Θ تجهيزات عرائس { ليبيا } لشهر رمضان 1430-2009 م " الجزء 3 " Θ

يسمع منكم انشالله يحددونا ونفتكو ياااااااااااااااااارب

يابنات نبي نسأل تو لما بيجوني امالي خطيبي في الموسم شن تنصحوني انقعمز معاهم ونهدرز ولا انقعمز شوية ونوض والله مش عارفةكيف نتصرف وشن تنصحوني نلبس بدلة قونة قصيرة ولا لبسة عادية امتع طلعة كل يوم مثلا
وهل اني انعول عليهم ولا خواتي ؟؟؟؟ يلا اعطوني رايكم كلكم حبيباتي :)

امورة خطيبي;10247537:
يسمع منكم انشالله يحددونا ونفتكو ياااااااااااااااااارب

يابنات نبي نسأل تو لما بيجوني امالي خطيبي في الموسم شن تنصحوني انقعمز معاهم ونهدرز ولا انقعمز شوية ونوض والله مش عارفةكيف نتصرف وشن تنصحوني نلبس بدلة قونة قصيرة ولا لبسة عادية امتع طلعة كل يوم مثلا
وهل اني انعول عليهم ولا خواتي ؟؟؟؟ يلا اعطوني رايكم كلكم حبيباتي :)

أهلين آمورة
اني لو مكانك الحق عادي نتصرف علي طبيعتي يعني نقعمز انهدرز معاهم والبسي لبسة حلوة لكن ماننصحكش بجو البدالي والرسميات ، والتعويل خلي خواتك هما اللي ايعولوا ، وربي يسخرلكم ويسخرلي ونتزوجوا ونفتكوا من هالتخميم في كل صغيرة وكبيرة.

السلام عليكم يا امورة خطيبها

اولاً تصرفي عادى جداً تبى اتقعمزى اتهدرزى عادى غير مش تعفنيها تقعمزى معادش تنوضى
ديري روحك تشرفي على العوالة وخلى خواتك هم اللى ايعولو .

وبالنسبة للبسة علي حسب امالى خطيبك كانهم من النوع اللى ايدققو وميحبوش جو القصير وغيره البسي حاجة مستورة بنطلون وبلوزة مثلا وانى راى تلبسى بنطلون ولا قونة طويلة احسن باعتباره رمضان

اى استفسارات عادى تفضلى نحن في الخدمة
واعرفي ان الجمال في البساطة كل من تكون الحاجة بسيطة تكون نازكة .

السلام عليكم بنات ,
انشاءالله ربى يوفقكم جميعا ونفرحو بيكم وبصراحة ماشاااااااااالله عليكم تهنو
مفيش حد طلب مساعدة الا وكنتم قدها انشاءالله كله باجره وفى ميزان حسناتكم ياااااارب

توا انى بصراحة مخطوبة لكن همتى فى التجهيزات بطيئة جدا بحكم انى منطلعش بروحى ابدا وخوتى مايحبوش الرفوع لاى مكان

مبدئيا حجزت صاله النواعم نبى رايكم بالله عليكم تفيدونى شن رايكم فيها
وحجزت عند نادية لانى مشيتلها فى بيانى وطلعتنى تحفة ماشاءالله عليها

غير هكى قاعدة فى الرقدة الحلوة والله
شن تنصحونى من وين نبدا وكيف نتصرف

عرسى فى 23/11/2009
ردودكم بالله بسرعة ساعدونى

غزل الريم;10247913:
السلام عليكم بنات ,
انشاءالله ربى يوفقكم جميعا ونفرحو بيكم وبصراحة ماشاااااااااالله عليكم تهنو
مفيش حد طلب مساعدة الا وكنتم قدها انشاءالله كله باجره وفى ميزان حسناتكم ياااااارب

توا انى بصراحة مخطوبة لكن همتى فى التجهيزات بطيئة جدا بحكم انى منطلعش بروحى ابدا وخوتى مايحبوش الرفوع لاى مكان

مبدئيا حجزت صاله النواعم نبى رايكم بالله عليكم تفيدونى شن رايكم فيها
وحجزت عند نادية لانى مشيتلها فى بيانى وطلعتنى تحفة ماشاءالله عليها

غير هكى قاعدة فى الرقدة الحلوة والله
شن تنصحونى من وين نبدا وكيف نتصرف

عرسى فى 23/11/2009
ردودكم بالله بسرعة ساعدونى

اهلين سموحة ، ربي يسخرلك ويتمملك علي خير
ابدي بحوايج النوم وجو الأرواب أما حوايج الطلعة اجليهم شوية لين تنزل البضاعة الشتوية ، وخودي كل ماتلقي حاجة قنينة زي الحوايج اللي تبي تقعدي فيهم العشية في حوشك ومع راجلك بس هذا مادابيك تاخديهم من توا ، وربي يوفقك .

خير عليكم ياحلوات

صيامكم مقبول كيفكم اليوم

يارب ان شاء الله كاندي وامورة ربي يفرحنا ويحددولنا ونشدوا الهمه ونفرحوا .

امورة اسمعي بالنسبة لما يجوك اهل خطيبك رأيي من رأي البنات خليك على طبيعتك وهدرزي عادي غير مش تهدرزي على كل شي يعني اسألي على اللي ماجاش منهم واتصرفي بركازة وكيف حال عمو وديري جوك وبعدين نوضي شوي وكأنك بتممي على اللي بتقديمه وبعدين جيبيلهم العصير ولا القهوة على حسب مابتقدمي قبل,وبعدين اقعد معاهم وخلي الباقي خواتك يعولوه وولكن عاد كيف ماقالت غزال مرة مرة نوضي ديري روحك بدير شي .

واهم شي ماتدخلي في كل الحوارت معاهم خليهم يهدرزوا مع امك وخواتك عادي انتي احكي في لك فيه بس يعني ماتحسسيهم انك كل حاجه بتعرفيها وردي بالك تسألي على يوم العرس هههههههههههه

واللبسة اكيد البسي لبسه حلوة وتبينك حليوة في عيونهم وكل ماكانت بسيطه ومتاع استقبال احلى ماتكتفي روحك بالرسمي يعني رسمي وفي بيتك مش حلوة اعتقد.

واكيد عارفتك شطورة وما اديري إلا اللي تنور الوجه يا رب يوفقك .

تعرفوا بنات انا لتوا امس كلمتني اخت خطيبي ما حكتليش على انهم بيجوني بكل في رمضان هههههههههه زعمه مايبوا يجبولي لبسة العيد ولا شني خصوصا انا هدا اول عيد مخطوبة فيه كل يوم صاحبتي يتصلوا بيا يسألوا جتني البدلة ولا لا مع اني والله مامدققه فيها لكن الناس مدققه واجد في هل الامور شي غريب بجد.

ربي يوفق الجميع ويا كاندي عندي ليك خبريه حلووووووة بعد الفطور بيجيني عنوان الكوافيره هههههههههه

سلامات ياعرايس وربي يفتح عليكم ويفرحكم يااااااااااااااااااارب ويفرحني معاكم

[QUOTE=عروس ليبيا;10249519]

ويا كاندي عندي ليك خبريه حلووووووة بعد الفطور بيجيني عنوان الكوافيره هههههههههه



طيب علينا الحمدلله والشكر لله ، بسرعة سموحة كان وصلك ابعتيهولي ، والله جميل مش حاننساه طول عمري ، منورة بالهلبة وبارك الله فيك ،وربي يفرحك بأمالي خطيبك ايجوك في الموسم وايحددوا العرس .
بنسألك انتي مقرية فاتحتك؟ وسؤال تاني ليك ولجميع البنات اللي تعرف اي حاجة تخفف ألم ازالة شعر المنطقة الحساسة ( حشمة والله ) ياريت تقوللنا عليه واي وحدة عندها تجربة وحاستها ماشية معاها في ازالته ياريت اتقوللنا عليه خلي نستفيدوا. سلامااااااااات

[GLINT]كاندي وعروس ليبيا وغزل [/GLINT]صحيتو على الردود واني خلاص تو نهيئ روحي على البرنامج اللي قلتوه وانشالله ربي يفرحني بيكم لما يحددولكم اعراسكم وسخرلكم الامور جميعا


[BLINK][SIZE=4][SIZE=5]غزل [/BLINK][/SIZE]حتى اني من راي كاندي ابدي في حواج النوم والحوش امتع الدلع والحركات يعني خودي جيبات قصيرات وشرطات وركبيلهم بديهات تفصيلات مغرية وجريئة يعني كوني في حوشك يوم نانسي ويوم هيفاء وهكدا دلعى روحك في حوشك مع شبيشبات قنينات واكسسوارات بسيطة وخودي ارواب الحمام واحد ليك واحد ليه وخوديهم على لون حمامك يكونو احلى وخودي لبسات الكاجوال امتع طلعة في العشية او مشية لحوش اماليك او اماليه ويابنت عرسك قريب خفي روحك شن تستني تعرفي كان اني محدديلي عرسي راهو تلقيني نجري صبح وليل هههههههه يلا انشطي وديري قايمة بالحاجات تساعد في الشري وبالنسبة لصالة نواعم والله مانعرفها الحق انشالله البنات يفيدوك[/SIZE]

وسؤال تاني ليك ولجميع البنات اللي تعرف اي حاجة تخفف ألم ازالة شعر المنطقة الحساسة ( حشمة والله ) ياريت تقوللنا عليه واي وحدة عندها تجربة وحاستها ماشية معاها في ازالته ياريت اتقوللنا عليه خلي نستفيدوا. سلامااااااااات

اني تجربتي نحط في معجون اسنان وانخليه لين يجف بعدين نبدأ في الازالة تحسي بألم بسيييييييييط وبعد ماتكملي حطي خليط من ملعقة خل تفاح + ملعقة جليسرين وخليهم ساعة وبعدين مرري ثلجة والله روعة نمو الشعر يعطل ويطلع خفيف وتبيض
واني نستعمل في ماكينة فيليبس الحق ماشية معايوانشالله انكون افدتك وانشوفو تجارب البنات بالك عندهم افكار ثانية

[QUOTE=امورة خطيبي;10253903


اني تجربتي نحط في معجون اسنان وانخليه لين يجف بعدين نبدأ في الازالة تحسي بألم بسيييييييييط وبعد ماتكملي حطي خليط من ملعقة خل تفاح + ملعقة جليسرين وخليهم ساعة وبعدين مرري ثلجة والله روعة نمو الشعر يعطل ويطلع خفيف وتبيض
واني نستعمل في ماكينة فيليبس الحق ماشية معايوانشالله انكون افدتك وانشوفو تجارب البنات بالك عندهم افكار ثانية [/QUOTE]


صحيتي سموحة عالتجربة اللي نقلتيهالنا واكيد حاتفيدني هلبة لكن اني نقول كان تحطي فيسودين خير.

مرحبا باحلي بنات ليبيا انا منظمة جديدة للمنتدي و نتمني انا نستمروا في هالمنتدي وانا مخطوبة بس اتصدقوا لعند توا خطيبي ماقاليش امتي موعد الفرح :ss:...قريب نطلع من عقل مش عقلي :confused: يحساب الفرح ساهل كل مانقوله امتي ايقولي اقريب ع العموم انشالله ربي ايسهلنا و ايسرنا فرحنا و يرزقنا الذرية الصالحة امييييييين يارب ..........
و تصدقوا يابنات لعند توا ما بديت نشري في حاجة لعرسي الا اشوية دبش حوش كتات بس و الكوجينه ما جيت شورها بكل ..........

يابنتات بنقوللكن حاجة حشمة اشوية بس الله غالب :oانا نستعمل في الطريقة التقليدية في ازالة الشعر من الاماكن الحساسة (( المية و السكر)) اكيد عرفتوها المهم انا نعش انحس في الالم زي المرة الاولي لان الجلدة ماتت كيف ما يقولوا المشكلة انه يطلعلي حب اصغير بعد فترة بسيطة حاجة ديمة 4 ايام هكي و يقعد اشوية حرش مفهمتش عليش و بنقوللكم ع الخل انتبهوا منه لاني انا سمعت انه ايسود الاماكن الحساسة من كترة الاستعمال..

نرجس الشرق;10254557:
يابنتات بنقوللكن حاجة حشمة اشوية بس الله غالب :oانا نستعمل في الطريقة التقليدية في ازالة الشعر من الاماكن الحساسة (( المية و السكر)) اكيد عرفتوها المهم انا نعش انحس في الالم زي المرة الاولي لان الجلدة ماتت كيف ما يقولوا المشكلة انه يطلعلي حب اصغير بعد فترة بسيطة حاجة ديمة 4 ايام هكي و يقعد اشوية حرش مفهمتش عليش و بنقوللكم ع الخل انتبهوا منه لاني انا سمعت انه ايسود الاماكن الحساسة من كترة الاستعمال..

أول حاجة نحب انرحب بيك في تجمعنا الحلو وان شاءالله نفيدوك واتفيدينا
وبالنسبة للحبوب فهيا اصلاً منطقة حساسة ياريت بعد ماتنحيها اتحطي كريم طبي اللي هو الفيسودين هاديكا البوماطة اللي عليها خط برتقالي ، وربي يوفقك .

اهلين عرايس
عندي سؤااال مستعجل .... للبنات اللي كانن معانا في الجزء الاول من التجمع .... هنودة قالت على محل مواد زينة في جنزور يبيع في ملح اليوكو اللي تتفكررر ياااريت تقولي بسررعة

خير عليكم يا عرايس

اشتقتلكن والله

انا بعا كنت كل يوم ندخل بس للجمعتنا ما حبيت ندخل الا ومعاي اسم الكوافيره للكاندي الحلوة اهو جبته ليك واخيراااااااااا الكوافير اسمها شاديه وتسكن في الفويهات بس ماعرفت نجيب رقم التلفون لانه ماتعرفه العروسه وانا بعون الله صممت اني امشيلها ,بس فيه امر اخر يا كاندي ياحلوة العروسه قالتلي فيه كوافيرة تانيه في بنغازي اعقتد انجليزيه بس ماتعرف اسمها وقالت عليها طلب واجد وهيا ماحصلت عندها قالتلي شوفيها بالك تعجبك اكثر .

انا بعد العيد ان شاء الله ماشيه بنغازي بندور عليها لانه اقاربي غادي في بنغازي ويعرفوا اكيد .

وبالنسبة لسؤالك انا مقرية فاتحتي نعم الحمد لله ورادعولي ربي يتمملي بخير ويحددولي العرس بسرعة.

بالنسبة لسؤال المنطقه الحساسه والحبوب اللي تظهر بعد التنظيف هدا امر طبيعي لانه مكان مرن واكيد يتأثر بسرعة بهل حاجات نصيحتي ابتعدوا على الخل صح لانه بيسود المكان الحساس واكثروا من رشش النشا فعاله بجد

عرايس ماتنسوا احنا بدينا في العدد التنازلي في رمضان وبدينا في العشر الاواخر من رمضان ماتنسوا قيام الليل والدعاء وختمة ولو مرة للقرآن

والدعاء للبعض في ظهر الغيب فهو يعطي الاجر

وكل عام وانتن بخير عرايسنا

عروس ليبيا ياحلوة
ياوخيتي سلمها ونجيها،ربي ايتممللك علي خير ويخليلك راجلك، بالنسبة لي شاديا لو تتفكري في وحدة من البنات اتكلمت عليها وردت عليها تقريباً كان ماخانتنيش آميرة الإنسان وقالت انها مش مليحة والحق اني حرت هكي وياريت لو تعرفي حتى مكانها قوليلي، وكل سنة وانتي بألف خير وربي يهنيك ويكمل عليك ويحددولك عرسك في 27 ، آمين يارب

اهلين بالعرايس الحلوات والسابقات والجدد اللهم بارك لهن جميعا ووفقهن في زواجهن ويسر لهن الامور آآآآآآآآآآمين يارب العالمين

تعرفو يابنات اني جري طبعا ال 27 قريب ومازلت انجهز في روحي طبعا اني هاداكا اليوم بناخد اجازة من العمل وبنفضى بروحي وتو بنقوللكم على البرنامج واعطوني رايكم
اول حاجة بنقدم شكلاطة فريرو طبعا ماعنديش معاها الروح الشكلاطة هادي وبعدين كنافة بالقشطة مع الشاي وبعدين العشي ويتكون من شعيريةبالمكسرات و ابوق محشية بالتن + فلفل محشي + اسكالوب دجاج وسلاطة خضار بالمايونيز وسلاطةمكرونةوبكلاوة ومعاه مشروب برافو امتع الحكةكان عندكم ملاحظات قولولي

ونلبس بنطلون لينو لونه قهوي المديل الواسع ومعاه بلوزة تركواز فيها لمعة بسيطة وقصيرة ربع كم ورقبتها واسعة شوية يعني الامكانيات تبان شوية فاهميني طبعا :wink: وبندير بودرة خفيفة وقلوس لماع بسيط وريحة خفيفة ونستشور شعراتي وبنقيمهم بتوكة قهوية فيها لمعة وبنلبس شبشب قهوي امتع سيور وساعة دهبية وخريصات وسليسلة صغيرونةواخديت لامي كفطان بسيط لونه احمر ماهو امي اتحب الاحمر فيه نقشة من الصدر بسيطة

حسكم خوفتوني من الخل انشاء الله غير مافاتش فيا الفوت:(

وينكم يابنات
آمورة موفقة حبيبتي ان شاءالله تمشي الأمور زي ماتبي وأحسن

[I]موفقين جميعا حبيبتي كاندي اجعل صيامك وقيامك ودعائك مقبول يارب [/I]


[I]بنات نبي نسأل على احسن نوعية في الاستشوار ؟؟؟؟؟؟؟؟؟؟[/I]