Θ تجهيزات عرائس { مصر } لشهر رمضان 1430-2009 م " الجزء 139 " Θ

ميرسى ياقمر والله انا مش عارفه اودى جمايلك فين انتى منقذتى بجد هههههههههههههههه ربنا يكرمك

baata;10287059:

يا بنات حد يعرف ماكينه براون كروزر 3 بتاعت الرجاله بكام اصل ان خطيبي نفسه يجيبها فقلت اجيبهاله انا في عيد ميلاده في شهر واحد فعايزه اعرف سعرها عشان ارتب نفسي ممكن حد يساعدني يا قمرات

انا كنت جايباه لجوزي بردو قبل الجواز بس مش عمليه اوي على فكرة الموس و الجيل اسهل كانت واقفة في حدود 23 دينار كويتي الدينار بيساوي20 جنيه احسبي بأه يا قمر انا بتاعتي كان لونها احمر وممكن تحلق و تشذب و تعمل سكسوكة و كده

miko85;10288541:
سكن الراهبات مش بيسكن غير مسيحين وبس...حاولي تشوفلها سكن فيصل او الهرم بس بردو نادرا,,,انا اعرف ساكنات في اكتوبر ودي نظيفه ممكن اقولك عليه

في ناس مسلمين نعرفهم و ابنهم ساكن في السكن ده بس في اسكندرية طيب حد يعرف اماكن سكن قريبة في بين السرايات بحيث انها متحتجش تركب أصلا و تروحها مشي

بنات الاقتباس المتعدد مش عارفة ماله مش شغال ليه هيا بتكون طريقته ازاي اصلا

اشري يا حبيبتي انا للأسف معنديش كمبيوتر في بيت الزوجية لسه و الله لو رحت عند ماما هصورلك المكواة و هحطلك صورتها من عنيا حاضر

الأمورة اللي بتسأل على بدي بتر الشيكولاتة خدي بالك ده مش بيتاكل ده بس بيدي نعومة جامدة و ريحة للجسم حسب الريحة بتاعته يا قمراية

الحب هو الحياة;10286106:
التوكيل بتاعها سواء كان ليها ضمان او لا

اهلا ياساسو منورة التجمع
ابداى فى مفروشات واللانجيرى عشان تخفى من عليكى حبة

بلاستيكات المطبخ::

2 مصفه بلاستك بحجمين وجيبي واحده ضيقه عشان الرز

اطباق بلاستك لغسيل الفاكهه والخضار باحجام مختلفة

طبق استليس او بلاستك غويط للعجن

2 صنية تقديم بلاستيك( الميلامين) للبيت وصنيه عشا كبيرة

شفشق بلاستيك

وشيالة البصل والتوم

مطبقية فوق الحوض

باسكت للمطبخ

أدوات الحمام::

سبت الغسيل

جردل

اطباق بلاستيك للحمام

غطاء الغسالة

فرشة تنظيف التواليت بالقاعدة بتاعتها

باسكت للحمام

ادوات النظافة::

مساحه

مكنسه خشنه وناعمة(مقشه)

شرشوبه +الجردل بتاعها

وفرشه

وجروف

وفرشه بجاروف

زعافة للسقف

دى قائمة كانت كتكوتة منزلها ايام لما كانت بتجهز

3 طبق صغير لغسيل الحاجه بلاستيك

مقشه

جاروف

باسكت زباله
باسكيت للهدوم الى عاوزة تتغسل
حبل غسيل
سلاكه حوض
طبق بالمساحه
فرشه تواليت
فرشه بلاط و سجاد
مساحه عاديه
ممسحه كاوتش
مشابك
رشاش مايه
حماله لحاجات الحمام
طبق لنشر الغسيل
طبق للمشابك
3 مصافى مقاسات مختلفه او طبقين او حتى واحد

مقشة - ممسحة قطن والجردل بتاعها - مساحة كاوتش - فرشة وجاروف - فرشة وجاروف تانيين صغيرين للشيش والحاجات الضيقة - زعافة - ريشة - سلاكة بلاعة - فرشة صغيرة للأطباق - فرشة تواليت - فرشة بشعر طويل للكمبيوتر والأجهزة الدقيقة - طبق كبير مربع للغسيل - طبق مدور وسط لغسيل اي حاجة او يعني له بردو استخدامات كتيرة - طبقين واحد كبير وواحد صغير مخرمين كده مدورين بس علي شكل وردة لغسيل الخضار والفاكهة ومنهم مصفاة بردو للمية - طبق للعيش اللي عامل زي السبت ده بس كل الحاجات بلاستيك لغاية دلوقتي - سرفيس كبير مدور ومتقسم جوا كذا قطعة مش فاكرة كام 5 باين او 6 وله غطاء شفاف ده هخليه مثلا للتسالي اللب والسوداني وكده - واطباق للأكل بلاستيك شفاف كده حلوة اوي وبتنفع للمايكرويف كمان عندنا هنا وجبت زيها المسطح والغويط وسلاطين كبيرة وصغيرة واطباق صغيرة - بخاخة فاضية - علب بلاستيك للتلاجة شوفي العدد والحجم حسب استخدامك - سرفيسات بلاستيك بردو للاستخدام في المطبخ - باسكيت للزبالة كبير ولو هتحتاجي للأوض باسكتات صغيرة - مشابك بلاستيك وخشب - حبل غسيل - معالق بلاستيك كده بيجوا طقم مع بعض للمعيار - وبردو معلقة كبيرة شوية بتبقي عاملة زي الجاروف الصغير كده عشان تشيلي بيها مثلا مسحوق الغسيل او الدقيق كده - وكوب للمعيار شفاف كبير، بتاعي جبته في فتحة من النص عشان ينفع تعجني فيه كمان بالمضرب الكهربائي وتضيفي حاجات من فوق من غير ما تحتاجي تشيلي الغطاء خالص - عصارة برتقال يدوية

اللى حاجيب الاجهزة يجيب المكواة ولو عايزة تجيبى التزابيزة انتى هاتيها

لا زودى اللانجيرى كده قليل خليهم 20

محفظة وبرفام

البطاطين هاتى 2
اطقم السرير العدد 12 هاتى دلوقتى 4 متلا دلوقتى ولولسه جوزك حياخد وقت يبقى كمان فترة تانية هاتى 4 كمانلحد ما يخلصوا كلهم وهاتى الكورفتات لكن الداربيه او مفرش السرير قبل الفرح عشان لازم يكون احدث موديل وكمان ماشى مع لون اوضة النوم والستاير

فى محطة الرمل الشارع اللى جنب كينسة الاقباط كله بتوع شنط واحذية جلد طبيعى وحتلاقى محافظ جلد طبيعى المحلات زى بركات ودبور يارب تكونى عرفتى الوصفة

دى افكار للهدية وكل سنة وانتىو هو طبيبن
محفظة حزام ساعة برفام مصحف طقم رزاير قميص كرافته وطبعا لو قدرتى تجيبى تورتة يبقى حلو اوى وكارت مكتوب فيه كلام حلوة من الحتة الشمال :wink:

شكرا يا قمر على الرد بس ايه حمالة حاجات الحمام دي

redflowerlovey;10292641:
شكرا يا قمر على الرد بس ايه حمالة حاجات الحمام دي

العفو ياقمر
الاستاند اللى بيتحط عليها الشاور جل والشامبوهات بتتعلق فى الحيطة فوق الباينو
hummerlaros ميرسى لذوقك بس بجد بقولك لماتحبى تشكرى حد حطى اجابة سوال او تحطى استفسار عشان متكونش مشاركة ليكى مخالفة

dr_hienar;10289495:
بنات انا عايزة اسألكم كام سؤال

اولا: انا جبت بدى باتر بالشيكولاتة ده حلو ولا مالوش لازمة(البنات المتجوزين همة اللى هيفيدونى)

ثانيا :أجيب كام برفان؟وهى ايفوريا بكام اللى كنتوا بتتكلموا عنها انهى شكل لان لها شكلين وهى احسن ولا فالنتينو؟

ثالثا:اجيب كام بدى كريم؟

رابعا:هو انا لازم البس ابيض اول يوم؟

خامسا :فرد جست فور مى بيستشوروا الشعر بعد مايعملوه ولا بنعمل ايه بالظبط ولو عايزة اصبغ يبقى بعدها بكام يوم؟



سادسا:هو تيوليب ده بيبيع ايه؟



يارب اللى يردوا عليا ينولو خير ليلة القدر وربنا يكتبهم من العتقاء ويكرمهم فى حياتهم ومع ازواجهم ويرزقهم الذرية الصالحة المعافاة بلا تأخير يارب

البادى بيتر بيدى نعومه للسجم اوى
وريحته هتكون شيكولاه
حلو كتغير وينو لوك

البرفيم حسب منتى متعوده بس مش قليل متقليش عن 5 او سته
ولو انتى منتعوده تستهلكى برفيم كتري زودى طبعا
واهم حاجه نوعى بين التقيل والخفيف

البدى كريم واللشون حسب استخدامك برضوا
لو انتى من وانتى بنت متنعوده تسخدميه كترى
مش متعوده يبقى متكتريش
وياريت ياقمر تظطبى برفيم او اتتنين يكون معاهم البادى كريم نفس الريحه

لبس اول يوم لا طبعا شم لازم ابيض
حسب الراحه
واللى يليق عليكى
البسى اشيك حاجه جبيها واكتر لون بيليق عليكى


خامسا مش عارفاها بقى

mashimaro16;10291964:





[SIZE=4][COLOR=deepskyblue]انا لسه جايه من هناااااااااك بجد محدش يروح لا بكره ولا فى العيد بجد زحمه ومقرف اوىى سيتى زفت ستارز ده
ولا مش عامل عروض عامل انك لما تشترى فيه هدايا باين حاجه
[SIZE=4][COLOR=#00bf

هوا فرع عبد الصمد القرشي ده فين في سيتي ستارز يا بنات

ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

لينك الموضوع الجديد وكل سنة وانتوا طبيبن

sweetylolla85;10291908:

(y)(y)(y)(y)(y)(y)(y)(y)

رشروش انا جايبه معظم حاجتي من ماركاتو وطقم التوابل ده بالاستاند كنت شارياه ب130 تقريبا من شهر 5 اللي فات والاستاند كانت ب20 بس انا جبت اللي فيه ورده روز رقيقه اوي اوي مش اللي منتشر ابو ورده حمرا فهماني؟؟؟؟؟؟؟؟؟

mashimaro16;10291964:



رشروش
بصى مركاتو ممكن يكون غالى شويه بس انضففففففف مليون مره من اى مكان تانى ولا تقوليلى حمام التلات ولا حمام الاربع
انا برده جبت منه حاجات كتيره اوى فى جهازى وبتخلصى بسرعه وبتلمى حاجتك وتخلصى وفرق السعر يعنى مش الى يخليكى تلفى بره

الحب هو الحياة;10293509:
ღ ღ°•.••تجهيزات عرائس { مصر } لشهر شوال 1430-2009 م " الجزء 140 "ღ ღ°•.••

لينك الموضوع الجديد وكل سنة وانتوا طبيبن

كل سنة و انتم طيبين يا احلي عرايس في مصر

يارب كلكم تكونوا بخير

ياتري حتروحوا فين في العيد

ياريت تكتبوا اقتراحاتكم عن مكان كويس و فسحة حلوة في العيد

يلا مستنية افكاركم الحلوة

يغلق