تجمع الرشيقات .... لفتره النفاس هلمووو يابكريات

بنات شو اخباركم؟؟؟

بس بغيت أسألكم سمعتو عن اللف التنحيفي بالأعشاب؟؟؟ وهل يفيد في مثل حالتنا؟؟

هااااااااي

اسفه على الغيبه المفاجأه بس يابنات انا فيني شي غريبوانتم بكرامه بس استفرغ الاكل الي اكله ما اتحمل شي

مفتون مشكوره على السؤال

واخبار الكتكوته

جورجيت اخبارك ياعسل وبنوتك اخبارها

وباقي النفوسات اخبار بيبياتكم

وحيالله كل من انظم لنا

جورجيت ومفتون ترى حبوب الرضاعه خفيفه تنفع بس للي يدر الحليب در من صدرها مفتون لاتغامرين فيها بنت خالي حملت منها

تعبت لي اسبوع وزياده

عطووووووووووره واعليه عنج! انتي بعدج تستفرغيين.؟

سرتي المستشفى؟ اكيد في شي مضايق معدتج.. الله يعافيج ان شالله وما تشوفين شر...

على موضوع الحليب مسكينه بنتي اخليها تمص لين ما تتعب عشان يطلع الحليب غصب ههههههه

والحين الحمدلله احس اييها حليب وبديت شوي شوي اقلل لها رضعات الصناعي..

فديت ريوفه اكيد الحين عايشه على الحليب الصناعي .. ان شالله ترد لج عافيتج وتردين تحاولين ترضعينها ...

طمنينا عليج عطورة بليز...


---


Um Nawara

والله انا سمعت عن مساج التنحيف بس ماسمعت عن لف الاعشاب.. تسوينه فالسبا؟

على طاري هالسوالف.. امس في ام بي سي صباح الخير ياعرب كانوا حاطين وحده في سبا في لبنان اعتقد تسوي شغله خاصه ببطن الحرمه بعد الولادة .. اول شي يرسمون مربعات على البطن و يضخون في كل مربع شي بسيط من غاز معين في طبقة الجلد مب فالبطن نفسه .. و لون البطن يتغير وخصوصا الخط اللي يطلع بالعرض حوالي السر.....

شي حلو بس يخوف مادري احس الطبيعي احسن..

صباح الخير يا مهات كيفكم

واخبار الصغار الحلوين

طوره سلامتج ماتشوفين شر

مفتون وجورجيت ونونه مس ديور وباقي الامهات كبفكم

بروح اشوف سوالفكم لاني غبية عنكم فتره

وحشتوني كثير

ما شاء الله سوالفكم وهلا في اللي انظمو معنا

اوحده عليه تهتم في فترة النفاس في اكله لانه كانه حامل وهي حامل تحساب غذاء للي في بطنها
ولمن ترابي تحسب على الرضعه للطفلها

اما على الحبوب منع الحمل في حبوب يزيد الوزن وفيه يخللي الوحده عصابيها
انا ما استخدامة الى الن اي شي لا زوجي رافض اني اسوي مناع اي طريقه هو رافض
ومحتار هل ممكن يصير حمل حتى لو ما جتني الدوره من الاربعين

مفتون ابني ما ينام كثير وبذات في الليل ما ينام وصار معي صداع والم في عيوني وراحت المستشفي
وقلت الدكتوره من قلة النوم والنوم لان مو بيدينا بيدا اطفالنا الصغار

فراشة

شخبارج وشخبار صوصو

معذورة عرس اختج وانتي اخت العروووووووووس العين عليج

عاد لا تنسين تحصني واقري على عمرج الناس بيقولون هذي اللي توها مربيه ماشالله


وعن صوصو انصحج تمسحين بطنه مثل ما علمتج وان شالله يرتاح .. وكل يوم شربيه شاي اعشاب الغاازات مال البيبيات بين الرضعات .. وان شالله شوي شوي بيرتاح بطنه

ما تتخيلون شكثر ظهري يعورني احس شوي و بينقص ..

ابا ادور حد يسوي لي مساج


نحن الحريم الكبار عندنا يقولون يوم الحرمه تمر بطلق الولادة تتفكك كل عظامها علشان جذي لازم يسوون لها مساج او مثل ما يسمونه الكبار مسح او تمريخ...

بدور لي حد يسويلي .. ان شالله احصل..

مساء الخير ياحلوااااااات

هلا مفتون وفراشه اخباركم
انا الى اللحين وانا تعبانه بس اليوم احسن افطرت ولا حسيت بشي بحاول اكتشف وش الاكل الي يضايق معدتي

وريوفتي ماترضع مني الا شوي اخاف يوقف الحليب مني

ريم ولدت بتاريخ 26/6
والحمد لله وجابت احلى بنوته سمتها علا
امضاء
ام ريم

السلام عليكم ..

كيفكم جميعآآآ

سلاماات عطوووره مااتشوفي شر ياااقلبي ..

كيفك وكيف العروسه .؟؟

فتووونه وفراشه اخبااركم .؟؟

ريم الف الف الف الف مبررررررروك مااجك ويتربى بعزكم ياارب

والحمدلله على السلامه ..

ماااشاء الله بنفس تااريخ ولادتي ..

رييييييييييييم مبروك يا حبيبتي

تتربا في عزج علا..

الحمدلله على السلامة يا حلوة .. يالله تحملي على نفسج و طمنينا عليج في اسرع وقت :)


--

نونه ..

هلا يا حلوة اخبارج .. نحنا طيبين مشكورة عالسؤااااال :)


--

عطوره ..

عليج بالروب حبيبتي .. لأنه يحارب اي نوع من السموم يكون فالبطن و يريح المعدة .. عاد ماوصيج اشربي سوائل وشوربات وعصاير قد ما تقدرين عشان تعوضين اللي راح منج الايام اللي فاتت وعشان يستويلج حليب.. فديت ريوفه عانت وياج ... الله يعافيج ان شالله حبيبتي....

السلام عليكم
بنات كيفكم
اعتذر منكم بجلس فتره مادخل لاسباب نفسيه
نشوفك على خير وانتبهوا لانفسكم

جورجيت;9872997:
السلام عليكم
بنات كيفكم
اعتذر منكم بجلس فتره مادخل لاسباب نفسيه
نشوفك على خير وانتبهوا لانفسكم

جورجيت عن المصاخه

اسباب نفسيه بتيبين حق عمرج الاكتئاب ان ما دخلتي

الله يعلم بالحال شكثر هالفترة متعبه لا نوم وبعيدين عن ازواجنا والم جسدي .. بس مافي شي يسليني غير المنتدى و سوالفنا مع بعض.. الحمدلله على كل حال ..

لا تحرمين نفسج الصحبة .. هالشي الوحيد اللي ممكن يسليج مهما كانت مشكلتج ..

انا حاسه فيج ولو اني ماعرف شو بالضبط موضوعج .. بس انتي شخصيتج قوية و صبورة من عرفتج وانا ملاحظة ماشالله شخصيتج قوية .. فأكيد اللي مضايقنج شديد ولا ما بتستسلمين له بهالسهولة ..

استوي حرمه وادخلي سولفي ويانا وفضفضي.. الكآبة ما بتنفعج

"ألا بذكر الله تطمئن القلوب" .. ونحن للأسف الحين محرومين من الصلاة .. والله البارحة اقول حق زوجي مشتاقة اسجد حق رب العالمين.. ما يكفي اني اقرا قرآن من محفوظاتي.. احس اني ابا اصلي ابا اسجد ابا اركع .. هالرابط بين الانسان وبين رب العالمين ما تحسين بأهميته الا اذا فقدتيه .. احس انه هالشي هو اللي مخلنا هالفترة حساسين و نفوسنا مب متطمنه...



والله يوم حد منكم ما يدخل ويشارك انا اتضايق :( خواتي كلهم مسافرين وامي بتسافر عقب كم يوم يعني محد بيتم ويايه .. بعد انتوا ما تشاركون .. (w)

اخباركم يابنوتات

انشاالله الجميع بخيير

والله اني خايفه بعد الولاده يتغير جسمي بنات وشو تنصحوني فيه وشو استخدم

iهلا مفتون حبيبتي كلنا وياج اختي لا تحاتين

و حبيبتي جورجيت في النفاس يصير جذي بس انتي اقري قران وتعوذي من ابليس ودخلي التجمع ننتظرج

رنيم الشوق #;9873348:
اخباركم يابنوتات

انشاالله الجميع بخيير

والله اني خايفه بعد الولاده يتغير جسمي بنات وشو تنصحوني فيه وشو استخدم

جورجيت سلامات بسم الله عليك

قولي الاذكار بكثره

وان شاءالله مايكون الا خير

السلام عليكم
تسلمون ع هالكلام
احس نفسي الحين أحسن شوي
جات اخت زوجي وغيرت جو معاها شوي والحمد الله ع كل حال

الحمدلله يا جورجيت قوي قلبج و احمدي ربح عالنونو تراها عمة من رب العالمين و غيري جو مع اهلج و الاصحاب

عط المحبه ر;9873801:

حبيبتي انا ابشرك ان جسمك بيروح فيها بس لازم تعتنين فيه ف فتره النفاس
ولازم من اللحين تتهيأين نفسيا ان جسمك بيخرب

لا لا لا تقوليييييييين طيب وش اسوي

انا بروووووووحي خايفه ياالله اللي يبي الدح مايقولش اح