بذبحها . .

اختي ليش خايفه منها!!!

صارحيها جدام امج وقولي لها

فيه نااس تقول اني مخطووبه لاخوج والله العالم من الي مطلع هالكلام

ولعلمج ان مب راضيه واهلي مب راضييين اني اتزووج الحين

وكل اتصال يجيج يبيارك لج قولي انا رفضته عشان تشوه صورته اخووها

هذي مب وجه حشيمة
كلمي اهلج عنها ولا تسكتين وخليهم يتصرفون
او اتفقي مع وحده من ربعش اللي باركوا لج انهم يسوون هالسالفة قدام أمج وكأنهم ما يدرون وأمج بعدين بتعرف من اللي قال هالحجي
اذا انتي ما تبين تقولين لأمج او لأهلج كأنج تشتكين عليها
والله هذي اني اللي بذبحها مو انتي

صج يعني ناس متختشيش !!!

هذي ترا بتوقف نصيبج بعدين

لان كلهم يضنون انج مخطوبه له!!!

حبوبه خلي امج تكلمها او خلي امج تفتح الموضوع في قعده كلكم تكونون موجودين فيها وتحط النقاط على الحروف حزتها بتفهم الكلام لج يا جاره لازم حد يوقفها عند حدها..

هلاا اختي

انتي ليش خايفة منها؟
لاتخافين وخلج واثقة من نفسج
واذا هي داهية صيري أدهى منها!!

لاازم تعلمين امج عن الموضوع ولا تسكتين عنها ثقيلة الدم>> شكلها تبي تقطع نصيبج؟!!!
حسبي الله عليها!!

أففف >< !
انا اعرف انها تبا تقطع نصيبي \ تبا تقطع نصيبي و بس
لانها تغار مني ف كل شي . .
بس انا اللي خايفه منه اني لو واجهتها و صار بيني و بينها شي
تقوم تطلع كلام اكبر من هذا
لانها قبل رمست جدام وحده عني بالشين بس هاي طلعت ع نياتها و قالت هالكلام لي
و امي رمستها
الحين انا ماعرف ش اسوي . . امي تدري بالسالفه و مقهوره منها
بس تقولي انها داهيه و لو كلمناها عادي تطلع اي شي غير
لانه راعيه سوالف و ما تسكت . .

انا اقول لو احاول انشر سالفه انه انا مب مخطوبه و اني لا يمكن اخذ اخوها
بس ماعرف كيف

انا ببتدي تلميحات جدامها و بعد أمي
بس كيف انهي هالسالفه نهائيا ماعرف كيف

و خاطري بس اعرف ليش تكرهني
والله جنه فيها مرض نفسي ، تكرهني كره مب طبيعي
بس تبين لي انها تحبني و جي . . حتى توها من شوي
يالسه تخوفني من الجامعه و تقولي لا تدشين احسن لج و جي
ما تباني اكون احسن عنها

اللهم ثبتنا على ديننا ما أحييتنا.
اللهم بحسن الخاتمة.

خلي امج تكلمها وتوقفها عند حدها .. مو على كيفها تقعد تطلع كلام عنج

انتي يلسي يلسة عائلية مع اهلج و خلكم كلكم مجتمعين.

و فتحي هالسالفة من باب المزاح :

يعني قوليلهم تصدقون صارتلي مواقف غريبة من البنات وكأن حد يالس ينشر اشاعات عني هههه

فلانة يتني و باركتلي على خطوبتي من منو ؟ من فلان اللي رفضناه !

و فلانة ثانية مادري من وين يابت الكلام ( الله يجازي اللي طلع عني هالكلام شر فعايله ) كذا ، و كذا !

لا والمصيبة يتني فلانة ثانية و قالت نفس الكلام

ههههه !

انا محتارة ماعرف اتصرف في هالموضوع .. مادري منو راح يستفيد من هالفعل الشين اللي راح ياثر على سمعتي طبعا اذا انتي حابة تضيفين من عندج او بس تقولين اللي تبينه .. الخ الخ

يعني : حطيهم في الموضوع ، و طبعا هم بيحلون الموضوع جدام بعضهم.

ها ها ها احسها و احلا صيدة ..
بس يارب تضبط ، و ترتاحين من هالمشكلة نهائيا ، يارب.(y)

صراحه معرفش بس ممكن اخوكى يحاول يشوف سكن تانى بعيد عنكوا وشيل ده من ده يرتاح ده عن ده
والله يهديها وصلح لكى احوالك ويوفك فى الخير باذن الله