أترككم مع قصتي

السلام عليكم ... بنات لما شفتكم كيف بتشاركو بعض بمشاكلكم وكيف الكل بهالمنتدى قلبهم على بعض قلت انتم الحل بالنسبة الي ... راح احكيلكم قصتي ... مش عارفة من وين ابدأ ... بس راح ابدأ من شخصيتي ... انا بنت شكلاً حلوة حلوة ( أو يمكن كنت ) الحمد لله ... شخصيتي حلوة هاد مو مني الحكي لكن كل من تعامل معي هاي نظرته لي ... انا من وانا طالبة جامعية وانا ما اسلم من مضايقات الشباب ... ومش بمدح بتفسي لكن كثير شباب حلمو بنظرة ولا كلمة ... واذا صار واضطريت احكي مع احد لسبب ما ما اشوف الا وهو يحكيلي انا معجب فيكي ... فكنت على طول انسحب من تعاملي معهم مهما كانت المصلحة ... حتى بعد ما تركت الحياة الجامعية ودخلت مجال العمل عانيت جدا لانه كل مكان كنت اشتغل فيه كنت اعاني من المعاكسات لدرجة اني كنت اترك المكان في اقل من 3 شهور ... يعني مرة اشتغلت بمركز دورات كمبيوتر وكان شغلي مديرة مكتب صاحب المركز وكان مجال شغلي لازم اختلط ... صرت كل يوم اشوف على المكتب ورد .. ويوم يجيني شاب ويقولي انا بدي اخطبك وووووو .... لحد ما تعبت من هالحكي ... فوق هذا كله ما كنت اخلص من الكلام ... خاصة من طرف البنات .... تجريح وووووو ..... وضليت على هالحال لحد ما تعينت بوزارة لتربية والتعليم واصبحت معلمة بمدرسة بنات يعني لا شباب ولا ما يحزنون ... وتعييني كان بمنطقة نائية بمنطقة عمري ما فكرت اني بيوم راح اسكنها ... طبعا نسيت احكيلكم اني وانا قبل ما اتعين كنت بنت احب اطلع عند صاحباتي نطلع انا وصحباتي لحالنا رحلة نروح المطاعم وطبعا بدون اي شباب يعني كنت مرفه نفسي على الاخر .... وحتى تعينت حتى بدأ الجزء الثاني من حياتي بالبداية رغم التعيين واني كنت كل يوم اروح للمكان النائي ادرس فيه لكن بعد ما اروح كنت امارس نشاطاتي المعتادة من روحات وجيات كنت مستمتعة جدا ... غير كنت اتلبس واتمكيج اخر موديل .... لما دوامت بالمدرسة أول شهر بدأوا أهالي المنطقة يجوا علي يريدون خطبتي وانا كنت ارفض والسبب الأولي واضح الا وهو المكان حتى التقيت بزوجي وهو ابن خالة صديقتي معلمة معنا ويسكن في نفس المكان (المنطقة النائية) لكني ولأول مرة أوقع بالحب وما أشوف ولا عيبة بهالانسان مهندس ما شاء الله عليه وسيم خلوق جذاب ... لكن يسكن بعيييييييييييييييييد عن حياتي .... خطبني اهلي رفضوا لكن اصريت واصروا الرفض للسبب نفسه واصريت عليه حتى وافقوا وهو مااااااااات لحتى يتزوجني وحاول حاول لحتى رضي ابوي ووافق وما صدق نفسه لانه بنظره كنت حلم حلم وصعب يوصله لكن الظاهر انه وصله وتزوجنا وكانت صدمة لكل عائلته ( من وين صادها .... كيف وفقت .... وعلى هيك تساؤلات) وعشنا حياة ما احلاها طبعا قبل ما نخطب حكيتله عني وعن الاشياء اللي بحبها وطبعي وهو ما اعترض ... ولكن باول شهرين زواج بدأت المشكل هي ما كانت مشاكل بمعنى الكلمة ولكن ابتدأ اختلاف البيئة يظهر والمؤثرات الخارجية تبدأ .... زوجي انسان غيوووووووووووووور جدا لدرجة اذا كنا ماشييين بالشارع وكان واحد جاي من بعيد يظل يطلع فيه حتى ما يفكر الرجل انه يطلع علي .... وياما كان راح يعمل مشاكل مع ناس لو لمحوني بنظرة .... المهم اتعودت على طبعه وعملت اللي بده اياه ... بطلت احط مكياج بره البيت ... لبست العباية ... حتى لدرجة انه منعني اروح السوق الا مع امي .... ممنوع اروح بيت صديقتي .... ممنوع ممنوع .... وافقت السبب اني أحبه ... احبه لدرجة الجنون .... حتى لما كنت ازعل منه واكون استنى فيه يجي عشان اناقشه وأبيناني زعلانة كان الزعل يروح اذا سمعت صوت سيارته تقف بكراج البيت ولما يدخل تلقائي البسمة تلاقيه وانسى الزعل واخاف ازعله .... وضليت هيك لحد ما جبت ابني وصارلي معه سنتين .... وانتهى بي المطاف بلبس النقاب ولا مكياج داخل مدرسة ولا خارجها ولا عند اهله لدرجة اني نسيت كيف احطه .... نسيت كيف البس حلو نسيت الفن كله .... لا طلعة ولا روحة ولا جية محبوسة بالبيت بس من المردسة للبيت ومن البيت للمدرسة هذه حياتي ... وصابتني حالة الاكتئاب اللي انا فيها ... تعرفوا حتى اعز صديقاتي بطلو يجوني لاني ما اروحلهم ... بالبداية كان هو يملي وقت فراغي يجلس معي يونسني نضحك مع بعض نتسلى بس الان ما في شي انا وحيدة حتى اهلي من الشهرين للشهرين لما اشوفهم زهقت ابكي ليل نهار وما ابينله حتى لو شافني يعصب ونتزاعل .... المشكلة اني بخاف عليه لانه معه سكري وبخاف يزعل بحياتي من سنتين ما زعلته وخليته زعلان اكثر من نص ساعة ... واكون انا احترق من جوا .... هو بطبعه عصبي ... قبل ما يتزوج كان عصبي على اخواته جدا وكان ما يحكي وهو معصب الا والكف يسبق كلامه لكن معي تغير عمره ما ضربني والحمد لله ولكن فاقداه معي نفسي بونيس تعرفوا انكم ونيسي الوحيد انا تعبانة جدا وزعلانة وحاسة اني مخنوقة مش عارفة شو اعمل حتى لما احكيله بدي اطلع يحكيلي وين نروح ما في مكان بسبب مكان السكن .... بحكيله خليني اروح عند صديقتي بيحكيلي البنت ما الها غير زوجها وبيتها لدرجة اني حكيتله طيب خليني اروح الصالون اغير بنفسي شوي يحكيلي انتي هيك احلى ما بدي تغيري شي ..... انخنقت انخنقت .....لدرجة هالايام حاسة اني ما احبه وما احب يلمسني لاني صرت احسه يتذكرني فقط عند النوم ... ومن الكآبة اللي انا فيها صرت كثير عصبية معه .... حتى حاسة انه هو مش طبيعي معي وانه ما بيحبني شو اعمل انا تعبانة جدا شو اعمل اشيرو علي