر.
علما بأن هذا التدرج لا يشمل أعضاء الهيئات الإدارية والتعليمية والفنية وكافة العاملين في المدارس، حيث إن استمرار تواجدهم في المدارس جزء لا يتجزأ من إنجاح عمليتي التوعية والتثقيف، إذ ستتولى وزارتا التربية والصحة تنظيم ورش عمل ودورات تدريبية متعلقة بالإجراءات الوقائية والصحية للتعامل مع هذا الوضع، كما ان الجهات المختصة بالوزارة سوف تتولى التنسيق مع المختصين بوزارة الصحة والمؤسسات التعليمية للاستفادة من هذه الأيام في تنفيذ برنامج تثقيفي وتوعوي لأعضاء الهيئات الإدارية والتعليمية بما في ذلك جدول المحاضرات في إطار تعزيز دور هؤلاء في التثقيف في المؤسسات التعليمية وفي المجتمع.
وبخصوص عودة طلبة الجامعات، تم التأكيد على عدم التغيير في جداول عودتهم، على ان يتم التأكيد على مؤسسات التعليم العالي الحكومية والخاصة بضرورة تطبيق الإجراءات الوقائية المحددة في الدليل الإرشادي الصادر عن وزارة الصحة، بحيث تكون هذه المؤسسات مسئولة عن تبليغ أقرب مركز صحي منها عن أي انتشار واسع لأعراض الأنفلونزا العادية المصحوبة بارتفاع في درجات الحرارة، وبنسبة انتشار تصل إلى 10% من منتسبيها خلال أسبوع ، وفي حالة اكتشاف إصابة مؤكدة بالمرض، تتولى الجهات المختصة بوزارة الصحة، المتابعة مع مؤسسات التعليم العالي، والتنسيق مع وزارة التربية والتعليم لاتخاذ ما هو مناسب بشأنه غلق المؤسسة من عدمه.

آل الميامين;10293660:
مدينة عيسى – وزارة التربية والتعليم
تمخض الاجتماع التشاوري الذي عقده وزير التربية والتعليم ماجد النعيمي ووزير الصحة فيصل الحمر، وكبار المسئولين بالوزارتين، ورئيس جامعة البحرين والوكيل المساعد للرعاية والتأهيل الاجتماعي بوزارة التنمية الاجتماعية، عن اتخاذ قرار بالتدرج في عودة الطلبة إلى المؤسسات التعليمية الحكومية والخاصة وفقاً للجدول الذي يراعي الفئات العمرية الأكثر عرضة للإصابة بهذا المرض.
وقد تقرر عودة طلبة المرحلة الثانوية يوم الأحد الموافق 4 أكتوبر / تشرين الأول، وطلبة المرحلة الإعدادية يوم الأحد الموافق 11 أكتوبر، وطلبة المرحلة الابتدائية يوم الأحد 18 أكتوبر، وطلبة رياض الأطفال والحضانات ومراكز تأهيل ذوي الاحتياجات الخاصة، يوم الأحد الموافق 1 نوفمبر.
علما بأن هذا التدرج لا يشمل أعضاء الهيئات الإدارية والتعليمية والفنية وكافة العاملين في المدارس، حيث إن استمرار تواجدهم في المدارس جزء لا يتجزأ من إنجاح عمليتي التوعية والتثقيف، إذ ستتولى وزارتا التربية والصحة تنظيم ورش عمل ودورات تدريبية متعلقة بالإجراءات الوقائية والصحية للتعامل مع هذا الوضع، كما ان الجهات المختصة بالوزارة سوف تتولى التنسيق مع المختصين بوزارة الصحة والمؤسسات التعليمية للاستفادة من هذه الأيام في تنفيذ برنامج تثقيفي وتوعوي لأعضاء الهيئات الإدارية والتعليمية بما في ذلك جدول المحاضرات في إطار تعزيز دور هؤلاء في التثقيف في المؤسسات التعليمية وفي المجتمع.
وبخصوص عودة طلبة الجامعات، تم التأكيد على عدم التغيير في جداول عودتهم، على ان يتم التأكيد على مؤسسات التعليم العالي الحكومية والخاصة بضرورة تطبيق الإجراءات الوقائية المحددة في الدليل الإرشادي الصادر عن وزارة الصحة، بحيث تكون هذه المؤسسات مسئولة عن تبليغ أقرب مركز صحي منها عن أي انتشار واسع لأعراض الأنفلونزا العادية المصحوبة بارتفاع في درجات الحرارة، وبنسبة انتشار تصل إلى 10% من منتسبيها خلال أسبوع ، وفي حالة اكتشاف إصابة مؤكدة بالمرض، تتولى الجهات المختصة بوزارة الصحة، المتابعة مع مؤسسات التعليم العالي، والتنسيق مع وزارة التربية والتعليم لاتخاذ ما هو مناسب بشأنه غلق المؤسسة من عدمه.

والمدرسات ؟؟؟؟
شكله عادي لو صادنا المرض

المدرسين يداومون شفتو المسخره

يعني قلعتهم عاشو ولا ماتو المهم ماياخذون معاش و هم مرتاحين في البيت

مراوي;10294826:
المدرسين يداومون شفتو المسخره

يعني قلعتهم عاشو ولا ماتو المهم ماياخذون معاش و هم مرتاحين في البيت

ههههههههههههه ضحكتيني من قلب
وهذا هو موتهم ولا نقعد بالبيت

والله حال هالمدرسين و المدرسات يبكي :(

عاصرينهم عصار هالوزاره المحترمه و يبون يغيرون الدوام للساعه 2 ينقال لتحسين العمليه التعليميه

اي تحسين اذا المعلم او المعلمه متضايقين من شغلتهم و يبون يطلعون منها اي لحظه

صباح الخير لكم كلكم ياعرايس (f)(f)كل عام وانتوا بالصحه والسلامه وعيدكم مبارك (f)(f)

وان شاء الله تكون هالسنه سنه خير وبعيده عن كل شر يارب الله يحفظكم


وشكرا على الخبر ياخواطر ومراوي (f)

مراوي;10295661:
والله حال هالمدرسين و المدرسات يبكي :(

عاصرينهم عصار هالوزاره المحترمه و يبون يغيرون الدوام للساعه 2 ينقال لتحسين العمليه التعليميه

اي تحسين اذا المعلم او المعلمه متضايقين من شغلتهم و يبون يطلعون منها اي لحظه

واي ان شاء الله مايصير
وانا خلاص باشتري سنوات ماقدر اصبر صراحه اذا غيروا الدوام وعندنا عيال
وترى السنة اكيد عطلة الربيع راح تقلص ،، واوردي الدوام السنة لي 15-7 بس بسبب الانفلوزنزا وتأخر الطلبه احتمال بعد يتمدد لي نهاية 7

والله يقدرنا على المنهج يعني اذا الدوام العادي والمنهج مانكملة وامتحانات المنتصف على نهاية شهر 10 يعني راح يصير ضغط عدل علينا وكل شي راح يتغير
الله يعين والله
السنة اللي طافت من كثر الكرف الحكل في عيوني يوصل لي خدي ،، عيل السنة مادري وين راح يوصل


ونسيت اقولكم كل عام وانتم بخير
وعيدكم مبارك

ههههههههههههههه اما سالفه الكحل صج ضحكتيني

الدوام يا اختي بيتغير و اعرف بنات من بعض المدارس اللي الكورس الياي بيتغير عندهم الدوام و خبروهم اداراتهم بهالشي

بس هالموضوع صاير سهده محد ملتفت له بسبب ضجه الخنازير

احسن قرار انكم تشترون سنوات من الحين دام معاشاتكم صغيره لان التربيه مستحيل الواحد يقعد فيها 30 سنه

هذاك الزمان اللي يحبون التدريس ولى و راح كانو في سعاده لا اوراق و استمارات و بلاوي مطلوب منهم يسوونها كل يوم

فديتكم بنات الله يحفظنا يارب من هالمرض انا الصراحه قمت اوسوس وكله ادور عن المرض في النت وبعدين اقول قل لن يصيبنا الا ماكتبه الله لنا واتعوذ من ابليس
سنسوي بعد حظنا ان اول سنه نشتغل فيها من بعد الازمه الاقتصاديه يصيدنا هالمرض اللعين

جودي احنى في مدرستنا نسجل حضور وبعدين سيده نفحص قبل لاندخل غرفة المدرسات

انا مااقول الا الله يعين فريق العمل واحنى لازم بعد بنختلط فيهم الله يستر:ss:

بس بنات استغلوا هالفتره في انكم ترتبون اوضاعكم عدل والجدد خلنا نتعلم اكثر ونتسأل عشان ماننضغط
واكيد احنى ليلحين ماحسينا بالضغوط عدل الله يعينا:rolleyes:

مراوي كل سنه وانتي طيبه فديتج اشكر تفاعلج الحلو شنو تدرسين ؟؟؟ وانتي الدفعه الجديده ؟؟؟(i)
برجر: ثبتوج في مدرسه ولا ليلحين احتياط؟؟

كمومه وخواطر وينكم فديتكم؟؟؟:16:

احتياط بين مدرستين

Burger;10298581:
احتياط بين مدرستين

الله يعينج حبيبتي ليش جذي انزين هالمدرستين جراب من بعض؟؟ ونفس المرحله؟؟؟
احس جذي تشتت؟؟