سنفونية حب;9772762:
انزين اللحين ساعدوني في شغله ثانية بليز .. ابي اماكن يسوون بارسلات حلوة و لذيذه بسعر زين .. غير الجميع للتموين والمنار و اللبناني ..وين بعد في خيارات اخرى ومجربه و ثقة اكلهم ؟؟
قيصر بارسلاتهم (y) و حلوة و شي معتبر و عندش بعد طارق بس ما جربته صديقتي اخوذهم حق ملجة اخوها و تمدح فيهم و ترى حتى الشعلة مال المشويات يسوي بارسلات احنا مجربين من عندهم و حلو و سعر البارسل تقريبا 700 فلس زايد قاصر مو متأكدة
و شخبار الباقة الحين حصلتين لو لاء طمنينا؟
*عيون الليل*;9772923:
:cry::cry::cry:بنااااااات .. خلاص مابي انخطب
حاسة بتوتر وخوف مو طبيعي كلما يقرب اليوم!!!
شسوي .. أحاول ألهي نفسي .. لكن مازال الخوف بداخلي .. ودقات قلبي 1000000
اسم الله عليش عيون
عادي حبيبتي ترى كل العرايس يصيدهم جدي قبل الملجة شعور جدا طبيعي و على التجهيزات ترى تخلص حتى في يوم تقدرين تكملين شغلش بس هدي روحش و شدي الهمة
الله يتمم ليش على خير و يوفقش
نور القمرر;9772958:
بنات اذا زواجي بيكون شهر 3 يعني ربيع الاول
تاريخ جم ابتدي تجهيز خاصه انه شهر 12 و1 بيكون محرم وبيكون امتحانات اخر نص السنه
هلا نور
اني اقول مثل البنات ابتدي الحين بالحجوزات المهمة مثل الصالة و الصالون و جهزي الشقة و برزيها على سعتش
و الثياب الخفيفة استغلي الحين التخفيضات في كل مكان روحي الستي كل مكان تخفيضات طبي و تخيري عاد
لؤلؤة المحرق;9773545:
هآي بنآت شخبآركم .. بالنسبة لتزيين الصحن مع الشوكه حق قص الكيكه مع الصينيه مآلتهم ..
اودي من عندي لو مآل الصآله خخخخخخخ .. يعني الصحن والشوكه مع الصينيه من عندي لو آخذ من الصآله
واوديهم ؟؟ بس آحس تعب اروح الصاله علشان صحن وشوكه وصينيه .. بس شرآيكم ؟؟
لؤلؤ حسبي الله على بليسش:dd:
مت عليش من الضحك شنو تروحين تاخذين الصحون من الصالة اكيد من عندش اصلا احلى بألف مرة من مال الصالة
من عندش الصحون و الصينية و الشوك وديهم محل الورد و انتهى الموضوع(y) و ان شاء الله ما بيطلعون الا حلوين مثل صاحبتهم
دهن العود;9775372:
بنااااات وحشتوني
والمنتدى مخرف مادري ايش فيه
البارحة من الملل ما عرفت شنو أسوي (n)
ابي اقولكم تقرير السعودية
طلعنا من البيت الساعة 1 الظهر
بعد صلاة الجمعة مباشرة
والحمد الله الجسر ما كان وايد زحمة
على طول رحنا فينيسيا على ما تغدينا
وصلينا العصر بدوا المحلات يفتحون
دخلنا كذا محل
بالبداية كنت متفائلة
بس عقب جم محل صادني أحباااط
من الززززززززززززززين
للأسف الشديد
ولا وحدة فينا شرت شي
أو أقتنعت بالفساتين
اهم حلوووووين وما عليهم غبار
وكشخة
والموديلات حلوة الألوان
متنوعة
بس
أحنا ما دش خاطرنا شي
مادري ليش
وبنروح مرة ثانية أحسن والله يعين
مع ان يوم شفنا الوضع هلون طلعنا من فينيسيا العصر
رحنا مجمع الجمعة وبعد نفس الشي
لا عودي لا تحبطيني حاطة كل املي اني احصل فستان هناك:confused:
امس رحت الستي و نفس الشي في كواتر عندهم اشياء حلوة بس مادش خاطري شي و قلت بروح السعودية هناك الخيارات اكثر و ان شاء الله احصل هذا غير انه ارخص يعني نفس الفستان اهني و هناك بس السعر يفرق
سفيرة الغلا;9775533:
السلام عليكم >> شحالكم بناات؟
جم يوم احاول ادخل المنتدى مادري شالسالفة ،،
اليوم يايه اقولكم تقريري،، توني جايه من عرس
العرس كان في فندق الريتز قاعة الغزال ،، وصلت متأخره لكن الحمدلله ما فاتني شي
مشكوورة اختي ع التقرير
و اكيد طلعتي مثل القمر
BASHORAH;9775421:
امممممممممم تقريري لهاي اليومين
يوم الجمعه ما طلعت
بس رحت بيتنا وقعدت انظفه وووووواحط باقي اغراضي >>يازعم كبرت وصارت مره
واليوم رحت الستي وشريت لي جم فانيله
وطلعت من الستي ومريت على الفستان زواجي وخذيته
الفستان الحمدلله راضية عليه وعاجبببببببببني حده
الحمدلله ان الفستان عجبش هذا اهم شي و مبروك على وصوله بالسلامة
بس ما قلتين وين فصلتينه؟؟؟<< هالبنية ما تستغني عن فضولها:tongue:
زمن الطفولة;9775842:
جميع ياربي يوفقنا ويوفقكم
زمن الطفولة;9775842:
تقرير حجوزاتي للملجة
الحفاف عند ابتساام << يوم الثلاثة
الاربعا الملجة بروح صالون العفرااء (a)
وان شاءالله أطلع واني راضيه عن نفسي وعاجبني شغلهم يااربي (a)
هلا زمنووو
ان شاء الله بتطلعين مثل القمر و احلى
حدها قريبة الملجة خيوو الله يتمم ليكم على خير ان شاء الله