ريلج يبي بيبيات و انتي ما تبين تحملين ، شنو الحل ؟؟

ماشالله .. حلو ان في ناس متفهمه يعني ,, مو تفكر بنفسها بس

انا رفيجتي تاخذ ابر منع الحمل ..

كل ثلاث شهور تاخذ ابره ..

وريلها عباله من الله ...

يابت بيبي وعقب استخدمت الابر بعد 4 سنين هدت الابر وحملت .. والحين رجعت للابر ..

وريلها ما يدري ..

انا زوجي من النوع اللي ما يحب الجهال والازعاج
واحد عندة كافي خخخخخ
بس انا اللي اتحكم في هالموضوع وهو عادي
تاركني على راحتي..وانا بعد ما احب الجهال وراء بعض ولا احب كثرة العايلة
3 عندي نعمة واشكر الله عليها..
عندي بنوته وحدة ومو مفكرة بالموضوع حاليا..

،،، انا هذا اول حمل لي ومن كثري ما ريلي شافني تعبانه ونفسيتي دمرانه قالي:
هذا البيبي الاول والاخير وما عاد نبى يهال!!!
خصوصا انه ما يحب الازعاج ويحب اننا نطلع انا وياها ونروح ونرد بحريه فمش متخيل الوضع، والحين كلما يخطط لشي اقوله ما ينفع ما ينفع فحس انه انهمل بسبب الياهل فقال مابى عيال بسنا واحد
وانا اكررره شي عندي الحمل ولا كنت اعرف انه كذيه صعععععب ، ويوم اشوف الولاده احس بأأأرف ،، لكن انا احس انه لازم ايكون عندنا يهال ، ابى ثلاثه بس هو يفولي تعععب، بس انا اقول حرام كل عيال عمه عندهم 4 و5 وهو بس واحد
انتن شرايكن يا بنات؟

الحمد لله انا اعتقد طفل واحد كافي وهذا رايي الشخصي
وهويختلف من ام لأم ثانية في ناس تحب تجيب وراء بعض بس يا ريت هي اللي تربيهم الا تاركيهم على الخدم ولا يعرفون عنهم شي
انا احب اكون انا الا اربي اعيالي مو اتركهم عند احد
وانا وزوجي متفقين على واحد بس اذا الله كتب بنا واحد ثاني الحمد لله

بجد موضوع مهم ..

أنا ولدي عمره سنتين ونص ..وشايلة من بالي الحمل اللحين ..احس ولدي بعده صغير ..وأنا ودي أرتاح شوي ..خصوصا ً اني حملت من زواجي على طووول ..

وزوجي هالايام يقول ولدنا كبر والمفروض نجيب له أخ أو أخت ..هو متفاهم معاي وما يجبرني على شي ما ابيه ..لكن فنفس الوقت متمسك برايه ويحاول يقنعني ..يقول لي جيبي الثاني وبخليك براحتك لو 10 سنين ..

فكرت آرجع مرة ثانية للحبوب من وراه ..بس ما احب الثقة بيناتنا تروح لو عرف ..

تسلمي حبوبة ع الموضوع الحلووو ..ربي يوفقك ..

انا عن نفسي كل يوم ازن واحن اني ما ابي هالشي على الاقل سنتين متحججه لازم البيبي ياخذ حقه في الرضاعه ومرات ريلي يقتنع ومرات لا