تجمع بنات مصر فى ركن العناية بالشعر لشهر رجب 1430-2009الجزء (9)

M!ss Tuky;9833983:

وبردو خدى بالك انو مش هيبقي بالشكل الى انتى شايفاه ده لوحدو لا لا زم سشوار او مكوى فيه عشان يبقي بالمنظر ده انما من غير كده الجو مش هيساعدك :)

أنا برضه كنت نفسي أقصه كده وبعدين غيرت رأيي لأني قصيته زمان وكان بيهيش أوي ومكنتش بعرف أتحكم فيه، يعني في الآخر فعلا كل اللي بنشوفه ده لازم سيشوار أو مكواة عشان يبقى شعرهم كده

soma_200772;9833605:

يابنات عايزه اخد رايكوا فى حاجه

انا شعرى مقصف كتييير وبفكر اقصه لكن مش عارفه القصه يبقى شكلها ايه انا شعرى مش خشن ومش ناعم هو وسط بين الاتنين بس لما بيقصر بيلف مش بيبقى مفرود
فهو دلوقتى لحد نصف ظهرى تقريبا
فالروتين بتاعى انى لما بغسله بحط عليه كريم واسيبه لما ينشف خالص وطبعا بيبقى هايش جدا واقلبه على قدام واعمله كحكه وانام بيه كده واصحى الصبح افكه بيبقى ناعم ومفرود وكويس لحد لما اجى اغسله تانى
لو انا بقى قصيته قصير اوى مش هينفع طبعا ساعتها اعمل كحكه ولا حاجه

يا بنات أنا سمعت دكتورة في التلفزيون بتقول ان لف الشعر في عكس اتجاهه ده غلط أوي سواء طاقية اللي هي معكوسة أو الكحكة المقلوبة بتقول اني لما أجبر الشعراية تروح في اتجاه عكس نموها وأسيبها كده ده بيضعف الشعرة أوي ومن أسباب التساقط
هي قالت الطاقية اللي في اتجاه الشعر مفيهاش مشكلة أوي وقالت كمان لازم الاهتمام بأكل طبق سلطة خضرا كلللللللللل يوم والا تبقىفيتامينات اللي بيحتاجها الشعر مش موجودة ونحتاج فيتامينات أقراص للشعر
وقالت ان زيت الزيتون المستخدم للشعر غيراللي بنحطه على الأكل بس دي بقة أنا مش فاهمة ليه ؟ أنا حاسة انه بيبقى أنضف من اللي بييجي من عند العطار ، انتو بتجيبو نوع ايه؟

1. تقصير الشعر بانتظام يساعد على إطالة الشعر
خطأ. الشعر ينمو من الجذور، وليس الاطراف. وفي حين أن التقصير يزيل الجزء الاخير من الشعر ويتخلص من الاطراف التالفة والمتفسخة، ويمنع وصولها الى الجذور إلا أن العناية بالشعر من الاساس هي الاصل. حافظ على شعرك منذ البداية، استعمل زيوت وملطفات مناسبة للشعر وابتعد عن الشمس والسشوار لمنع ووقف الضرر.
2. تدليك الرأس يحفز نمو الشعر
خطأ. يمكن أن يزيد التدليك من حركة الدم الى بصيلات الشعر، ويزيل التوتر، ويساعد في توزيع الزيوت الطبيعي بشكل افضل على كامل فروة الرأس. وهذا بالطبع يزيد من فعالية بصيلات الشعر ونموها الصحي. ولكنه لن يزيد وتيرة نمو الشعر، يزيد طول الشعر نصف انش كل شهر بشكل طبيعي دون تحفيز.
3. المواد الكيماوية التي تملس الشعر تغير من طبيعته بشكل دائم.
خطأ بينما ينمو الشعر، تتغير طبيعة الشعر. بعد استعمال العلاج الكيماوي لتمليس الشعر تتغير طبيعة الشعر الظاهرة بشكل دائم، ولكن العملية الكيماوية لا يمكنها خرق جذور الشعر. وبالرغم من أن الفتاة التي تخشع لهذه العملية قد ترى شعرا سهل التسريح إلا أن هذا لا يعني شعرا صحيا، بل شعرا متضررا فقد طبيعته للابد.
4. رفع الشعر بذات الطريقة لفترة طويلة يمكن أن يسبب الصلع
صحيح. يعرف هذا التأثير بحالة الثعلبة، ويمكن ان يسبب شد الشعر بذات الطريقة لفترة طويلة إلى الاصابة بالصلع في تلك المنطقة. اربط شعرك بمطاطة خفيفة دون شده كثيرا. وهذا لا يقتصر على ذنب الفرس، وانما يشمل ايضا التجديل، رفع الشعر بالربطات أو الملاقظ لفترات طويلة.
5. تسريح الشعر يجعله صحيا
خطأ. تسريح الشعر 100 مرة قبل النوم لا يجعل الشعر صحيا. في الحقيقة يمكن أن يجعله يبدو اسوء حالا. التسريح المفرط للشعر، يمكن أن يسبب انقسام الشعيرات وتكسير الشعر، كذلك استعمال الاداة الخطأ يمكن أن يزيد من الضرر. يفضل تسريح الشعر بمشط عريض الاسنان، بعد أن يجف بشكل طبيعي بعد الاستحمام.
6. شطف الشعر بالماء البارد يزيد من لمعانه
صحيح. بعد تنظيف الشعر بالماء الدافئ والشامبو، يفضل غسله مرة اخيرة بالماء البارد. الماء البارد يساعد في اغلاق مسامات الشعر وبالتالي يقلل من فقدان الزيوت الطبيعية ويمنع نفش الشعر. تأكد من أن الشعر ناعم واملس باستعمال ملطف مناسب بعد الانتهاء من الاستحمام وعلى الاطراف فقط.
7. الصبغة يمكن أن تغير من طبيعة الشعر
صحيح. ولكن بشكل مؤقت. ولكن احيانا الى الافضل. التلوين الدائم للشعر يزيل الطبقات التي تحمي الشعر حتى يخترق اللون الشعر، وهذا يجعل الشعر اكثر خشونة. ولكن الزيوت الملطفة والمغذية التي تحتوي عليها بعض انواع الصبغات تجعل الشعر انعم وتعيد الطبقة الحامية والعازلة.

shahd-88;9833238:
جوى الحنين .......

بصي انا زيك بردو شعري بيهيش وضعيف ومقصففففففف وخفييييييييف بس هو بعد كتفي بشويه وعملاه ديجراديه عشان يديله كثافة شويه .....
انا بستعمل زيرو فريز بردو بقالي حوالي اسبوعين كده وبعد مبحطه بقلب شعري على ادام واعمله كحكه وبعدين بفكه بعدها بساعتين ولا حاجه بيكون مندي كده ,,, بحط عليه كريم دابر فاتيكا والفه تاني واسيبه شويه كمان ولما بفكه بلاقيه كويس وشغاااال يعني ... جربي اعملي كده .......
كمان حاولي تعملي حمام كريم كل يومين او تلاته مش اكترررررررر ,,,, انا بعمل كده
بحط جرجير وصبار ,,,


عايزه اسأل سؤال يا بنات بلييييييييز ,,,,,
هو الليمون كويس للشعر فايه ؟؟؟؟
ويعني ايه محلب يا cat love ?????

شكرا يا حبيبة قلبي على ردك بس انا شعري قصي اوي زي الي في صورة مشاركة سوما عشان كدا مش بعرف الفه هو كبيره ديلين حصان واحد فوق وواحد تحت عشان اعرف المه كويس

بس عايزة اعرف انهين افيد للشعر حمام الكريم العادي دون والا حمامات الزيوت الطبيعية انهين بيطول الشعر و يغذيه اكتر

soma_200772;9833605:

يابنات عايزه اخد رايكوا فى حاجه
انا شعرى مقصف كتييير وبفكر اقصه لكن مش عارفه القصه يبقى شكلها ايه انا شعرى مش خشن ومش ناعم هو وسط بين الاتنين بس لما بيقصر بيلف مش بيبقى مفرود
فهو دلوقتى لحد نصف ظهرى تقريبا
فالروتين بتاعى انى لما بغسله بحط عليه كريم واسيبه لما ينشف خالص وطبعا بيبقى هايش جدا واقلبه على قدام واعمله كحكه وانام بيه كده واصحى الصبح افكه بيبقى ناعم ومفرود وكويس لحد لما اجى اغسله تانى
لو انا بقى قصيته قصير اوى مش هينفع طبعا ساعتها اعمل كحكه ولا حاجه
فايه رايكوا يابنات هل مواصفات شعرى دى ينفعلها قصه زى اللى فى الصور دى كده مع العلم انى مش بستعمل ولا استشوار ولا مكوا

بصوا يابنات انا شعرى حاليا لما بغسله وبينشف بيبقى زى الصوره دى كده بس اقصر من الطول ده شويه

انا شعري بقى زي اللي في الصور اللي فوق وبندم اشد الندم اني قصيته ساعتها كنت شايفة ان هو ده اصح حل عشان اخلص من تقصفه لكن دلوقتي بتلوع عشان يطول غير انه على طول هايش ,,,,,, وهو طويل كان بيعمل زي الصورة اللي تحت يعني تقريبا فتلة شعرنا متقاربة وادام مش بتستعملي سشوار يبقى هتتعزبي في هيشانه ومش هتعرفي تلميه
ولو ليكي اخوات صبيان مش هيسيبوكي في حالك من التريقة
اخويا سماني صلاح من ساعة ما قصيت شعري ... يرضيكي تبقى صلاح انتي كمان

بنات هو حد جرب شامبو بالموليف ببروتين البيض و الفانيليا للشعر الجاف و المتقصف؟ اصلى جبته و مش عارفة استعمله و لا لأ

جوى الحنين;9836439:

شكرا يا حبيبة قلبي على ردك بس انا شعري قصي اوي زي الي في صورة مشاركة سوما عشان كدا مش بعرف الفه هو كبيره ديلين حصان واحد فوق وواحد تحت عشان اعرف المه كويس

بس عايزة اعرف انهين افيد للشعر حمام الكريم العادي دون والا حمامات الزيوت الطبيعية انهين بيطول الشعر و يغذيه اكتر


انا شعري بقى زي اللي في الصور اللي فوق وبندم اشد الندم اني قصيته ساعتها كنت شايفة ان هو ده اصح حل عشان اخلص من تقصفه لكن دلوقتي بتلوع عشان يطول غير انه على طول هايش ,,,,,, وهو طويل كان بيعمل زي الصورة اللي تحت يعني تقريبا فتلة شعرنا متقاربة وادام مش بتستعملي سشوار يبقى هتتعزبي في هيشانه ومش هتعرفي تلميه
ولو ليكي اخوات صبيان مش هيسيبوكي في حالك من التريقة
اخويا سماني صلاح من ساعة ما قصيت شعري ... يرضيكي تبقى صلاح انتي كمان

ههههههههههههه حلوه صلاح ديه هههههههههه
انتي عارفه انا كمان سالت جوزي ايه رايك اقص شعري زي مني ذكي كده قالي مش عايز واحد صحبي معايا ههههههههههه

بنات اللي جربت شامبو وكريم تصفيف من لوريال تقولي حلو ولالا ؟
وتفتكرو مين احلى كريم تصفيف جارنييه فراكتوز ولا لوريال؟

ساره افندي;9836737:
ههههههههههههه حلوه صلاح ديه هههههههههه
انتي عارفه انا كمان سالت جوزي ايه رايك اقص شعري زي مني ذكي كده قالي مش عايز واحد صحبي معايا ههههههههههه

لي يا عيال انا قاصه شعري دلوقتي كارية وشكلي عسوله فيه اوي مخليني بيبي فيث(y)

انا معاكوا كلكوا يابنات وخايفه جدا من انى اقصه صغير اوى كده بس اعمل ايه فى التقصف
اسيب شعرى على طوله كده وخلاص واقص اطرافه كل شهر واسيبه مقصف كده ولا اعمل ايه
انا برده كل اللى فى البيت عندى مش موافقين خالص على موضوع القص ده بس انا حسيت انه هيبقى احسن حل علشان اخلص من التقصف وان الشعر يبقى طول بعضه


يعنى يابنات لو قصيته على اسوء الظروف يعنى مايبقاش زى الصوره دى كده

roro cat;9836877:
لي يا عيال انا قاصه شعري دلوقتي كارية وشكلي عسوله فيه اوي مخليني بيبي فيث(y)

اغلب الرجاله يااخوتي بيحبوا الشعر الطويل مش بيحبوا صلاح معاهم في البيت
قليل وووووي اللي يقبل صالح

جوى الحنين;9836439:

انا شعري بقى زي اللي في الصور اللي فوق وبندم اشد الندم اني قصيته ساعتها كنت شايفة ان هو ده اصح حل عشان اخلص من تقصفه لكن دلوقتي بتلوع عشان يطول غير انه على طول هايش ,,,,,, وهو طويل كان بيعمل زي الصورة اللي تحت يعني تقريبا فتلة شعرنا متقاربة وادام مش بتستعملي سشوار يبقى هتتعزبي في هيشانه ومش هتعرفي تلميه
ولو ليكي اخوات صبيان مش هيسيبوكي في حالك من التريقة
اخويا سماني صلاح من ساعة ما قصيت شعري ... يرضيكي تبقى صلاح انتي كمان

طيب شعرك دلوقتى ياقمر مش حاسه انه احسن ولا مش حاسه بفرق
ولما تغسليه وتحطى عليه كريم مش بيبقى طرى ونايم كده ولا بيبقى عامل ازاى
ومثلا لو لبستى توكه طوق من قدام كده مش بيبقى ملموم وشكله كويس ولا ايه النظام
على كلامك احنا تقريبا شعرنا فتلته زى بعض فالو تعرفى تجبيلى صوره مقاربه كده مش شكل شعرك بعد ماقصتيه ياريت علشان بجد انا متلخبطه خالص ومش عارفه اعمل ايه

بوصي سوما لو شعرك مش ناعم يبقى انسي فكرة القص
لانها هيعذبك اكتر وهيبقى منكوش وهيطلع عينك لا هتعرفي تلميه ولا هتقدري تسبيه

وفعلا زي ما سارة قالت ممكن يكون شكل القصه لذيذ لكن اغلب الرجاله بيحبو البنت يكون شعرها طويل

وحتي لو ناعم يا انوش المهم الهيشان والتقصيف انا اضطريت اني اقص شعري لاني لما روحت العمرة وعملت عمرتين الحمد الله رب العالمين اتقصلي مرة من الجنب اليمين ومرة من الشمال طبعا مبقوش طول بعض واللي كانت بتقص كانت بتجزر المهم رجعت وقولت خلاص اقصة وفعلا قصيتة كارية قصيير ومن ساعتها اولا نموة بطيئ جدا وبالرغم من انة ناعم الا اني مش عارفة اعمل اية في الهيشان والتقصييف وخصوصا من قدام مش لاقية لة اي حل خالص وكمان مش بلمة لاني كدة بشدة هو بيتعمل ديل حصان قصيير فكفاية وانا خارجة باللبيت بسيبة بس فعلا شكلة وحش جدا بجد والله ومش عاجبني بس حعمل اية مفيش حاجة اعملها لو حد عندة حل يقوللي ومينفعش اعمل لا طاقية ولا كحكة قصيير عليهم يعني كمان لما بغسل شعري مش بيتلف
فبجد انصح اللي عايزة تقص شعرها تفكر كتيير قبل ما تقدم علي الخطوة دي بجد

soma_200772;9837002:
طيب شعرك دلوقتى ياقمر مش حاسه انه احسن ولا مش حاسه بفرق
ولما تغسليه وتحطى عليه كريم مش بيبقى طرى ونايم كده ولا بيبقى عامل ازاى
ومثلا لو لبستى توكه طوق من قدام كده مش بيبقى ملموم وشكله كويس ولا ايه النظام
على كلامك احنا تقريبا شعرنا فتلته زى بعض فالو تعرفى تجبيلى صوره مقاربه كده مش شكل شعرك بعد ماقصتيه ياريت علشان بجد انا متلخبطه خالص ومش عارفه اعمل ايه

هو مبقاش مقصف لأن مبقاش فيه حاجة تتقصف اصلا يا قمر
بس بيهيش جدا جدا جدا ومش بينام خالص حتى لو حطيت توكة من قدام اللي قدام بس هم اللي بينامو والي ورا منكوشين وكل ما يطول يتنكش اكتر لحد لما يطول لحد الكتف واقدر اتحكم فيه
عارفة احمد مكي بتاع كول يا مان
اللي في تامر وشوقية ومع عادل امام في مرجان احمد مرجان
اهو طبيعة شعرنا المُرة الي مكنتش واخدة بالي منها انه لما بيتقص بيعمل زي البروكة اللي هو لابسها دي مش اوي طبعا بس بيتنكش كدا
اعقلي يا بنتي وارجعي عن اللي فراسك ده عشان متندميش زي اختك هنادي
(انا مش اسمي هنادي انا بس بهرج )
على فكرة السيرم بينيمو شوية بس مش اوي برضه

بصي يا سوما
ممكن تدرجيه عشان تقصي كل التقصف على قد ما تقدري بس بلا تتهوري وتشيليه خالص زي ما انا عملت
وبعد ما تدرجيه اعمليه عليه حملة حماية يعني ايه
خدي فيتامين يساعد على نمو الشعر واعقد ان البنات قالو انواع كتير اوممكن تروحي لدكتور يصوفلك حاجة كويسة
تاني حاجة حافظي باستمرار على عمل حمامات زيوت وامبولات ايفا بالصبار مثلا و ماسك البيض عشان غني بالبروتين وهيساعد في الموضوع ده
كتري من اكل السمك عشان اومجا ثري الموجود فيه او ممكن تجيبيها حبوب من الصيدلية
كتري من اكل السلطة خصوصا الجرجير وحبة البركة والشبت لأن قريت عنه فوايد هايلة للشعر
وهاتي شمبو ميكونش فيه كيماويات كتير في من لونا وايفا وبعض الشركات التانية شمبوهات غير اللي بنسمع عنها بيوصفها الدكاتره
وشوفي سيرم وحطيه بعد ما تحطي على شعرك الزيت بتاعك او الكريم المغذي اللي انتي متعودة عليه
انا بحط زيرو فريز وحلو معايا بس احنا اتفقنا انه بيغلف الشعرة بس ويحميها لكن مش بيعالج بمعنى بيعالج
ويا رب اكون افدتك واسفة اني طولت بس والله مش عايزاكي تندمي لأني كان نفسي حد يقوللي اللي بقولهولك ده قبل ما اتهور ويحصل اللي حصل :cry::cry::cry:

بنات انا رحت علشان اجيب بلسم لشعر من لوريل بس ملقتش فجبت بتاع زيرو فريز هجربه واقولكم علي النتيجه بس ياسوما بلاش تقصي شعرك روحي لكوافير كويس يشلك التقصيف كله بس مش يقصره ولو لقتيه اعد فيي شعرك وهوه بيقصو كتير تعرفي انه بيفهم في القص اختي راحت تقص شعرها قصير كده الكوافريست قالها بلاش وقصلها قصة غاده عادل في جعلتني مجرما وشال كل التقصيف وبجد قصه حلوه لو سبتي شعرك ينشف لوحده بيبقا شكلها لذيذ
جوي الحنين اكيد صلاح زي القمر

ازيكو يا بنات وحشتوني اوي اووي
يا بنات هو لو صبغه شعري وانا عندي البريود قيها مشكله؟؟؟
تاني حاجه العمل كرياتين يفدني فيه لاني ناويه اعملو قيرب وفرد الشعر بنسبه قد ايه وازي احافظ عليه يعد ما اعملو؟

توتا كتكوتا ................................................ انتني مش بتستقبلي

رسايل علي الخاص
ما اعتقدشى :o:o يا روزى لان انتى عارفة سوق ليبيا ده عامل زى مثلا زنقة الستات يعنى محلات صغيرة وزحمة وفى حاجات كتير بتتباع هناك زيوت وحنة ومستحضرات تجميل ومكسرات ولب وحاجات اصلى ومغشوش وهيصة يعنى

catlove;9840872:
بنات انا رحت علشان اجيب بلسم لشعر من لوريل بس ملقتش فجبت بتاع زيرو فريز هجربه واقولكم علي النتيجه بس ياسوما بلاش تقصي شعرك روحي لكوافير كويس يشلك التقصيف كله بس مش يقصره ولو لقتيه اعد فيي شعرك وهوه بيقصو كتير تعرفي انه بيفهم في القص اختي راحت تقص شعرها قصير كده الكوافريست قالها بلاش وقصلها قصة غاده عادل في جعلتني مجرما وشال كل التقصيف وبجد قصه حلوه لو سبتي شعرك ينشف لوحده بيبقا شكلها لذيذ
جوي الحنين اكيد صلاح زي القمر

شكرا يا كات انتي اللي زي القمر :shy:

بنات بجد لو سمحتم عايزه حل للهيشان ده

ربنا يكرمكوا يابنات يارب على اهتمامكوا وردكوا وكلامكوا خلانى ارجع افكر تانى فى موضوع القص ده وخصوصا كمان بعد ماخدت راى اخواتى وراى ماما وكلهم رفضوا بشده الموضوع ده
وكمان موضوع صلالالالالالالالالالالالالالاح ده يقلق برده بس والله دمك زى العسل ياصلاح(جوي الحنين)