موندانة;10246406:
ازيكو يا بنانيت عملين ايه ، ممكن سؤال: حد جرب الغسالة اريستون وايه رأيكو فيها ؟!!..
حبيبة مادو : على فكرة رديت عليكي يا قمر خلي بالك ، وياترى أجرتي الفستان ولا لسه ، إن شاء الله تلاقي حاجة حلوة زيك كده .. وايه أخبارك انتي ومادو يارب تكونو اتصالحتو وربنا يبعد عنكو أي حاجة وحشة وعني وعن كل الناس ياااااارب ..
ياريت يا جماعة حد يقولي على مكان أجيب منه مفرش السرير يكون شيك ومش تقليدي وسعره معقول وربنا يكرم أي حد يرد واللي مش هيرد كمان ..
بصى ماردينى عندة مفارش حلوة اووووى وكان من شهر كدة تقريبا عامل خصومات على مفارش وكان منزل مفارش ب225 ج و250 ج و275 ج و350 ج وكانت بجد حاجات تحفة جدا انا جبت منة واحد الحمد للة
jodha;10247524:
ازيكم يا احلي عرايس انا لسة عضوة جديدة هنا بالله عليكم تجوبونى دلوقتى انا جايبة طقم حلل نوفال 8 حلل وطقم حلل الومنيوم مودرن 8 برضه كده كفاية ولا ايه وبالنسبة لاطقم التوزيع اجيب اد ه
بالنسبة للحلل اعتقد كفاية بس انا جبت كمان الحلل الصاج واطقم التوزيع هاتىالاستالس دة اساسى وهاتى المعالق الخشب وبس
قصة كبيرة;10247827:
بوتاجاز يونيفرسال لا وحش قوى ولا حاجة انا عندى وما شاء الله شغال زى الفل .
وعندى التلاجة الكريازى برضه ما شاء الله جميلة.
وحاجات الاريستون ممتازة طبعا مفيش جدال على كده سواء غسالة او بوتاجاز او سخان كهربا ... احنا مجربين السخان بتاعها القديم والجديد
والغسالة الاوتوماتيك عندى الوايت بوينت ال500 لفة الايطالى 5 كيلو ما شاء الله جميلة
وخلى بالك ان ال800 لفة تركى مش ايطالى. وانك مش محتاجة ال7 كيلو عشان ماتضطريش تحوشى غسيل كتير.
(y)(y)(y)(y)(y)(y)
انا كمان جبت الوايت بوينت ال500 لفة طب يا ترى هيا بتنضف كويس ولا اية؟؟
sweetyronaaa;10248198:
اشري ممكن توريلي الحامل بتاع المعالق ده
المناديل اه هتلاقيها في السوبر ماركتس الكبيره عادي
و بالنسبه للصبغه انا كمان راي من رايك لان كمان غسيل الشعر في الفتره الاولانيه من الجواز بيهلك الشعر من غير حاجه فمش ناقص كمان صبغه يبقي كده هيضيع:D
هيبقي حلو يا اشري اتكلي علي الله و اعمليه
او كمان ممكن تعمليه كحلي في فضي
معلش يا سويتى دة الحامل دة شلتة من زمااان اوى ولااعرف مكانة دلوقتى سورى بجد بس انا لو روحت المحل قريبا هصورهولك وهفرجك ان شا ء الله
وميرسى بجد على ردك انا بردو كنت بفكر فى الكحلى فى فضى بس خايفة الكحلى يفمق ويضيق المطبخ
semsema005;10248234:
البقاء لله ياحبيبتي ويجعل مثواه الجنه . مدام مفيش مشكله عند اي حد في الميعاد ماتاجليش
أنا مخنوقه اوي يابنات ونفسي اكلم معاكم مش عارفه مالي اليومين دول . أنا النهارده ابقي تم علي دخولي القفص الذهبي شهر بالتمام والكمال ودماغي اليومين دول وجعاني من كتر التفكير في كل حاجه حصلت بسرعه .في تحديد ميعاد الفرح اللي عرفته قبليها بشهر بالظبط وكنت لسه مجبتش حاجات كتير وعملت كل حاجه بسرعه اوووووووووي ومعرفتش اختار فستان الفرح اللي كنت طول عمري بحلم بيه ومعرفتش ساعتها الف كويس وملفتش غير علي 3 محلات بس مع اني شوفت حاجات حلوه اوي وكانت هي اللي في دماغي الا ان سبحان الله وقت ماجيت اختار كان حاجه تانيه خالص غير اللي في دماغي . ونفس الحوار ده في كل حاجه مفيش اي حاجه طلعت زي مانا عايزه بسبب الوقت الضيق ده وللاسف ده كان قرار ماما كانت عايزه الفرح قبل رمضان وانا كنت عايزاه بعديه عشان ابقي براحتي والنتيجه اني طلع شكلي يوم الفرح تعبان جداااااااا وكل الناس لاحظت ده وظهر جدا في شريط الفرح وطلع شكلي مش حاباه خالص :(
بس برجع واقول قدر الله وماشاء فعل وان ده نصيبي بس هي بتبقي مره واحده في العمر
الحمد لله علي كل شئ
بس نصيحه بجد لازم تخلصوا حاجاتكوا بدري وتبقي فيه فرصه قبل الفرح كويسه تعرفي تفكري في كل حاجه براحه وترتبي لكل حاجه عشان تطلع زي مانتي عايزه
سامحوني ان كنت طولت عليكم وربنا يارب يدي كل واحده اللي هي عايزاه وتبقوا احلي عرايس
اخص عليكى يا سمسة واللللللله الشيطان هو الى بيوسولك بالافكار دى بجد استعيذى بالله مع انة اصلا مفيش شياطين فى رمضااااان :D:D
يا بنتى دة انتى كنتى(y) قمر (y)فى فرحك بجد بجد والله مش بجامل كلك على بعضك ميكب وفستان وطرحة وكلة ربنا يااااااااارب يحرسك بطلى الافكار دى وبطلى تواضع وانتى لو مكنتيش عارفة انك كنتى زى القمر :wink:مكنتيش هتنزلى صورتك يا هانم