أترككم مع قصتي

المشكله الاساسيه انتي؟؟؟؟شخصيتك ملغاه باسم الحب ؟؟؟والصراحه هذا استعباد موش حب وانتي بيدك الحل بس احسك من الناس الي ماعندهم استعدادللتغيير؟؟؟لازم تنقذي نفسك وتوقفي وتقولي لالالا انتي انسانه وين حياتك؟؟مجردزوج اناني مستعبدك ويضحك عليك هاذا موحب ولاغيره هذا مرض لازم يتعالج منه خلى شخصيتك قويه وفهميه انك بتتركي البيت واذا مامشي الحال فياختي طفل واحد واكسبي حياتك بعيد عنه افضل من ضياع حياتك معه وبعدداطفال اكبر؟؟؟حياتك خياراتك انتي وقرارك انتي ؟اش تختاري حريه وسعاده وناس وانطلاق اوحبس انفرادي ؟؟؟الله يوفقك

حبيبتي ..... سكوتك هو السبب في الحال الي انتي فيه....... كان المفروض انك تصارحيه و ان اسلوبه معاك غلط ... تفاهمي معاه كلميه في جو هادي بعيد عن التعصيب و حاولي تزني و تكرري المحاولة مرة مرتين ثلاث حتى يقتنع

بصراحة اختي كلش زعلت عليج

صحيح الزوج المخلص اللي يحب زوجته مو موجود هالايام و النعمة اللي انتي فيها من زوج و طفل مو الكل عايشها

لكن بعد الحياة مو بس زوج وطفل و بيت يعني ساعة لبيتي وزوجي وابني و ساعة لربي و ساعة لنفسي انا نفسج الها حق عليج خاصتا انتي كنتي متعودة على حياااااة ثاانيه

انا ماابي احرضك على زوجك لكن انتي اختي قدمتي كثير تنازلات من البدايه و هذا اكبررر غلط حبيتيه و حبك على عيني و راسي وهذا شي حلو لكن كان المفروض من البداية تحطين شروطك و تفهمينه ان هذي حياتي و صعب اني اغيرها على الاقل كان وصلتوا لحل بالوسط يرضي الطرفين

الحين اللي صار صار لكن لازم تحطين الحين حد لحياتج و بدون مشاكل بشوي ذكاء كل شي يمشي تمام حاولي بطريقة رسائل كتبيله رساله باسسلوب حلو او قعدي معاه قعدة هادئه وقوليله اللي بقلبج

واختي اذا مامشى الحال لازم تدخلين احد من اهلج او ان تستحملين هالعيشه مني لاخر العمر ويارب الله يفرج همج و يسخر زوجك و يهديه يااااااارب

الله يشرح صدرك

السلام عليكم و رحمة الله و بركاته..

أختي اللي يسويه زوجج شيء مب غريب.. و لا غيره زايده.. و لا أنانيه.. و لا حبس انفرادي..

اللي يسويه.. هو عاده تعود عليها.. و تربى عليها من صغره..

و مب بالسهوله تتغير..



لي صديقه تعيش نفس الظروف في بيت أهلها.. لا موبايل.. لا انترنت.. و لا طلعات او زيارات..
و لا أعراس و و و


أختي تبغين تحلين مشكلتج..

1. اعرفي إن انتي تحبين زوجج مثل ما هو يحبج.. و إنج مثل ما إنتي حلم بالنسبه له..
هو بعد حلم بالنسبه لج.. لأنه كان من البدايه إنسان جاد و تقدملج..


2. دايما أكثري من قراءة القرآن و بالتحديد سورة الواقعه.. لانه تفرج الهموم و المصايب..


3. و هذا شيء جدا ضروري.. اعملي أنشطه مشتركه مع زوجج.. و ابنك..
(مثلا العبو تنس ريشه في حوش البيت - اشتري dvds و شوفيهم ويااه...الخ)
و قوليله مثلا هالمره انا اخترت السي دي.. المره اليايه دورك انت..الخ)


4. قاومي و بشده..
يعني انتي من البدايه استسلمتي.. و اهملتي نفسج.. لكن لاااا..
تعدلي فالبيت تعديل خفيف.. مثلا كحل و غلوووس.. و إذا سألج ليش و شو هذاااا..
قوليله هذا عشااانك..

و لا رحتي بيت أهله.. نفس الشي.. و ممكن تاخذين هدايا من فتره للثانيه لامه أو خواته..
لأنه الرجل يفرح بمقدرا حبج و تواصلج مع أهله..

و غيري ستايلج.. و لبسج.. و اتواصلي مع صديقاتج.. و حاولي تخلين زوجج يحتك بأزواجهم..

أهدي زوجج هديه (عزومه على مطعم).. أو (شيك مثلا شرائي من محل معين ب 500) و هذي اشياء تخليج تطلعين و تغيرين..



و شوي شوي.. إن شاء الله بيتغير..


و طبعا انتي ما بترجعين بالضبط لنفس الحياه القبليه.. لكن أنتي تبغين لمسات ترفيه و رااحه في حياتج هذي..

حلم العذارى;9821253:

أقدر شعورج ..,

إنتي محبوسة ومخنوقة , ومكتومة

بس إنتي إلي أخترتي مصيرج بيدج

الزواج ..,

ينبني على أسس عدة !..

وأولها إنج تختارين زوج مناسب لبيئتج , لشخصيتج , لثقافتج

بس إنتي ما حطيتي هلأشياء بلإعتبار!..

أنا ما بعاتبج الحين ..,

لأن إلي صار .. صار

*

مسآلة كونج لبستي العباية والنقاب , عادي!..

أمر مفروغ منه

بس كونج .. تكونين سجينة المنزل

لا روحة للصالون , لا زيارة لأهلج , لا زيارة لصديقاتج , لا روحة للأعراس .. إلخ

هذي بحد ذاتها مآآآآآآساة

و من حقج لو جا لج إكتئاب

*

إنتي لازم تعيشين الحياة سعيدة من كل النواحي

وبشكل يرضي زوجج في نفس الوقت

يعني شنو فيها لو رحتي زيارة لأهلج أسبوعياً ؟!..

أو حضرتي عرس لأحدى قريباتج أو صديقاتج ؟!..

شنو فيها لو زرتي صديقاتي بين فترة والثانية ؟!..

أو مثلاً .. رحتي الصالون مرة كل شهر , تجددين فيها نفسج و تنتعشين ؟!..

*

كل هلأشياء ما تندرج ضمن قائمة العيب أو الحرام

أشياء طبيعية يمارسها كل البشر

لا تحرمين نفسج منها

لأن مع الوقت بتكرهين الحياة , وبتكرهين زوجج , وبتكرهين نفسج بعد !..

*

تحبينه ؟!. ويحبج ؟!..

عليكم بآلف عافية , والله يديم هالحب

بس لكل شي حدوده

قعدي معاه وتكلمي معاه بصراحة و واقعية وبدون أي خجل أو حياء أو خوف

إنت زوجي , وحبيبي , وأحبك!..

بس إلي إنت قاعد تسويه فيني ظلم وما يرضيني أبد

أنا لبست العباية والنقاب , وأبد ما ضايقني هالشي

بس كونك تحبسني في البيت

ما أقدر أستحمل هالعيشة أكثر .. لأني تعبت

وإنت يوم تتزوجني قلت لك أنا شلون عايشة

من حقي أطلع أزور أهلي وصديقاتي , من حقي أحضر أعراس الأقارب و الأصحاب , ومن حقي أزور الصالون في أي وقت أحبه

وإنت ما لك أي حق تسجني بهالطريقة , لأني مو حيوانة وأحس

تكلمي معاه بأسلوب مليان حنية

وأكسبي تعاطفه معاج

مرة , مرتين , 10 مرات

لازم يقتنع إن تفكيره غلط , وإلي يصير فيج مب عدل

*

إذا حسيتي إن ما في أمل !..

وهو مصر إنه يدفنج بالحياة

تكلمي مع أهلج .. وخليهم يكلمونه

هو ما أخذج من الشارع , إنتي بنت ناس .. وأكيد أهلج ما يرضونها عليج تعيشين طيلة عمرج تعيسة مع هلأنسان

*

حاول ولا تستسلمين !..

طلعي من هالعزلة , طلعي من هالسجن

الحياة تغيرت .. وأحنا بزمن 2009

زمن سي السيد .. ولى

وحبسة البيوت , والكتمة , أبد ما هي حلوة لج أو له

*

وبعدين من إلي بيوصلج مشوراج ؟!.

هو طبعاً

يعني خايف أو غيران من شنو ؟!..

*

إذا تحسنت الأوضاع و زوجج سمح لج بكل هلأشياء

سوي تجديد لحياتكم

وطلعي معاه أهو بعد

روحوا مجمعات , مطاعم , حدائق .. رفهوا عن نفسكم وشوفوا الدنيا

*

والله يهديه ويصلح حاله

والله اختى ( حلم العذارى ) ما قصرت بالرد
انا معاها فى كل كلمة قالتها
ربنا يوفقك لما فيه الخير لكى حبيبتى ودايما صلى وادعى ان ربنا يسخره ويهديه لكى

مشكورييييين كلكم انا داومت على سورة اليقرة ونفسيتي تحسنت عن اول كتير بس طبع زوجي ما تغير ابدا ابدا ابدا الله يهديه في اعز صديقاتي وعدتني انها تزورني بالبيت وهاد الشي فرحني كتير كتير