ريلج يبي بيبيات و انتي ما تبين تحملين ، شنو الحل ؟؟

والله موضووووووعك مرررررة هلو وبالغ الاهمية
انا اتوقع اغلب الازواج مو كلهم <<<<لحد ينط علي
يحبون الحمل ورا بعض<<<لانة لاببطنة ولا بظهرة خخخخ
ولو الزوجة ماتعارضكان تلقينها ياحامل ياترضع يابالاربعين <<<مافي راحة خخخخ
انا الهاز بند تبعي لو على كيفة ودة
بس انا واقفة لة مثل العظم بالبلعوم مع انة يتبهههذل معاي بالوحام لكن لاحياة لمن تنادي
واذا فية الحاح على الوحدة اكيييييد لازم تستسلم

^

اي والله على قولتج ,, لو منهم جان خلو حريمهم يحملون ورا بعض و لا عليه
و لي قلتي تعب قالج ( كل الحريم حملوا لا انتي اول و لا آخر وحده ) !

* امنيه حياتي ان الرياييل يجربون تعب الحمل و نص الم الولادة ، والله لو يجربونها ما راح يفكرون بالحمل هههههههه

هذا أول حمل لي بس أتوقع إني لو انحطيت بهالموقف بستخير والخيره فيما إختاره الله لآن الحمل صراحه تعببببببببببببببببب

والله المسالة صعبة
بس لازم يفهمون من الناحية الطبية مو زين لا للزوجة ولا للجنين
الام لازم تنتظر سنتين حتى تسد النقص اللي صار في جسمها وخاصة الكالسيوم
لو حملت اطفالها وراء بعض راح يكون عندهم ضعف
وكذلك بالام وممكن تلاحظ بعد سنتين او ثلاث ظهور مشاكل في اسنانها
لازم الزوج يراعي هالموقف
هي زوجة مو معمل خخخخ:tongue:

الحمد لله انا زوجي يعرف القوانين :Dاقلها سنتين ونص

توني آنآ آول حمل لي بآقي قليل وآولد يآرب بآلسلآمه
يقولي بو آلشبآب وشرآيك نضل كم شهر ونجيب
آقوووووووووله لآ تفكررررررررر كللللللللللللش لآنه تعب والله حيييييييل الحمل ..

"Lovely LoLo";9832246:
والله المسالة صعبة
بس لازم يفهمون من الناحية الطبية مو زين لا للزوجة ولا للجنين
الام لازم تنتظر سنتين حتى تسد النقص اللي صار في جسمها وخاصة الكالسيوم
لو حملت اطفالها وراء بعض راح يكون عندهم ضعف
وكذلك بالام وممكن تلاحظ بعد سنتين او ثلاث ظهور مشاكل في اسنانها
لازم الزوج يراعي هالموقف
هي زوجة مو معمل خخخخ:tongue:

الحمد لله انا زوجي يعرف القوانين :Dاقلها سنتين ونص

صح كلامج الجسم يحتاج راحه والطفل من حقه الرضاعه سنتين

فكيف الوحده بتحمل وبتربي وترضع واحد ثاني يعني هاي الحرمه يحليلها عالأربيعن خلاص منتهيه :ss:

صحتها راحت غير عن التعب النفسي

زوجي كان جي بس هون عن هالفكرة يوم شاف شصار لي فحمل الثاني
كنت ارجع دم ... وكله طايحة ونزفت فالشهور الاولى وجاني الالام الولادة وانا فالثامن
واضطريت ارقد عالفراش شهر كامل


ههههههههه من يومها قالي مانبي يهال ورى بعض

"Lovely LoLo";9832246:
والله المسالة صعبة
بس لازم يفهمون من الناحية الطبية مو زين لا للزوجة ولا للجنين
الام لازم تنتظر سنتين حتى تسد النقص اللي صار في جسمها وخاصة الكالسيوم
لو حملت اطفالها وراء بعض راح يكون عندهم ضعف
وكذلك بالام وممكن تلاحظ بعد سنتين او ثلاث ظهور مشاكل في اسنانها
لازم الزوج يراعي هالموقف
هي زوجة مو معمل خخخخ:tongue:

الحمد لله انا زوجي يعرف القوانين :Dاقلها سنتين ونص

اي والله الكالسيوم على قولتج ، و البهدله بعد الحمل ,, يعني لازم ترميم كاامل للجسم ،

و الحمدلله ان ريلج متفهم الوضع

بسمة أطفالي;9832394:

لو الطفل اصغر واحد معتمد على نفسه!

وفيه مكان مناسب للطفل القادم

والزوج مقدر وضع الزوجة الحامل في كل شي

ومافيه ضرر على الزوجة انها تحمل بالثاني

ليش لا:tongue:

طبعا اذا كان الزوجين متفقين مو مشكله ,

لكن اذا الزوج يبي و انتي ما تبين ، مو حلوه تحملين بدون رغبه ماراح تحسين بطعم الحمل و البيبي اللي ببطنج

ريمو الدلوعه;9832586:
توني آنآ آول حمل لي بآقي قليل وآولد يآرب بآلسلآمه
يقولي بو آلشبآب وشرآيك نضل كم شهر ونجيب
آقوووووووووله لآ تفكررررررررر كللللللللللللش لآنه تعب والله حيييييييل الحمل ..

طبعاً ,, اهم يمكن يحسون بالتعب شوي ، لكن مستحيل يحسوون باللي يصير لج
سواء كنتي ساكته ما تقولين او كنتي تشتكين !

الله يعينج و يعيننا جميعا

...( هنوده )...;9832621:
صح كلامج الجسم يحتاج راحه والطفل من حقه الرضاعه سنتين

فكيف الوحده بتحمل وبتربي وترضع واحد ثاني يعني هاي الحرمه يحليلها عالأربيعن خلاص منتهيه :ss:

صحتها راحت غير عن التعب النفسي

بالضبط !

تعب جسدي و نفسي ، - لو الرياييل جربوه مرا ماراح يعيدونها خخخ

دفء الجليد;9832639:
زوجي كان جي بس هون عن هالفكرة يوم شاف شصار لي فحمل الثاني
كنت ارجع دم ... وكله طايحة ونزفت فالشهور الاولى وجاني الالام الولادة وانا فالثامن
واضطريت ارقد عالفراش شهر كامل


ههههههههه من يومها قالي مانبي يهال ورى بعض

اييي هذا هو ما يحسون بالشي ، الا لمن يصير شي اكبر منه !

والله هو يفرق من حرمه لحرمه

انا مثلا زوجي يبيني احمل ورا بعض ،، لما حملت الحين فرحت ،، بس اكيد بعد هالبيبي بسوي المستحيل اني اأخر الحمل قد ماقدر حوالي 5 سنين

طبعا زوجي رافض ،، بس اكيد بقنعه يعني تاركه الموضوع لين بعدين ،، لانه لازم يفهم الوضع وان افضل لنا كلنا

لي وله ولبنتي وللبيبي الجديد

الرياييل لو يحسون بربع اللي نحس به جان سكتوا وماقالوا شي....
بس شو أقول... "وأفوض أمري إلى الله"......
:)

+سديم+;9950907:
والله هو يفرق من حرمه لحرمه

انا مثلا زوجي يبيني احمل ورا بعض ،، لما حملت الحين فرحت ،، بس اكيد بعد هالبيبي بسوي المستحيل اني اأخر الحمل قد ماقدر حوالي 5 سنين

طبعا زوجي رافض ،، بس اكيد بقنعه يعني تاركه الموضوع لين بعدين ،، لانه لازم يفهم الوضع وان افضل لنا كلنا

لي وله ولبنتي وللبيبي الجديد

اي هذي المشكله الرياييل يبون ورا بعض ,, و لا يفكرون بحقج و الاهتمام بنفسج

ماشالله سديم انتي حملتي عقب النفاس مباشرة ؟؟ .. الله يتمم عليج

Dubai123;9951023:
الرياييل لو يحسون بربع اللي نحس به جان سكتوا وماقالوا شي....
بس شو أقول... "وأفوض أمري إلى الله"......
:)

صح لسانج والله

موضوع حلو والله شنو نسوي حتى انا تكلمت مع ريلي بعد الاربعين

ورافض يقول خليه على الله وانا ما ابغي احمل اقله سنه ونصف

صحيح اني ما حملت لا بعد 12سنه بس الحمل تعب والولاده وكفيه الخراب اللي يصير في
الجسم للي عنده حل تقول لنا

الحمدلله انا ريلي العكس مايحب العيال وره بعض ويحب يدلل الياهل
وعيالي بين الاول والثاني 5 سنين والثاني والثالث 6 سنين اهم صحيح وايد بس على مااغل الحبوب
يصير عندي ماانعط طبيعي وعلى مااحمل يصير هالفرق يعني انا اخذ الحبوب ماكسمم 4سنين

بس سبحان الله على كثر مانا حريصه هالمره صار حمل لمه ولدي كمل 10 شهور وكانت صدمه لي
بس الحمدلله راضيه وعسى الله يتمم على خير يارب

بس ان شاء الله من اولد على طول بسكر الباب لاني صج تعبانه