Θ تجهيزات عرائس { ليبيا } لشهر رمضان 1430-2009 م " الجزء 3 " Θ

نرجس الشرق;10280252:
قصدي 2000 و 2500 3000 يعني كيف ما تبي

ايجار ولا شري؟

سلح يعني لما تجي بتغيريه و تلبسي الروب حيكون تقيل و ايتعبك في التغير انا توا طالعه انشوفكم بكرةى انشالله

نرجس الشرق;10280243:
و اله انا مش عارفة بس انا نسمع ان طرابلس تكوي كوي في الاسعار بس انتي ما عندكش حد في بنغازي اقاربك حد و ما تبيش اتجي فترة قبل الفرح فانتي لمي معلومات و اختاري و حتي هنا و الله في فيلوات غاليات ب 200 و 2500 بس اهو

والله عندي اماليه بس لكن ماعنديش ثقة في ذوق حد ، ممكن في حالة صوروا مجموعة وبعتولي الصور واني نختار منهم ، وبالنسبة للجيان قبل العرس بفترة ممكن قبل العرس بيوم أو يومين.

نرجس الشرق;10279617:
هلا بالبنات و خاصة عروس ليبيا و كاندي و امورة خطيبي (y) بس انا بنقوللكن حاجة ونصيحة لو تبن تاخدنها خودنها انا من بنغازي وانا انحس فيكن تسالن علي شادية واجد بس خودن نصيحة من اختكن شادية ما تنفعش اولا اسلوبها و معاملتها سيئة بكل و ماديرلكش لا بدي كير و لامونكير و لا عدسات لاصقة بس مكياج و تسريحتها مش عارفة كيف و مكياجها نفس الطريقة ولله والله طلعت صاحبتي عادية جدا و كانها قاعدة في الجامعة يعني ما تغيرتش ابدا و جارتي حتي هي و انت حرارات بس حتي انا مقرية فاتحتي و طبعا الفرح لعند تو ما تحددش بس قاللولي في كوفير اجنبية شكروها ليا حتي انا بس اطلعك حلوة و سمبل و عندك الكوفيرة اسعاف يشكروا فيها اتغيرك تماما و انا انشالله توا نعرفلكم الكوفير الي قلتلكن عليه .............

كيف حالك نرجس أني وخيتك هنو وفعلا كلامك صح ميه ميه شاديه ماتصلحش أبدا تعرفو قريبي غزاله طلعتها مش حلوه وصاحبتي ياناري طلعتها العفو مش حلوه أبدا وعندي جارتنا نفس الحكايه ونعرف وحده ثانيه زعميتك صاحبتها طلعتها والله يابنات فضيحه يعني بالمختصر شاديه مكياجها أستايله قديم هلبه وتسريحاتها قددددددددددددديمه هذا غير خدمتها مش نازكه أبدا وياوخيتي ياريت تسألينا على الاجنبيه الي قلتي عليها لأنه بصراحه حتى أسعاف كاتصلحش بكل
وراس وخيتي جيبلي عنوان الاجنبيه خليني نمشي نتفرج على خدمتها وتحياتي ليك حبيبتي

امورة خطيبي;10279372:




عروس ليبيا ربي يهنيك من خلال وصفك لروحك انحس فيك تهبلي:wink::wink::wink: نياله خطيبك

وبالنسبة للتقديم مية مية كيف مايروحوش مبسوطين ماشاء الله الكرم والضيافة لكن عندي ملاحظة مش زي اللي كثرتو منبهات قهوة وشاي احمر وشاي اخضر ولا عادي زعمة؟؟؟

والكنافة قدمتوها مرتين مرة مع القهوة ومرة مع الشاي ؟؟؟؟

واني نبي نسأل العصير اللي قدمتوه درتوه في الحوش انحس فيه حلو كيف الطريقة ياريتك تبعتيهالي لان اني غدوة بيجوني الخميس

وان شاء الله يحددولك عرسك في اقرب وقت وكل البنات في منتدانا الغالي يارب

عروس ليبيا;10276149:
السلام عليكم

مرحبتين عرايس ليبيا ليكم وحشه والله

انا اليومين اللي فاتوا النت كان كامل وامس فتحت الحمد لله

المهم عرايسنا اول امس يوم 24 جونا اهل خطيبي وجابولي عيديه طبعا جابولي فلوس مش بدله ولا شي وهكي بيني وبينكم اريح على الاقل ناخد حاجه على ذوقي وتمام وتعجبني .


طبعا انا هذاك اليوم لبسة لبسة حلوة احم احم طبعا هذا بشهادة الجميع ههههههه راهو مغرورة وخيتكم سامحوني.لبسة تيشريت اصفر في اسود في ابيض وربع كم وصدره عريض شويا ولبسة بنطلون ربع حتى هو لونه اسود ودرت استشوار لشعري بس ماطلقته صاير طاول مشاء الله لفيته بمساكه خباشه فوق ولبسة شبشب اسود في ابيض ولبست طاقم بلاتين خفيف وساعة بيضا ء .

ومشى هذاك اليوم حلو وقدمنالهم حاجات حلوة وحسيت الرضا باين على وجه طبياتي واعميمه الحمد لله ههههههه حتى لما روحوا قالوا لخطيبي انهم مبسوطين من استقبالنا

نحكيلكم شن قدمنا واك ايديا بيبطلوا بس مش مشكله بنقوللكم وقولولي رايكم كويس ولا لا..؟

اول ما جونا قدمنالهم عصير منجا وعنب وتفاح كلهم صنع البيت ومعاهم شكلاطة الفستق ,بعدين قهوة عربيه ومعاها بكلاوة وكنافه من السوق ,بعدين شاهي احمر ومعاه صحن في الصحن طبعا موالح ,وهي (اصابع الباشا ,فركاسيه,بوريك جبنة,بشاميل,كفتة) بعدين شاهي اخضر بنعناع ومعاه كنافه وقطايف ومحلابية وفروت سلات,ومكسرات .وبعدين روحوا الحمد لله ههههههههه

لكن طول الوقت انا ماتحركت من مكاني ماهو اعميمه قالتلي خليك جنبي لكن وااااااك اللي قهرتني يا بنات ماحددوا العروس ولا حتى لمحولي على الموعد.

الباين مزال ادعولي يا بنات الله يخليك في هل ليالي المباركه ربي يفرحنا كلنا قريبا ويحدوولنا الموعد.

ماشاء الله وربي يهنيك وبأذن الله عام جديد تكوني عندهم وربي يدوم عليك حبهم يارب وخيرهم مايقعدوش مبسوطين وهما عندهم غزاله فرحانه بيهم ومقدرتهم ربي يهنيك عروسه

هنو الدلوعه سلمك ياااااارب وتسلمي على الدعوة الطيبة في هل ليلة المباركه الله يوفقك حتى انتي ويفرحك بيهم يا حلوة

اهلين يابنات
زعمة آمورة خطيبي شن دارت امبارح ان شاءالله تكون مشيت علي خير
عروس ليبيا ربي يهنيك وحتى انتي ان شاءالله العام الجاي تعيدي معاهم والعيد الكبيرة باذن الله معاهم اللهم آآآآآآآآمين
هنو يا حلوة ربي يفرحك حتى انتي ويسخرلك آآآآآآآمين يارب

هلا هلا امورة ياحلوة سلمك يارب حتى انتي نحس فيك حليوة على الاخر

اهلين بيك عروس ليبيا ياغالية هادا من دوقكوتو انجربه العصير الحق عجبني ربي يخليلك اوخيتك ويونس بيها

كاندي اليوم اني بيجوني سلمها ياربي

هنو توينك مغطسة سمعيني اخبارك

يابنات اني بنعيد عليكم من تو لاني في الحوش ماعنديش نت فا كل سنة وانتو طيبين وان شاء الله بالصحة والسلامة عليكم وعلى اماليكم ورجالتكم نتلاقو بعد العيد باذن الله ومرة ثانية عيدكم سعيد (^)
اوخيتكم

صباح الخير ........................
قولالي شن رايكن نشري كم فوطة انا شريت 4 فوط امشاجرات زعمك انزيد كم وحدة اتكون صادة يعني لون واحد حايرة والله و ماني عارفة كيف اندير

شن رايكن في طقم الحمام الكامل الي في الصندوق كان عرفتنه تركي و فيه اكتر من 40 قطعة يعني مناشف وديشمبر و فرش الحمام نشريه او انفوته و ناخد و نركب تركيب و في حاجة تانية في طقم حمام فيه فرش الحمام و ستارة البانيو و الروشن و غطاء الغسالة انا شفته بس حسيت فرشه اي كلام و انا انحب الحاجة الفخمة و الراقية شن رايكن انشوفه اخري وانتبت فيه اوناخده او انركب تركيب وكل عام و انتن بخير يابنات

اسئلتي واجدة اليوم تحملني
بنات بنغازي شن رايكن في المزين كوتر الي في طابلينو
سلفت صاحبتي طلعت فيه حسيته طلعت اكويسة
و حاجة تانية الميش انا الميش في البيان خربلي اشعري بس لنكنه حلو يعطي رونق للعروس فانا خاطري انديره في فرحي بس نبي نصيحة اتساعدني اتخليني انتجنب التقصف و الحرق في الشعر

كاندي اليوم اني بيجوني سلمها ياربي


يابنات اني بنعيد عليكم من تو لاني في الحوش ماعنديش نت فا كل سنة وانتو طيبين وان شاء الله بالصحة والسلامة عليكم وعلى اماليكم ورجالتكم نتلاقو بعد العيد باذن الله ومرة ثانية عيدكم سعيد (^)
اوخيتكم [/QUOTE]

ان شاءالله ايفوت اليوم علي خير وزي ماتبي وأحلى ، كل سنة وانتي بألف خير والعيد الجاي اتكوني في حوشك متهنية انتي وراجلك اللهم آآآآآآآآآآآآمين

نرجس الشرق;10284615:
اسئلتي واجدة اليوم تحملني
بنات بنغازي شن رايكن في المزين كوتر الي في طابلينو
سلفت صاحبتي طلعت فيه حسيته طلعت اكويسة
و حاجة تانية الميش انا الميش في البيان خربلي اشعري بس لنكنه حلو يعطي رونق للعروس فانا خاطري انديره في فرحي بس نبي نصيحة اتساعدني اتخليني انتجنب التقصف و الحرق في الشعر

اهلين سموحة
بالنسبة للميش ديري خصلات ماتكتريش منه هلبة ايضر الشعرة معروفة عليه الميش ، وكثري من حمامات الزيت لو نويتي انك اتديريه .

يا بنات ما رديت عليا بخصوص اطقم الحمام و الفوط نشري كم وحدة راني حايرة و حايسة و ماني عارفة شن اندير

نرجس الشرق;10284775:
يا بنات ما رديت عليا بخصوص اطقم الحمام و الفوط نشري كم وحدة راني حايرة و حايسة و ماني عارفة شن اندير

والله احرف منك منعرفش فيهم الحاجات هذه وحايرة اكثر منك ياريت حد ايرد علينا ويفيدنا

كاندي انتي فرحك امتي و شريت كم ورغان
انا شريت ورغان واحد خليجي لونه دمي و مزال ورغاني الكبير ماخديتش بناخده سكري
و الفوط خديت 4 امشجرات بس قاللولي خودي و حدة بيضة و كم وحدة صادة لون اخر بس مش عارفة كم ناخد
ومزلت ماخديتش الأنصولة الايطالية ابتاع 4 قطع لانها تعطي رونق و منظر للدار
و انصولات اليستك ما نسيتهنش انا خديت وحدة ابتاعت المنشف و قالولي الورغان حتلقي فيه و الانصولة الايطالية فيها
بس انقول انزيد وحدة تانية زعمك او لا اتكون سادة

ندااااااااااااااااااااااااااااااااااااااااااااااااااااااااااء الي عروس ليبيا
انا قريت جزء التجهيزات ابتاع الجزء الي فات و لقيتك كاتبة انك شاريه ارواب حلوة ب 10 دينار و ين المحل بالضبط لان اختك لعند توة ما شرت و لا روب
وربي ايتمملك بخير

شكله المنتدي فاضي وانا بس الي قاعده

والله انشالله بالك السبت العيد كان سخر ربي و عشنا و اليوم بنكلم خطيبي و ماني عارفة شن الكلمات الي نختارهن و انقولهن له خاصة انه اخته الصغير الي في 5 ابتائي و حاطة نقرها من نقري امعلقتلك علي البسة الي لبستها لما جونا يعطوا فيا عيدي و هو جاء معاهم و قالتله كيف تطلعلك باللبسة هذي مع انه قاري فيا فاتحة و انا شن لبست بدلة قونة طويلة و عليها كت ايجنن بس قدامهم و انا خاشة عليه حطيت الاشرب و لما قعمزت معاه درت روحي ان الاشرب طاح مني يعني و الله هي شن دخلها و هي حاشرة روحها في كل حاجة
يستر الله و ربي ايخليه ليا و ايكمل علينا ربي بالخير