farm;10273935:
كل سنة وانتى طيبة يا قمر وديه بقى هديتى (g) بس اوعى تفتحيها دلوقتى استنى لما ابعد الاول وبعدين عدى 321 :21_176:ههههههه ربنا سعدك يارب
وعشان المخالفة حد يقولى بقى على حد جرب بوتجاز ايديال ولا لأ وتلاجة الاسكا ديه بكام حكم اختكم الحمد لله بتكح تراب يعنى لو جبت بابور بشرايط يبقى حلو اووووووووى
ابعدى عن ايديال فى البوتاجاز ياقمر
redflowerlovey;10273984:
انا عايزه اسأل هو لازم نجيب المشمع بتاع الدواليب ده اصل انا مش بحبه و لو لازم كان في بنات بتقول ان في بيبقى شفاف و بيتلزق ده اجيبه منين في اسكندرية و لو حد يعرف بكام و بيبقى رول برضو ولا ده قطع
مش لازم تحطيه ياقمر طالما مش حابة نظفى بس الخشب كويس وامسحيه بقماشة مبلولة اى زيت عطرى حتخلى ريحة الدلاوب حلوة
farm;10274123:
محدش يا بنات جرب وصفة حلوة كدة وطبيعية وجابت نتيجة غير الكريمات لتفتيح الابك والمناطق السمرا اصل انا قريت وصفة مش عارفة اجربها دلوقت ولا لأ ولا الواحد يستنى اعملها قبل الفرح كدة بشهر ولا الواحد يبدا من دلوقتى وهل اداوم على الوصفة ولا مجرد النتيجة ما تبان اتوقف بس اضمن منين ان السمار ميرجعش تانى وربنا يجازيكم خير
لا ابداى من دلوقتى لان الوصفات الطبييعى بتاخد وقت على ما نتيجتها ما تظهر
farm;10274170:
بصوا يا بنات عاوزة أسألكم لأ هو أنا عاوزة أخد رأيكم فى حاجة يعنى وكل واحدة بالله عليكم تقولى رأيها بصراحة متفكرش انه مش هيعجبنى بس قلولى ماشى !
صلوا على النبى . أولا المفروض كان هيبقى كتب كتابى تانى يوم العيد بس عمى توفى 10 رمضان فطبعا احنا هنسافر يوم الوقفة عشان نروح الروض يعنى المهم انه كتب الكتاب هيتأجل شوية وانا معزمتش حد فى خطوبتى لان خطيبى ملتحى وكدة وكانت عائلية وكنت ناوية اعزم على المسجد ( الاشهار يعنى ) الى هو تانى يوم العيد فبصراحة انا نفسى نكتب عشان انا لحد دلوقتى مش عارفة اتكلم معاه كدة ومحرجة برده ولا بيكلمنى فى التلفون ولما بيجى ماما وبابا بيأعدوا يتكملوا معاه وانا نفسى اتلكم معاه فى مواضيع بيتنا كدة وعفشنا وننزل كدة نتفرج ونشوف فأقول لبابا يخلى كتب الكتاب امتى وهل ينفع اعزم ولا عيب مش عارفة
ثانيا : والاهم معلش طولت عليكم المفروض ان خطيبى بأذن الله هيسلم شقتنا ان شاء الله فى شهر 12 وطبعا عبال ما نوضب فيها تاخدلها كمان 4 او 5 شهور يعنى ممكن نتزوج ع الصيف وممكن ميعاد التسليم يتأجل فترة كام شهر فأنتوا ايه رأيكم أذا مستلمهاش فى شهر 12 نأجر وخلاص ناس بتقولى اى حاجة ولموا نفسكم افضل وتبقوا تستلموها على مهلكم ولا انتوا رأيكم أننا نستنى الشقة بس أصلك لو أجرنا الشقة أولا مش هنركب فيها سيراميك عشان مش شقتنا ديه حاجة الحاجة التانية هضطر مش هعمل براقع للشقة عشان المقاسات هكتفى بالستاير مش عارفة محتارة ارسى على حل يا بنات ربنا يسعدكم شاركونى بأرائك مع ذكر الاسباب حتى اقتنع وانا مرتاحة
انا شايفة انك تستنى لما تجيبى شقة افضل ياقمر لان الايجار الجديد تكلفة وعلى الفاضى والعقد السنة دى غير السنة اللى بعدها الايجار حيكون اكتر
سويزااا;10274148:
لو سمحتوا يا بنات ماتعرفوش اجيب منين بطانية اسبانى حلوة وتبقى كام كيلو انا لسه مش عندى ولا بطانية وحجيب انشاء الله 2 دابل و1 مفرد حلو كدة ولا ايه؟؟ واجيب الكبيرة وزنها قد ايه وايه احسن نوع والاسعر ربنا يخليكوا انا من اسكندرية على فكرة
حتلاقى فى سوق سوريا وراء الزنقة وبالكليو وكل حاجة والاسعار فوق 400 جنيه
Muslma;10274769:
جزاكم الله خيرا البانات اللى ردوا على
انا الحمد لله نزلت جبت السجاد امبارح وحلو ماشاء الله وفيه تخفيضات بالنساجون لحد العيد على حسب كلام العامل اللى هناك
جبت مشايات وسجاد الاساسى بس جبته صغير
هو انا عندى طرقة طويلة ايه رايكم اجيب المشاية اللى هى بتتقص دى بطول الطرقة ولا الجاهزة اشيك لان طرقتى 7 متر
لا المشايات بتكون قص مش جاهزة لانك عايزة مساحة كبيرة وبتسرفل وتتتصبط وكله بس نصيحة هاتى الوان غامقة عشان تستحمل معاكى
amatalrahman237;10274853:
لو طقم فرداني جيبيه من كارفور او الفا ان شاء الله
في موضوع هنا كاتب افكار جميلة زي ميداليه شيك، محفظة جلد، كرافت حلوة، حافظة كروت وطبعا متنسيش حاجة رومانسية كدة زي الورد وكدة
انا في عيد ميلاد خطيبي جبتله برفان وقميص وكرافت وجبتله 3 وردات بعدد حروف اسمه :o
المنشية يا جميلة فيها حاجات حلوة بس للاسف معنديش معلومات عالاسعار والوزن عشان جايبة بتوعي من السعودية
هو طقم الاستعمال بيكون عبارة عن ايه وبيكون كام قطعة وانهي احسن فرداني ولا على بعضه؟؟
تعرفوا حد بتاع فضيات حلو في اسكندرية عشان عايزة اجيب ميدالية فضة لخطيبي ان شاء الله
فيه محل فى الديب مول رشدى الدور الارضى اسمه عبد المنعم وفيه كمان واحد تانى فى رشدى شارع ابو قير
دلوعه رعد;10275022:
البنات الي حتفصل فستان فرحها كتالوج بلاك اند وايت فساتين تحفه
لو تقدرى تعملى موضوع وتنزلى صور الكتالوج يبقى عملتى احلى واجب معانا
