تجمع الرشيقات .... لفتره النفاس هلمووو يابكريات

فراشه الحمدلله انه الكتكووت وقف الاسهال عنه
ان شاء الله دايم يكون بخير

السلام عليكم ورحمة الله وبركاته


دوووم ادخل ابروووحي اووووووووووووووووووووووف

السلام عليكم ياحلوين
كيفكم اخباركم
والله انصدمت لمن عرفت انه اليوم 20 مقهوووره خلص رمضان
ع فكره كنت بسال مين تاخذ حبوب منع الحمل حقت الرضاعه...؟؟؟ بلييييييز تقلي...
ومين تاخذ حبوب ثاني مو حقت الرضاعه

بنات بسالكم عادي الشعر يطيح مع الرضاعه والحبوب؟؟؟
شعري طاااااح والله ينزل خصل وشعري خفيف صرت مصلعه من المقدمه

فراشه كمدي ارجول ولدك بمويه بارده مره واعملي لها مساج بشكل دائري صدقيني ساعتين ويروح الالم
انا جربتها ببنتي في رجلها الثنتين لمن طعمتها اول مره

يالله والله ياعندي شغل الييييييين الليل ولسى ماخلصت ولا انجزت شي ابي اخلص قبل لاروح بيت اهل زوجي
عشان ارتاح هناك بس استعد لجيت ابو الشباب...خخخخخ

يالله اشوفكم باذن الله...

بجلس هنا الييييين اطفش..


الدخول الساعه 3,37م

هاي نوافس يا حلوين
كيف حالكم يا بنات ...أكيد الأجسام صارت عال ومثل الباربيااات ....عطورة ...مفتون ...جورجيت...حبتين ربي يعوضها خير...وفراشة ...والكل الكل كيف احوالكم واحوال البكاري معاكم
انا عن نفسي عانيت كثيييييييييييييييييييييييييير بس الحمدلله كله اختبارات من رب العالمين ونهايتها أكتأب حاد

بس من 3 ايام قررت اطلع من الي انا فيه ...بمساعدة احد أفراد عائلتي
اما هيونه بألف خير وامي متكفله فيها لان وضع ظهري ورجلي بعد الي صارلي ما يسمح حتى اقوم ببيتي الله المستعان
عندي موعد عن دكتور عضام ممتاز وادعولي يا بناااات
ولا تفكرو اني ما اعرف اخباركم ادخل اقرأ واطلع لأن نفسيتي ماهي مخليتني انكد على حد ههههههههههههه
للأسف اول ما في عمري احس اني بروحي ....بس الحمدلله الله موجود

سلامي للكل وححاول ادخل لما يكون حد عشان احكي معاه

آآآه عندي سؤال...الحليب جف من صدري ولما اعصره بالكاد تطلع قطرات وبنتي رافضة ترضعه لما احاول ارضعها تتركه كأن تطعمت شي مر
هل فيه خطورة على صدري ....او ضروري اشوف دكتورة؟؟؟او عادي حيجف لحاله وهاذي حاله عادية لاني ما رضعت كثير؟؟

شخباركم يا حلوات... لكم وحشه المنتدى ماعرف شو كان فيه البارحة ..

اليوم سويت عالفطور طبخة سمج حلوة.. سهله وسريعه ماشالله .. متولهه عالسمج في رمضان ما ناكله وايد..

ابا اسوي سويت حلو حق باجر بسير بيت اهلي بس مب لاقيه شي معقول.. كلهم ما اتخيلهم فالطعم .. هههههههه

ومن يومين طلعت الاغراض من دولابي ونظمتهم.. لبس الحمل حطيته في بوكس ورفعت فوق الكبت عشان الحمله اليايه ان شالله ههههههه ..

و اللبس المستغنية عنه طلعته حق التبرعات الله يتقبل منا .. مب رياء والله بس حبيت اشجعكم على هالشي.. لأني حسيت بشعور اني اخف .. قدرت اعرف شو عندي وشو ماعندي.. ونظمت دولابي .. والحمدلله سويت هالشي خلال ما بنتي كانت راقدة .. :)

==

عطورة ..

يالله في انتظارج ... :) شوقتيني


==


فراشة ..

فدييييييييييييييييييييته :( من اسهال لين تطعيم حليله ما تهنى هالشهر موليه ..

الله يعافيه ان شالله بوسيلي ريوله مكان التطعيم عشاني بليييز


==

جود ..

الله يهديج كيف مزاجيه احمدي ربج لقيتي شغل الشركات وحتى الحكومة موول ما توظف حد الحين وماكثرهم اللي مب محصلين شغله .. يعني اقبضي ارضج ولا تعاندين والتزمي بدوامج مدام انه الوحام خاز عنج... انتي ما تتخيلين مصاريف البيبي ماشالله .. حفاظ وحليب واغراض و تطعيم و كشفيه .. لا تتخيلين انج لو جهزتي خلاص ما بتتكلفين شي عقب.. لا .. في اشياء بتحتاجينها بالتجربه وبتضطرين تسيرين تشترين ... انصحج انج تتمسكين بشغلج و تبدين توفرين من راتبج من الحيييييييين....


==

مكسووووووورة ...

انزين منو قال لج انه نحنا نتلاقى هههه .. نحنا نقرا ردود بعض ونرد عليها ..

شخبارج وشخبار البطل فديته..

ها سرتي اشتريتيله شي للعيد عقب ما رديتي البدله ولا بعدج


==

جورجييت...

يا حيج والله .. بسم الله ماشالله عليج هاي الهمة .. عيدج عيدين يعني ها هههههههه ... الله يخليكم لبعض ان شالله :)

انا اخذ حبوب سيرازيت للرضاعه.. والله يستر منها .. لأنهم خفاف وايد و لازم تلتزمين بوقت واذا طوفتيه يعني انتي فخطر ههههه .. بس شسوي ها الشي الوحيد اللي ناسبني و بشوف كيف الوضع ...


==

شيراد ..

هلا هلا هلا بالشيووووووووووووخ ... والله انه يوم شفت اسمج فالردود فرحت فرحة كبييييييرة .. ما تتخيلين كيف مكانج خالي والله ..

نحنا كلنا بخير وابشرج لا باربيات ولا شي هههههههه .. نزل وزنا اول فترة وبعدين ثبت .. يالله الحمدلله.. يباله رياضة بس انا وعطورة ربينا قيصرية وشوي شوي لين نبدا نتمرن..

وانتي تفاءلي خيرا ان شالله.. الله يكتبلج الشفاء بإذن الله ويكون هالدكتور سبب في شفائج...

اما بالنسبة للحليب كل ما شفطت بنتج اقل كل ما بيقل من عندج... حاولي تخلينها تمص وتمي سمي عليها واقري عليها عشان تتسخرلج وتطيع ترضع من صدرج ولو شوي..

انا ارضع طبيعي ماشالله بس اعطيها رضعتين او رضعه صناعي فاليوم لأنه حليبي قليل.. بس اراعي انه ما اعطيها اكثر عن 120 مل و نوعية المرضعه مش من النوع اللي سهل فالمص ويصب وايد عشان ما تستسهله و تعاف صدري.. استخدم لها avent


عالعموم طمنينا شو بيستوي مع الدكتور :) و ويلكم باااااااااااااااااك *___*

مفتون :(
زهقت وربي

المديرة ما تبينا نرتاح حتى بريك عشر دقايق مو راضيه
كأني مكينه مو آدميه
كلمت خالتي قالت لي بتتوسط لي عند وحده في مكتبة عامه
على الاقل وظيفه حكومية وما فيها تعب
اتأخر 10 دقايق عن الشغل يسوون لي سالفه اطلع من البيت قبل نص ساعه من الدوام
واحيانا قبلها ب 40 دقيقة بس الشارع زحمه
ويوم قلت لها بجي بدري قالت لا ما يصير
يعني انا قلت بداوم 7 لين 1 احسن من 9 لين 3
تقول لي لا \\
والله مو مرتاحه بشغلي مفتون \ امي قالت لي لا تستغيلين الا لما تحصلين وظيفه وهذا اللي بسويه
هالاسبوع بلتزم من جد وراتبي اللي بينزل ما بخسر منه شي ع الاقل بخلي 1000 ريال
لأنهم بينزلونه قبل العيد \ وبحافظ على نفسي حتى طلعات ما بطلع
بصك على نفسي
لين ما احصل ظيفه بالمكتبه العامه وان شاء الله خير

الله ايسر لج يا جود...
اعرف مب سهل الالتزام فالشغل اللي يكون جذيه وايد صكه.. بس الواحد لازم يضحي شوي..

ومثل ما قلتي لين تحصلين لج شغله ثانية وعقب ربج ايسرها..

الله يسمع منج مفتون
ادعي لي الله يخليج

بنات ضايق خلقي ولدي فيه بوصفار وترد بالمستشفى لان نسبته مرتفعه
ويوم قلت طلعوه واليوم وديته موعده طلع زايد وبكره برجع اوديه خايفه يرقدونه
مره ثانيه
ماعرف شاسوي عشان يخف عنه

ربي يشفيه ان شاء الله

صاحبه اذا رجعوه عندهم تمي اقريه عليه قرآن امسكي القرآن واجلسي جنبه واقري
وربي يحفظه ويخليه لكم يا رب

الشفا عند الله

صاحبة الظل الخفي..

حبيبتي لا تخافين نص اليهال يستويلهم ولا يضرهم ان شالله .. ها شي عادي..

هو المفروض البيبي يتعرض لنور الشمس ومب اشعة الشمس..

يعني النور اللي يكون خلف الشباك ومب اشعه الشمس المباشرة

واحسن وقت 7 الصبح او بعد ال 3 ونص الظهر ..

على اساس ما تكون شمس حاميه .. و بس لمدة ربع ساعة تخلينه يتهفهف بلا ثياب وما يكون المكان بارد ابدا..

مفتون اول مرة اعرف هالموضوع
زين انج نبهتيني
اذا عندج معلومات ثانيه افيدينا

السلام عليكم ورحمة الله وبركاته

شكرا حق كل اللي سالوا عن ولدي

الحين هو احسن الحمد لله

هلاااااااااااااااااااو بالحلوات..

تولهت عليكم الله يخس هالسيرفر التعبان لازم يبنشر في الشهر مره ...


شخباركم كلٍ بحاله..

انا هاليومين اللي فاتوا قضيتهم بين زيارات الاهل و سرت السوق خذت حق زوجي هديه حق العيد.. ما بغيت اغير عادتي وياه هالعيد عشان ما يحس بالفرق.. صح انه الميزانية مقصوفه هالفترة ههههههههه كله من تحت راس النونو القمر فديييييييييتها بس بعد الحمدلله الله قدرني وخذت له شي بسيط يستفيد منه :)

خذت له نعال العيد .. ان شالله يكون ملبوس العافية ..

ما اوصيكم.. حاولوا تاخذون لازواجكم ولو شي بسيط.. ان شالله عطر او مضرب مسك يتطيب به.. ولا تطوف هالمناسبة الحلوة وتلهون ..


--

جود ..

هلا يا حلوة.. عادي ترا البوصفار يستوي حق وايد يهال وما منه مضره.. اذكر يوم كنت مربيه سرت الحضانه اشوف بنتي الفجر .. لقيت اثنين يهال حاطينهم تحت الجهاز مال البوصفار فديتهم.. و الباقين راقدين في سراير عادية .. الله يعافيهم فديتهم ..


--

مكسورة ..

تستاهلين سلامته البطل فديته.. بوسيلي اياه :)


--

جورجيت ..

اكيد سرتي عند الحبيب هههههههه الله يهنيكم ان شالله ولا يفرقكم ابدا ..


--

فراشة ..

ها شخبار صوصو هاليومين شو اخر مغامراته... الحين البيبي في سنه شو يسوي؟ يتجلب صح.؟ ومتى يتعلم يجلس؟؟


--

عطووووووره ..

يالله انا صورت لبس بنتي .. صوري لبس بنتج و سويلنا لفة الشعر خلنا نشوف الابداااااااع ..


--

صاحبة الظل الخفي..

ان شالله خف وليدج؟ رجع البيت؟


--

شيراد..

خلاص ييتي مره وشردتي؟

وهذا لبس بنتي للعيد ان شالله..


قوووووولوا ماشالله .. :)

بس باقي الاقيلها جوتي يناسب و لفة شعر عشان يكمل اللبس ان شالله :)

السلام عليكم

شخباركم بنات؟
مفتون من جد الفستان حده كيوووت
تتهنى به يا رب

انا اليوم يزعم رحت الدوام الا مسؤولة قسم الموارد البشرية
تنتظرني الا تقول لي تعالي بكلمج بالغرفه لحالنا
انا قلت بتكلمني عن حضوري
الا ماعطتني ورقه استغالتي .. من جد يعني مدري جت من الله
ولا ارتحت منهم والحمدلله .. بس اللي قاهرني اني مدوامه 5 ايام من بدايه الشهر
الا وهو اسبوع يعتبر وموراضييين يعطوني المبلغ .. بس قلت لها ربي ما ينسى عباده
واذا لي حق باخذه .. تخيلوا سبحان الله رديت متضايقه شوي
مو عشاني انا عشان زوجي بيستلم الحين مصروفي بعد
الا جوالي يرن انا على بالي المسؤوله قلت ما برد خلهم يولون
بعدين قلت لا خلني اتصل يمكن احد ثاني
اتصلت الا جاوبني هندي وقلت اشوى مو هي
وكلمته قال لي عندج مقابله الساعه 1 تقدرين تجين ( مقابله عمل )
سبحان الله .. والحمدلله على هالشي
ورحت سويتها ونجحت مقابلتي وقال لي بكرة او اللي بعده
بيتصلون فيني عشان يخبروني متى اداوم
قال لي شهرين تدريب بعطيج 2000 ريال .. ومن بعدها بزيد راتبج
قلت الحمدلله احسن من 1950 ريال وعلى مذله اخذها
والاهم من هذا كله انه تبع وزارة العمل .. يعني اذا فنشوني
ما راح يفنشوني الا بعد ما يعطوني حقوقي والا اذا انا استغلت
في صندوق للتقاعد وهذا اللي شوي مريحني بالشغل
وان شاء الله اجي ابشركم متى راح اداوم

بعد بكرة عندي موعد عند الدكتورة وان شاء الله تبشرني انه ما احتاج ربط يا رب
وتصير البشارة بشارتين .. قولوا آمين يارب
وان شاء الله وضع البيبي يكون بخير ما بقى الا كم يوم ودخل الرابع
ويبقى لي 5 شهور انتظر التاسع

جود بسم الله ماشالله ..

الله يتمم لج على خير يا حبيبتي.. سبحان الله باب ينسد وباب ينفتح..


بس عاد ماوصيج.. *داري على شمعتك تئيييد*

حسج عينج تخبرين فلان وعلان

وتقولين اخويه واختي

ولا كلمه.. اسكتي لييييييين ما يتم الموضوع و توقعين عقد الشغل وعقب بشري الناس اللي حواليج.. لأنه مب كل حد يقول ماشالله.. وفي وايد ناس مالهم حظ .. فأحسن لج تدارين نفسج لين ما يكون الموضوع انكتب في عقد وبعدييييين ارمسي.. :)

شفتي يا الله شهر رمضان شهر خير
وما بقى الا كم يوم وينتهي .. الله يعين بس
وان شاء الله ربي يرزقنا بكل ما هو خير
واشوف ظناي بعد كم شهر
ويحفظ بيبياتكم كلكم ان شاء الله

شوفوا موضوعي

http://forums.3roos.com/t483381.html#post10264114