يابنات مصر ممكن تدخلوا لحظه مش هتندموا ابداااااااااااااااا (فرح اسلامي)

kitty_kity;10269112:
بطه
موضوعك جمييييييييل جدا ماشاء الله
انا هتابعكم من دلوقت عشان استفيد معلومات وان شاء الله ربنا يسهل اما اجي اعمل الفرح ناوية اعمله اسلامي باذن الله
وناوية بدال ماعمل بوفيه او كدا نعمل وليمة...يعني ندبح اي حاجه او كدا...بس احنا نظامنا ان بنجيب ناس تعمله وكدا وبيكون معاهم ادواتهم وستاف يعملوا سيرفيس للاكل وكدا...
ويقدموه للناس وكدا
لان وليمة العرس سنة :)
والرسول صلى الله عليه وسلم قال: أولم ولو بشاة

أم البراء;10262226:
طيب يا بطوطة ما هو كده يبقى معملناش حاجة

كده هيبقى في اختلاط برضه ودا إحنا مش عايزينه أساسا عشان فرحنا يبقى إسلامي صح

أنا بصراحة كتبت الكتاب في البيت والمأذون جه البيت وبعدين عملت الإشهار في المسجد والشيخ قال خطبة وخلاص

دي فكرة ممكن تعمليها إنك تعقدي عند المأذون أو هو يجي البيت وبعدين تعملي الإشهار بالمسجد والله بتبقى جميلة جدا


ولو عايزة مثلا تكوني حاطة مكياج بسيط لو مش منتقبة البسي نقاب وحطي تحته مكياج والبسي عباية حلوة كده في المسجد ولما تخرجي البسي النقاب بس بلاش سواريه بحس إنه مش مناسب للمسجد

أنا قال خطبة زواجي الشيخ مصطفى العدوي ربنا يحفظه وينفعنا بعلمه

وربنا ييسر لك يا جميل ونفرح بيكِ

دودو1;10262768:
بنات لو ممكن تجاوبونى على سؤالى

عايزة اعرف اسعار الشقق فى العاشر من رمضان كام

لو هشترى شقه او ايجار ومش لازم تبقى كبيرة يعنى

ياريت لو حد يفيدنى

أم البراء;10275466:
أولا ربنا ييسر لك أمرك في موضوع الشقة أنا حاسة بيكِ بتبقى حاجة قرف والله ومجرب

بصي هقولك أنا عملت إيه

أنا كتبت الكتاب في البيت عادي جه المأذون وشهود من قرايبي وكان عيلتي وعيلته بس وكان العقد على الورق

وبعد كده حددنا يوم نعمل الإشهار في المسجد زي ما قلت لك كنا مرتبطين بالشيخ مصطفى العدوي كنا عايزينه هو اللي يخطب خطبة العقد

النساء فوق في مكانهم والرجال تحت والشيخ بيقول خطبة حلوة كده عن الزواج وحقوق الزوج و الزوجة وبعد الخطبة يقول صيغة الزواج المعروفة يعني يخلي والدك يقول .. لزوجك زوجتك موكلتي ...... الخ

وطبعا كل ده بالميكروفون والناس كلها سامعة

وممكن تعزموا بقى أقاربكم وأصحابك وجيرانك وتوزعوا عصاير وشيكولاتة - أنا عملت كده - وهتفرحي إن شاء الله بجد

ولما ترجعي البيت تشغلي بقى أناشيد دي جي وتهيصي مع صاحباتك شوية

بتبقى ليها فرحة حلوة قوي يعني أرضيا ربنا ومفيش أي اختلاط ولا مخالفات إن شاء الله

بس خلي بالك بقى عشان ساعات قاريبنا الستات الكبار بيبقوا عايزين يفرحوا فممكن يزغرطوا فده مش ينفع في المسجد

وربنا يتمم لك على خير ويا جميل ونسمع عنك كل خير

أي سؤال أنا معاكي

فهدونه;10275860:
اللة أيوفقك في هذا الزمن الصعب:o

سحر الغموض;10362056:

بنوتات ..!!:87457:

أنا بجد طاااااااااااايرة من الفرح بيكم ..وبجد بجد فرحانة قوي إني لقيت صحبة صالحة زيكم ..
الحمد لله مكتوب كتابي وزفافي كمان شهر بإذن الله ..
وبإذن الله الفرح إسلامي..حجزت قاعة واحدة كبيرة وهنقسمها جزء للنساء والتاني للرجال ..وناوية أجيب فرقة أريج بإذن الله لإن واحدة قريبتي كانت شغالة معاهم ..
البنات فعلا قمرات و عروضهم فعلا متميزة جدا بإذن الله..أنا دلوقتي منتظرة التفاصيل بالكامل عشان أعرفها منهم أول ما توصلني بإذن الله ربنا يقدرني وأقولكم على كل التفاصيل والأسعار..
أنا مش من القاهرة ويارب يكون سهل بالنسبالهم إنهم ييجوا عندنا..
وربنا يوفقنا كلنا يارب وإدعولي يا بنوتات بالتيسير والتوفيق..
ومرسي قوي ليكي يا بطة وجزاكي الله كل الخير ويسر ليكي الأمر كله ورزقكي الله من حيث لا تحتسبي
صدقيني لازم بتبقى فترة فيها ضغط جامد وصعوبات وبعدين بالدعاء والإستغفار والإيمان بالله وعدم التمسك بالفرعيات ربنا بييسرها

ربنا يسمعني عنك كل الخير قريب بإذن الله حبيبتي:888345:

سحر الغموض;10367166:
جيبتلكم تفاصيل فرقة أريج يا بنوتات..

هم بياخدو دلوقتي 600 .
.
العرض الأساسي بتاعهم عبارة عن:
زفة للعريس والعروسة..
وبعدين زفة للعروسة لوحدها ..
وبعدين إستعراض أريج ..
و بعدين الإستعراض الهندي..
وآخر حاجة الدي جيه..
هم عندهم تشكيلة سيديهات تختاري منها وممكن تحددي معاهم الأناشيد اللي إنتي عاوزاها..

بعد كدا فيه إستعراضات ممكن تطلبيها زيادة:
الإستعراض الإسكندراني-
الإستعراض الخليجي - الإستعراض الصعيدي
الإستعراض الواحد ب 50 ولو طلبتي إستعراضين منهم ب 75

وممكن تطلبي تصوير فيديو بالمونتاج بتاعه ب 200 جنيه

طبعا لإني مش من القاهرة فمصاريف النقل بتاعتهم هتكلف 500 لوحدها

وهم 5 بنات وممكن يزيدو يبقو 6..

ولإنهم هيسافرو فحددوا معاد شغلهم من الساعة 7 : 10 مساءا

دي كل المعلومات اللي عرفتها عن شغل الفرقة و ربنا يكتبنا اللي فيه الخير..

سحر الغموض;10375087:

حبيبتي مسك الفرقة دي من القاهرة وآخر كلام وصلت بيه معاهم بالنسبة للأسعار هياخدو 1250 بالمواصلات والفيديو ولو حبيت أزود إستعراض هيبقى ب50 لو إستعراضين هيبقى ب 75 طبعا لو إنتي من القاهرة إخصمي من المبلغ دا 500 على طووووول..

وعموما الأيام دي فرصة حلوة للي ناوية تعمل حفلتها ..
لإن صاحبة الفرقة الرئيسية موجودة لإنها بتسافر برة مصر..

والرقم هبعتهولك على الخاص بإذن الله

سحر الغموض;10367359:

حبيبتي كيتي_كيتي ..!! قد إيه أنا سعيدة قوي إني قابلتك في الموضوع الجميل دا..!!

الحمد لله حجزت في نقابة المهندسين ..
اللي مابين شارع الأمين والمعتصم..
عندهم هناك قاعتين..

قاعة الباسنت
بتاخد من 100 :350 فرد....
الترابيزات فرش كامل - تجهيز كوشة العروسين - زفة بالمشاعل - شربات العروسين - تصوير فيديو 3 ساعات ومعاه سي دي - شاشة عرض - تكييف مركزي - 40 صورة فوتوغرافية ديجيتال للحفلة أو بوستر كبير في مدخل القاعة للعروسين - أسانسير - تورتة الزفاف 3 دور مستديرة هدية
لعضو النقابة فقط..

العرض مقابل مبلغ 3700 للمهندسين - 4700 لغير المهندسين

قاعة الأوركيدا بنفس الخدمات عدا شاشة العرض - 40 صورة وهي أصغر طبعا من الباسنت

2600 للمهندسين - 2850 لغير المهندسين

المهم إنهم عاملين في العرض بتاعهم إمكانية عمل فرح إسلامي وذلك بإستخدام قاعتين منفصلتين - أو إستخدام قاعة واحدة تفصل لجزئين مع مراعاة الدي جيه الإسلامي وتخصيص أفراد خدمة بنات للسيدات لتصوير الفيديو وتشغيل ال دي جيه والتصوير الفوتوغرافي وتقديم البوفيه..

والوجبات بتبدأ من 10 جنيه : 35 جنيه وممكن طبعا تزودي حسب الطلب

على فكرة أنا حضرت من سنتين تقريبا فرح إسلامي هناك وكانت القاعة الكبيرة للسيدات والتانية للرجال بس بصراحة كانت حفلة جميلة قوي رغم إنها كانت معتمدة على الدي جيه بس

وأي حاجة تعوزيها أنا في الخدمة يا حبوبتي

كنت حابة أسألك هتعملي عند كوافير مين هنا لإني لسة محتارة في حد كويس أنا مش شايفة قدامي غير ندى المصري اللي شغله كويس.. النهاردة كنت عنده مطلع عروسة رقيقة قوي ماشاء الله ..
بس بصراحة أنا مش برتاح في الجو عندهم خالص ..
ما تعرفين حد يكون أحسن وما تقوليليش صلاح السعدني لأنه بجد شغله سيئ جدا..
ومرسي ليكي جدا

mesk_2005;10375261:
جزاكي الله كل خير حبيبتى بس لو انتى ممكن تروحي تجيبيهم هتخصمي برضه ال 500 ولا اقل من كده
ومعلش يابنات لو حد يعرف كمان فرق موجوده جوه اسكندريه يقولى