بذبحها . .

السلام عليكم و رحمه الله و بركاته


يا بنات انا عندي مشكله
مادري اذا هي كبيره او صغيره
المهم
بقولكم اياها و انتوا احكموا و علموني كيف اتصرف


انا توني متخرجه من الثانويه و الحمدلله نسبتي حلوه و ابا ادش الجامعه و ما افكر اني اتزوج او شي، و انا و لله الحمد اخلاقي عاليه و حلوه و اهلي مب مقصرين عليه ف شي . .

تبتدي المشكله ب مرت اخوي اللي تسكن ويانا ف البيت
انا انخطب من و انا ف اول ثانوي . . بس ابوي ما يرضا و لا انا برضا لانه انا صغيره
و ناويه اكمل دراستي و اخلصها . .
مرت اخوي ما تحبني . . ما تطيقني بس تتصرف على اساس انها تحبني
و في مواقف كثيره تثبت انها ما تطيقني و تغار مني
انا اكبر بنت ف البيت . . ف كلمت امي انه اخوها يباني و يبا يخطبني ف امي قالت الها
أسأل ابوها و ارد عليج
ابوي كالعاده ما وافق للأسباب اللي ذكرتها فوق . . ( هذا من سنتين )
عصبت و خذت موقف انه احنا ما نبا اخوها لعيب فيه او شي . .

و بعدها بفتره بسيطه
دقت لها صديقتها على اساس تحدد موعد انه اهل صديقتها ايون بيتنا و يخطبوني
قالت لها و جدامي . . لا سوري بس ( اسمي ) الحين مرت اخوي و خلاص اهلها موافقين و جي
انا انحرجت و ما عرفت ش ارد . . يعني ما احب ارمس ف هالسوالف ابداً . .

من فترره . . ربيعتي اللي ما شافتني من 3 سنين اول ما شافتني تحضني و تبارك لي
على شو ؟ ؟ ؟ ؟ على ملجتي
تتصل الثانيه و تبارك لي على شو ؟ ؟ ؟ على ملجتي
و ربيعتي الروح بالروح تدق تقول لي لو مستحيه عادي بس مب تجذبين علي ترا الكل يعرف انج مخطوبه خلاص ! ! ! ! !
و وحده تقولي خالتي كانت تبا تخطبج لولدها بس قالت لي حسافه البنت مخطوبه ! !

مخطوبه من منوو ؟ من اخو مرت اخوي . .

والله مقهوووووره منها بس تبا تضيع مستقبلي
يعني صح انا صغيره بس هالشي خلاص عالق ف مخوخ الناس
يعني هي ما تباني لاخوها
حتى تيلس ترمس عنه جدامنا على اساس انه يدور مرره و جي
و انا و لا اهتم
بس جد قاهرتني
و توصل دايما كلام مب زين عني عند اي حد و انا الرمسه توصلني من ربيعاتي و ناس يحبوني
تقول الهم هالبنت اهلها مدلعينها و عاطينها حريه زايد عن اللزوم و هالبنت ما تنفع و فاشله ف دراستها و كل شي
مع العلم اني ممتازه . . و اهلي صح مدلعيني بس بحدود المعقول
و عمري ف حياتي ما رديت ع رقم غريب او دشيت جات او شي
مع العلم انه عندي لاب و فون و كل شي اباه بس مابا اضيع ثقه اهلي فيني

ابا اعرف هالانسانه ليش تكرهني هالكثر . . و بعدين سالفه اخوها ابدا ما تستحمل
يعني واصله حدي منها
ما تم حد ما بارك لي . . مب زين جي
والله لو هالشي صاب خواتها ما بترضى و لا بتسكت . .


و هالرمسه اللي وصلتني . . الله يعلم باللي ما وصلني من وراها

والله اني احترمها و لا عمري غلطت عليها و ولدها انا مربيتنه و احبه و اموت عليه
لو كان ولدي ما عاملته جي

ماعرف ش اسوي وياها

ساعدوني