تجمع الرشيقات .... لفتره النفاس هلمووو يابكريات

هلا بنات شخباركم؟

وحشتونييي وايد

وسلامه عيالكم ما يستاهلون

هلا جود..

وانتي بعد لج وحشه...

بنتي رقدت 15 دقيقه وقامت والحين بسم الله ماشالله عليها يالسه تلعب ولا تقولون الدنيا الصبح ..

هلا امهات كيفكم

اخبار الحلوين الصغار

مفتون عسي ما شر وسلامتك الف سلامه عليكي فديتها نونوه الله يحفظها ليج يارب
والله جراب اللي وصفه للي الدكتور الان افضل والله مره صار نحيف هذي الفتره
هذا ابني جالس بعد بس يلعب اشوي واشوي يصيح

جود كيفج واخبار الحامل معج

عطوره كيفيج واخبار ريوفه ان شاء الله احسن الان

مكسوره اخبار ابني ان شاء الله احن الان

فراشة انا بنتي لين الحين سهرانه ماشالله عليها مارقدنا اليوم :(

صباح الخير
شخباركم؟؟

مفتون طالعه عليج دامها سهرانه لين الحين بنتج
فديتها بوسيها لي ربي يخليها لك
فراشه مالج الا تروحين الصيدلاني وتقولين له ايش اللي يخفف الاسهال
دام مافي فايدة من الدوى وان شاء الله يشافيه
او اكتبي بقوقل وشو ينفع للاسهال للبيبي بس شوفي اكثر من راي
واسألي اذا كان تمام سويها
وربي يشفيه ويروح عنه


انا امس بالغصب جاني نوم الساعه 4 ونص
تعبت وانا اتقلب ونمت
واليوم بعد ساعه عندي دوام :(
الود ودي ما اروح انام \ بس يوم الخميس ما راح اداوم
معجزة اروح اسبوع كامل ما اغيب فيه ولا يوم :)

فراشه حملي بخير الحمدلله
يوم آكل كثير يستوي لي ثقل مو طبيعي
وتطلع الكرشه على قدام بس يوم اخف بعد 3 ساعات او 4
تدخل الكرشه على داخل ولا كأني حامل هههههههههه
والله مدري شسوي عشان تطلع لي هالكرشه
بعد 6 ايام عندي موعد مع الدكتورة .. وان شاء الله خير

باقي لي 6 تقريبا من مثبتات الجل بعدي ما استخدمتهم بالثلاجه
ولا لي خلق استخدمه مدري وش طرى علي بس بحاول اليوم استخدمه
امري لله لين تخلص العلبه .. زهقت
ام زوجي موجودة بالبحرين يوم السبت بتروح تقول لي خلهم يضربونج على الاقل
3 ابر عشان البيبي يتثبت احسن من الجل اللي ماعطينج
بس اتوقع غالي الابر عند الدكتورة .. خاصه اذا الجل 250 ريال
اجل الابرة كم .. ربي يعين بس

هذرت عليكم وااايد .. على طاري العيد سويت لي عباية
وطلعت كيوت .. وشريت لي فستان قصير تقريبا وسط الركب
وشريت توب ابيض باقي له تنورة قصيرة لونها اسود
ويوم الخميس بإذن الله بروح السعودية

هلا هلا بالحلوات

فراشه ريوفه اليوم احسن بكثير الحمدلله يارب

وسلامته صوصو ياعمري عليه اخاف بتطلعله اسنان ولا لا

مفتون سلامتك يالغاليه عسى ماشر

جود الله يعينكم والله طيب سؤال بس انتم سعوديين ولا ايش بلدك البحرين وتقولين سعوديه وريال خخخخخخخخخ

ولا انتي بحرينه وزوجك سعودي

عط المحبه ر;10248575:
هلا هلا بالحلوات

فراشه ريوفه اليوم احسن بكثير الحمدلله يارب

وسلامته صوصو ياعمري عليه اخاف بتطلعله اسنان ولا لا

مفتون سلامتك يالغاليه عسى ماشر

جود الله يعينكم والله طيب سؤال بس انتم سعوديين ولا ايش بلدك البحرين وتقولين سعوديه وريال خخخخخخخخخ

ولا انتي بحرينه وزوجك سعودي

هلا عطورة
امممم تقدرين تقولين ابوي نصه سعودي ونصه بحريني
يعني عمومي وعماتي كلهم عندهم الجواز السعودي وابوي عنده
بس ما جدده جا البحرين وعاش فيها مع ابوه عشان امه سعودية

جورجيت آمين الله يسمع منك يا رب

هلا بالعرايس ..

انا اليوم سرت زيارة بيت وحده من صديقات الجامعه.. ووااااااااااايد استانسنا ماشالله ... والكل لعب ويا بنتي مب مصدقين كيف الايام مرت واستويت ام ههههههههههه ....

احلى شي في رمضان الزيارات.. مع انه رمضان هذا صرت اثقل عشان بنتي عندي .. بس بعد بحاول ازور ارحامي قد ماقدر ان شالله...

--

جورجيت..

هلا فيج .. مطول الغيبات ياب الغنايم.. يوم انج لين الصبح واعيه ادخلي التجمع اكتبيلج رد عالاقل نتطمن عليج.. نحنا قلنا اكيد ضعفت ونستنا الدباديب هههههههه

حتى انا وزني ثابت بسم الله ماشالله ههههه .. شو نسوي الحمدلله على كل حال.. احتاج العب رياضه الكرشة ما تروح بالريجيم والتخفيف.. وعن بنتج لااااااااااازم فستان ما يستوي فالعيد بدلة

ولا تنسين تقرين عليها عاد.. :)

--

جود..

اتصلي العيادة واسئلي عن سعر الابر احسن.. ماعتقد انه في فرق فالسعر.. بس انتي خذي راي الدكتورة شو افضل لج.. وان شالله يثبت حملج وتشوفين ضناج فاحضانج :)

شخبار الوحام وياج..


--

عطورة..

الحمدلله على سلامة ريوفة فديتها ان شالله تستوي بخير.. كل يوم افتح التجمع اتذكر ثياب العيد ويوم ريلي واعي انسى هههههههه

--

فراشة..

طمنينا على صوصو ..

هلا هلا بالحلوات

جورجيت من طول الغيبات جاب الغنايم


بسويها لروروتي طيب تنفعلي حتى انا جاتني صخونه الله يعين بس

مفتون الله يسلمك يااااااااااااااارب

وعلى الملابس انا باقيلي ربطات الشعر اذا خلصتها نزلتهم مره وحده

مفتون

الحمدلله الوحام راح عني
باقي اسبوع وادخل الرابع بإذن الله

وحامي خفيف هالسنه مو زي ذيك المرة
الحمدلله

بس الصداع ربي لا يجيبه لكم كل مرة يجيني واليوم بزودها
ما رحت الدوام
بكرة بروح ادور لي شغل ثاني
زهقوني \\ يقولون اذا مرضتي مو من مسؤوليتنا لازم تلتزمين بدوامج
لا والله صحتي عندي اهم من الشغل وخاصه هالمرة ما ابي اخسر البيبي
الشغل يولي ما يهمني ان شاء الله برروح بكرة واحصل لي شغل
خاصه عندي شهاده دبلوم وان شاء الله خير

هلا امهات كيفكم واخبار الصغار الحوين معكم

جورجيت هلا والله منوره الله يخليكم لبعض حلو التغير والله يسعدج دوم مو يوم

مفتون والله نوم قليل ما ينامو الا الصباح الساعه9 كل يوم على هذا الحال

اما على الاسهال الحمد الله سويت له عصير رمان والحمد الله وقف الاسهال عنه

واليوم وديت ابني للتطعيم وزنه 7 كليو وتطيمتها الان تلمه مو راضي احد
يحرك رجوله وهو بس يحركهم يبكي فديته

عطور كيفج واخبار ريوفه
ومس ديور كيفج واخبار احمد
وباقي البنات