~'*¤!||!¤ تجهيزات عرايس البحرين { الخمسين 50 } ¤!||!¤*'~

بحرينية*;9770354:








المكياج رووعه من قلب وخصوصا هالصورتين...
بس القهر محد يعرف يحط لج بنفس المستوى..
ما الينا الا انروح الكويت:tongue:
شكرآ حلم على الصور...(y)

حلم العذارى;9770460:

هو فعلاً ..,

بالبحرين ما في وحدة بتضبط لج مثل هالستايل تماماً

بس عندنا خبيرات تجميل .. هاي ستايلهم " الوسط "

مثل ( عايشة الريس , إبتسام كمال )

*

العفوووو .. حاضرين للطيبين!..

وصج التغيير مطلوب جداً

وبعض الأحيان تسوين أشياءات عادية وبسيطة

بس تطلعين مميزة من قلب

ههههه أنا بعد حبيت الأولى أكثر شي

بس حطيت لج كذا وحدة , علشان يصير عندج حرية الإختيار

والثلاثة !..

سويتها مرة في صالون سلوى - نورية -

أستغربت مني

تقولي أول مرة أسوي تسريحة فخمة وبسيطة جذي

والفلبينية إلي تحط بودرة الجسم , أنسحرت على التسريحة هههههههه

تقولي وايد حلوة من سواها لج ؟!.

وكانت سلوى تحط مكياج لعروس

قالت لي تعالي بشوف تسريحتج ؟!.

تهبل!..

هههههههه

كنت لابسة فستان قصير أسود

ومكياجي كان سموكي أسود ودرجات البرتقالي والأصفر

وصار ستايلي مثل الستينات , من فستان إلى تسريحة , والمكياج

ملكة الغروب;9777579:


اعتقد محلات اللى عندهم اكسسوااارت بتحصلين عندهم مثل بلغاري

ووو ناسيه بعد يعني تحصلين دبل على ووو علامه الجوده بلغاري نعوووومي

ستايل جديد يعني اتوقع اسعارهم فوق 50 ديناااااااار :D

أنا الشوق;9777487:
بنات عطوني أسامي محلات تبيع دبل حق الرياييل
مابي الدبله العاديه، أبي شي فيه حركه ومميز

ذيج المره جفت في ألبوم وحده ان دبلة ريلها بلغاري،،تتوقعون بجم؟؟؟

أنا الشوق;9777659:
مايغلى عليه خخخخخ
هذا احنا دبلنا بالمئاات وهم قاصين عليهم مساكين بهالدبله خخخخخخخخخ مشمخه وحالتها حاله

انزين جفت من فتره هالخاتم "كالفن كلاين" بس مادري يصلح كدبلة ولا لا :think:
هو صج جنه تاير خخخخ بس شكله غريب








واذكر دبلة ريل اختي كانت على شكل عجفه أو شي جذي يعني مب ساده، بس عاد من 10 سنيين الحين

حصاصي;9777664:
حبيبتي عندج دبل كارتيه بولغري مونت بلانك وهذلين اسعارهم من 300 - 700 دينار انا كنت ابي اشتري حق ريلي مونت بلانك ب 500 دينار

واذا تبين فضه عاديين بس حلوين عندج محل في سوق الرفاع يصير اخر محل عقب الديلو عنده حلوين واسعارهم ع 10

حصاصي;9777664:
حبيبتي عندج دبل كارتيه بولغري مونت بلانك وهذلين اسعارهم من 300 - 700 دينار انا كنت ابي اشتري حق ريلي مونت بلانك ب 500 دينار

واذا تبين فضه عاديين بس حلوين عندج محل في سوق الرفاع يصير اخر محل عقب الديلو عنده حلوين واسعارهم ع 10

ملكة الغروب;9777722:

حلووووه مشمخه هههههههههههههه ,,, بس تعجبني الساده رووووعه

حتى انى حقي كنت ابغي ساده ما حصلت ولين حصلت وحده غصب عجبتني

ووو شريت لى دبله كلها فصوص ووو خاطري اشتري ساده ووو ذهب ابيض




اذ بلبس سلفر اكسسورات احلى يصير :D





طلعنا خرطي هههههههههههه بالاسعار ما قصرتي حصاصي لج بالاسعار

ما تغلى عليه خطيبج شووواقه ,,, واتوقع دبل اللى يعجبونج على 500 دينار

مثلي ما تطيح عيوني الا على الغالي ,,, الغالي للغالي:o:D :D

أحلى امولة;9777863:
بنات حبيت اقولكم اني قاعدة اجرب العلاج lpg اذا استفاديت منة راح اخبركم ... يمكن اخيرا الكرشة تخف

دهن العود;9770685:

أنا الله يسلمج

خذت الورد من محل يم بيتنا

يم جبود مشتان الرفاع

مركز حمد كانو الصحي

المحل يمه بنفس الشارع

الورد خذته من كذا مكان روشان والمحل اللي يم القهوة
والمحل اللي سويت عنده الباقة أسمه
سارموني

أو مادري شنو أسمه

بس سواها لي رخيصة على ما أذكر لأن طبعا الورد الصناعي
والكريستال

كل شي من عندي

يعني هو بس رتب لي الورد
(y)

كأن 15 دينار

والورد طلع علي كأن إذا ما خاب ظني 10 وشوي

يعني طلعت كامل ب25

(y)(y)(y)

سنفونية حب;9770713:
يسلمووو يا الغلااا .. والسعر وااايد تمااام .. و شكلها كانت حلوة .. بجرب بكرة اروح اشوف .. وان شا ءالله احصل شي مناسب و على الميزانيه ما ابي اتعدى اللمت لان خبركم سالفة الفستان اعفست لي المخططات فوق تحت .. الله لا يسامح اللي كان السبب

المهم ما علينا ثانكيووو عودي الله يرزقج خير الدنيا والاخر .. و دعواتج لي بتيسير الامور .. [/CENTER]

دهن العود;9770793:

لالالالا اهي على ايامها كانت حلوة اللحين خلاص راحت موضتها أحس

خخخخخخخخخخخخخ

مالت أول

هذي صورتها

غربة الليل;9776137:

صباح الخير

حبوبات بغيت منكم مساعدة
عندي باجر خطوبة وكنت بروح السعودية باخذ فستان
بس جوازي مو عندي
احين لازم اليوم اروح اشتري ليي فستان
رحت بوكوارة ورحت سوق واقف ورحت جدعلي بس ما عجبني شي
ابغي شي فخم وحليو
ممكن ادلوني على اماكن غير
وما عندي الا هاليوم ادور
واذا تعرفون احد ياجر فساتين ياليت تخبروني
ترى حجزت لي صالون انسة البحرين وخذيت مكياج ب 30 دينار
ودفعت عربون اذا ما حصلت فستان ما بروح حتى الحفلة
اتمنى تساعدوني لان عادتا اشتري فساتيني من السعودية

وافصل في البحرين

حصاصي;9777004:
تقريري حق هالويكند

رحت السعودية امس
اول شي رحت فينيسيا عشان اخذ الترجية طبعا ماجهزت فقررت اني اخذ وحدة من الجاهزين جفت ترجية وايد حلوة بس كانت سلفر وانا ابغي ذهبية فقالي في في فرعنا اللي في مجمع الجمعه :ss: فقلت له اتصل احجزها لي وبروح اخذها من هناك وشريت لي بعد شوز سلفر حق الاستقبال وحق الصباحية بعد حلو في كرستالات ناعمه وافكر اخذ مثلة غولد حق الجلوة

وعقب رحت سويكت خذت البطايق لان اخيرا اجهزو بس قهرني:mad::mad: انا قايلة له يسوي لي بس 10 بطايق اطفال وع كيفة سوة زود مسوي 16 وحدة وقال جدام امي انا سويت لج زود عزباله بستانس عاد امي تقولي زين عشان نعطي اهلنا قلت لها لا هذيلين الزود بشقهم مافي يهال زود يدشون وشلت البطايق خشيتهم في شنطتي <<<< متعقدة من اليهال واللي سوه في خطوبتها :ss::ss::ss:

وعقب رحت حق الخياط مال الفستان واخيييييييييييرا جهز ماشالله تبارك الرحمن رهييييييييييييييييب صج صج الزف ياب نتيجه وياه سواه وايد حلو بس الطرحه ماحط لي فيها فصوص فقلت له اترسها لي فصوص بايي اخذها الاسبوع الياي

وعقب رحت مجمع الجمعه خذت الترجية وحماتي خذت شوز حق عرسي حقها وحق اختها احنا كنا جايفين نفسه في كوز ب 22 دينار وفي الجمعه ب 15 دينار خذناه منه 2 عقب المقاصص ب 10 دينار الواحد وشريت لي ثياب حق الحنه خذت لي بنجابي أحمر وايد حلو بس بروح اسوي بنطلونه برمودة وامي شرت لها شوز حق عرسي بعد وشنطه

عروس متفرغة;9777308:
المهم بنات حبيت احط لكم تقرير الزواج الى كان عدنا ليلة السبت بفندق الدبلومات

- فستاني من منسون قصير وحده حده ناعم وحطيت عليه اكسسوارات ذهبية ولبست صندل تعب جلوتي ذهبي وسويت شعري استشوار سيدة وانا حطيت الى روحي الميكب لان الاخت الله يسلمكم كانت يوم اليمعه رايحة ستي وشرت لها حمره من ماك برتقالية واصريت ان انا احطها وايد حلوة كانت معن انا براطم بس بعد طلعتهم وايد حلويين حتى الى في الحفلة في ثنتين سئلوني مسوية عملية قلت لهم لا وادعوا الله لا يغير موضة البراطم قول انشاء الله لا رد اتعقد من روحي.

- اختي الصغيرة هم لبست فستان من منسون ناعم وقصير واختي الكبيرة والمديم نفس الشي المهم ما علينا منهم.

- كنت ابي اصور بس تأخر الوقت وماصورت خخخخخخخ وقلت يمكن في فالفندق تصوير دلين الى يون وي الاستديو بس ما كان فيه.

- الاستديو كان اسكوب ونفسها الفلبينية الى صورتني موجودة هناك وسلمت علي وقالت للحين انتي عصبية ههههه.

- المسرح كان من قرية الافراح وكان حلو وناعم بفخامة.

- كان على الطاولة كب كيك ازرق اللون وي القند هم نفس اللون ومسوين اعلب زرقة ومحطوط فيها كوفي جاي وهل لون والكنينس هم صابغينه باللون الازرق والكراسي بعد لان البطايق كانت للون الفضي والازرق.

- دي جي كانت ليلى غنية عن التعريف.

- انجي اللحين الى العروس طبعا شعرها ما عجبني كلش لان مسويتنه اعتقد بالفندق وماحاولت اسالها خير شر والميكب كان لبناني قح ابا عن جد يعني كان فوق العين سلفر وي اي لاينر اسود وحمرة ياية برتقالية محموة (عاد افهموا اللون) ولابسة عقد حده حلو وناعم وفخم واو واو والفستان تفصيل خارجي ابناني على اوربي ناعم وايد بس كانت حدها ناعمة وفرش ونفس طرحة الى يالسة تكتب لكم التقرير ما يلست على المسرح من اتي غنية حلوة قامة ورقصت نفس الشي ههههه موتهم الرقص وصاروا عرايس ما يقدرون يمثلون ان اهما رزة مو ربشة هههههههههههههههههههه.

- العريس كان لابس بدلة وي تاي وشي المنديل ازرق اللون.

- البوفية تعرفونه صح

- المهم المعازيم كانو لابسين مجموعة فساتين منوعة وايد حلوة وراقية في نفس الوقت وموديلات ما شفتهم من قبل عن جد حلوين.

- المهم الزواج كان على قوع وباب وايد حلوين بس احلى شي عجبني عن جد وصار حده رومانسي المكان ان كان يم الدي جي فيه بيانو محطوط وبعد مدة من الاستمتاع وقفت ليلى عن الدي جي ونزل المعرس من على المسرح وشغل البيانو ويلس يغني اغنية حدها حلوة الى عروسة والعروس قامت ترقص على المسرح واهي اطالع العريس الى مستمتع بالغناء وخلاص صار العريس اهو المغني لنا الى يحي الحفل وحنا مستمتعين ههههههههههههههه.

طبعا انا الى الساعة 3 يوم اطلع من الفندق ورجعت الشقة ورقت والساعة 6.30 امس ابي ايلس عين مفتحة معين مغمضه هههههههههههه مو قادرة اواصل.

وتوتا خلصت


وبس بنات


بس في النهاية انا اقول شي العرس صج بالغناء يصير غير وفرش وعن جد عرس بس بعد مجرد رأي بالنسبة لي يابنات لاحد يزعل مني.


اي نسيت اقول لكم بعد سوا لهم واي تريمبو وال يومي هههههه وحده حلو كان الكل موجود على المسرح

وحاليا بدور لكم لون الحمرة الى اختها وبقول لكم عن مشترياتي:wink:

أنا الشوق;9778004:
ملكة الغروب

متى تجهز صورج؟؟ نبي نجوف :o

تدرون عاد أنا الاستوديو ماعطيني السي دي عشان أختار الصور من ذاك الاسبوع وللحين ماخترت :ss:
مصوريني 800 صورة ولازم أختار 60 دار راسي عدل خخخخخخخ

عروس متفرغة;9778211:
طبعا بنات شريت لي حمره من ماك

برتقالية هادئ واسمها Vegas Volt وايد حلوه عجبتني

ورحت مونسون وشريت توبين بعد الى الشغل

ورحت الدو وخميت الاكسسوارات من عندهم طبعا اول مرة في حياتي اشتري لي اكسسوارات وايد عجبوني ما بين الذهبي والفضي.

شريت لي بعد تراكي من مونسون

وبس هذا الى اذكرة حالياً

تحياتي

عروسو

هذيان;9778129:
روحي جدعلي وبوكواره
وسمعت عن محل في سترة اسمه بنت كويد فساتينه من السعودية
واسعارهم من 30 وطالع (y)



صوري لنا التراكي :D


(y)



تصدقين في خطوبتي ما مداها الفلبينية تصورني شي
كل حين ما جوا يسلمون علي وخاصة كنت تعبانة وخطيبي مصخن
فصورتني صور شووي
وتوهقت واني اختار لان الصور مكررين
فانتين بتستانسين بالصوور
وتقدرين تخلين الاستوديو يطلعون لش 60 صورة
والصور الي عاجبينش عدليهم بالفوتوشوب وطلعيهم في الاستوديو

أنا الشوق;9778351:
ايه فيغاس فولت لونها حلو
وألدو عندهم سيل ولا لا ؟؟؟ وشكثر نسبة تخفيضهم؟؟؟
أبي اشتري لي اكسسوارات كبار حق اليد،، مضاعد وهالسوالف



ويي وعليه
انا اغلب الصور اللي صوروني كله فيها حركات، يعني ناس يسلمون علي
واليهال في الارض يشيلون الفلوس
والفلوس طايره في الهوا خخخخخخ يعني تعيشين الجو
وصوري اللي بروحي أو انا وخطيبي اللي اخترتهم من السي دي الواحد فوق ال70 صورة
والسي دي الثاني بعد فيه صور أحلى
الله يعيننا بس خخخخخخ

وتدرين انا كنت أبي أم ملاك بس انتي خذتيها قبلي :UP202:

انزين باخذ رايكم في شي
الحين انا باسوي البومين،،، واحد لي وواحد فيه الاهل وياي وجذي
أمي تقول لي اللي لي اسويه المجله،، والحين هم مسويين لي 60 صورة ب100 دينار والمجله الصور عددهم أقل أعتقد ب180 دينار
تهقون يعني يسوى اسويها ولا لا؟؟؟
انا ساعات يصير في خاطري بس ساعات أقول خساره